نبي مظاهرة بورصوية أمام المبنى!!

الموضوع في 'السوق الكويتي للأوراق الماليه' بواسطة careful_invest, بتاريخ ‏15 يونيو 2005.

  1. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    853
    عدد الإعجابات:
    286
    نقلا عن الأخ العزيز فيرسون في منتدى نوادي المضاربة..مقالة أكثر من رائعة..

    أعتقد محتاجين واحد من الاخوان المحللين يكتب مقالة موضوعية وقوية ينتقد الأوضاع الحالية في البورصة..لا بد من تحرك اعلامي يعري ويكشف سوء ألاحوال في البورصة والتخبط الحاصل خارج المعايير المنطقية والعلمية..
    التحرك مطلوب يا اخوان ولا المصاخة راح تزيد في المستقبل ولا ينفع معانا عقود بالمليارت أو غيرها مادام المؤشر أصبح يتحرك حسب أمزجة المحافظ..
     
  2. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    انا اختلف وياك بهالشي

    شنو مظاهره اخوي ارجع الي طريقة تداولك وايضا الامر اللي صاير طبيعي وعادي
     
  3. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    شلون مو طبيعي الا طبيعي ونص الي قاعد يصير !

    مو انت يا الريان قايل بعظمة لسانك ان الخبر يكسر الشارت ؟؟ افيه شارتنا ما انكسر بالنزول مع المخازن 300 مليون سنوي وقبله مليارين شالسالفه ؟ ولا تغير يا حليله هالشارت مستمر بالنزول الله يحفظه مطنش الاخبار ولا جنه صار خبر ...التلفزيزانت الاقتصاديه تعلن الخبر جنه انفجار ...وشارتنا ..الا وراسه الف سيف الا ينزل

    شارتنا بالمجموعه الماسية اي شي ... بس اشهد انه مع غير المجموعه طيب وكويس اغلب الاحيان
     
  4. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait

    عمري كاقلت الخبر يقتل الشارت

    بالتحليل تقدر تشوف الامور السلبية والايجابيه


    الصبر انا ماعمري قلت هالكلمة تاكد وليرحم والديك
     
  5. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    ووالدينك

    انشالله اتاكد ..ونايس ويك اند
     
  6. فانيليا

    فانيليا موقوف

    التسجيل:
    ‏18 ديسمبر 2004
    المشاركات:
    264
    عدد الإعجابات:
    0
    انا مستغربه بس تطيح البورصه ولا واحد يخسر يقعد يناشد الشيخ صباح الاحمد واليوم شى يديد نسوى مظاهرات وين قاعدين احنا

    انا بعرف اذا توكم داشين البورصه وجذى قمتو تصارخون عيل شلون راح تستمرون فيها هم بالصراخ و المظاهرات والمناشده للشيوخ

    مثل ماقال الريان ارجع الى طريقه تداولك البورصه تهبل ياحلوها
     
  7. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    والله انا مع الي يناشدون الشيخ صباح ويكتبوله شعر بعد

    اذا يقدر يرفع البورصه والله ناشدوه ... فلوس هذي ... على فواتير الكهربا ناشدووه اعضاء مجلس الامه شلون فلوس بالالاللالالالاف

    وذا تقدرون تناشدون اي واحد ناشدوه اشورانا دامه بيزيد ارباحنا ويقلل خسايرنا

    صح انها طريقه غلط اعترف وطريقه غير علميه والمفروض الحكومه ما تتدخل بالبورصه الا بنطاق ضيق .. بس الديره كلهها تناشد بو ناصر بالصغيره والكبيره ..رواتب ..علاج بالخارج ..اثنين متهاوشين مع بعض يناشدونه ..الخ

    وبزرصتنا يا حلوها ..يا حلوها ..ويا حلوها ليم ترتفع اكثر
    :)
     
  8. ودي اربح

    ودي اربح عضو نشط

    التسجيل:
    ‏1 أكتوبر 2004
    المشاركات:
    3,728
    عدد الإعجابات:
    0
    مكان الإقامة:
    ديرة الخير
    السلام عليكم..............


    الاخوة الاعزاء انا جربت الاشاعات وربحت وجربت التحليل الفنى وربحت بس الاشاعه او الخبر ما يكون كل مره صائب معاى ريحت بالى وقمت امشى على التحليل الفنى اامن والله يوفق الكل انشالله . :)
     
  9. كويتي 2005

    كويتي 2005 عضو جديد

    التسجيل:
    ‏2 مايو 2005
    المشاركات:
    288
    عدد الإعجابات:
    0
    طولوا بالكم وانشاء الله من يوم السبت راح تشوفون انطلاقه صاروخيه لمجموعة المخازن وخاصة سهم سلطان ، ولا تسئلوني ليش
    بس يصير السبت راح تعرفون السبب

    وتذكروا كلامي ;)
     
  10. Bo Saleh

    Bo Saleh عضو نشط

    التسجيل:
    ‏31 مايو 2005
    المشاركات:
    130
    عدد الإعجابات:
    0
    " خلق الانسان من عجل " صدق الله العظيم
    والمخاض هو طريق الولادة
    إن الله مع الصابرين
     
  11. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    853
    عدد الإعجابات:
    286
    مادري شلون أرد عليك أخوي الريان على جملة "كل شي طبيعي"..مادري هل تقصد الحر شي طبيعي في الصيف..أم تقصد السفر شي طبيعي هالأيام..شنو اللي تقول عنه طبيعي..الحين الصحافة والاعلام يقولون بان ما يحدث في المجموعة ضغط متعمد للتجميع بأرخص الأسعار..وأغلبية ربعك في المنتدى يطقون أرباعهم في أخماسهم وهم مو قادرين يستوعبون اللي قاعد يصير بالمجموعة خصوصا بعد اعلان 15 مليار غير ال 3 مليارات اللي ما نشفت أرباحها للحين..
    الحين أسعار النفط وصلت 55 دولالر..أسواق الخليج مشعللة..مشاريع اقتصادية ضخمة..استقرار سياسي..عقود بالهبل تجاوز حجمها عشرات المليارات..وتقولي شي طبيعي لما البورصة تنزل..لا والمؤشر (المحترم) يصعد لما يصرح العم بوناصر لكن ما يلاقينا ويه مع كل الظروف الاقتصادية الممتازة والعقود الجبارة..شنو يعني..هل اصبح الحين مؤشر البورصة يشتغل عند الحكومة وينطر تصريح لكي يصعد!!!!!
    أعتقد اخوي الريان اننا تجاوزنا هذه المرحلة اللي ممكن تقنعنا بان ما يحدث هذا شي طبيعي..لأن كل الشواهد تقول ان ما يحدث هو ام (الغير طبيعي).
    اما طريقة تداولي فأكد لك بانه طبيعي وتكانة وذرب لله الحمد..فانا لله الحمد مستثمر ولست مضارب وعندي خلطة حلوة من مجموعة المخازن وفوقهم سهم الفجيرة ..ولكن مقهور حيل من اللي قاعد يصير في البورصة من تلاعب وتحايل وظلم..وكلمة الحق ترفع انسان وتذل الشيطان..
    وللعلم انا ادري ان المجموعة صاعدة بمشيئة الله..ولكن ما ارغب ان يكون هذا الصعود على حساب هالمساكين اللي قاعد يطقطق بكم بيزة في البورصة عشان عقبها يستانس في سفرة أو يشتري له سيارة أو يسدد قرض..
    فلازم نعريهم ونفضحهم حتى تلك اللحظة التي يرفعوا فيها الأسهم علشان تعرف الناس شنو النوعية السيئة اصحاب الضمائر الميتة اللي قاعدة تخرب اقتصادنا وتلعب في مصير هذا البلد..



    ونسأل الله ان يحمينا من شرور المحافظ..
     
  12. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    مستثمر حذر


    انا اتكلم عن السوق بشكل عام لا اتكلم عن سهم معين بذاته ان كنت تريد ان نتكلم عن المخازن فانا مقتنع الف بالمية باللي صاير فيها واذا تبي الصراحة اخذ هالحسبة
    14 / 5 = 3 مليار لكل سنة الحد الاعلى خلنا نقول متوسط مليارين ونص يعني 750 مليون دينار والشركة تربح الثلث منهم يعني 200 مليون دينار سنويا للمخازن متسوط ارباحها من العقد هذا اذا هامش الربح قوي السوال لماذا ارفع السهم الي سنوات فيها ربح ولم يتضح الربح في السنة الاولى يعني بشكل اخر المخازن البي اي مالها حاليا يصل الي اكثر من 13 بالنسبة لاعلان الربع الاول لكن هل تريد ان يشتري المستثمرين الكبار من سهم لايعلمون ما سوف يربحون هناك استياء من تجار كبار حول هذا العقد لانهم برايهم يجب الافصاح عنه وانا اختلف معهم بنقطة واويدهم بنقطة اختلف من ناحية الخوف من السهم واويدهم من ناحية يجب ان تكون هناك شفافية بالموضوع .

    بالنسبة للسعر السهم بالسوق النقطة الاخري سعره الحالي يعادل 5700 تقريبا يعني السهم مانزل حيل صحيح ما ارتفع حيل عن العقد القديم لكن يجب ان نعرف العقد القديم كان اشارة خضراء لترشيح المخازن بالعقد الكبير وهذا ماحصل اليس القاعدة تقول اشتر بالاشاعه وبيع بالخبر وهذا ماحصل ( اذا سوقنا تعامل بالمثل ولله الحمد ) .



    وايضا نرجع هل السوق طبيعي وضعه بالنسبة لطريقت تداولك ان شاء الله مايعبها شي بس انا اتكلم بشكل عام يعني كثير من الناس شروا اللبنانية باسعار قريبه من 1.100 وهي تعتبر عند الهاي 1.120 وهذا امر خطا لو كان يعرف التحليل الفني يعني الخطا في اللي شراء وايضا هناك امور كثيره تصل الي بارسائل الخاصه فيها اخطاء الاخوه والله ازعل لانه يحز بخاطري انه هالطريقه تضيع افلوس الغالبية .



    نقطة مهمة مستثمر حذر لو سالت غالبيتهم وقلتهم شنو تشتري سيارة او تلفزيون جان قعد يتفلسف لك عن السيارة اللي يبي يشتريها وعن الاسباب وعن وعن وعن الي ان ترى ان الشخص حرص على شراء السيارة التي لايتجاوز سعرها 10.000 دينار وبنفس الوقت شرائه بالسهم تقوله ليه شريت السهم او شنو تشتري سهم بلحظه واحد يجاوبك من غير لا يعطيك ولا سبب مبرر مقنع بعكس السيارة مع العلم ان شرائه للسهم ضعف تكلفت السيارة يعني السهم كلف عليه اكثر من 10.000 دينار وايضا ماسال عن سرعت نزول السهم وصعوده بعكس السيارة التي لن تتعرض لهذه المشكله بالغالب.
    الامر يطول لكن يحز في خاطري كثيرا ان لايعرف المتداولين طريقت التداول وكانهم اتوا ليحصلوا على الارباح من غير اي شي ، يعني لو سالت اهل التجارة يقولك الاسهم اسهل طريقة للتجاره لكن يجب ان تكون فيه حريصا اكثر من حرص بعض التجارات الاخرى .


    الموضوع طويل لكن اريد ان اشير الي هذه النقاط وبالنسبة للمخازن والفكرة وردة فيه لا اقول سعر السهم رخيص ولا غالي لكن من مصلحة الكل ان لايرتفع السهم بالوقت الحالي .
     
  13. حريص

    حريص عضو جديد

    التسجيل:
    ‏25 ابريل 2004
    المشاركات:
    429
    عدد الإعجابات:
    0
    كلامك منطقي يا اخ ريان بس تعتقد انه سوق الكويت يمشي على هالكلام ترى على فكره الخلل مو منك ولا من المستثمر االخلل كله من السوق والمحافظ الي قاعده تلعب بالسوق حتى المحافظ الي قاعده تسويه يعتبر حق مشروع لها لانها بالخر تبي ربح ما يهمها لا فلان ولا علان اهي محاسبه من قبل ملاك هذي المحافظ
     
  14. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait

    للعلم السوق الكويتي مؤهل للعب من اي سوق اخر لكن هناك تجار يحمونه وانبته لهذه النقطة السوق الكويتي كله على بعضه القيمة السوقية للسوق تصل الي 28 مليار او بالقرب منها ام السوق السعودي شركة الاتصالات تتجاوز 8 مليار دينار وايضا سابك تصل الي اكثر من 28 مليار دينار يعني لو ارادت احد لامحافظ اللعب بالسوق تقدر ولا انفى هالشي لكن بعد فضل الله واهل السوق الكبار يمنعون هالشي .



    وبعدين خذ هالنصحية خلك مقتنع بكل الامور وابحث الاسباب وايضا خل السوق يمشي وراك ولاتمشي ورا السوق بمعني تطلع السوق ينزل تدش السوق يصعد صحيح ماراح تقدر اطبقها بالحرف الواحد بس اهي ممتازه للمضاربين مما تتيح لهم فرص كثيره بالربح

    الموضوع طويل طويل طويل وان استئذنكم واشوفكم على خير .
     
  15. حريص

    حريص عضو جديد

    التسجيل:
    ‏25 ابريل 2004
    المشاركات:
    429
    عدد الإعجابات:
    0
    ومنك نستفيد طال عمرك وما تشووف شر درب السلامه
     
  16. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    853
    عدد الإعجابات:
    286

    مشكور الريان على هالكلام المنطقي..لكن ما يستوقفني في سياق الكلام ليس موضوعيته بقدر ما أراه تناقض بين ما المفروض ان يكون وفقا لكلامك وماهو فعليا حاصل وفقا للواقع الحالي..
    بمعنى جزء من صعود السهم لا بد ان يكون تجاوبا مع اعلانات أرباح الربع الثاني وهذا كلام مية مية (ولا فراخ الجمعية)..ولكن الا تتفق معي (وان شاء الله ما تفشلني :D ) بان لا بد ان يكون جزء آخر من الصعود هو تجاوبا مع اعلانات صاروخية لعقد 14 مليار (شكبرها بحلجي وانا أكتب) وكذلك عقد المليار وشوية..كذلك ما تتفق ان يكون على الأقل من باب الاستحياء شوية صعود تفاعلا مع ارتفاع اسعار النفط والمقومات الاقتصادية القوية..
    اللي صاير اخوي الريان هو بان المحافظ صكتها بوهة اعلان العقد في توقيت كان غير متوقع..
    رصدي للمعلومات من خلال علاقات ومعارف (شفت شلون واصل!!) بان لم يعلم أحد عن توقيت اعلان العقد الا دائرة صغيرة جدا جدا من القناعات..
    زين شنو اللي صار عقب ما طلع لهم صعرورة الاعلان..تهسترووووووا...تسعرروووووا (ادري لغويا خرطي بس علشان أكمل الوزن)..حاش ذممهم قولون سرطاني فقاموا يخمون الأكو واللي ماكو..يحركهم شوية قهر..شوية عناد..شوية طمع..وشوية تصفية حسابات..يعني تقول مشروع (خلطبيطة شفط)..هل هذا عدل..
    طيب هالمستثمر العاقل التكانة اللي يخط كل قرار على أساس قلم ومسطرة وشوية معادلات بورصوية يحسب فيها الدعم والمقاومة..يدرس كل احتمالات النزول والصعود والسكون..قولي شلون الحين يقدر يحسبها مع تدخل المحافظ التعسفي والتحكم بالأسعار كيف كيفهم (كوري وانا حر فيه)..
    الزبدة اخوي الريان بان وضع البورصة كالتالي..اسهم ارباحها قوية ما تصعد لان المحافظ مو مشتهية..واسهم ارباحها وعقودها قوية تنزل لان المحافظ مشتهية..والامثلة عد وخربط..

    بالتوفيق للجميع