نحتاج لمظاهره امام البورصة

[السهم الامريكي]

مو معقوله الدول كل مالها وتطور واحنا وكل مالنا قاعدين نرجع هذه مصيبه كل اسبوع لو بتلاحظون مصيبه جديدة من هالسوق يا جماعة لازم نشوفلنا حل ووقفه من هالادراة ترها ما صارت (

 

[careful_invest]

فضحتونا

فضحتونا يا محافظ..يا بورصة..يا حكومة..يا مجلس..جدام العالم..
محافظ استغلالية ماشية عكس المنطق..بورصة متخبطة بقراراتها ونظامها الحاسوبي اللي كله معلق..وحكومة عايشة على البركة..ومجلس كله مناحر ونفاق..شنو بقى لنا يا شباب..حتى رياضتنا صارت في النازل وما فيها بركة..والله قهر

الله يكون في عونا يا شباب..
صج ويا شابات (تستاهلون حقوقكن السياسية)..

 

[النوط الأخضر]

دائما وابدا ارد واقول الله يلعن الحسد, هالتجار ما يبون احد يربح حسبي الله عليهم (

 

[غازى]

هل سويتوا مظاهرة تأييد وشكر لمدير البورصة والحكومة لما صعد السوق من 2000 الى 9000 نقطة ؟؟؟؟

 

[careful_invest]

هل سويتوا مظاهرة تأييد وشكر لمدير البورصة والحكومة لما صعد السوق من 2000 الى 9000 نقطة ؟؟؟؟

ما سوينا تدري ليش..كيفنا!!
(كيفنا) مو الصج..
لكن الصج ان من الطبيعي ولازم ولابد ان يصعد..ولو ما صعد في ظل الأرباح الممتازة والعقود الكبيرة والظروف الاقتصادية الرائعة كان كتبنا مثل ما نكتب اللي قاعدين نكتبه الحين.. (فهمت شي؟)

المهم ان فينا مظاهرة!

 

[masxmas]

انا اول واحد يكون معاكم بالمظاهره وراح تلاقوني رافع شعار < ماهكذا تؤد الابل >

 

[خالد العتيبي]

هل سويتوا مظاهرة تأييد وشكر لمدير البورصة والحكومة لما صعد السوق من 2000 الى 9000 نقطة ؟؟؟؟

ما سوينا .... تدري ليش ؟؟؟ لأن لا الحكومة ولا مدير البورصة كانوا السبب في صعود السوق .... ولو انترك الأمر للحكومة أو ادارة البوصة كان المؤشر الحين حول ال100 نقطة ....أما ليش المظاهرة الحين ... فلأن الوضع اصبح تصفية حسابات واستعراض قوة بين الكبار ... والصغار اللي حاطين ما وراهم ودونهم ... ويمكن اكثر ... هم اللي يروحون في الرجلين .... أما الكبارية ... يروحون لدواوينهم ومكاتبهم ويستعرضون " شفت وشسويتلك في فلان ... وريتك فيه " بدون أي حساب للألوف من البشر اللي ضاعت بسبب هالفلان ... علما ان فلان هذا اللي الكلام عليه ...ما يهمه لو خسر فوق خسارته اضعاف ... الرصيد مليان (جمع ملايين) والحرب مستمرة ... وغدا يوم آخر ... للمزيد والمزيد من الضحايا ....


وسامحوني ..

 

[السهم الامريكي]

[/size]لا تعليييييييييييييييييييق يالبورصة

جنه المنتخب جدام كوريا
والله عيب

 

[السهم الامريكي]

يعني الحين بيراضونه بهالساعتين احنا نبي حل جذري ونظام صح وعدم تخبط في اتخاذ اي قرار وبس
على هالوضع مالنا الا المظاهرة نبي دماء جديده بالادراة عشان نحس بالفرق

 

[سهم كويتي]

وانا بعد وياكم


متى ؟ لازم نحدد وقت ويوم معين ؟

 

[خالد العتيبي]

السهم الأمريكي ...
حدد متى تبي المظاهرة وبعد تحديد موعد معين ... اسأل الأخوان في المنتدى من يود المشاركة ان يعلن مشاركته والتزامه بالموعد المحدد ... وانشالله تتم هالمظاهرة في اسرع وأقرب وقت ...

 

[السهم الامريكي]

اتمنى يكون تحديد الموعد من قبل شخصية محبوبة ومعروفه بالمنتدى حتى يتم الالتزام بالموعد واتمنى ان يكون باسرع الوقت يعني حار بحار