سيدي أريدك تنورني .. شوية أسئلة

[bodalal]

السلام عليكم ...

عندي جم سؤال محيرني وأتمنى ألقى عندكم الجواب ..

السؤال الأول : علل لما يلي ... أوه آسف على بالي قاعد أسوي امتحان لا تواخذوني مدرس

السؤال الأول : منو اللي يحدد سعر الافتتاح ؟ وهل هو اللي يتحكم بالسوق ؟

السؤال الثاني : الكل يتكلم عن المحافظ وكيف يتلاعبون بالسوق .. ممكن أحد ينورني ويقول اشلون ؟ ما هي أدواتهم أو طريقتهم ؟ علشان نقارن بينهم وبين أدوات إبليس ونشوف منهو أقوى

السؤال الأخير : إذا كانت الأوامر كلها طلب ولا فيه أوامر بيع .. فهل هذا مؤشر زين وإلا شين ؟

ومشكورين على كل حال ...

وتفاؤلوا خير .. إن شاء الله خير ... والرزق عند رب العباد ..

 

[bodalal]

سيدي أريدك تنورني .. شوية أسئلة - الجزء 2

السؤال الرابع : إذا اشتريت أسهم بسعر 1 د.ك مثلاً .. وبعته بسعر 1.200 وربحت ..

واكتشفت إني كنت غشيم .. والسهم قاعد يواصل الصعود وعليه توقعات إنه راح يوصل 1.500 مثلاً

فهل من الأفضل شراء الأسهم مرة ثانية بسعر 1.250 وانتظار صعوده

وإلا خلاص طارت الطيور بأرزاقها ..

لأني قريت في منتدى الخليج إنه أسوأ شيء ان الواحد يرجع يشتري سهم بأكبر من السعر اللي باعه


السؤال الخامس : ممكن شرح سوق الآجل والخيارات والكسور بشيء من التبسيط ؟

ومشكورين مقدماً ..

 

[Daily Trader]

علشان نقارن بينهم وبين أدوات إبليس ونشوف منهو أقوى

..

والله ضحكتني

المحافظ حالهم من حالك , مثل ما أنت تبي تربح أهمه نفس الشي

 

[BuRashed]

السلام عليكم ...


السؤال الأخير : إذا كانت الأوامر كلها طلب ولا فيه أوامر بيع .. فهل هذا مؤشر زين وإلا شين ؟

ومشكورين على كل حال ...

..

وعليكم السلام ,اذا كان هناك طلبات شراء و ما في بيع هذا مأشر جيد جدا هذا يعني السهم وصل حد أعلى و عروض الشراء أكثر من طلبات البيع, وطبعا العكس بالعكس صحيح.

 

[امل الكويت]

موضوع جديد وبنفس العنوان

انا عندي بعد سؤال حقك ، ممكن اعرف ليش فاتح موضوع جديد وبنفس العنوان علشان تسأل سؤال ثاني ؟؟؟؟؟؟؟؟؟؟؟؟؟؟؟؟؟؟؟؟؟

 

[AL-Saa7R]

اى والله ليش فاتح موضوعك الاول بصفحة جديده
يرحم ولديك ليكون فية جزاء ثالث من الاسئلة
وشلون تشترى 1.250 مايصير
اخوى الاسهم فوق دينار تصير 1.000 ومضاعفاتها 20 فلس

 

[Q8 Stock]

السلام عليكم

السؤال الأول : منو اللي يحدد سعر الافتتاح ؟ وهل هو اللي يتحكم بالسوق ؟
الجواب : تقدر انت تحدد سعر الافتتاح اذا تم دخول امرك في تمام الساعه 9:15:00
مثلا سهم ما اغلق عند 350 فلس
والمعروف انه السهم يصعد وينزل في اليوم الواحد خمسه فوق وخمسه تحت
ومعدل ارتفاع السهم اللي بالمثال 5 فلس على حسب الوحده اللي ينتمي لها
تقدر انت تحط امر انه انه السعر يكون 375 واهوا حد اقصى
او 325 واهوا حد ادنى
ولك حرية الاختيار بين 325 الى 375

الباقي الاخوه الافاضل يقدرون ينورونك

 

[Q8 Stock]

السلام عليكم

ترد عليك عكسيه اذا بتتحسف وانت بايع بربح ومو خساره
وراح تتحسف اكثر لانه السهم اذا بدأ ينزل راح تقول راح يصعد
واهوا قاعد ينزل وتقول بنطره يصعد وراح ينزل تحت سعر شرائك له
وبجذي شنو بتسوي
دامك شريته 1.000 وبعته 1.200 احمد ربك لانه في احتمال تبيعه وانت خسران
ومثل ما قالك اخوي الساحر الدينار يصعد 20 فلس بمعدل خمسه فوق وخمسه تحت باليوم

والباقي للاخوان اللي عندهم خبره اكثر

 

[bodalal]

السلام عليكم جميعاً ..

أمل الكويت والساحر ... الله يهداكم يعني هالحين إذا طتبت الموضوع بعنوان .. وطرى على بالي شوية أسئلة وسويت جزء ثاني ..

بكون أنا سبب انهيار هالبورصة الدايخة يعني

بس ما عليه .. معاكم حق .. ونبي منكم السموحة .. ما عليش الكل مو راضي عن أداء البورصة .. واضح

أما الأخوة اللي تفضلو مشكورين ونوروني .. فجزاهم الله ألف خير ..

وخاصة الأخ Da3BoOR .. ولا تواخذوني .. جديد عليمي حتى الأسعار ما أعرفها

مشكورين يا شباب .. وفي انتظار إجاباتكم على بقية الأسئلة ..

وإلا ترى أسوي الجزء الثالث ترى حذرتكم

ويسعدلي صباحكم بالخير ...

 

[AL-Saa7R]

الله يصبحك بالخير
واسفين اذا الاجابه زعلتك
بس يخوك يقولك نصيحه من اخوى حاول قبل ماتدش البورصه تفرج وتعلم لمده لاتقل عن شهرين قبل ماتورط بشى لاتسوى مثلى اول مادشيت على عماها
وموفق انشاالله

 

[bodalal]

ما في داعي للأسف يا خوي ... ترى أتغشمر وأضحك ... ودنا نفرفش شوية من قمتة السوق

والله كريم .. عسى الله يرزق الجميع الرزق الكثير والطيب الحلال

أنا شخصياً متفائل بالخير ... ومع إني ما أفهم بلعبة السوق والمحافظ والبلاوي هذي .. لكني على الأقل أفهم بالمنطق

والمنطق يقول .. عوامل نجاح وارتفاع السوق كلها متوفره .. إذن راح يرتفع بإذن الله والعالم تبيه وتربح وتستانس وتلعلط

أما اللي قاعد يصير ... وبفهم بسيط جداً هو اقتتال للحصول على أكبر ربح ممكن

عادي

تحياتي ...