مجموعة المخازن..للأسفل (در)!!..الاسباب والنتائج..!

[careful_invest]

الاسباب..
1) ضغط متعمد من المحافظ للتجميع بأرخص الأسعار بعد مفاجأة العقد.
2) تصفية حسابات بين بعض الشركات والمخازن بعد فوزها بالعقد الجامبو (المشاريع، اعيان، وربما غيرهما..). مثل ما تهانينا ما راح تتهنون يا المخازن!!
3) فيروس حايش امخاخ المحافظ جعلهم ما يفرقون بين الحق والباطل، والصح والخطأ، والعدل والظلم، ومصلحة بلد ومصلحة خاصة..

والنتائج..
1) سمعتنا الاقتصادية في الحضيض..
2) ارتفاع الضغط والسكر وامراض الرقلة والهزة..
3) فقدان الشهية (خوش وقت حق الريجيم)..
4)ازدياد حالات الطلاق بسبب التوتر الاجتماعي..
5)ارتفاع نسبة الاعتداء بالضرب والشتم بين الشباب والشياب..
6) ارتفاع عدد قضايا مجع الشعر بين الحريم..
7) ارتفاع معدلات حوادث السيارات بسبب السرحان وبطة الجبد والقهر اثناء القيادة..
8) ازدياد نسبة التشوهات بين الاطفال الرضع والولادات القيصرية نتيجة التشخيص الخاطئ للأطباء الخسرانين في اسهم مجموعة المخازن..

والله يستر من التالي..

 

[اساهيم]

حوووووووووووووووبة اعيان هى السبب..

يا ليت المخازن سالمه من هالعقد نفوس اعيان ليما الحين بالعقد ..​

 

[careful_invest]

بالمناسبة يا اخوان..خلونا نضحك شوية على اللي قاعد يصير..
كل واحد يعلق باسلوب يجمع بين الجد والبساطة والطرافة..
مادام الاسهم نازلة نرد عليهم بطريقة (شر البلية ما يضحك..)

مجرد اقتراح..

 

[sa3ad76]

نبي انتداب من وزارة الأوقاف جم شيخ دين علشان يقرون علي الأسهم
من عين الحساد
اللهم لاحسد

 

[امل الكويت]

بالمناسبة يا اخوان..خلونا نضحك شوية على اللي قاعد يصير..
كل واحد يعلق باسلوب يجمع بين الجد والبساطة والطرافة..
مادام الاسهم نازلة نرد عليهم بطريقة (شر البلية ما يضحك..)

مجرد اقتراح..

خوووووووووووش اقتراح

وبعد نتائج اخرى

1- تساقط الشعر بسبب كثرة التفكير وانسداد الشهية المسبب لمرض الانيما مما يؤدي الى نحافة الوجه ثم ازدهار اعمال اطباء التجميل لكثرة الطلب على عمليات زرع الشعر ونفخ الخدود .
2- ازدحام المخافر بسس كثرة الشجارات واعمال العنف بسبب انهار نفسيات المتداولين وعدم قدرتهم على التحكم برودو افعالهم .
3- ازدهار اعمال العيادات النفسية وارتفاع اسعار الجلسات النفسية وعدم قدرة المتداولين لدفع الرسوم بسبب خسارتهم بالبورصة مما يؤدي الى ظهور مرض نفسي نادر غير معروف .

 

[بوحسن]

انا عجبتني مالت المواليد المشوهين ...
بصراحه وايد دكاتره داشين بالاسهم عاد تخيل بنص العمليه يقوله ترى المخازن حد ادني او الوطنيه .. اشبيصير فيه الدكتور ! الف بالميه بيشوت المريض الي نايم جدامه او بينسى المقص داخله

 

[careful_invest]

وبعد نتائج اخرى
..
..
3- ازدهار اعمال العيادات النفسية وارتفاع اسعار الجلسات النفسية وعدم قدرة المتداولين لدفع الرسوم بسبب خسارتهم بالبورصة مما يؤدي الى ظهور مرض نفسي نادر غير معروف .

فرصة والله..من باجر بفتحلي عيادة نفسية.. وانا أول المراجعين..

 

[امل الكويت]

انا اقترح العيادات النفسية تسوي شركة للأستشارات النفسية والعلاج النفسي وتدرج الشركة بالبورصه وكل ما صار السوق احمر يصير مخامط على شركتهم . وانا اول وحده بتشتري وبدون لا يصير احمر بعد تحسبا لأي طارئ .

 

[بورصراتي]

بند رقم 8
كل يوم قاعد احلم بالسوق انه نازل والله ابتلشنا

بند 9
صالونات الحريم اربحوا من البديكير والمنيكير من تقرض الاظافر

 

[غازى]

الاسباب..
1) ضغط متعمد من المحافظ للتجميع بأرخص الأسعار بعد مفاجأة العقد.

وبعدين مع فكرة الضغط علشان التجميع !!!! اذا المحافظ مثل ما تقول قاعدين يضغطون على السهم راح يجمعون من منو؟؟؟؟ متوقع ان المحافظ متحدين ضدي وضدك؟؟؟ المفروض بوجود هذي العقود مافيه محفظة تفرط بأسهمها لأن غيرها راح ياخذها ولكن الظاهر الموضوع فيه خفايا غايبة عنّا

 

[راكد]

نبي انتداب من وزارة الأوقاف جم شيخ دين علشان يقرون علي الأسهم
من عين الحساد

الله يرزقنا وياك ،، ما يجوز هالكلام فيه استهزاء بالرقية الشرعية , يمكنك

ما قصدت لكن هالاسلوب خطأ

 

[careful_invest]

وبعدين مع فكرة الضغط علشان التجميع !!!! اذا المحافظ مثل ما تقول قاعدين يضغطون على السهم راح يجمعون من منو؟؟؟؟ متوقع ان المحافظ متحدين ضدي وضدك؟؟؟ المفروض بوجود هذي العقود مافيه محفظة تفرط بأسهمها لأن غيرها راح ياخذها ولكن الظاهر الموضوع فيه خفايا غايبة عنّا

مادام هذا رأيك..طنش هالسبب..وروح على الثاني..لأن بصراحة أشوفه منطقي أكثر...

 

[فانيليا]

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاههاهاهاهاهاهاهاهاهاهاهاهاهاهاهاهاهاهاهاهاهاههاهاهاهاههاهاهاهاههاهاهاهاههاهاهههاهههاهاهاهاههاهاهاهاهاهاهاهاهاهاهاههاهاهاههاهاهاههاهاهاهااههاهاها

خليتى اضحك بالبيت جنى مينونه
بند رقم 2 -5 - 8

حلوييين

زيد عليهم

10- ارتفاع مستوى المتسولين عند الاشارات

 

[careful_invest]

الله يرزقنا وياك ،، ما يجوز هالكلام فيه استهزاء بالرقية الشرعية , يمكنك

ما قصدت لكن هالاسلوب خطأ

يا راكد (اركد) وانا اخوك حولتها الى استهزاء..شدعوة..عاد شكبرها هالكلمة اللي كلش مو راكبة مع اللي قاله سعد76..
بس ما الومك كله من نزلة المخازن (البند 5 )

 

[Risk-taker]

قصف امريكي على المخازن العمومية!

بالمناسبة يا اخوان..خلونا نضحك شوية على اللي قاعد يصير..
كل واحد يعلق باسلوب يجمع بين الجد والبساطة والطرافة..
مادام الاسهم نازلة نرد عليهم بطريقة (شر البلية ما يضحك..)

مجرد اقتراح..

خبر عاجل : قصف امريكي بالصواريخ على موقع شركة المخازن العمومية بسبب وشاية من ؟؟؟؟ بأن الزرقاوي يختبي في أحد مستودعاتها

 

[mishlay]

الاسباب..
1) ضغط متعمد من المحافظ للتجميع بأرخص الأسعار بعد مفاجأة العقد.
2) تصفية حسابات بين بعض الشركات والمخازن بعد فوزها بالعقد الجامبو (المشاريع، اعيان، وربما غيرهما..). مثل ما تهانينا ما راح تتهنون يا المخازن!!
3) فيروس حايش امخاخ المحافظ جعلهم ما يفرقون بين الحق والباطل، والصح والخطأ، والعدل والظلم، ومصلحة بلد ومصلحة خاصة..

والنتائج..
1) سمعتنا الاقتصادية في الحضيض..
2) ارتفاع الضغط والسكر وامراض الرقلة والهزة..
3) فقدان الشهية (خوش وقت حق الريجيم)..
4)ازدياد حالات الطلاق بسبب التوتر الاجتماعي..
5)ارتفاع نسبة الاعتداء بالضرب والشتم بين الشباب والشياب..
6) ارتفاع عدد قضايا مجع الشعر بين الحريم..
7) ارتفاع معدلات حوادث السيارات بسبب السرحان وبطة الجبد والقهر اثناء القيادة..
8) ازدياد نسبة التشوهات بين الاطفال الرضع والولادات القيصرية نتيجة التشخيص الخاطئ للأطباء الخسرانين في اسهم مجموعة المخازن..

والله يستر من التالي..

الظاهر نسيتوا القولون العصبي !! أعتقد يكون في البند رقم 9 .

 

[وطني حبيبي]

يا جماعة بلاش تخروعه
المسألة لعب كبار وشوف وإتفرج ولا تصفق
وانتظر ضربات الجزاء
والله الموفق

 

[anaahmad]

حوبة ملاك اعيان

والله الظاهر الحوبة مالت العقد ابو مليار ونص صارت عكسيه على ملاك المخازن ومجموعتها والمشكله انى متضرر من اعيان واللبنانيه يعنى طالعين خسرانين نازلين خسرانين وعلى طارى اللبنانيه لما تصعد المخازن ماتصعد معاها بس من تنزل صارت جدامها بالنزول تقول مسوينها سباق

 

[الشورى خالد]

خبر عاجل : قصف امريكي بالصواريخ على موقع شركة المخازن العمومية بسبب وشاية من ؟؟؟؟ بأن الزرقاوي يختبي في أحد مستودعاتها

الله يستر يمكن ابراهيم الجعفري جاي يأخذه معاه اللحين عرفت شنو سبب الزيارة ههههههههههههههههههههههههه

 

[careful_invest]

صباحكم الله بالخير جميعا..
من الواضح وجود ضغط متعمد من قبل المحافظ لشفط أكبر كمية ممكنة في بطونهم..لكن تتراوح الآراء لمبررات هذا الضغط بين تجميع، تصريف، تكسير رووس، أو حركة فنتكية استعراضية لابراز العضلات..
الحقيقة انا أميل لهم كلهم..لأن بصراحة..اللي فيها راحة ما شفناها.. ماكو أحد فينا فاهم شنو اللي قاعد يصير..
طبعا..لو بنعيد ونزيد ونقول نفس الاسطوانة المشروخة اللي ما عادت توكل خبز (اقتصاد فلة، بترول صاعد، والخ والخ)..ما راح تأثر في وضع السوق لان الاحساس (بعيد عنكم) صار مثل مدرعة مصفحة صعب اختراقه بصواريخ تف-تف محلية الصنع..

لكن الحمدلله ما زلنا متفائلين لأبعد الحدود..والوضع هذا اشوفه دليل واضح على عبط وسخافة المحافظ في عملية التجميع..اللي بدون شك قاعد (أو واقف) يشاركهم فيه عبط بعض صغار المستثمرين اللي يبيعون طياري بدون مناسبة ولا حاجة..بس خوف وقلق من خسارة كم تنتوش..وهذا الاحساس اللي قاعد يستغلونه الشفاطة..
والخير جدام ان شاء الله