قاطعوا سحب جوهرة الوطني

الموضوع في 'السوق الكويتي للأوراق الماليه' بواسطة s man, بتاريخ ‏23 يونيو 2005.

حالة الموضوع:
مغلق
  1. s man

    s man عضو نشط

    التسجيل:
    ‏2 مايو 2005
    المشاركات:
    327
    عدد الإعجابات:
    1
    ياجماعة فى باكستانى كل شهر يفوز بجائزة واحدة وساعات بثنتين او بثلاث (كل وحدة 300 دينار ) وهالشهر بالجائزة الكبرى (75 الف دينار) , على هالحالة من سنين , شوفو كل سحب وتأكدوا من أسمه : عبدالقدوس لال دين

    اذا عنده عمل او خرزة انا شرااااااااااااااااااااااااااااااااااى :eek: :D
     
  2. oko0k

    oko0k عضو جديد

    التسجيل:
    ‏26 مايو 2004
    المشاركات:
    120
    عدد الإعجابات:
    0
    توقعت تقول قاطعوه علشان بنك ربوي
    صدمتنى
    صار التعامل مع الحرام شئ سهل وايد
    باي باي على هذه الامه
     
  3. sa3eed

    sa3eed موقوف

    التسجيل:
    ‏6 يونيو 2005
    المشاركات:
    203
    عدد الإعجابات:
    0
    عبدالقدوس لال دين تاجر مجوهرات معروف في منطقة الفحيحيل و تحديدا في قطعه 7 و هو ايضا من سكان الفحيحيل القدامى. المشكله في الموضوع انه
    يعمل لحساب شخصيه معروفه لها علاقه مباشره بمجلس اداره البنك الوطني
    المعروف ان حساب الجوهره و عملية توزيع جوائزه مشبوهه.
     
  4. مستثمر من 1996

    مستثمر من 1996 عضو نشط

    التسجيل:
    ‏24 مايو 2005
    المشاركات:
    1,029
    عدد الإعجابات:
    131
    مكان الإقامة:
    المنتدى
    اذا هالكلام صج باكر رح اسكر حساب الجوهرة مالي ومل زوجتي والعيال بعد ، وقول حق كل شي اعرفهم ، وانشاءالله ما يوكن صج ، لان العقل ما يتقبلها ان واحد يفوز بكل هالجوائز وبالصدفة يعمل لصالح واحد من اعضاء المجلس .
     
  5. طالب العبدالله

    طالب العبدالله عضو جديد

    التسجيل:
    ‏9 ابريل 2005
    المشاركات:
    248
    عدد الإعجابات:
    0
    لا ويقولون شفافية وعدالة في السحب :mad:
     
  6. ميثاق

    ميثاق موقوف

    التسجيل:
    ‏1 فبراير 2003
    المشاركات:
    595
    عدد الإعجابات:
    1
    مقاطعة جماعية لكل هذة الحسابات الدانة والجوهرة والنجمة وبنوكها...
     
  7. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,141
    عدد الإعجابات:
    22
    مكان الإقامة:
    طبعا الكويت
    :)

    يا جماعة الخير أنا علطول الحين بلغت الوطني بخصوص هالموضوع وخليتهم يسجلون هالملاحظه عندهم ويحطون تحتها خطين حمر وقلتلهم اذا انتوا حابين توخرون عن شكوك العملاء خلوا سحبكم مثل بنك الخليج مثلا بطريقه اكثر شفافيه عن طريق السحب من الجمهور ونظام الرول وايد اضمن من السحب العشوائي عن طريق الكمبيوتر لانه مجال التلاعب اكبر بالتالي اتمنى من شباب المنتدى الاتصال فيهم حتى يتم تسجيل هالملاحظات والمطالبة بتغيير نظام السحوبات
     
  8. سهم كويتي

    سهم كويتي عضو جديد

    التسجيل:
    ‏5 أغسطس 2004
    المشاركات:
    340
    عدد الإعجابات:
    0
    عمرك طويل يا اس مان


    امس دقوا عليه المارينا اف ام يبشرونه بالفوز ااااه لو شفت ردة فعله البارده كأنه عارف والمذيع يحاول يقوله ار يو هابي ؟ الحبيب يرد عليه بنفس يس

    تخيل كأنه عارف النتيجه وما كان متفاجئ كلش ؟!!!!
    احنا الواحد يربح اميه دينار تلقى الضحكه من هني لي هني  ونقعد نتشكر فيهم ساعه كامله ونمدحهم

    اللعبه انعرفت يا الوطني وكل البنوك
    حتى فايده مايعطونه عليها يلمون منا كلنا قول كل واحد 50 دينار ضرب مليون كويتي يعني احسب المبلغ
    وبالاخر اهم يشتغلون فيه بالسوق او حتى لوفايده 5% اهما اللي ربحانين
    لا والقهر لربعهم الجائزة
     
  9. Next_Kw

    Next_Kw عضو نشط

    التسجيل:
    ‏17 يوليو 2004
    المشاركات:
    175
    عدد الإعجابات:
    0
    مع احترامي للجميع ، وشلكم بالشغلات هذه مادام انها حرام وماتجوز ، وبعدين اذا ماطاحت عليك خيره ، احسن ماتجيك فلوس بالحرام.
     
  10. cool-man-28

    cool-man-28 عضو نشط

    التسجيل:
    ‏7 ديسمبر 2004
    المشاركات:
    271
    عدد الإعجابات:
    0
    ياريتك قايل قاطعوا كل البنوك الربويه والشركات الغير شرعيه .

    وإذا حصلنا هالفلوس شبنسوي فيها , بتستانس فيها جم سنه والله وراح تتحاسب عليها أشد الحساب , يوم لاينفع مال ولا بنون . لاتقول أتصدق بنصها على الفقراء لالالالالالا.... إن الله طيب لايقبل إلا الطيب . خلها عنك ولا تحسد عبدالقدوس على الحرام وقول ( اللهم إغننا بحلالك عن حرامك وبفضلك عمن سواك ).
     
  11. VERSACE

    VERSACE عضو جديد

    التسجيل:
    ‏21 مايو 2005
    المشاركات:
    46
    عدد الإعجابات:
    0
    ليس المطلوب ان نفوز بأموال ربوية ( جوائز سحب الوجوهرة ) .. الله الغني كل كل فلس حرام .. ما يأتي بسهولة يذهب بسهولة .. وعند تقديم شكوى بحق البنك الوطني او غيره من البنوك الهدف هو كشف عمليات النصب التي تمارسها تلك البنوك الربوية على الناس .. خصوصا بنك بحجم الوطني ومستواه تصدر منه هكذا اعمال اعتقد من غير اللائق له ولا لسمعته ابدا ... لذلك انا اقترح تقديم شكوى على الوطني في احد الصحف اليومية .. مدعوما بأي اثباتات عن ان عبدالقدوس لال الدين يفوز شهريا بجوائز الوطني ... وبذلك يتم فضح ممارسات ذلك البنك الربوي امام الملأ وليعلم ويعلم غيره من البنوك بأن الناس ليسوا مغفلين الى هذه الدرجة

    هذا اقتراحي
     
  12. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,141
    عدد الإعجابات:
    22
    مكان الإقامة:
    طبعا الكويت
    :)

    وانا بعد وياكم
     
  13. بوخمسين

    بوخمسين عضو جديد

    التسجيل:
    ‏27 فبراير 2005
    المشاركات:
    1,170
    عدد الإعجابات:
    0
    وين وزارة التجارة عنهم
     
  14. السهم الخارق

    السهم الخارق عضو جديد

    التسجيل:
    ‏11 أغسطس 2004
    المشاركات:
    425
    عدد الإعجابات:
    0
    ياجماعة وخروا عن السحوبات والضحك على الذقون

    والقروض الربوية

    حولوا لبيت التمويل ترتاحون

    http://www.kfh.com/index.asp

    والي مايبي بيت التمويل بنك بوبيان الاسلامي بالطريق
     
  15. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,141
    عدد الإعجابات:
    22
    مكان الإقامة:
    طبعا الكويت
    :)

    لا تخاف الوزارة واقفه بصفهم وعموما شغلهم من ناحية الاشكال ما عليهم اي ممسك واللي مشجعهم على هالشي احنا ياللي مشتركين معاهم وانا سالت ولقيت انه عندهم ترخيص بس لازم احنا يالعملاء نطالب بطريقة شفافه بالسحب اسوة بسحب الدانه مثلا
     
  16. النوط الأخضر

    النوط الأخضر عضو جديد

    التسجيل:
    ‏14 يونيو 2005
    المشاركات:
    155
    عدد الإعجابات:
    0
    ما خلصنا من هالرشاوي في العقود والمناقصات رشاوي وهم في السحوبات بعد رشاوي يعني ما نفتك من هالرشاوي ورانا ورانا :mad:
     
  17. نوكيا

    نوكيا عضو مبدع

    التسجيل:
    ‏1 ديسمبر 2004
    المشاركات:
    3,276
    عدد الإعجابات:
    140
    مكان الإقامة:
    الكويت
    بالنسبة الى حساب الجوهرة او الدانه او او او
    كلهم نفس الطريقه
    يجمعون فلوس الناس ويستثمرونها بقروض ودائع لدى بنوك اخرى او البنك البنك المركزى وبفوائد
    ومن ضمن هالفوائد يوزعون الجائزة


    المشكله مو فى البنوك
    المشكله فى الناس
    الحلال بين والحرام بين وعليكم تكملة الباقى
     
  18. caca

    caca عضو نشط

    التسجيل:
    ‏25 يوليو 2004
    المشاركات:
    1,709
    عدد الإعجابات:
    1,092
    السلام عليكم

    كيف الحال يا جماعة الخير

    يا اخوان احنى ولله الحمد ابخير ونعمه ولاناقصنه شى شنو الى امخلينه نتجه الى مال يرضى الله الله وفر الرزق الحلال واحنى ميسورين الحال يعنى انت مو قاعد فى الشارع انت واعيالك وتقول حتى لو حرام ابيه الحمد لله على النعمه الى احنى فيهاا ترى يبيله شكر والقناعه فى مايرضى الله نعمه ورزق الحلال واجد
    تحياتى
     
  19. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    معقوله ! البنك الوطني يتعمد احد اعضائه علشان يتلاعب بسمعته ... انزين اشمعنه 300 كل شهر .... وبعدين خمسه سبعين الف ؟ ليش مو مليون ويفك عمره من اول مره ! ويبتعد عن الشبهات ..


    بس اذا صج لازم فضيييييييييييحه ما ينفع الي يقول يسحب فلوسه

    هم بنك ربوي وهم غشاش !

    عش رجبا ترى عجبا
     
  20. قانوني

    قانوني عضو جديد

    التسجيل:
    ‏24 ابريل 2005
    المشاركات:
    242
    عدد الإعجابات:
    0
    سحوبات البنوك

    المبالغ الكبيره مفبركه .. و المبالغ الصغيره يمشونها عدل لابعاد الشكوك
    مره اتصل احد البنوك على شخصيه مشهوره و ساوموه على فوزه بجائزه ليأخذ جزء بسيط منها بس شرط يوقع على شيك
    و مره فاز اسيوي و طلع الللي وراه مسئول و عنده عجز في ميزانية تحت مسئوليه و سكرها
    و مره حضر السفير الهندي سحب شركه الملا و فاز بالجائزه الاولى و اهي سياره و انبهر كأنه متفاجأ و اهو راعي الحفل
    و مره اتصل صديق لي يبارك لأحد موظفي العلاقات العامع المشرفين على السحوبات لفوزه بجائزه ماليه كبيره
    و مره شافوا موظف علاقات عامه بعد سحب معين بيوم واحد و اهو يقود سياره فارهه مشكوك فيها
    و مره .. و مره و مره
    يعلم الله ان كل هالسوالف صحيحه
    السحوبات مفبركه و لعب في لعب .. و سحب الكمبيوتر مفبرك و ماكو فايده لأنها لعبه متقنه و يديرها فنان بهالسوالف
    انا اساسا فقدت الثقه فيهم جميعا من زمااااان
     
حالة الموضوع:
مغلق