قاطعوا سحب جوهرة الوطني

[بوحسن]

محسن اؤكدلك ان منظمي مهرجان دبي السابق ( قبل سنتين ) قد ادينو بالقضاء وهم رئيس التنظيم ونائبه وشخص ثالث ( وهو امر غير مهم لي )

ثانيا احس انك من موظفي البنك الوطني او تنتمي للبنك الوطني بشكل ما

(لان مشاركاتك فقط هنا وتدل على خبره معينه )

وولائك طيب

بس علشان ان لال الدين ما فاز بشهر واحد ! ترى تبقى عيب على الوطني مو مدح ...جان هم خلوه يفوز ابهل الشهر بعد الا ان كان صاحبه بشهر 7 باجازه خاصه
بس انت تمون وكلامك على راسي

اخيرا يا محسن ترى صدقني انت تهمني اكثر من الوطني بمليون مره
ودامك داش البورصه انصحك بمراقبه قطاع البنوك بعد شهر 12 القادم وموفق انشالله واحنا وياك

 

[السهم الامريكي]

كلام طيب من الصبر مفتاح
وانا اؤيد على هالكلام

 

[الصـــــالح]

كفيت ووفيت

ردودك غاية في الاقناع ويعطيك العافية اخي العزيز الصبر مفتاح، لانه بالفعل شي يحز بالنفس ماحصل من البنك الوطني ، وانا من الناس اللي صارلي من عام 1999 حاط مبلغ يتراوح مابين ال 1500 وال2500 ولا مره ظهر لي اسم باي سحب ، وممكن يكون صح ان الحظ يلعب دور كبير بمثل هاذي الامور ... لكن تبقى هناك علامه استفهام حول تكرار اسم عبد القدوس.

 

[me7sen]

الصبر مفتاح مشكور على مشاركتك

اتمنى اني اكون موظف علشان افيدك اكثر ولكن اعرف موظفين و مسؤولين بالبنك الوطني و المعلومة منهم
اما بالنسبة للسحوبات التي تجري تكون باشراف من جهة البنك و وزارة الداخلية و التجارة
يعني لما نقول ان البنك يغش يعني :

الحكومة مرتشية و البنك راشي

يعني عبدالقدوس راشي ال اكو و الماكو

ماعتقد اني راح ارضى على نفسي او على اصدقائي انهم يكونون في اكبر مؤسسة مصرفية بالكويت

و شكرا

 

[السهم الامريكي]

للعلم بس تره الموظفين اخوانا وخواتنا بالتالي حالهم من حالنا واللعبه يا جماعه لعبة كبار وحتى لو كان عنده هالموظف ادنى شك ماراح يتكلم طبيعي عن المكان اللي يشتغل فيه ومصدر رزقه

وعموما لمن تقول الحكومة تغش بعد انا اقولك تره الحكومة تغش بس بطريقة غير مباشرة وللاسف من ناس مسكينها ادارات وقاعده تلعب لعب ودليلي على هالشي الفضيحه اللي صارت من تقريبا كم سنة يوم اكشفت الرأي العام اسماء الفائزين ب90% من الجوائز وكلها كانت لاهل المخرج والمعد باسماء غير كامله حتى لا يتبين اسم العايلة وصارت ايامها لويه وهذا الغش كان من ادارة حكوميه وايامها اذكر كانت المسابقه تنباع بدينار بمجلة دليل التلفزيزن وعشان اريحك اكثر واكثر والله العظيم اعرف واحد معرفة شخصيه قالي انه ما طرش ولا مسج على رقم اخر مسابقة برمضان اللي فات وقالي بيدقون علي اول واحد وفعلا دقوا عليه وفوزوه وهو مو مطرش ولا مشج والناس مساكين كل واحد قاطله على 10 وعشرين دينار ولكم التعليق

 

[Cha3bar]

في هذه اللحظات ما أدري ليش تذكرت المثل الشعبي الداثر

Don't steal the Government hates competition

 

[امدور الزينات]

حساب لال الدين الوطني يتمني لكم الفوز اذاكنتوا لال الدين الوطني ؟

للنشر عبر الايميل باقتباس من جميع المشاركات

فضيحة بنك الوطني

اسماء الفائزين في حساب الجوهرة الجوائز الكبرى للاسيوين فقط
انظر للحقائق

شخص يفوز في كل سحوبات الوطني

عبدالقدوس لال دين
تاجر مجوهرات معروف في منطقة الفحيحيل و تحديدا في قطعه 7 و هو ايضا من سكان الفحيحيل القدامى.
يعمل لحساب شخصيه معروفه لها علاقه مباشره بمجلس اداره البنك الوطني
تاريخ السحوبات
2005-06-24 فاز عبدالقدوس لال الدين بمبلغ 75 الف دينار كويتي

2005-05-12 فاز بالف دولار كل من عبدالقدوس لال دين،

2005-04-14فاز بالف دولار كل من عبدالقدوس لال دين،

2005-02-10فاز بالف دولار كل من عبدالقدوس لال دين، لا بعد مرتين هني

2005-01-13 فاز بالف دولار كل من عبدالقدوس لال دين،

2004-11-12فاز بالف دولار كل من عبدالقدوس لال دين،

2004-10-14فاز بالف دولار كل من عبدالقدوس لال دين،

2004-08-12فاز بالف دولار كل من عبدالقدوس لال دين،

2004-07-15فاز بالف دولار كل من عبدالقدوس لال دين،

2004-06-10فاز بالف دولار كل من عبدالقدوس لال دين،



لا وكل الجوائز الكبري يفوزوزن فيها اسيوين اخذ هذي
فازت «سري سوجيار سيه سوليهين» اندونيسية الجنسية بمبلغ 250 الف دولار اميركي

فازت ميلدر يد ايه اباجا من الفلبين بمبلغ 250 الف دولار اميركي (ربع مليون دولار(

فازت عميلة بنك الكويت الوطني الهندية «مليكة حسين جيغار» بالجائزة الاولى لسحب حساب الجوهرة الشهري، وهي عبارة عن مبلغ 250 الف دولار اميركي



ليش الاسيويين ؟
هذي الحركه متعلمينها من سحوبات دبي
الي يفوز هندي او باكستاني بالاسم فقط يعطونه نسبة معينه والباقي يشفطونه
لان الاسيوي يريد اي مبلغ كان ما دام مضمون مقابل السكوت عن هذه النصبه المفبركه ولو انهم يضمنون ان هناك كويتي واحد فقط يعمل مثل ما يعمل هذا الاسيوي لما ترددوا في اعطائة الجائزه لكنهم لا يضمنون انه يفضحهم وياخذ الجائزه كامله بعد


ليش لال الدين بالذات ؟ مو ممكن يكون حاط مبلغ كبير وبالحظ؟
راح يقولك الموظف انه لا دين الفايز هذا داش بمبلغ بالملايين ومن جذي احتمال فوزه اكثر من باجي المشتركين بس للعلم انه اللي عنده عالمبلغ الضخم مستحيل ما يكون قاعد يستثمره باصغر مشروع ويطلع اضعاف هالمبلغ لا واقلها يحطها باي بنك وديعه ويطلع مبالغ خياليه لا وخاصه اذا كان اسيوي يعني يحسب لاي مبلغ الف حساب يعني لو عربي مثلا يمكن نتكاسل ونحط المبلغ بهالحساب بس باكستاني ويفكر بهالطريقه مستحيل

منو المستفيد من الحساب ؟
البنك
يجمعون فلوس الناس ويستثمرونها بقروض ودائع لدى بنوك اخرى او البنك البنك المركزى وبفوائد
ومن ضمن هالفوائد يوزعون الجائزة الصغيرة (وبحسبه بسيطه بعدد الكويتيين فقط 50 دينار ضرب مليون كويتي = خمسين مليون دينار والجائزة فقط 75 الف دينار )


حقائق اخرى ؟
كنت مشترك مع الوطني بالتداول الامريكي وكلام اخوي صح ميه الميه لانه صارت جدامي يعني كنت على كل عملية ياخذون مني نسبة 3% ومعاي رفيجي ياخذون منه على كل عملية تقريبا 1% ولمن استفسرت من صاحبي قالي انهم تاخروا بتنفيذ جم عملية وقرر يسحب فلوسه فقاموا بيراضونه نزلوله نسبة العموله يعني اللي يزفهم ينزلوله يعني العملية كلها عالمشتهى وللعلم بس ثلاث ارباع موظفينهم اطلعوا من البنك للتداول الامريكي وحولوا بنوك ثانية من غير ذكر اسماء

اولا تحياتي للجميع يعني مثل ماشفتوا من الاقتباس ان لال الدين الوطني هو الفائز سوبر الجوهر الوطني فلا تعبون انفسكم وتحرقون اعصابكم وكل واحد يقول انا حاط افلوسي من كم سنه ولا مره ربحت ( السالفه واضحة وضوح مجرت درب التبانه في الفضاء وواحد من الاخوان يقول ان لال الدين الوطني رجال تاجر وفرصة الفوز اكبر من فرصة الفوز لنا حنا اللي علي قد حالنا فيعني اللي يجرب اللمجرب عقله مخرب فطالما ان النتيجه تكون محسومه سلفا للاخ لاال الدين الوطني انا انصحكم مثل مانصحت نفسي انكم تنسحبون وتتركون الفرصه تتضاعف للال الدين الوطني وتريحون بالكم وانا ودي اسال الاخ اللي يقول ان لال الدين الوطني انه تاجر ودي اساله يعني ماكو بهالبلد الا هالولد (قصدي البنك) يعني ماكو تجار حاطين افلوسهم بالبنك الا هو بس حاط افلوسه بالوطني طبعا فيه ويقدر يسال الموظفين اللي قالوله ان لال الدين عنده هالكثر افلوس وراح يلقي الاف مولفه من المشاركين في حساب الجوهره للال الدين الوطني بس مساكين كل هلفلوس اللي عندهم ومايربحون تعرفون ليش لانهم مو لال الدين فاتمني تكونون فهمتوا اللغز اللي محيركم واللبيب بالاشارتي يفهمو وانشاء الله نشوفك يالال الدين اواحد اقاربك في الجائزه الاولي بالسحب القادم

 

[السهم الامريكي]

الكلام صار واضح وضوح الشمس بالتالي ماله داعي احد ينزه هالبنك عن اللعبه بالتالي اتمنى الموضوع يتسكر لانه نسبة المشاركين المؤيدين تقريبا 90% مقابل 10% فخلونا نوقف النقاش مع عدم حذف الموضوع ليكون عبره ويكون تذكير بنفس الوقت للاخوان اللي راح يقرون الموضوع لاول مره

وعلى قولت اخونا مدور الزينات

نحن ننتظر تغيير اسم السحب من الجوهرة الى سحب لال الدين باسرع وقت

 

[صايل]

بنك ربوي شترجون من القائمين عليه يكونون أئمة مساجد

على قولة حسين عبد الرضا

 

[نوط بو 1000]

اعرف موظفين و مسؤولين بالبنك الوطني و المعلومة منهم

قالو للحرامي احلف..

قال جالك الفرج..!!

 

[Champion]

عالأقل ان البنك الوطني يقوللي ان هذي فوايد هذي ربه .. مو مثل البنك اللي يلف ويدور عشان يعطيك ( التورق )

بنكي .. الوطني :d

 

[Champion]

وكفايه ان احتياطات البنك الأسلامي اللي تقولون عنه في سيتي بانك ,, بنك اليهود الأول والفوايد تنزلهم بعد ,, خوش بنك اسلامي والله

 

[المقرود]

موضوع رائع
وأشكر للشباب هذا الجهد الجبار في فضح هالبنك الربوي

يلعبون بفلوس الناس ،

هذا غير مديرهم دبدوب اللي معاشه 1.2 مليون دينار بالسنة (1%) من أرباح البنك

وأنا راح أطبع الورقة وأوزعها على كل اللي أعرفهم وحاطين فلوسهم بالوطني

والله لو نتكاتف ونسوي حملة وكل واحد يكلم اللي يعرفه ، عشان يسكر حسابه وينقل فلوسه ، والله نقدر نهز البنك الوطني ، عشان يعرف شلون يستخف بعقول عملائه

بس ودي أختم بحديث صحيح (درهم ربا ، أشد على الله من ستة وثلاثين زنية)

والله يوفقكم

 

[سهم كويتي]

المقرود

صح صح صح هذا بلدنا اللي تبيه

لكن البنك صادونا هالشهر ما فوزوا الريال فوزوا بنت عمره 13
البنك للاسف عاملنا ساذجين وهذا جزاته
ودرس في عدم الاستخفاف بعقول الناس
وهمتكم يا شباب
الديرة مليانه فساد واللي يصيد شي ينشره ونفضحه

بنكي ....بنك لال الدين الوطني

 

[Champion]

على فكره ترى بيت التميل اللي تبون الكل يروحله عدد عملائهم 360000 عميل .. الطاقه الأستيعابيه للبنك 300000 .. البنك قاعد يتبع سياسيه التطفيش ل 60000 عميل ,, هذا كلام من موظفين من البنك نفسه

 

[Champion]

لا ويقولون الحسد تارس الديره بعد ! اللهم لا شماته

 

[الدينار]

الله يبعدنا عن الشبهات وربا ( كل قرضا جرا نفعا فهو ربا )

 

[طالب العبدالله]

على فكره ترى بيت التميل اللي تبون الكل يروحله عدد عملائهم 360000 عميل .. الطاقه الأستيعابيه للبنك 300000 .. البنك قاعد يتبع سياسيه التطفيش ل 60000 عميل ,, هذا كلام من موظفين من البنك نفسه

لا حول ولا قوة الا بالله العلي العظيم , يعني وين الواحد يودي فلوسه (

 

[السهم الامريكي]

اخوي طالب العبدلله انا اقول انطر كلها جم شهر وبتزل بديرتك اقوى بنوك فالعالم ومن ضمنهم السيتي بنك افتح حسابك عندهم وخذ مميزات تطير العقل