آسيا كابيتال الاستثمارية ( آسيا ) ....2. (الصينية سابقا)

[رابح رابح]

تعتبر الصين ثاني أكبر اقتصاد في العالم ...
ويتوقع الخبراء تجاوزها الولايات المتحدة خلال السنوات المقبلة لتصبح الأكبر بالعالم

 

[Albaghdadi]

بواحمد خرعتني شفقاعته الله يستر ممكن توضح اكثر

اسم الله عليك من الخرعه بوخالد السموحه منك على التاخير ... بالبدايه شفت الخمه !!

5 / 6 اجتماع الجمعيه العموميه .. لو ناطرين تنتهي السنه الماليه هذي ومسوينها مع بعض مو اشرف !!!

مجلس اداره ما يستحي .. والهيئه زباله فوقهم بما انه اكبر الملاك وراضي بالاسلوب هذا ....

اللي اقصده .. ان الشركه استثماريه بسوق مو معروف لنا .. و14 شركه وهميه .. بالكيمان وموريشس وبطيخ .. باجر يعلن ويعلن ويعلن .. ويطير .. وينتفخ .. وبالاخير نكتشف انه كله كلام فاضي ..

تذكر صندوق الهند للمدينه ؟؟ الحين صندوق الصين ههههههههههههههههههه

خل يصعد وتالي ما يشوف شر .. السهم للمستثمر راح يطلع مبلغ خيالي والله تعالى اعلم

 

[رابح رابح]

اسم الله عليك من الخرعه بوخالد السموحه منك على التاخير ... بالبدايه شفت الخمه !!

5 / 6 اجتماع الجمعيه العموميه .. لو ناطرين تنتهي السنه الماليه هذي ومسوينها مع بعض مو اشرف !!!

مجلس اداره ما يستحي .. والهيئه زباله فوقهم بما انه اكبر الملاك وراضي بالاسلوب هذا ....

اللي اقصده .. ان الشركه استثماريه بسوق مو معروف لنا .. و14 شركه وهميه .. بالكيمان وموريشس وبطيخ .. باجر يعلن ويعلن ويعلن .. ويطير .. وينتفخ .. وبالاخير نكتشف انه كله كلام فاضي ..

تذكر صندوق الهند للمدينه ؟؟ الحين صندوق الصين ههههههههههههههههههه

خل يصعد وتالي ما يشوف شر .. السهم للمستثمر راح يطلع مبلغ خيالي والله تعالى اعلم

ماتنلام بواحمد يحق لك تزعل طولت السالفه بس وسع صدرك واصبر على السهم وكل تاخيره فيها خيره وان شاء الله تربح فيه والسوق بكبره غرقان ونايم
السهم زين وميزانيته نظيفة والهيئة متشددة على الشركات اللي تملك فيها واخبار الشركة اللي أسمعها زينه واحتمال انهم أخرو الجمعية العمومية علشان يعلنون اخبار ايجابية واتوقع خلال نهاية هالاسبوع

وصندوق المدينة نفس سوق الجمعه يختلف عن ألصينيه لان استثمارات الهيئة عليها تشدد ورقابة وسريه عاليه جدا داخل الهيئة ما فيها مجال للعب

 

[BOAHMAD]

عراقيّه اسمها شكريّه راحت الصين ومالقت شغل
قالّها واحد اشتري عرق وقعدي بساحه وبيعي ، مالك غير هالشّغله

بصّطت بالساحه وبلّشت تبيع
قاموا الشباب الصينيين كل خمس دقايق جايها واحد ماخذله بطل عرق

عقب شوي كسر خاطرها الصيني
قالتله ( خاله مو زين لك تشرب هواىَ كتلت روحك )
الصينيين يتشابهون واهي على بالها نفس الشّخص رايح راد يشتري منها .

الصين متروسه شغل والتجاره بالصين مربحه جداً ، والشركه الصينيه صندوقها حسب علمي شغال صح
وان شاء الله تشوف السهم يوزع ١٠ الى ١٥ نقدي السنه الجايّه

اهو شرعي ؟؟؟؟ اخاف شكريّه شغّاله بالصندوق

 

[نجدي2]

الاداره. سيئه
الصين فيها فرص كثيره وادارتها الحاليه لا ينمون مثل نمو الاسواق الاسويه ولاهم يحزنون

رأيي ان:- نجاح الشركه يكون في استبدال ادارتها

 

[رابح رابح]

خل يصعد وتالي ما يشوف شر .. السهم للمستثمر راح يطلع مبلغ خيالي والله تعالى اعلم

اجتماع الجمعية العامة لشركة (الصينية) في 5-6-2014 لبيانات 2013

يعلن سوق الكويت للأوراق المالية عطفا على اعلانه السابق بتاريخ 29-4-2014 بشأن وقف التداول في اسهم الشركة الكويتية الصينية الاستثمارية (الصينية) في السوق لحين انعقاد الجمعية العامة للشركة فقد افادت الشركة بان الجمعية العامة العادية للشركة سوف تنعقد يوم الخميس الموافق 5-6-2014 في تمام الساعة 12 ظهرا في وزارة التجارة والصناعة حيث سيتم خلالها مناقشة توصية مجلس الادارة بعدم توزيع ارباح عن السنة المالية المنتهية في 31-12-2013.
كما سيتم مناقشة بنود اخرى على جدول الاعمال.
وهذه التوصية تخضع لموافقة الجمعية العامة وعدم اعتراض مجلس الادارة والجهات الرقابية عليها.
علما بأن الشركة موقوفة عن التداول الى حين انعقاد جمعيتها العامة.


يعني بعد شهر ليييييييييييش ؟؟؟؟؟
في شي غريب مو طبيعي

 

[رابح رابح]

مركز الجُمان @Aljoman_Center · 10h

خرج عبدالله حمد محمد النفيسي من قائمة كبار ملاك "الصينية" الأسبوع الماضي بنسبة 6.500% من رأسمالها

ولتفاصيل أخرى :
http://www.aljoman.net/FreeZone/ShowArticle.aspx?type=1&articleid=45733…

 

[رابح رابح]

توقف السهم عن التداول من 1-5-2014 الى 8-6-2014 يخفي حدث مؤثر واعتقد سيكون هناك اعلان مهم وجوهري بالجمعية العمومية والله اعلم
تأجيل الجمعية العمومية لتاريخ بعيد مع انه تم اعلان البيانات منذ فترة طويلة
ودخول حمد النفيسي فجأة ثم خروجه مرة اخرى اثناء توقف السهم غريب ويدل على وجود تفاهم استراتيجي بين كبار المساهمين

الشركة الصينية تم تأسيسها في 12-12-2005
وتم ادراجها في 24-11-2009

ربحية السهم 1 فلس2013 - 7 فلس2012 - (-12)فلس2011 - 6فلس2010 - 11فلس2009
الشركة قامت بالاستثمار لمدة 8 سنوات ولم تقم بتوزيع ارباح او الاعلان عن تخارج مؤثر في ظل النو الاقتصادي الحاد بالصين .

ان شاء الله يكون خير ومايصير مثل سهم المواشي الهيئة وقفوه 3 شهور لشراء اسهمه وبعدين قالو هونا كيفنا

 

[رابح رابح]

@AlArabiya_Bn:

الأسهم الصينية تسجل أكبر مكاسب يومية في 7 أسابيع على خلفية أنباء حول تدخل الحكومة لدعم أسواق الأسهم
#China #stocks

 

[Albaghdadi]

شركة مو محترمه .. وولد العيسى اللي كلمني من ادارة الشركه جذاب .. تعطيل مصالح الناس بحجة انعقاد الجمعيه العمومية شهر كامل من الايقاف .. وبالاخير خسائر مليون دينار !!!

استثمرتوا 80 مليون دينار سنة 2005 بسوق ما كان له اي علاقه بالازمه العالميه .. وهو السوق الصيني ... ووالى اليوم ما وزعتوا دينار وبالغصب اطفيتوا خسارتكم ..

للاسف الهيئه وانتوا يا مجلس الاداره اتفقتوا على نهب الشركه سواء بالتضليل او الاهمال والاستخفاف بمقدرات الشركه وحقوق المساهمين ..

اذا كانت الهيئه تتابع استثماراتها بالطريقه هذي .. فهذي رسالة قويه انه استثمارات الكويت .. طيط

 

[رابح رابح]

شركة مو محترمه .. وولد العيسى اللي كلمني من ادارة الشركه جذاب .. تعطيل مصالح الناس بحجة انعقاد الجمعيه العمومية شهر كامل من الايقاف .. وبالاخير خسائر مليون دينار !!!

استثمرتوا 80 مليون دينار سنة 2005 بسوق ما كان له اي علاقه بالازمه العالميه .. وهو السوق الصيني ... ووالى اليوم ما وزعتوا دينار وبالغصب اطفيتوا خسارتكم ..

للاسف الهيئه وانتوا يا مجلس الاداره اتفقتوا على نهب الشركه سواء بالتضليل او الاهمال والاستخفاف بمقدرات الشركه وحقوق المساهمين ..

اذا كانت الهيئه تتابع استثماراتها بالطريقه هذي .. فهذي رسالة قويه انه استثمارات الكويت .. طيط

بواحمد تصدق شالو من موقع ارقام شركاتهم الزميله والتابعه وشركات جزر الكايمان
صفحهتم صارت بيضا ولا شركة ولا استثمارات الظاهر مهاوشينهم
ردها عني هذي الشركة مغارة علي بابا ومصكوكة

 

[Albaghdadi]

لانهم زباله ،،،، بس صدقني يا بوخالد كل هذا علشان يطلعون الصغار صدقني ،،،،

 

[رابح رابح]

لانهم زباله ،،،، بس صدقني يا بوخالد كل هذا علشان يطلعون الصغار صدقني ،،،،

واضحه بواحمد الشركة صار لها عشر سنين من بداية تأسيسها وفيها هيئة الاستثمار ماوزعت أرباح ولاتخارجت وسعره ٦٧ فلس
والصين مرت في فترة نمو اقتصادي جبار حتى اللي يبيع فيها نخي ربح
هذا السهم مايحتاج لاميرانية ولا تحليل ونشوف عمومية ٥-٦ يمكن فيها تصريح طيب
هذا السهم نفس سهم الكويتية للاستثمار يملك اصول ضخمة بس نايم خمس سنين والسنه طلعو ارباحه وطيروه
(( تقضب بالسهم ))

 

[Albaghdadi]

الله يكتب اللي فيه الخير

 

[نجدي2]

الاداره تعبانه جدا واعيد واكرر الخلل بالاداره
احضرو الجمعيه العموميه وابدو رايكم ترى في كبار ملاك معارضين هالاداره وتصرفاتها

 

[الكوتي]

ياشباب فلوسكم خذاها صيني

وربعكم توهقوا مثل شكريه

يدورون الصيني لانهم ماعندهم غير صورته

تعال طلع الصيني من بين ربعه متشابهين

 

[مهني محترف]

يالله سترك

 

[رابح رابح]

حلوههههههههههه من الشركة :

تأجيل الجمعية العامة العادية للشركة الكويتية الصينية الاستثمارية (الصينية) :
يعلن سوق الكويت للأوراق المالية بأنه تم تأجيل الجمعية العامة العادية للشركة الكويتية الصينية الاستثمارية (الصينية) ، وذلك لعدم اكتمال النصاب القانوني

 

[رابح رابح]

اجتماع الجمعية العامة (المؤجلة) للشركة (الصينية) في 23-6-2014 لبيانات 2013يعلن سوق الكويت للأوراق المالية بأن الجمعية العامة العادية (المؤجلة) للشركة الكويتية الصينية الاستثمارية (الصينية) سوف تنعقد يوم الاثنين الموافق 23-6-2014 في تمام الساعة 12:00 ظهرا في وزارة التجارة والصناعة ، حيث سيتم خلالها مناقشة توصية مجلس الادارة بعدم توزيع ارباح عن السنة المالية المنتهية في 31-12-2013.
كما سيتم مناقشة بنود اخرى على جدول الاعمال.
علما بأن هذه التوصية تخضع لموافقة الجمعية العامة وعدم اعتراض مجلس الادارة والجهات الرقابية عليها.

 

[نجدي2]

حلوههههههههههه من الشركة :

تأجيل الجمعية العامة العادية للشركة الكويتية الصينية الاستثمارية (الصينية) :
يعلن سوق الكويت للأوراق المالية بأنه تم تأجيل الجمعية العامة العادية للشركة الكويتية الصينية الاستثمارية (الصينية) ، وذلك لعدم اكتمال النصاب القانوني

اعتقد هذي رساله غير مباشره تفيد بعدم رضى كبار المستثمرين على اداره الشركة ومن هالشي مااكتمل النصاب حسب علمي