فعلا كلام خطير عن مجموعة المخازن

قمر صناعي

عضو نشط
التسجيل
22 يناير 2005
المشاركات
63
الإقامة
kuwait
بصراحه انا طالع من السوق الكويتي من فترة

لاني شايف في فرص اكثر بالامريكي

لكني بعد ماقريت موضوع في منتدى النوادي قلت الله يستر بصراحه الكلام المكتوب واصلني لكن حبيت انقله لكم لانه واصلني من شخص والده تاجر له وزنه في الكويت وفي غرفة التجارة

افتتاح قال:
يا جماعة اسمعوا هذه القصة 00 علي ثنيان الغانم موجود الحين في جنوب افريقيا وقال في عشاء مع اركان السفارة الكويتية ان اللي صاير في اسهم الجناعات هالايام ولا شي مقارنة باللي راح يصير بعدين لان تكسير الرؤوس لحد اللحين ما ابتدى 0000 بصراحة يا شباب لنا ما ادري شلون رئيس الغرفة يقول مثل هالكلام000 بس المصدر ثقة وما عليه اي شك او مصلحة00 ولكم القرار


سامحونا دخلنا بمكان غلط لكن الذكرى تنفع المؤمنين
 

10 kd

عضو جديد
التسجيل
3 مايو 2005
المشاركات
2
شنو هالكلام ؟

ياجماعه يعني انا اطلع من المجموعه الماسية عشان على الغانم المحترم قال على عزيمة عشا هالكلام .

وشنو على الغانم بيده انزل ويكسر السوق على كيفه ؟
 

بوحسن

عضو مميز
التسجيل
15 مارس 2004
المشاركات
3,021
اصلا الي يقول مافي خلاف بين ولد الثنيان ..وولد سلطان ... يطلع مو فاهم شي بالي قاعد يصير خلف الكواليس ..
 

قمر صناعي

عضو نشط
التسجيل
22 يناير 2005
المشاركات
63
الإقامة
kuwait
الصبر مفتاح قال:
اصلا الي يقول مافي خلاف بين ولد الثنيان ..وولد سلطان ... يطلع مو فاهم شي بالي قاعد يصير خلف الكواليس ..




ا خ الصبر مفتاح المشكلة انني ماقدر افضح الاسماء والله شاهد على كلمة اقولها اني مالي مصلحه من طرح موضوع المخازن ومثل ماقلت في أول الكلام اني طالع من الكويتي وأتجهت الى الأمريكي ولو انه الامريكي هاليومين مو منضبط

لكن فعلا في مشكلة كبيرة بين الغغانم والجناعات والكلام الي وصلني وقاله ا خ افتتاح في النوادي هو كلام صحيح 100 %
 

قمر صناعي

عضو نشط
التسجيل
22 يناير 2005
المشاركات
63
الإقامة
kuwait
يا شباب انا مالي شغل بالسالفة يا شباب شوية هدوء الله يرحم اهلكم

انا نقلت لكم كلام قرأته في النوادي

وصار نقاش اليوم مع واحد من التجار ما قدر أقول اسمه

لانه يمكن ماقال حق احد غيري ليش اروح افضحه

هدفي في السالفة الي والله العظيم مالي شغل في مخازن ولا سلطان اني نقلت لكم الرايين

راي مكتوب في مكان وراي انا سمعته باذوني

ماتبون تصدقون محد جابركم على انكم تصدقون الرايين

والي مقتنع باي سهم باي سوق يمسك السهم

وعقلك خلاصك
 

قمر صناعي

عضو نشط
التسجيل
22 يناير 2005
المشاركات
63
الإقامة
kuwait
الصياد2 قال:
سؤال محيرني
ليش دائما الي اييبلنا اخبار خطيرة وغير مؤكدة تكون مشاركاته معدودة علي الاصابع؟؟؟


اعتقد ان الموضوع في ان وغموض
يعني مثل ما يقول المثل
سكت دهرا ونطق كفرا


اخوي انا مشارك من زمان واكتب من زمان لكن كتابي بطيئه وماعرف اطق على الكي بورد بسرعه

لكني ادخل كل يوم واقرا كل يوم في السوق الامريكي اكثر من الكويتي

ارجوك صدقني مالي شغل بالاشعائات ولا باخبار مو زينه للاسهم في السوق الكويتي

هدفي قلته اني انقل لك رايين

راي في مكان انا ماكتب فيه نهائي الي هو منتدى النوادي
وراي انا سمعته اليوم باذوني
 

بوحسن

عضو مميز
التسجيل
15 مارس 2004
المشاركات
3,021
قمر والله انت صاج

هالسالفه بالضبط انا ما سمعتها بهل الطريقه ... بس في مشكله وتحدي صاير بين الغانم وعيال سلطان منتشر باوساط السوق على مستويات عاليه


بس ليش يمكن ناشرين هالاشاعه علشان الكل يبيع ! جايز

وان كان في خلاف فالنتيجه وحده من هالثلاث ...

جايز بنشوف اسهم الجناعات بشكل ثاني نزول قوي ( بس لفتره معينه ) فقط يعني ليمتى بيخسر الغانم ويقط من فلوسه علشان ينزل السهم ...

جايز المجموعه باعلان نتائج الربع الثاني بتشوف اسهمها فوق النخل فوق وعيال السطان مو هينيين ...

واخيرا جايز يتفق الطرفين تالي ويصيرون سمنه على عسل والي خاف وباع .. بتحسر

بس والله يا قمر .. خبرك منتشر بالسوق
 

النوط الأخضر

عضو نشط
التسجيل
14 يونيو 2005
المشاركات
155
يا اخ قمر صناعي مشكور والله يعطيك الف عافية لحرصك على نقل الاخبار الي تسمعها علشان المصلحة العامة مومصلحة الشخصية ولكن انا لي تعليق وهو:

1 - ما اعتقد ان في مشكلة بين التجار الغانم مع الجناعات لانهم ربع .

2- الي قاعد ايصير هو عملية تجميع لاسهم المجموعة ترقبا لاعلان نتائج الربع الثاني .

3_ انصحك يا اخي العزيز انك لاتنقل اخبار مثل هذي لانها تهيج المشاعر وخصوصا لملاك المجموعة .
 

beckham_23

عضو نشط
التسجيل
16 سبتمبر 2004
المشاركات
398
ما اقول الا اللة يعين ملاك المخازن علي هذة المعلومات التي ما نسمع فيها الا في نهاية الاسبوع اشدعوة التجار داشين حرب مو بورصة
انا اتوقع ان في لعبة جديدة علي اسهم المخازن و راح تبين في الاسبوع القادم و العالم اللة سبحانة
موفقين ان شاء اللة
 

الراقي

بوعبدالله
التسجيل
3 ديسمبر 2004
المشاركات
18,012
الإقامة
بيتنا
والله العظيم شي يضحك انتو تعرفون شنو تجار يعني مالك امل يضحون بفلس تبيهم يقطون ملاين بس علشان اكسر عين فلان هذا شي يضحك وشكو الجناعات بقيمة السهم اذا هم الملاك الرئيسون ومايبون يبيعون الحين او بعد الف سنه واذا ارباح السهم ممتازه نقدم الف شكر لسيد على الغانم لأنه عطانه فرصه نشتري السهم برخيص
 

المتمكن

عضو نشط
التسجيل
26 أبريل 2005
المشاركات
271
السلام عليكم ورحمة الله وبركاته
باختصار شديد عمركم شفتوا ذهب صار حديد يا جماعه الخير اسهم المجموعه ذهب وصدقوني مهما صار راح تلقون المخازن يوم من الايام فوق وتشوفونه عن قريب انشاء الله .
تكسير رؤوس وغيره ما يفيد ويانا وماراح ابيع مهما حصل ومثل ماراح ينزل بييله يوم بيصعد .
 

careful_invest

عضو نشط
التسجيل
27 يوليو 2004
المشاركات
903
افتتاح قال:
يا جماعة اسمعوا هذه القصة 00 علي ثنيان الغانم موجود الحين في جنوب افريقيا وقال في عشاء مع اركان السفارة الكويتية ان اللي صاير في اسهم الجناعات هالايام ولا شي مقارنة باللي راح يصير بعدين لان تكسير الرؤوس لحد اللحين ما ابتدى 0000 بصراحة يا شباب لنا ما ادري شلون رئيس الغرفة يقول مثل هالكلام000 بس المصدر ثقة وما عليه اي شك او مصلحة00 ولكم القرار

يا جماعة صلحوا لي يمكن أكون غلطان..بس هل في سفارة كويتية في جنوب افريقيا!!!! دخلت الرابط التالي والذي لا يشير بوجود سفارة..واذا فعلا لا يوجد سفارة فالخبر برمته مشكوك به..لأن من قاله أول مرة لم يحبكها عدل..
http://www.helplinedatabase.com/embassy-database/other-countries-in-country/south-africa.html
;)
 

الراقي

بوعبدالله
التسجيل
3 ديسمبر 2004
المشاركات
18,012
الإقامة
بيتنا
careful_invest قال:
يا جماعة صلحوا لي يمكن أكون غلطان..بس هل في سفارة كويتية في جنوب افريقيا!!!! دخلت الرابط التالي والذي لا يشير بوجود سفارة..واذا فعلا لا يوجد سفارة فالخبر برمته مشكوك به..لأن من قاله أول مرة لم يحبكها عدل..
http://www.helplinedatabase.com/embassy-database/other-countries-in-country/south-africa.html
;)
والله قويه ومشكور على المجهود الطيب
 

بوحسن

عضو مميز
التسجيل
15 مارس 2004
المشاركات
3,021
يقولك ثنيان راح يفتتحها بس بعدهم ما حطو السايت :)

بالانترنت .. مو مركبين خط تلفون :)

.....................


بس هذا ما يمنع ان في اشاعات بالسوق انه في مشاكل بين ثنيان والسلطان
 

راكان 77

موقوف
التسجيل
2 نوفمبر 2004
المشاركات
161
careful_invest قال:
يا جماعة صلحوا لي يمكن أكون غلطان..بس هل في سفارة كويتية في جنوب افريقيا!!!! دخلت الرابط التالي والذي لا يشير بوجود سفارة..واذا فعلا لا يوجد سفارة فالخبر برمته مشكوك به..لأن من قاله أول مرة لم يحبكها عدل..
http://www.helplinedatabase.com/embassy-database/other-countries-in-country/south-africa.html
;)
ايه اخوي فيه سفارة كويتيه بجنوب افريقيا وكان السفير ضاري العجران
وتم نقله ومادري من حطو مكانه بس الاكيد فيه سفاره
واما بخصوص الكلام والخبر المكتوب اتفق مع كل ماقاله الاخ الراقي
وهذي افلوس وتجاره مو لعبه كوت بوسته عشان ايكسر روسهم ويخسرهم
 

البواردي

عضو نشط
التسجيل
28 فبراير 2005
المشاركات
1,686
الإقامة
المخ التجاري
منو اللي يعرف ما وراء الكواليس ؟

هذا السؤال واللي يجاوب عليه باجابة انا اعرف يواجه ...

يا جماعه بلاش تأليف سوالف وقصص الله يرحم والديكم ترى هالكلام مو من صالحكم
واذا في اي مشكله مع السطان والغانم فإحنا مالنا علاقه فيها والبياع خسرااااااااااااااااااااااااااااااااااااااااان

واتقوا الله
 

CHART TRADER

عضو نشط
التسجيل
22 يناير 2004
المشاركات
1,043
الإقامة
الكويت
careful_invest قال:
يا جماعة صلحوا لي يمكن أكون غلطان..بس هل في سفارة كويتية في جنوب افريقيا!!!! دخلت الرابط التالي والذي لا يشير بوجود سفارة..واذا فعلا لا يوجد سفارة فالخبر برمته مشكوك به..لأن من قاله أول مرة لم يحبكها عدل..
http://www.helplinedatabase.com/embassy-database/other-countries-in-country/south-africa.html
;)



نعم في سفاره كويتيه في جنوب أفريقيا وعلى ما أظن مو متاكد


وبالتحديد سفيره ما أذكر أسمها شنو ....
 
أعلى