الاوبشن عقد الخيار ..... شرح ومثال

الموضوع في 'السوق الكويتي للأوراق الماليه' بواسطة بوحسن, بتاريخ ‏25 يونيو 2005.

  1. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    ما هو الاوبشن - عقد الخيار####### :)

    والله الموفق ..

    الاوبشن عقد الخيار ..

    مثال

    سهم المخازن يباع بسعر دينارين ووتوقع بان سعر السهم سوف يرتفع الى
    4دينار ( لك الحق باختيار اي سعر بين 2 و 4 دينار ) ويجب هنا تحديد
    تاريخ تنفيذه .. مثلا خلال شهر 30 يوم

    وهنا يجب ان يصل سعر المخازن الى 4 دنانير او اكثر خلال هذا شهر .. او انك تخسر

    مثال :
    لمشتري لعقد الخيار

    اذا قلنا كل عقد يصدر اب 1000 سهم وانت ترغب بشراء عقد واحد ..
    تنوي شراء الف سهم من المخازن بسعر 4 دنانير متوقع خلال شهر

    سعر عقد الخيار ( التكلفه هي 100 فلس ) لكل عقد خيار في سعر السوق الرسمي ..

    1000 سهم * 100 فلس = 100 دينار <------ (وهذا هو سعر العقد كله)

    واذا وصل سعر السهم الى 4 دنانير خلال الشهر تستطيع انت شراء السهم نفسه بهذا السهم ..حتى لو كان معلق حد اعلى

    واذا ما وصل الى 4 دينار ... فانت كل ما خسرته هو 100 دينار فقط

    والميزه فيه ..انك تستطيع بيع ( عقد الخيار ) نفسه الى شخص اخر خلال هذه المده ( وطبعا ان صار سعر المخازن 3 خلال 15 يوم سوف يزيد سعر الخيار عقدك ) على سعر حالي وهو 3 دنانير بسعر اكثر من 100 دينار لان السعر قرب من ال 4 دنانير .. وهناك ميزه اخرى من انك لا تملك مبلغ الان لشراء المخازن ولكن ستملك المبلغ لاحقا وتخاف ان المخازن تطير فوق ..فيضمن لك هذا الحق نوعا ما شراء المخازن



    اما اذا انت البايع لعقد الخيار وانت تملك السهم ...

    وتستطيع انت ان تمارس هذا الخيار فتريد ان تبيع سهم المخازن بعقد خيار يضمن لك ميه دينار اضافيه ولا تزال انت ان تمتلك المخازن ...
    (( وترجو من الذي اشترى منك عقد الخيار ...ان المخازن ما توصل الى ال 4 دنانير خلال الشهر ( مدة التنفيذ ) لتملك انت المخازن وتملك الميه دينار ايضا))

    ولكن ان وصل فيجب ان تبيعه المخازن اجبارا ب 4 دنانير وتخسر احتمال استمرار صعود السهم ...


    انشالله اكون وضحت للجميع ماهو الاوبشن = عقد الخيار
  2. أبو سلطان

    أبو سلطان عضو جديد

    التسجيل:
    ‏12 ابريل 2005
    المشاركات:
    37
    عدد الإعجابات:
    0
    سؤال

    السلام عليكم
    يا جماعة اشلون أعرف كميات الأوبشن المبيوعة و كم الأسعار. :)
  3. leader

    leader عضو جديد

    التسجيل:
    ‏1 مايو 2005
    المشاركات:
    57
    عدد الإعجابات:
    0
    هل هذا العقد مجاز شرعا ؟؟؟
    أعتقد إن عليه كلام .. وأحس انه في شي غلط ... جنه قمار !!
  4. LONG TERM

    LONG TERM عضو مميز

    التسجيل:
    ‏28 ديسمبر 2004
    المشاركات:
    1,933
    عدد الإعجابات:
    271
    مكان الإقامة:
    الكويت
    هل العمليه شرعيه ( تجوز شرعا) ؟
    وشكرا
  5. بورصاوي

    بورصاوي عضو نشط

    التسجيل:
    ‏13 مايو 2004
    المشاركات:
    267
    عدد الإعجابات:
    1
    في مو قع البورصه موجوده الصفقات
    اول ما تفتتح موقع البورصه على اليمين الصفحه
    مكتوب ( الصفقات واوقاتها .. سوق الخيارات )
    مبين فيه الكميات واسعار بيعها وشرائها
    .................................................................
    خوش موضوع للاستفاده
    # مدة الاوبشن
    شهر + ثلاث اشهر
    واحتمال يكون في فترة 6 اشهر في فترتة الاوبشن الجديده
    اللي تبدا في شهر 7
    .......................................................
    حاليا الفتره الاولى من الاوبشن شارفت على الانتهاء
    تنتهي في 29 \6 يعني اخر هالاسبوع
    ...........................................................
    الافضل بالاوبشن انك تجزء الكميه اللي تبيها
    يعني تبي تاخذ 50 الف اوبشن
    افضل لك تاخذها على 25 + 25 او 10 الاف لكل عقد
    لانك اذا اخذتها في عقد واحد ما تقدر تبيع جزء منها
    لازم تبيع الكميه اللي بالعقد كلها
    ..............................................................
  6. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    نسيت اضيف شي للاوبشن

    ان العاده الي يربح البايع .... اما المشتري العاده خسران

    وان اغلب المشترين يفضلون اكثرهم ..اذا مو كلهم الشهر على ياقي الفترات
  7. لاحق سراب

    لاحق سراب عضو جديد

    التسجيل:
    ‏24 أغسطس 2004
    المشاركات:
    170
    عدد الإعجابات:
    0
    الأخ الصبر مفتاح ..

    ممكن أعرف شالفايدة من شراء السهم بسعر 4 دنانير ؟

    علما بأنه قبل شهر أرخص من السعر الحالي اللي هو 4 دنانير ..

    ومشكور
  8. Blue Chips

    Blue Chips عضو جديد

    التسجيل:
    ‏7 يونيو 2005
    المشاركات:
    454
    عدد الإعجابات:
    0
    كل الشكر للاخ الفاضل الصبر مفتاح على هذا الشرح الوافي والموضوع القيم.
  9. Winchester

    Winchester عضو نشط

    التسجيل:
    ‏9 يناير 2004
    المشاركات:
    595
    عدد الإعجابات:
    0
    مكان الإقامة:
    kuwait
    للرفع

    ويارت اللي عنده امثلة تم تجربتها بالسوق الكويتي يفيدنا فيها


    وشكرا
  10. mish3al_99

    mish3al_99 عضو نشط

    التسجيل:
    ‏13 فبراير 2006
    المشاركات:
    516
    عدد الإعجابات:
    2
    ما قصرت .. اخ حسن ...
    بسالك .. شلون تشتري عقد الاوبشن ,, و الاجل ...لان مكتب الوسيط , يقولك انزل تحت , و فيه شويه تعقيد ,, وهل يمكنك ان تشتري بسرعه على الاسعار الموجوده على الشاشه ,, شكرا لك ..
  11. الأوسط برو

    الأوسط برو عضو جديد

    التسجيل:
    ‏2 مارس 2006
    المشاركات:
    184
    عدد الإعجابات:
    0
    مشكور اخوي بوحسن على الموضوع الطيب

    بس عندي استفسار بسيط

    هل يفيد سوق الخيارات الشركات اللي داخله فيه ؟ يعني يرفع من سعرها او العكس ؟


    وشاكرك على المجهود اللي تبذله
  12. bensh

    bensh عضو نشط

    التسجيل:
    ‏1 أكتوبر 2007
    المشاركات:
    717
    عدد الإعجابات:
    16
    مكان الإقامة:
    Q8
    يعطيك العافية بس اذا وصل السعر الى السعر المطلوب ماذا استفيد
  13. q8_chamber

    q8_chamber عضو مميز

    التسجيل:
    ‏24 سبتمبر 2005
    المشاركات:
    7,553
    عدد الإعجابات:
    0
    مكان الإقامة:
    الكويت - شارع عبدالعزيز الصقر - مجلس الامة - الدور
    السلام عليكم :)

    يعطيك العافية على المجهود الطيب :)


    بس لنفرض باخذ سهم بقيمة 1.000و السعر المستهدف 1.200 و الكمية 100 ألف سهم و المده 3 أشهر :)

    شلووون الحسبه ؟؟؟؟؟
  14. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0
    الأوبشن ؟!

    من الأدوات المالية للمضاربة

    ولكن من أعنفها صعود وهبوط :)




    -----------------------------------------------------------------------------------
    وعلشان الشرح واضح خلونا نختار 3 أسهم بشرط
    الأول يكون إرتفع خلال الفترة
    والثاني ثابت
    والثالث نزل


    لو تخليلنا إنا في 28/7/2007 ونبي 3 أسهم تباع في سوق الخيارات



    الصفوة ..
    الإقفال 112 ....
    التكلفة 2000 دينار لعدد 100000 سهم
    سعر التنفيذ 115 فلس



    مركز سلطان
    الاقفال 630 ....
    التكلفة 2500 دينار لعدد 20000 سهم
    سعر التنفيذ 680 فلس



    الدار الاقفال 1200 ...
    التكلفة 2620 لعدد 20000 سهم
    سعر التنفيذ 1260 فلس


    سعر الخيار تحدده عدة عوامل أهمها :
    1- متوسط سعر السهم بالسوق
    2- توقع الصعود والهبوط
    3- المدة الباقية من العقد
    4- سعر التنفيذ
    5- الكمية المتداولة


    التكلفة الفعلية للسهم = سعر التنفيذ + قيمة الخيار ( المقدم )

    مثال الصفوة ( صاعد )

    115+20 = 135 فلس تكلفة السهم الفعلية ( عند الرغبة بتنفيذ العقد )

    في هالحالة يكون ربحك إذا فرضنا إن العقد موجود طبعا

    166-135 = 31 فلس

    31 فلس + قيمة الوقت المتبقي من العقد = سعر العقد

    ------------------------------------------------------------------------------------

    مثال سلطان ( الثابت تقريبا )

    680 + 125 = 805 فلس :eek:


    سعر السهم لآخر يوم 716 فلس

    125- 89 = 36 فلس تقريبا قيمة العقد ويساوي 720 دينار تقريبا


    يعني السهم يخسرك لو ماإرتفع

    -----------------------------------------------------------------------------------------

    الدار ( نازل )

    1260 + 131 = 1391 فلس

    سعر الخيار للسهم لآخر يوم 21 فلس وتساوي 420 دينار


    يعني يحرق فلوسك إذا نزل

    --------------------------------------------------------------------------

    ملاحظة :

    * الأسعار ممكن تتغير بحسب الوقت المتبقي في كل عقد
    * كل عقد له سعره الخاص فيه
    * يتم إدخال بيانات التداول في كمبيوتر علشان يحسب الأسعار
    حسب معادلة ( تبي إينشتاين علشان يشرحها ) يوميا وعلى شان جذيه
    لحد يحاول ينبش عنها بالنت :D



    ----------------------------------------------------------------------------------------

    كلمة أخيرة إذا مو متأكد من السهم والخبر بين ضلوعك ومثل الشارب اللي
    بوجه عبدالله رويشد لا تدش نصيحة ... نصيحة ... نصيحة :cool:

    الملفات المرفقة:

  15. q8_chamber

    q8_chamber عضو مميز

    التسجيل:
    ‏24 سبتمبر 2005
    المشاركات:
    7,553
    عدد الإعجابات:
    0
    مكان الإقامة:
    الكويت - شارع عبدالعزيز الصقر - مجلس الامة - الدور
    يعطيك العافيه ما يغشمر :)



    انا عندي اسألة :)

    1- شلون اشتري العقد ؟؟؟
    2- مثال : اقدر اطلب الدار على سعر 1040 او 1060 ؟؟ وكم سعر التكلفة ؟؟
    3- ابي الحد الادنى لطلب العقد ؟؟
    4- اقدر اشتري عن طريق الاوسط ؟؟
  16. الفهلوي

    الفهلوي عضو مميز

    التسجيل:
    ‏22 سبتمبر 2003
    المشاركات:
    4,243
    عدد الإعجابات:
    4
    مكان الإقامة:
    في قلب أمي
    نفس السؤال في بالي

    وايضا اذا اردت الحصول على كميه كبيره مثلا مليون سهم فهل هي متوفره

    وما هي الجهات التي تقدم الخدمه وهل الاوسط او بيت التمويل يقدمونها


    الفهلوي
  17. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    لأي استفسارات بخصوص الأوبشن

    المركز المالي : ‏804800 ثم تطلب قسم الأوبشن وممكن يجاوبون على أي استفسار

    الشي الزين في الأوبشن ان مايحتاج رأس مال كبير مثل السوق الرسمي وبالمقابل تقدر تربح نفس الربح اللي ممكن تحصل عليه من السوق الرسمي .
  18. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0

    1- تروح السوق بعد إغلاق السوق الرسمي لمكتبك وهو يعطيك من المعروض أما الأوسط ما اعرف إشلون يسوونها لكم .

    2- ماتطلب ولاتعرض :)

    راح تلقي أسعار الشراء والبيع موجودة بالكشف

    ياتشتري

    ياتبيع


    على فكرة اللي يشتري منك واللي يبيعك واحد !



    3- أفتكر ألف سهم بس أتوقع مافيه حد أدني والأعلى تلقى بالكشف الموجود كله وممكن .... ( ممكن ) إذا شريت يحط كمية ثانية صانع السوق

    -----------------------------------------------------------------

    وأي إستفسار ياشباب حاضرين :D
  19. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0
    شباب ترا المقدم اللي تدفعونه غير داخل في قيمة الصفقة

    مو نفس الآجل تدفع 40% من الصفقة والباقي عند إنتهاء العقد أو البيع

    سعر الخيار يعود للمدة الزمنية ولا يحتسب من السعر

    أرجو الإنتباه !
  20. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0

    أأطع دراع مرسي الزناتي لو طلع واحد فيهم فاهم ليو :D


    يعرفون يدخلون الأسعار وينشرون الكشف فقط لاغير

مشاركة هذه الصفحة