اريد ان ابدأ المضاربه بشكل يومي بالبورصة الكويتية واحتاج النصيحة

MH For Ever

عضو نشط
التسجيل
11 يونيو 2005
المشاركات
1,453
السلام عليكم

اخواني اود شراء اول سهم لي في البورصة الكويتية يكون سهم للمضاربة حيث انوي الدخول بالمضاربة بشكل يومي بمبلغ بسيط ابتدي فيه .

فما هي نصايحكم لي وبأي سهم تنصحوني للبدء؟؟

مع جزيل الشكر سلفاً :)
 

CHART TRADER

عضو نشط
التسجيل
22 يناير 2004
المشاركات
1,043
الإقامة
الكويت
اذا كنت ناوي تكون مضارب يومي تحتاج الى خبره مو اقل من ثلاث

سنوات .....



تحياتي لك ...
 

الراقي

بوعبدالله
التسجيل
3 ديسمبر 2004
المشاركات
18,012
الإقامة
بيتنا
الحربى 2004 قال:
اذا كنت ناوي تكون مضارب يومي تحتاج الى خبره مو اقل من ثلاث

سنوات .....
هذي النصيحة الطيبة الله يجزاك خير ياالحربي
 
التسجيل
13 يناير 2005
المشاركات
622
صح لسانك يا الحربى
 

kuwait2world

عضو نشط
التسجيل
2 يونيو 2005
المشاركات
73
ابتعد عن الطمع وكلمة راح يرتفع اكثر ساعات اتخليك اسابيع علي الرف اطالع سهمك

اي ارتفاع طيب ومقنع بيع وقول اللي بعده
 

المهذب جداً

عضو مميز
التسجيل
28 مارس 2004
المشاركات
3,017
الإقامة
مانشستر يونايتد
.

المجموعة الدولية للإستثمار راح يوصل 330 وينزل إلى 260 يرد إلى 380 فلس

بتروجلف راح يوصل 430 وينزل إلى 340 يرد إلى 450 فلس

بوبيان ==> 1.460 دينار

الأنظمة ==> 1.400 دينار

الحاسبات ===> 285 فلس

المباني ===> 800 فلس

.
 

بوحسن

عضو مميز
التسجيل
15 مارس 2004
المشاركات
3,021
اول شي دش السوق واعتقد اعتقاد جازم ان الرزق من الله سبحانه فقط

ثاني شي انوي انك جزء من ربح اليوم ...لله سبحانه ( للفقراء )

ثالث شي تابع المنتديات واخص بالذكر هذا المنتدى

رابع شي ركز على جم سهمكل يوم صبح قبل افتتاح البورصه بمتابعه اخبار الجرايد وغيرها و للا تشتت نفسك بكل الاسهم

خامس شي ..وايد ركز على الاشاعات ( اهي الي تربحك )

سادس شي : بيع دايما باخر اليوم ..لا تنطر لي باجر ( وانطر السهم باجر)

سابع شي لا تشتري اول نص ساعه ( واتحداك تتحمل هالنقطه )

ثامن شي لا تبيع شي شريته خلال اول نص ساعه من نزوله وراقب بالنزول الكميات

نصيحتي الاخيره لك( اعتبر ان كل طراق بتعلومه )
 

almared

عضو مميز
التسجيل
17 أبريل 2005
المشاركات
4,154
الصبر مفتاح قال:
اول شي دش السوق واعتقد اعتقاد جازم ان الرزق من الله سبحانه فقط

ثاني شي انوي انك جزء من ربح اليوم ...لله سبحانه ( للفقراء )

ثالث شي تابع المنتديات واخص بالذكر هذا المنتدى

رابع شي ركز على جم سهمكل يوم صبح قبل افتتاح البورصه بمتابعه اخبار الجرايد وغيرها و للا تشتت نفسك بكل الاسهم

خامس شي ..وايد ركز على الاشاعات ( اهي الي تربحك )

سادس شي : بيع دايما باخر اليوم ..لا تنطر لي باجر ( وانطر السهم باجر)

سابع شي لا تشتري اول نص ساعه ( واتحداك تتحمل هالنقطه )

ثامن شي لا تبيع شي شريته خلال اول نص ساعه من نزوله وراقب بالنزول الكميات

نصيحتي الاخيره لك( اعتبر ان كل طراق بتعلومه )


راح تشبع طراقات بس تحمل :D :D

أهم شيء تابع التحليل الفني للسهم مهم جدا وإذا ما تعرف لا تضارب ...
وأنت حر عقلك في راسك وتعرف خلاصك
 

بوحسن

عضو مميز
التسجيل
15 مارس 2004
المشاركات
3,021
اي والله بيشبع طراقات

هالشي اكيد لاي واحد يضارب بدون مرشد وبدون خبره كافيه

اكبرها واسمنها باطين بالمخازن ومجموعتهم
 

النوط الأخضر

عضو نشط
التسجيل
14 يونيو 2005
المشاركات
155
اخوي الحبيب فور افر بالنسبة لك كمتداول جديد بالبورصة فأنا اقولك ابتعد ثم ابتعد ثم ابتعد عن اسهم شركات المضاربات اليومية وانصحك بالاتجاه الى اسهم الاستثمار المتوسط اوالطويل وتريح بالك او انصحك بالابتعاد عن البورصة ووضع افلوسك في صناديق استثمارية , والله ايوفقك .
 

MH For Ever

عضو نشط
التسجيل
11 يونيو 2005
المشاركات
1,453
الف شكر اخواني جميعا ما شاء الله ما قصرتوا كفيتوا ووفيتوا.

اخي المهذب جداً بالنسبة للأسهم التي نصحتني وهي المجموعة الدولية للإستثمار وبتروجلف متى تتوقع نزولها حسب ما اشرت بالأعلى؟؟

اخي السهم الاخضر ممكن تعطيني امثلة على اسهم الاستثمار المتوسط؟؟

مع جزيل الشكر لكل من شارك وعساكم على القوة
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
اخوي انصحك بالابتعاد عن المضاربة اليومية لانها صعبة جدا لاتحسبها سهله ابد
 

الرشيدي

عضو نشط
التسجيل
17 أغسطس 2004
المشاركات
241
نصيحه من ذهب

boalons قال:
اخوي انصحك بالابتعاد عن المضاربة اليومية لانها صعبة جدا لاتحسبها سهله ابد


كلام مشرفنا العزيز بولنس جميل وهو عين الصواب


بس ابذكر لك مواقف احصلت معي


شريت التمويل الخليجي :385وبعت بال410

شريته مره ثانية بال460وبعت بال510هذا كله في فترة بسيطة


لو ناطر علي السهم لي اخر السنة جان دوبلت فلوسي

ثانيا :المصالح العقارية (الدايخه ) شريتها بال275وبعتها علي 250فلس

وبعد شهر بس وصلت الي 290فلس

شريت الصناعات المتحدة بال196وبعت بال220 وينها اللحين

مايد مواقف واسهم اكثر دخلت وطلعت واخر السنه محقق 700دينار بس


علي راس مال 30الف دينار لو صابر علي اسهمي جان دوبلت فلوسي


بس شتقول مسوي نفسي مضارب

اخذ النصيحة وابتعد عنها نهائيا اريح لك ولاعصابك صابتي حاله نفسية منها
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
خذ الاقوى يالرشيدي :)

كانت عندى المجموعه بكل المبلغ الي عندى بال 140 وقلت ماراح ابيع الا اخر السنه

الحمدلله على كل حال ضاربت فيها وطلعت قرابه 50 فلس لكن لو مخليها للحين ....

الله كريم
 

ALBETROLY

عضو نشط
التسجيل
3 يونيو 2005
المشاركات
183
السلام عليكم

ارضى بالقليل ما يطبع بالسوق الا الطمع اسال مجرب
 

bo jassem

عضو نشط
التسجيل
13 أبريل 2005
المشاركات
266
الإقامة
دولة الكويت الحبيبه
نصيحه من أخ الى أخ,,,
الله يرزقك من أوسع أبوابه بس سالفة المضاربه اليوميه انا ماني معاك بالمره لعده أسباب, منها الربح البسيط والذي هو ضايع بالعمولات, الشي الثاني احتمال الخطوره كبير مقارنه للاستثمار المتوسط المدى (3 الى 6) شهور, الشي الثالث انت قاعد على اعصابك بشكل كبير و لا تنسى العصبيه تولد ارتفاع الضغط و السكري يكافينا و يكافيكم الشر,,,على العموم الله يوفقك ويسهل دربك و يرزقك من واسع ابوابه,,,
من سأل ما ضاع ,,, و اسال الاعضاء الكرام و المتداولين عن التداول اليومي و شوف شنو ينصحونك فيه,,,

أخوك محمد,,,
 

المهذب جداً

عضو مميز
التسجيل
28 مارس 2004
المشاركات
3,017
الإقامة
مانشستر يونايتد
.

MH For Ever قال:
اخي المهذب جداً بالنسبة للأسهم التي نصحتني وهي المجموعة الدولية للإستثمار وبتروجلف متى تتوقع نزولها حسب ما اشرت بالأعلى؟؟


النزول من أول شهر سبعة و الصعود في النصف الثاني من شهر سبعة إن شاء الله!

وخلك على المجموعة الدولية للإستثمار ولاتفكر بغيرها أبد وأنا أخوك ...؟؟!! :eek:

.
 

MH For Ever

عضو نشط
التسجيل
11 يونيو 2005
المشاركات
1,453
الف شكر اخواني جميعا مرة ثانية ويا ليت لا تحرموني من نصايحكم تراني جديد واحتاجكم تاخدون بإيدي عشان اطلع السلم درجة درجة.
اخي المهذب جداً يعطيك العافية على النصيحة وان شاء الله يرزقنا وياكم وجميع الاخوة.

عساكم القوة
 

assa

عضو نشط
التسجيل
5 أبريل 2005
المشاركات
279
السلام عليكم

اول شى اذا حبيت تشترى لازم تراقب السهم فتره معينه

ثانيه: تتابع اخبار الشركات والتوفيق بيد الله

ثالثا : راح تربح باحدى الطرق التاليه :
أ : اولها اذا الله وفقك وقسم لك ربح انشاء الله
ب : المعلومه لها اثرها فى الربح . وانواعها اما خبر او احد الناس الذى له معرفه فى احد الصناديق او التجار يبلغك انه غدا مثلا سوف يتم الضاربه على سهم معين . بس ديربالك يمكن يغير التاجر او صاحب المحفظه رايحه اذا صحا من النوم . وهذى مشكله هاهاهاها

رابعا واخر نقطه وهذى اهم نقطه : اذا شريت فاعرف ان الله قسم لك ربح من عنده فقط . فلازم تقول الحمد والشكر لله . وتحاول تشكر باى طريقه لو بالكلام والدعاء والشكر .
واذا خسرت لا سمح الله . فاعرف ان الله قد قسم لك الخساره وهى من الله سبحانه فقط لا غير . فيجب ان تراجع نفسك فربما اخطات بشى او ان هذا اختبار من الله فيجب ان تشكره كذلك
وديربالك ترى الطمع مشكله اذا ربحت ولو قليلا اطلع من السهم الا اذا علمت انه طاعد الى حد معين مرتفع هذا بالنسبه للمضارب

واعرف ان كل الذي يقال هو وجهات نظر

وان السوق يمشي بتوفيق من الله
ولا تفعل مثل الذي يدخل السوق ويقول يا خال يا ابوثنتين اى مقامر
فالسوق ممكن ان تكون مقامره او باب رزق على دراسه ومتابعه
والله اعلم
والله اعلم
والموفق الله

واسمحو لى اطلت عليكم بس هذى وجهه نظر
والله اعلم والله يوفقكم الى مافيه الخير
---------------------------------
اذا اصبت فمن الله سبحانه وتعالى فقط
واذا اخطات فمن نفسي والشيطان
 

أحمد بورصة

عضو نشط
التسجيل
12 مارس 2005
المشاركات
809
طراقي

انا طراقي يا طويل العمر اني شريت المخازن اب 4980 اوصلت 6750 بفتره قياسية جدا و ما بعت.

نصيحتي لك


لا تطمع مثلي

و حطلك هدف

مثلا : بيع اذا ارباحك 10 % .. و بيع اذا خسارتك 5%

هذا كمثال و النسب انت و كيفك .. بس بالمعقول طبعا :)

و بالتوفيق انشاء الله
 
أعلى