سؤال في الميتاستوك ( الدعم و المقاومة )

[فلس ضايع]

مساء الخير ...

عندي سؤال محيرني في الميتا ستوك ....

نزلت البرنامج .... و نزلت بيانات الاقفالات السابقة ....

&& مشكووووووووورين و ماقصرتوا على الشروحات الاكثر من رائعة و جزاكم الله الف خير &&



عندي سؤال .....
حاولت اعرف الطريقة اللي تحسبون من خلالها مستويات الدعم و المقاومة بس ماقدرت


هذا شارت للاخ ( يوسف غضنفري )
في موضوع للوطنية العقارية


http://www.indexsignal.com/vb/showpost.php?p=171349&postcount=285


ودي اعرف شلون احسب القيم اللي موجودة بالشارت

( الهدف و المقاومة و الدعم )

اتمنى تساعدوني ... ومشكووووووووووووورين سلفا والله يعطيكم العافية

وتقبلوا تحياتي

 

[c_n_b_c]

صدقني يافلس ضايع سوقنا مايمشي الا مع الاخبار والتوصيات الي تقولك قبل لاتدش مو بعد ماتدش وتروح تسوي ميتاستاك بعدين تشتري وراه حلات الشروه تصير مع الي بيدش بس لعلمك واحد من الاهل ذابح عمره يرسم ببالرنامج هذا وكله ماقوله ها شيقول الرسم اليوم يقولي نازل ويطلع العكس لاتدوخ راسك طيعيني

 

[Q8 Stock]

السلام عليكم

الدعم هي ادنى اقفالات متكرره للسهم في مدة 25 يوم تداول
والمقاومه هي اعلى اقفالات متكرره للسهم في مدة 25 يوم تداول
مثلا سهم A اقفالاته 128 126 126 128 130 122 122 ,, ,, ,, ,, ,,, ,, 122 124 120 122 130 130 134 ( 25 يوم) وهذا مثال فقط
ادنى اقفال عندنا 120 بس ما تكرر عندنا 122 تكرر 4 هذا يعتبر مستوى دعم
اعلى اقفال 134 بس ما تكرر عندنا و130 تكرر عندنا 3 هذا يعتبر مستوى مقاومة
وبجذي راح تعرف انه السهم عند حدود الدعم وقت شراء او حدود مقاومه وقت بيع
الهدف يتم معرفته عن طريقة الكمية اذا زادة الكمية عن المعدل احتمالات انه يكسر المقاومه ويصعد والعكس

اخي الكريم c_n_b_c
التحليل الفني لا غنى عنه في معرفة سلوك السهم
وكثير من الاخوان يبيعون السهم في مستوى الدعم وبعدها يتحسفون انهم ما صبروا علشان السهم صعد
والبعض يشتري السهم في المقاومة وهني الخطا لانه السهم معرض للضغط والنزول
وبجذي تتـحـقق الخسائر بالبيع والشراء
لكن عند معرفة مستوى الدعم وهي فرصة شراء ممتازه ومعرفة المقاومه وهي فرصة البيع
لجني الارباح

وهذا الكلام من محلل مبتدأ

 

[فلس ضايع]

c_n_b_c

مشكووووور على الرد مع اني اختلف معاك في رايك ...

لاني غلطت واشتريت سهم في مستوى المقاومة .... ولي الحين مو راضي يوصل للسعر اللي انا اشتريته

لو كنت ادري انه مستوى مقاومة ماكان اشتريته ... بس الله كريم

Da3BoOR

مشكوووور على التوضيح .... وجزاك الله الف خير

 

[bo rawan]

أحلى مثال : الفجيره

C_n_b_c
انا أشوف أن اسمنت الفجيره عند مستوى دعم ( 495-500)
انت اشرايك ؟؟
ترى هاذي مو دعاية ولا دعوة للشراء (مجرد راي)