استفسار الى اداره البورصه ؟؟؟

[عارف الحال]

عتدى مجموعه من البقالات العدد 7
صارهم من سنه 2000
وارباحهم عاليه والحمد لله
والسؤال هو ممكن ادرج مجموعه البقلات بالبورصه ؟؟؟؟

 

[قناص]

يصير يبا يصير
كل شي يصير تدرجهم بالبورصة تدرجهم بالجبرة ...
واحد

 

[نوكيا]

بنهاية 2005 ممكن تدرجهم
وقبل لا تدرجهم سو لك مؤتمر صحفى واشرح اشلون كنت تملك بقاله ومن ورا هالبقاله صار عندك 7 بقالات واذا ممكن تقول لنا اذا كان عندك عقود فى المستقبل

وهالله الله كم اعلان فى الصفحة الاقتصاديه

 

[البواردي]

انا سمعت ان مجموعة البقالات راح يوصل سعرها نهاية السنه 7 دنانير وان عندها عقد بطعش مليار تومان

 

[نوكيا]

تهقه يالبواردى سعر مجموعة البقالات يطوف سعر الهواتف والكيبلات

 

[العلمي]

تبي تزيد ارباح بقالاتك الله يباركلك الحل بسيط سو اعلان انك كسبت حكم وان العمارات الي فيها بقالاتك كلها مملوكه لك وبعد ما تمشي علوجك..قول لهم اف اسفين الحكم اخلاء لا سمح الله وطلعت مو بس ما تملك العمارات الا ومستاجر من الباطن وماجر اعزوبيه...مو هذي الشفافيه الي هم يقولون عنها

 

[نوكيا]

قالى واحد من الربع امس بالليل واحنا قاعدين بالدوانيه اشتر اسهم بقالات عارف الحال لانه فيه خبر حلو بينزل يوم الاربعاء قبل الاقفال ب 20 ثانيه
وانا الحين نقلت لكم الخبر
بس ما اقدر اقولكم منو هالشخصيه اللى خبرنى

 

[بن عاقول]

يشاع بان بقالات عارف الحال توقع عقد بقيمة 5 د.ك لتأجير عدد 20 قارى بالووون للجيش البنقالي :d

 

[العلمي]

..اي بعد نسيت اقولك اخوي عارف حال لاتقول انك ربحان وان علوجك ماشيه وعليها طلب تدري ليش حتى ما يطلعلك راي بقاله مدزوز في المنتدى ويقولك اخوي ترى ارباحك مو تشغيليه..تقوله ولله ارباح علوجي 104فلوس يقولك هم مو كافي تقوله طيب ارباح الربع الثاني يمكن90علج يقولك ابد هذي جتك من الشارع...تقوله يا الحبيب انا توني شاري بقيمة كارتون علوج وزبايني راح يبشرون بالخير هم ماكوفايده..وعلى هل الحال يا عارف حال الله يعيندك ويوفقك انشاء الله

 

[الشورى خالد]

يبين من الشارت ان الدعم قوي جدا 15بطل بيبسي بصراحة بقالة تستحق المتابعة ---------- توصية قوية جدا لاطوفكم

 

[نوكيا]

انتظروا ارباح الربع الثانى وشوفوا المفاجات

 

[osama411]

يقال ان مستثمر خليجى بيدش على سهم البقالات بسعر 3 د ك للسهم

 

[بوحسن]

اتمنى ان يوسع صدر الجميع لما ساقوله وان محد يعصب لان السوق اليوم نازل اشوي (

اتوقع السهم هذا مقبل على صعود كبير ان تعدى نقاط المقاومه التاليه

22 فلس و26 فلس 90 فلس بعد سعر السهم الاصلي

اما الدعم بيكون على 18 فلس و 15 فلس وما اتوقع ينزل على ال 15 فلس اكثر لان ماكو شي بالسوق ينباع اقل من 15 فلس

عموما هذا مجرد راي وليست دعوه للشراء

والشارت المرفق هذا للبقالات راح يوضحلكم الي قاعد اقوله والي مو مصدقني ارجوه انه كل ما يشوف نكي يصكر الموضوع وعنه ما استفاد

او يشوفله شارت ثاني بعيد عني ..

 

[نوكيا]

اخوى الصبر مفتاح : انا راح اشترى هالسهم وانا مغمض بناءا على توصياتك ولك الحلاوة
بس ما انا ماراح اكون مضارب
اكون مستثمر طويل الامد لانى سمعت انه مجموعة بقالات عارف الحال راح يتوسع وعنده ارض فى دبى وارض فى الرقعى وسفوان والعبدلى وهناك مفاوضات على شراء ارض فى حوض الكنغو لاستثمارها فى مجموعة كافيهات ومطاعم وبقالات عارف الحال

 

[بن تركي]

للرفع

 

[نوكيا]

بن تركى : انت تقصد ترفع الموضوع او ترفع السهم
وضح

 

[بن تركي]

لايبى العفو أنا أرفع للسهم

 

[الزعيم1]

أخوى عارف الحال لازم أتسوى مؤتر شفافيه على شان أتبين جم أرباح مجموعة بقالاتك بعد قرن............دير بالك من المحافظ لايضغطون على أسهمك وبعدين تروح فيها
كل التحيه لك ياعارف الحال فقد لطفت علينا الجو بعد يوم بورصى كان ملتهب والمشكله أنه حرق أعصابنا وقلوبنا بس الصبر مفتاح الفرج.

 

[البواردي]

يا جماعه في مجموعة قواري بالون بشرق واهي مجموعه كبيره وانا سمعت ان مجموعة البقالات اهي اللي شاريه القواري لان عندهم عقد



انا قلتلكم وانتو بكيفكم
ولا تنسون ترى السهم مستهدف من مجموعة الاوراق

 

[عارف الحال]

شكرا لجميع الاخوان على هالردود والله ما توقع انه بقالاتى مشهوره لهدرجه
لازم انزلها البورصه :d :d :d