المركز المالي :::::: شرايـــــــــــــــــــــــــكم ؟

[الوسيم]

اعزائي الاعضاء لي صديق اليوم اشترى لي سهم المركز المالي بسعر 510 ولا خذا رائي وعاتبته على الشراء لاني لست اعرف عن هذا السهم وقال لي انه لهذا السهم اخبار طيبة فوق الممتازة ابي يا خواني شنو رائكم وردة فعلكم لهذا الصديق اجيبوني والله يرزقكم ويرزقن جميعا ​

 

[بوعيد]

السهم زين ...خصوصا بهالسعر
بس المشكله ......انه بطيء وانا اطلق عليه لقب السلحفاه بكل جداره
على كثر التداول يايزيد 10 فلوس او ينقص 10 فلوس
حجم التدوال عليه هالفتره ممتازه وكان متوقع انه يرتفع لكن الحين طايح من اقفال امس اللي كان 530
والله يوفق الجميع

 

[RHODIUM]

اخي الوسيم بأختصار في توصية من اخونا الكبير الجيماز2 على سهم المركز المالي نهاية الشهر الحالي ممكن راح يوصل الى ال700 ف والله يوفقك ويوفق الي شرالك سهم المركز وسلامي للجميع

 

[ashraf khalil]

السهم مافي عليه خوف
له دعم قوي جدا على 510
مشكلته انه سلحفاة بالصعود
ولكن اذا انفجر راح يرتفع 100 فلس مرة واحده
والله ولي التوفيق

 

[بوحسن]

هذا السهم اكيد بيرتفع انشالله ..جذي الواضح

بس الميزه الي ابهل السهم ..انك تقدر تصيده باي سعر وهو يرتفع

يعني ثقيل بصعوده مما يخلي الواحد يقدر يلحق عليه باي وقت

 

[متداولجي]

باختصار
صديقك يعزك ويحب لك الخير انشالله وجدامك سكت سفر

 

[RHODIUM]

والله حبيب يااشرف شخبارك؟وشخبار الصناعات المتحدة والاسماك؟

 

[حريص]

بالعكس السهم ممتاز بس انا كنت ملاحظه انه يصعد مع صعود المؤشر وينزل مع نزوله ..... تابعوه خلال المده هذي راح تلاقون كلامي صحيح

 

[مارجن]

اعزائي الاعضاء لي صديق اليوم اشترى لي سهم المركز المالي بسعر 510 ولا خذا رائي وعاتبته على الشراء لاني لست اعرف عن هذا السهم وقال لي انه لهذا السهم اخبار طيبة فوق الممتازة ابي يا خواني شنو رائكم وردة فعلكم لهذا الصديق اجيبوني والله يرزقكم ويرزقن جميعا ​

مبروك وتلقى خيره ان شاء الله
ولا تعاتبه لأنك راح تبوسه وفوفها عزيمة
لا تنسانا

 

[مستثمر من 1996]

السهم زين وفوق الدينار لآخر السنة انشاءالله

اذا تبي اتبيع بيع من الحين بس لا تعاتب صاحبك اذا نزل وتفرح لما يصعد .

 

[الوسيم]

السهم زين وفوق الدينار لآخر السنة انشاءالله

اذا تبي اتبيع بيع من الحين بس لا تعاتب صاحبك اذا نزل وتفرح لما يصعد .

انشالله مايوصل العتب على صاحبي وانا اكن له كل تقدير واحترام وانتم جميعا اخوان واعزاء واقدر اقتراحاكتم وتوصياتكم ولا تبخلوا علينا بالمعلومات التي تخص سهم المركز المالي والله يوفقكم جميعا وسلامتكم​

 

[jasem^320]

مساكم الله بالخير

المركز المالي اتوقعله والعلم عند الله انه 600 فلس خلال هالاسبوعين
وخصوصا ارباحه بالربع الثاني قياسية...وتذكر كلامي ...
(المعلومة من وحدة من المحافظ )

 

[الوسيم]

مساكم الله بالخير

المركز المالي اتوقعله والعلم عند الله انه 600 فلس خلال هالاسبوعين
وخصوصا ارباحه بالربع الثاني قياسية...وتذكر كلامي ...
(المعلومة من وحدة من المحافظ )

بارك الله فيك يا اخ جاسم ^320 ومشكور على هذه المعلومه الطييبة اسال الله ان تكون صحيحة وانت صادق في كلامك​

 

[مستثمر من 1996]

وصلني اليوم ان المركز محقق 70 فلس ، لم اشأ طرح الخبر الا بعد اقفال السوق حتى يتسنى لي ولكم التأكد من الخبر ويلي فيه يفيدنا ما يبخل علينا .

انا ادري السهم زين بس 70 فلس أكثر من زين واكثر مما توقعت

 

[مارجن]

وصلني اليوم ان المركز محقق 70 فلس ، لم اشأ طرح الخبر الا بعد اقفال السوق حتى يتسنى لي ولكم التأكد من الخبر ويلي فيه يفيدنا ما يبخل علينا .

انا ادري السهم زين بس 70 فلس أكثر من زين واكثر مما توقعت

تدري إذا 70 فلس أخوي مستثمر يعني السهم مو أقل من 700 فلس وتدري شنو يعني لآخر السنة دينار
وآنا أقول ما في دخان من غير نار

 

[bo musaed]

انكتب اليوم على العموم بالنص " تقريبا 70 فلس " فى جريدة الراى العام
بس حطو الاحتمال الاقل عشان سبحان اللة ما نتفاجا, من 50 الى 55 فلس

 

[الوسيم]

تدري إذا 70 فلس أخوي مستثمر يعني السهم مو أقل من 700 فلس وتدري شنو يعني لآخر السنة دينار
وآنا أقول ما في دخان من غير نار

والله كلامك صحيح وانا توقعي فوق الـــ600 الاسبوعين انشالله وفيها رزق للي يمتلك المركز المالي ولكم حرية البيع والشراء​

 

[مستثمر من 1996]

انا زدت كميتي اليوم من المركز ومتعشم خير وانا مستثمر مو مضارب ، وسعر البيع المبدئي 700 فلس وادعو لي بالربح انشاءالله .

 

[الصـــــالح]

طيب يااخوان انا املاحظ انه السهم ماعليه طلب قوي؟؟؟ وبعدين كل يوم بنازل وعليه ضغط رهيب على مستوى 530 و550انا شاريه من شهر ولاني قادر ابيع لو ابراس المال ....فمتى متوقعين الانطلاقه انشالله؟

 

[مستثمر من 1996]

المركز من الاسهم الثقيلة نوعاً ما لكن اذا صدقت التوقعات وانشاءالله تصدق يصعد مع صعود السوق وهذا يقرر حسب تداول الايام القادمة وتماسك المؤشرين السعري والسوقي ، ولكن لآخر السنة ما في خوف على السهم انشاءالله .