تكفون يالربع .....

مقرش

عضو جديد
التسجيل
24 يونيو 2005
المشاركات
4
السلام عليكم ورحمة الله وبركاته
يااا اخواني ما افهم في شغلة البورصة ولا احيكها ولو آخذ دوره في المؤشر مدة سنه ..
المهم عندي مبلغ في حدود 100 الف ريال مين يستثمرلي الله يرحم والديه
___________________________________
أثر البداوه ورث مامنه فكـــــه
_______________ والبدو عند الله لهم رزق ماشي
لو يشترون اسهم بطيبه ومكه
_______________ ما يربحون الا بسهم المــواشي
 

المحبوب2

عضو نشط
التسجيل
16 يونيو 2004
المشاركات
565
ياعزيزي لاتدش دوره ولا هم يحزنون موغصب الي ترتاحه سوه انت بس شوف الاخوان شنو يقولون عن اسهم اخذها وشوفها اذا تسوي ولا لا واذا ماعرفت اسال الربع وماراح يقصرون وبعدين نصيحه مدام ماتعرف شي لاتدش السوق الامريكي خلك علي الكويتي او الاماراتي ابرك لاسبلت ولا هم يحزنون وحتي لو تنزل اسعار الاسهم الكويتيه اخر السنه تعطيك ارباح مومثل الامريكي ينزل سهمك وتخسر لا ارباح ولا شي ;)
 

اول

عضو محترف
التسجيل
14 أبريل 2004
المشاركات
4,342
الإقامة
السعودية- الرياض
مقرش قال:
السلام عليكم ورحمة الله وبركاته
يااا اخواني ما افهم في شغلة البورصة ولا احيكها ولو آخذ دوره في المؤشر مدة سنه ..
المهم عندي مبلغ في حدود 100 الف ريال مين يستثمرلي الله يرحم والديه
___________________________________
أثر البداوه ورث مامنه فكـــــه
_______________ والبدو عند الله لهم رزق ماشي
لو يشترون اسهم بطيبه ومكه
_______________ ما يربحون الا بسهم المــواشي

اذا كنت من السعودية

جمع دراهمك بسابك من الان

ومايجي تاريخ 30/1/2006

الا وهي حول 300000 انشالله

لان الاربح المتوقعه لسابك في نهايه السنه (((25000000000))) او دبل ارباح العام (((14200000000)))

هالرقم كبير جدا حتى على مستوى الشركات العالميه مثل سابك :) :) :)


وابعد عن المضاربه دامك جديد
 

ابو رواف

عضو محترف
التسجيل
15 سبتمبر 2002
المشاركات
2,678
الإقامة
الرياض
مقرش قال:
السلام عليكم ورحمة الله وبركاته
يااا اخواني ما افهم في شغلة البورصة ولا احيكها ولو آخذ دوره في المؤشر مدة سنه ..
المهم عندي مبلغ في حدود 100 الف ريال مين يستثمرلي الله يرحم والديه


اعتقد ان بريدك الخاص او صندوق الرسايل سيمتلىء با العروض .
كن حذر , وفكر لماذا هناك من يريد ان يتفرغ لوقتة الخاص ليستثمر اموالك بينما يستطيع ان يستخرج قرض ويستهلك وقتة لمصلحتة .

بي كيرفل
Kon Hather
 

khalid592

عضو نشط
التسجيل
2 مايو 2005
المشاركات
701
الإقامة
kuwait
انصحك بالصناديق الاستثماريه اهي انسب حل لك
 

ralraja11

عضو محترف
التسجيل
29 يناير 2005
المشاركات
2,736
كلام الأخ أول في محله بس مايمنع تجرب النظرية الخربوطية
 

Penny$Maker

عضو نشط
التسجيل
11 مارس 2005
المشاركات
496
الله يبارك لك في مالك يا أخي ...
إذا تبي نصيحة من القلب إلى القلب لا تتعب حالك وأنا استثمرها لك وش قلت .....؟
طيب كيف ؟
راح اعلمك كذا طريقه للاستثمار وأنت حر بالطريقه اللي تعجبك
اولها ليش اتجهة للبورصه؟
ما فكرت لو دقيقه من حياتك اللي بالدنيا خصصت هذي الدقيقه عن مالك
هل تضمن ربحيتك من وراء الريالات اللي عندك يعني بتشوف كله ربحان ونمو طردي وليس عكسي لرأس المال؟
هل تعتقد انك قادر انك تحافظ عليه بالبورصه
إذا انت مبتدأ لك خيارين صراحه مالهم ثالث
الخيار الاولى اذا مالك قواعد او طريقه يعني بالعربي محلل انا اقولك خل فلوسك بالبنك اريحلك ولو فكرت في الادخار ربحيتك كل سنه 10000 ريال المتوقع طبعا

الخيار الثاني ليش ما تشوف الصناديق الاستثماريه في البنوك شرط شرعيتها خليك مرتاح وغيرك يدير حلالك يعني خل فلوسك بالشمس واقعد تحت الظلال وياريتك تدخل على مواقع البنوك عدكم لعل وعسى ان تستفيد والا اقولك اتصل فيهم احسن وما شاء الله الاسواق الخليجية في حالة انتعاش ليش تضيع على نفسك فرصة العمر وتكسب بالحلال ولا بدولتك وبمحلك

وإلا ان سألت عن السوق الامريكي صدقني يا اخي العزيز سوق مافيا وشياطين الكفار في يوم وليله يضحكون عليك ويصبغوك باللون المفضل لديهم ألا وهو الأحمر ....

وأنصحك لوجه الله ترى السوق الامريكي إذا منت شاطر فيه ولا لك بالتحليل ولا انت محترف (لازم تعرف قيمة الكلمة محترف) ما يكفي فقط كمحلل، اقولك لا تحط فلوسك بالنار وانت قاعد تشوفها تحترق قدام عيونك وإن شفت ربعك وناسك قاعد ترفع للسوق الامريكي انا اقولك بدايتها دلع ونهايتها ولع يعني راح تتحسر على كل ريال رميته بسوق الامريكان وإن كنت مصر وما بذنك مويه على الاقل ادخل فقط 5000 دولار جرب وشوف البرهان وأنا ما انصحك بتاتا وان كنت خلاص ضارب كلامي بعرض الحيط انصحك بكلمه على الاقل ربحك مضمون اشترك بتوصيات دريال ومع الوقت راح تعلم ... وعلى فكره ما أسوق لموقع دريال لكن فلوسك اضمن لك وراها عوائد باذن الله

وان سمعت مشورتي باختيارك للصناديق الاستثماريه على الاقل عوائدها لا تقل عن 15% الى 50% يعني مربحك وانت جالس في البيت وهينا تفرق ممكن هذي العوائد شهريه او نصف سنويه او سنويه

والله يرزقك الحلال الطيب

وطبعا لا تنسانا بالدعاء ولا تنسى زكاة حلالك
 

مقرش

عضو جديد
التسجيل
24 يونيو 2005
المشاركات
4
اول قال:
اذا كنت من السعودية

جمع دراهمك بسابك من الان

ومايجي تاريخ 30/1/2006

الا وهي حول 300000 انشالله

لان الاربح المتوقعه لسابك في نهايه السنه (((25000000000))) او دبل ارباح العام (((14200000000)))

هالرقم كبير جدا حتى على مستوى الشركات العالميه مثل سابك :) :) :)


وابعد عن المضاربه دامك جديد

شكراً للجميع والله يحفظكم ويستر عليكم
و كم قيمة سهم سابك ومدى شرعيتة
 

مقرش

عضو جديد
التسجيل
24 يونيو 2005
المشاركات
4
Penny$Maker قال:
الله يبارك لك في مالك يا أخي ...
إذا تبي نصيحة من القلب إلى القلب لا تتعب حالك وأنا استثمرها لك وش قلت .....؟
طيب كيف ؟
راح اعلمك كذا طريقه للاستثمار وأنت حر بالطريقه اللي تعجبك
اولها ليش اتجهة للبورصه؟
ما فكرت لو دقيقه من حياتك اللي بالدنيا خصصت هذي الدقيقه عن مالك
هل تضمن ربحيتك من وراء الريالات اللي عندك يعني بتشوف كله ربحان ونمو طردي وليس عكسي لرأس المال؟
هل تعتقد انك قادر انك تحافظ عليه بالبورصه
إذا انت مبتدأ لك خيارين صراحه مالهم ثالث
الخيار الاولى اذا مالك قواعد او طريقه يعني بالعربي محلل انا اقولك خل فلوسك بالبنك اريحلك ولو فكرت في الادخار ربحيتك كل سنه 10000 ريال المتوقع طبعا

الخيار الثاني ليش ما تشوف الصناديق الاستثماريه في البنوك شرط شرعيتها خليك مرتاح وغيرك يدير حلالك يعني خل فلوسك بالشمس واقعد تحت الظلال وياريتك تدخل على مواقع البنوك عدكم لعل وعسى ان تستفيد والا اقولك اتصل فيهم احسن وما شاء الله الاسواق الخليجية في حالة انتعاش ليش تضيع على نفسك فرصة العمر وتكسب بالحلال ولا بدولتك وبمحلك

وإلا ان سألت عن السوق الامريكي صدقني يا اخي العزيز سوق مافيا وشياطين الكفار في يوم وليله يضحكون عليك ويصبغوك باللون المفضل لديهم ألا وهو الأحمر ....

وأنصحك لوجه الله ترى السوق الامريكي إذا منت شاطر فيه ولا لك بالتحليل ولا انت محترف (لازم تعرف قيمة الكلمة محترف) ما يكفي فقط كمحلل، اقولك لا تحط فلوسك بالنار وانت قاعد تشوفها تحترق قدام عيونك وإن شفت ربعك وناسك قاعد ترفع للسوق الامريكي انا اقولك بدايتها دلع ونهايتها ولع يعني راح تتحسر على كل ريال رميته بسوق الامريكان وإن كنت مصر وما بذنك مويه على الاقل ادخل فقط 5000 دولار جرب وشوف البرهان وأنا ما انصحك بتاتا وان كنت خلاص ضارب كلامي بعرض الحيط انصحك بكلمه على الاقل ربحك مضمون اشترك بتوصيات دريال ومع الوقت راح تعلم ... وعلى فكره ما أسوق لموقع دريال لكن فلوسك اضمن لك وراها عوائد باذن الله

وان سمعت مشورتي باختيارك للصناديق الاستثماريه على الاقل عوائدها لا تقل عن 15% الى 50% يعني مربحك وانت جالس في البيت وهينا تفرق ممكن هذي العوائد شهريه او نصف سنويه او سنويه

والله يرزقك الحلال الطيب

وطبعا لا تنسانا بالدعاء ولا تنسى زكاة حلالك

ياا اخواني وش معنى هوامير البورصه امثال ( م ا ع ) يا خذون مساهمة من الناس 100 الف ريال والارباح شهرياً 40 الف ريال . لا وبعد يقولون الارباح اكثر من الـ40 الف بس عاد ياخذون حقهم . فسروا لي هل هذا صحيح
 

الشعثاني

عضو مميز
التسجيل
20 مارس 2003
المشاركات
2,302
الإقامة
** بلاد الورد **
-

مقرش قال:
ياا اخواني وش معنى هوامير البورصه امثال ( ----- ) يا خذون مساهمة من الناس

100 الف ريال والارباح شهرياً 40 الف ريال . لا وبعد يقولون الارباح اكثر من الـ

40 الف بس عاد ياخذون حقهم . فسروا لي هل هذا صحيح

-




معلوماتك قديمة يا مقرش - خلاص باح - NO MORE

الناس تدور الآن على رؤوس اموالها و ما عـندك احد

باح ( فلوس ما فيه ) - اعتقد الموضوع كان تلبـيس طواقي :eek:

و خلصت الطواقي و اللـعـبة



( اساسيات و فرضـيات اللـعـبة )


واحد يخرج من المسرحية بطاقيته :cool:

واحد ثاني يخرج بطاقيته وطاقية صاحبه :cool: :cool:

و الاكثرية من الناس بديهياً لا بد تخرج بدون طواقي :(





(( لعـبة تلبيس الطواقي )) يطـلق عليها ( تدوير الاموال ) او البينزو


الحالم بالثراء السريع اللي يحمل معه مال ( هو يحمل طاقيه و يرغـب في استثمارها )

و تبدأ اللعـبة بجذب اشباهه الحالمين - و كل واحد منهم يحمل معه طاقيه

على امل انه يطـلع بطاقيته سالمه ومعاها كم طاقيه ( ارباح )

( لـعـبة شيطانية )


الطعم الكبير كان موجه للطماعـين اللي كلما رجعـو له طاقيته سالمة ردها

عليهم و زادهم من الطواقي اللي عـنده في البيت وفي البنك طمعا في الربح

السريع المتكاثر


الى ان جاء الفصل الاخير من المسرحية - يدور على الطاقية الاولى و لايحصلها :eek:



للاجابه على ما يدور في خاطرك عن امكانية حصول ارباح خيالية مشابهة - اجيبك بالتالي :


اكثرية من في هذا المنتدى يعملون في البورصة الامريكية

ولا يوجد بيننا من يربح بدون ما يخسر- هناك خسائر و هناك ارباح

ان وجد شخص يربح فقط ولا يخسر - او يحقق عائد شهري منتظم 40 % كما

ذكرت - فهذا شخص معجزة - ستتكالب عـليه دول عـظمى لتحسين ظروفها

المادية و الاقتصادية من خلال البورصات العالمية ولا تريد منه اكثر من 5 %


ادارة الاموال الضخمة تستدعي الحذر الكبير و الادوات الخاصة للتعامل معها

و عادة لا تحقق الا اقل النسب لثقل حركتها و صعـوبة تشغـيلها


قد يوجد بيننا من تضاعـف راس ماله المستثمر الى 100 % في أحد الاشهر

( ربما صدفه او احتراف ) ولكن راس المال المستثمر قليل و سهل التشغـيل


هذي هي القواعـد الاساسية المتعارف عـليها لـمن يتعامل مع البورصة

وما خالفها لاحكم عـليه



-
 

الكبتن

عضو نشط
التسجيل
17 ديسمبر 2004
المشاركات
316
الشعثاني

كلامك من ذهب الله يحفظك
للاسف الطمع يسوقنا من جرف لدحديرة وقليل اللي يتعظ

لعبة الطواقي حلوة خصوصا اذا حوشت على كم طاقية لكن المشكلة ماهوب فقدان طاقية واحدة المشكلة الكبيرة الخروج مفصخ بالكامل??????
 
أعلى