واقعنا اللي يفشّل

الموضوع في 'إستراحة المنتدى' بواسطة عاشقة, بتاريخ ‏13 مايو 2002.

  1. عاشقة

    عاشقة عضوة فقيرة

    التسجيل:
    ‏8 مايو 2002
    المشاركات:
    20
    عدد الإعجابات:
    0
    مكان الإقامة:
    في قلب حبيبي
    1-ندرس ونتعلم ..... نتثقف ......... يصير معنا دكتوراه من اكبر جامعة
    بس بحياتنا نتهاوش مع ولد الجيران على من يوقف تحت الظل!!!



    2-نلج ابونا ونغضب امنا ونترجى خواتنا ونتسلف كله هذا عشان نتزوج بحجة انه بنحصن انفسنا بيوم الصباحيه تمر من عندنا لبنانيه نبحلق عيونا فيها ونرد بالزوجه!! ونقول حنا وش خلانا ناخذ هالجنيه ؟؟

    مالقاه الا رجل هالبنانيه !!!


    3-نشري جهاز بالفين ولا حتى نروح للقهوه الساعة ثلاث بالليل ولجه وزحمه وصراخ واحد يفصفص على ضهرك والثاني مخيسك بريحته وثنين مزعجينك بهواشهم عن من ازين لاعب

    و كله عشان منتخب مهزوم بثمانيه !!



    4-نقعد سنين نصمم وسنين نختار احسن انواع البويات وندفع كل الى عندنا ...

    عشان نشري رخام كل هذا عشان يطلع واجهة البيت حلوه بس انة يبيلك طياره عشان تقدر تشوف الواجهة لآن السور ارتفاعة كيلو!!!!



    5-نتأفف ونقول الصيف حر ندور واساطات عشان الحجز وواساطات عشان الاجازة من الشغل و نقول مافية ازين من السياحه مالقاة الا ابن بطوطه

    واذا سافرنا النهار نوم تقل بومه وفي الليل يا نروح للسوق اذا كان فاتح ولا للديسكو !!!



    6-الصلاة دايم بالمسجد والصوم حتى الست نصومه !!! نروح لبقالة وناخذ منة بيبسي بريال ونقولة نجيبه لك بعدين !!!! ونهج ولا نبدا نمر ذا البقاله

    ابد عشان الريال واذا نسينا ومرينا حلفنا له

    انه مهب حنا الى ماخذين البيبسى !!!



    7-حريمنا مسوين انفسهم خجولات وكلهن حياء يستحون يطلبون حاجه !! اذا صار فية عرس تلقاه تدور الدنيا تدور وحدة تعرف العروسه عشان تحصل كرت دعوة!!!!ولاحتى تروح للفندق وترجى الحارس انه تدخل

    ليش .......؟؟؟ لآنة ناسية الكرت!!!



    8-نطلع الظهر بعز الحر وندور من بقاله لسوبرماركت كلة عشان ندور الجريده اذا لقيناة نفتح بس الصفحة الرياضية والباقي نرميه

    ليش ....؟؟؟ عشان نقرا تحليل للمبارة الى شفناه امس ونعرف نتيجته!!!!



    9-نشترك بخط تلفون جديد للبيت وجهاز كمبيوتر براتب شهر وذا سألنا

    ليش ....؟؟؟ ا عشان نعرف وش صاير بالدنيا وحنا بس على الشات وغالبأ مع ربعنا واصدقانا!!!



    10-نسب ونلعن بمديرنا وانة شايف نفسة ونقول وش اللة بلانا فيه مايدري ان الكبر لله !

    وحنا بيبوتنا ماننادي السواق الا يالوح تعال والخدامه اذا سوت شي غلط قلنا لة ياغبيه ماتفهمين!!!



    11-نشره على اقاربنا انهم قطوعين وانهم بس بالمناسبات نشوفهم !!!

    واذا واحد منهم عزمنا تعذرنا بحجة اننا مشغولين!!! او اذا مر علينا عشان

    يسلم قلنا وش جايب هالعله مايعرف يتصل قبل ..؟



    [
     
  2. المتفائل جدا

    المتفائل جدا متابع

    التسجيل:
    ‏29 ابريل 2002
    المشاركات:
    27
    عدد الإعجابات:
    0
    مكان الإقامة:
    غير مهم
    ياسلاااااااااااااااااااااااااااام

    كلام حلو ومرتب وبسيط وسلس كالسكين فى الزبدة




    للاهميته تم رفعه
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    -ندرس ونتعلم ..... نتثقف ......... يصير معنا دكتوراه من اكبر جامعة
    بس بحياتنا نتهاوش مع ولد الجيران على من يوقف تحت الظل!!!


    شفت هالموقف
     
  4. abu.omar

    abu.omar عضو نشط

    التسجيل:
    ‏18 يوليو 2006
    المشاركات:
    1,246
    عدد الإعجابات:
    0
    مكان الإقامة:
    بالـــ/ خطــ الأحمــْـرُ ...


    موضوع من سنة 2002 يرفع لاجل توضع كلمه ..



    ( شفت هالموقف )..


    من رفع الموضوع أعتقد أنسان فاضي جداً ....!!!
     
  5. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    فعلن اوخيي
    هذا واقعنا الي يفشل