صغار المستثمرين هل خرجوا بالفعل

الموضوع في 'السوق الكويتي للأوراق الماليه' بواسطة بوديمه, بتاريخ ‏16 يوليو 2005.

  1. بوديمه

    بوديمه عضو نشط

    التسجيل:
    ‏16 مايو 2004
    المشاركات:
    161
    عدد الإعجابات:
    0
    السلام عليكم
    اخواني هل خرج صغار المستثمرين بالفعل مهذا السوق
    حسب مايشاع بان 80% خرجوا بخساير كبيرة
    وكرهوا شيء اسمه بورصه
    لماذا
    السؤال ؟
    هل في غيرهم من سيدخل هذا السوق ولماذا يخرجوا منه في ضل ارباح لشركات قويه و عقود ملياريه كبيرة
    وصفقات تتعدا 6000 الف صفقه يوميه
    وللعلم ان صغار المستثمرين يشكلون بالبيع والشراء اليومي اكثر 70% وهم الاكثر من المحافظ و الصناديق
    ؟
    ؟
    ؟
     
  2. مستثمر73

    مستثمر73 عضو جديد

    التسجيل:
    ‏14 يناير 2004
    المشاركات:
    708
    عدد الإعجابات:
    0
    مكان الإقامة:
    الكويت
    خروج صغار المستثمرين ليس من صالح المحافظ والصناديق لأن من غيرهم مافي مربح !!!

    90% من المحافظ والصناديق هدفها مضاربةه وأستثمار قصير المدى وليس أستملاك الشركات بهدف السيطره....

    وهذا معناته أن خروج صغار المستثمرين راح يسبب خساره فادحه لكثير من الشركات المدرجة بالبورصة والكل يعرف أن معظم أرباحها من المضاربه في السوق الكويتي ...
    أذا خرج المشترون وهم صغار المستثمرين من سوف يقوم بالشراء منهم ؟؟؟!!! هل على بعضهم بعض ؟؟! :rolleyes:

    ((على همام يا فرعون ؟))

    الله المستعان
     
  3. المهذب جداً

    المهذب جداً عضو مميز

    التسجيل:
    ‏28 مارس 2004
    المشاركات:
    3,017
    عدد الإعجابات:
    48
    مكان الإقامة:
    مانشستر يونايتد
    .

    يروح جزء و يرد جزء و لايمكن خروج تام!

    .
     
  4. As You Like

    As You Like عضو جديد

    التسجيل:
    ‏8 مايو 2005
    المشاركات:
    166
    عدد الإعجابات:
    0
    أول الخارجين حبيب قلبنا أخونا :

    عارف الحال :eek:
     
  5. بوديمه

    بوديمه عضو نشط

    التسجيل:
    ‏16 مايو 2004
    المشاركات:
    161
    عدد الإعجابات:
    0
    لا تنسا ان الصفقات اليوم داخل السوق
    وصلت الى 3387 صفقه وغدا راح تلامس 3000 والله العلم
    وبعد اسبعين راح تتمنا الصفقات تصل الى 3000 والتوقع الان ان تصل الصفقات الى اقل من 2000 صفقه باليوم
    اما الخروج بخسارة تتعدا 50% صعب لها الرجوع
    لمن من يخسر 50% من راس المال لازم يعوضه السهم 100% ليسترجع راس المال على الاقل وهذا اصبح الحلم والنفس لا كرهت شيء صعب شفاءها
     
  6. عارف الحال

    عارف الحال عضو متميز

    التسجيل:
    ‏26 سبتمبر 2003
    المشاركات:
    704
    عدد الإعجابات:
    0
    بعد قلبى والله ضايق خلقى عالشباب
    جان زين لو طلعوا وريحوا اشويه الله يكون بعونهم معه العلم انى طلعت خسران بس لما اشوف الحين اقول الحمدلله
    الله يصبر الجميع
     
  7. saja

    saja عضو جديد

    التسجيل:
    ‏9 أكتوبر 2004
    المشاركات:
    205
    عدد الإعجابات:
    1
    انا باجر طالع من السوق

    و نصيحه ترا شغل العقار ابرك لو كل جم واحد يسوونلهم محفظه و يطقطقون بالعقار ترا وايد ابرك و الله يوفق الجميع
     
  8. view-l

    view-l عضو نشط

    التسجيل:
    ‏17 أغسطس 2004
    المشاركات:
    415
    عدد الإعجابات:
    40
    وأنا بعد طالع راح ابيع سهم لؤلؤة العقاريه 960,0000 الف سهم خسارتي
    15,000 الف دينار وراح اشتري شقتين ابرك من هلبورصة

    انا اول مرة اشوف سهم يوزع ارباح 12 فلس وينزل السهم الى 182فلس
    احنا ولله مراقبين من البورصة او يلعب معانا السستم بالعرض والطلب

    بعد السستم الجديد الذي تم تحديثة يوم الأثنين محد يقدر يربح دبل
     
  9. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    يعني برايكم نطلع من البورصه ؟؟

    و نشتغل بالعقار


    ترى نازل العقار ..

    بس تطلعون بترتفع البورصه .. وبتدشون فيها مره ثانيه ..تالي المحافظ يربحونكم اشوي منها ..

    وبس تدشون بكل فلوسكم ..ينزلونها عليكم المحافظ :) ويبوقون فلوسكم مره ثانيه وهكذا تستمر عجلة الحياة

    خل نتكلم جد الحين يا صغار المستثمرين وانا وياكم
    ليش بتطلعون من البورصه ؟؟ ليش تبون تبيعون اسهم صاعده لاحقا بسعر نازل حالي !

    انتو علبالكم ان المحافظ ما تبيكم تبيعون ؟

    انتو علبالكم الشركات التي تبي تنطرح بالبورصه داشه البورصه على اساس حشرك مع الناس عيد ..مع ان بعضها شركات رابحه بالفعل !


    انتو علبالكم ليم البنوك حاليا تقوم بانشاء شراكات استثماريه للدخول في البورصه الكويتيه والخليجيه ما درو ان الاسهم صايرلها 3 اشهر في حالة تذبذب ؟

    انتو على بالكم الفوائض الماليه بتتحط ودائع بالبنوك

    انتو علبالكم ان العقار طايح علشان في منه فايده
    ( ولا ان الفلوس كلها دشت البورصه )

    اليوم يوم الشركات الكبيره الكبيره جد ا..اليوم يوم العقود المليونيه الي كنا نادرا ما نشوفها قبل سنتين وثلاث

    وصار الزمن نشوف عقود بالمليارت ..السوق مو مستوعب ليم يشوف اول ارباح تدش عليه

    السوق خايف مثلنا من الي الطفره الي بتصير بعدين

    المؤشر خايف يدش على 9000 ..لاول مره بتاريخ الكويت

    الناس قاعده تتهيأ لزمن النمو الكبير الي بيحوش الكويت
    ( وغلاء الاسعار طبعا المواتي )


    الطمع آفة البشر .. والسهم النازل لازم يخلي البعض يقوم بالشراء ..المساله مسالة وقت فقط ..وهناك حلول لأزمة السهم النازل ... منه التطنيش
    ( تعزز عليه يغليك .. ) للي ماهو عارف يبرد او عارف شنهو الحل لبعض الاسهم الممتازه او التي محققه ارباح طيبه

    بس دير بالك تدش والسوق شالع فوق .. العاقل يدش سوق (متوقع له الصعود ) وهو نازل


    وقت الخروج ( النهائي ) الان توقيت ماهو صحيح اذا كان نهائي ..

    بس كل واحد يحط عقله براسه يعرف خلاصه
     
  10. ربيع البورصه

    ربيع البورصه عضو جديد

    التسجيل:
    ‏7 يوليو 2005
    المشاركات:
    27
    عدد الإعجابات:
    0
    خل نروح انسافر الحين جم يوم ولا حرق اعصابنا وبعدين يحلها ربك بعد ما نرجع
    والمثل يقول كلام الليل يمحيه النهار :p
     
  11. ابن صفير

    ابن صفير عضو نشط

    التسجيل:
    ‏13 يوليو 2005
    المشاركات:
    1,687
    عدد الإعجابات:
    1,172
    الله يعطيك العافيه

    كلام سليم 100%
     
  12. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    يعني قلت اسافرلي كم يوم .. زمشكلة اخذت كمبيوتري معاي عشان اشوف هالنزول المؤسف ..

    الامشكلة من بدت المجموعة الماسية وانا مبتعد عنها ..
    والحين اخذت الوطنية .. اااااااخ يا القهر .. شلي حدني عليها .؟؟؟؟
    بس ماعليه على قولت الاخوان نصبررررررررر

    لو توصل 200 فلس شالمشكلة ؟؟


    تحياتي

    رحالي
     
  13. As You Like

    As You Like عضو جديد

    التسجيل:
    ‏8 مايو 2005
    المشاركات:
    166
    عدد الإعجابات:
    0

    حبيب قلبي رحالي :

    أبداً مافي أي مشكلة بس راح نصير على الحديدة :D

    إنت إستانس بسفرتك وخل كل شي ورى ظهرك وإنشاء الله ماراح يصير إلا الخير...

    على فكرة راح نفتقدك باجر بملتقى الأعضاء
    :)
     
  14. الزعيم1

    الزعيم1 عضو جديد

    التسجيل:
    ‏29 يونيو 2005
    المشاركات:
    8,340
    عدد الإعجابات:
    0
    مكان الإقامة:
    الكويت
    ياجماعة الخير قولوا لاالله إلا الله واستغفروا ربكم والتفاؤل ترى زين وأحسن مليون مره من التشاؤم وقلة الحيله أصبروا وصابروا إن الله مع الصابرين ومن صبر نال........

    صغار المستثمرين ماخرجوا من البورصه لكنهم أصعب من ذلك أغلبهم متعلقين فوق ومو قادرين يفلتون لأن الخسائر كبيره جدا والله يكون بالعون واغلبهم سافروا على شان يرتاحون من هم وقلق البورصه ولما يرجعون يحلها الحلال والله أنهم ملح البورصه وإذا طلعوا راح تشوفون المحافظ كل سته مجمعين بزاويه ويلعبون كوت بوسته..... الله ينتقم منهم ومن الاعيبهم النجسه والخبيثه.........
     
  15. dashty

    dashty عضو جديد

    التسجيل:
    ‏6 يونيو 2004
    المشاركات:
    33
    عدد الإعجابات:
    0
    مكان الإقامة:
    kuwait
    عجيب اللي يصير

    قلنا المخازن وربعها طايحين كل يوم يقولك اذا عرف السبب بطل العجب عرفنا ليش عشان هالعقد بومليار ونص انزين اليوم اعيان ليش نازلة؟؟؟؟؟؟؟؟؟ولا هم هاليبيرتون تبي تشتري فيها اسهم عشان جذي طيحت سهمهم اليوم مثل مابعض الناس قاعدة تنشر هالمعلومة في المنتدى وان كانت صحيحة؟؟؟؟مادري شلون؟ليش نازلة اعيان؟؟؟لا والعجيب ان الرابطة مرتفعة اليوم عشان امس مقال عن kglللموانئ عن قرب ترسيات مواني جديدة....شهالتخبط؟؟؟ناس تنحاش من مخازن وربعها وتدش على اسهم ثانية ترفعها جذي بس.
    قال اقلل خسارتي قال؟؟؟
    صج صج دوووووووووخة
     
  16. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    as you like
    حبيبي اي راحة بالسفر وتالكمبيوتر معاي واشوف هالبلاوي؟؟؟
    كل ما اقول ما افتح الكمبيوتر ما اقدر :D

    يعني السفره ببلاش

    عموما عليكم بالف الف عافية بالملتقى .. وياريتني معاكم ..

    تحياتي

    رحالي