شباب انا مستحي وعندي سؤال.... شنوا ستب لوز

[Naawwaf]

بسم الله الرحمن الرحيم
ااخواني والله العظيم اني فقدت نصف راس المال بالامريكية تقريبا تسع الاف دينار وابي النصيحة الله يخليكم ويعني شنو استب لوز بس اب رد سريع وقريت عن شركة اسمها IBIS وناوي عليها اليوم تكفون ردوا علي بالراي الصح ادشها اليوم وبسعر جم او تنصحوني بغيرها وياليت تعطوني سعر اللي اشتري فيه واللي ابيع فيه
واللة يوفقكم ومشكور

 

[مرعوب]

السلام عليكم

الستب لوز

يعني ان ماخذ سهم قيمتة 3 دولارات وخايف انة ينزل اكثر

تقوم بعرض السهم للبيع عن طريق الستب لوز اي منع الخسارة بسعر اقل

من 3 دولارات فليكم 2.9000

اذا نزل الهم لهذا السعر وان عارضة مع وقف الخسار لهذا السعر على طول ينباع

عرف اوكي

 

[Naawwaf]

يعني اكو شركه سعر اقفالها امس 1.9940 مكتوب استب لوز عند 1.8880 والهدف 2.6000 يعني اذا وصلت 1.8880 ابيع وتركها
صح جذي او غلط افيدوني وهذا رقم تلفوني 7111729

 

[مرعوب]

السلام عليكم

هذي توقعات لا اكثر حسب الدراسة ممكن خبر يضيع الشركة بالكامل

عن عملية البيع او الشراء تجد مكتوب

Stop Order

وانت عندك سهم سعر نفس ماقلة 3 دولارات

وخايف ان السهم ينعكس وينزل او نفس ماتقول يكتوب الشباب استوب لوز

1.8000

تعرض السهم للبيع مع وقف الخسار ((( لا تنسي تضع السعر في خانت Stop Order )))

حتي يتم وقف الطلبية واذا نزل السهم لهذا السعر سوف يباع فورا او حسب الطلب

ارجوا ان تكون وضحة السالفة

 

[المحبوب2]

اخ نواف ستوب لوز او ستوب اوردر هي خانه بالسايت الي تتعامل مع الوسيط مثل الاوسط هي ستوب اوردر تكون تحت خانه امر الشراء والبيع انت تحدد كم تريد ان تخسر من راسمالك :d

 

[rahaly]

يا ابو النوف .. ياواش ياواش .. حبيبي

شدعوة مستعجل على الشراء ؟؟

هذا سوق امريكي .. ما فيه مشكلة باجر اشتر اللي تبيه :d


تمنياتي لك بالتوفيق

رحالي

 

[wasl]

الاخ العزيز نواف ....

عند دراسه شركه ما حسب التحليل الفني فأنك تحدد سعر الشراء وايضا تحدد سعر البيع ...وهناك ايضا ما يسمى الستوب لوز وهو وقف الخساره لكي لاتتعرض لخساره اكبر ...

بمعنى اخر شركه ما ..... حسب التحليل الفني شراءها بسعر 3 دولار وهدف البيع 3.5 ووقف الخساره او الستوب لوز 2.7 لانها لو كسرت هذا الرقم ستتجه للاقل ...

نصيحه لوجه الله بادر لدوره المؤشر نت فو الله لم تفتح عيونا الابعد الالتحاق بها في هذا البحر المتلاطم