فكره خطييييره00بس تبي قلب صخر؟؟؟؟

الموضوع في 'السوق الكويتي للأوراق الماليه' بواسطة مستثمر صغيروني, بتاريخ ‏27 يوليو 2005.

  1. مستثمر صغيروني

    مستثمر صغيروني عضو نشط

    التسجيل:
    ‏15 يوليو 2005
    المشاركات:
    467
    عدد الإعجابات:
    5
    مكان الإقامة:
    حبيبتي00الكويت
    :) السلام عليكم000 شباب احنا كم عضو في المنتدى هذا؟؟وايد اكيد0 خلونا نقول ان متوسط اللي رايح يوافقون علي فكرتي ويصمدون معاي اهم ثلاثيين واحد؟؟؟ وعليكم الحساب000000 الفكره تقول000 احنا الثلاثين لو اتفقنا علي ان نكون علي قلب واحد وراي واحد علي الحلوه والمره0000 ونتجتمع كل اسبوع وانحدد سهم او سهمين ندخل عليهم بعد ما يقرر اغلبيتنا شنو هالسهم الللي راح ندخل عليه طبعن بعد نقاش السلبيات والايجابيات للسهم0000 لو فرضنا احنا يالثلاثين شخص اللي اتفقنا000 متوسط ما يمتلك كل واحد فينا عشر الاف دينار نقسمهم علي ثلاث اقسام ---- القسم الاول ونخصصله 50/100 خمسين بالميه من قيمة المبلغ وهوللمضاربه والقسم الثاني استثمار متوسط 25/100 والثالث احتياط لأي طارء قد يمر فيه السوق لاسمح الله او( لتبريد الاسهم ) اذا لاقدر الله 000 يعني بحسبه بسيطه اذا سوينا صندوق-وهمي-(في خيالنابس والا كل واحد عنده بيزاته) راح يطلع راس مال الصندوق 30×10000=ثلاثمية الف دينار وراح تكون التقسيمات 150000 مضاربه ووخمسه وسبعين استثمار متوسط وخمسه وسبعين احتياط؟؟ وكل مازاد عدد المتفقين علي هذي الفكره كل ما كان احس وصدقوني اذا طبقنا هالفكره راح ينحسب لنا الف حساب وراح نكون ثقل كبير في السوق وراح تكون لنا كلمه ونقدر انغير مسارات اسهم وايد00000ولا ننسي ان هالمنتدي هذا مشاالله يمتلك ناس واعيه وعندها حنكه ونظره ثاقبه في التحليل وبعد النظر وكذالك تمييز الخبر المفيد والصحييح من الاشاعه مع وجود بعض الاعضاء اللي لديهم علاقات لو كانت بسيطه مع بعض الاشخاص في الشركات المساهمه في البورصه - هذا حسب ماقريت من بعض الاخوان- فا انتم اشرايكم يا اخوان؟؟ وارجوا اللي عنده ااضافه او انتقاد علي هالفكره ينورنا فيها وله مني كل الشكر والتقدير00000 والسلام ختام
     
  2. wome

    wome موقوف

    التسجيل:
    ‏19 يوليو 2005
    المشاركات:
    49
    عدد الإعجابات:
    0
    وانا بعد وياكم !!
     
  3. المجازف

    المجازف عضو نشط

    التسجيل:
    ‏15 فبراير 2004
    المشاركات:
    133
    عدد الإعجابات:
    6
    مع احترامي الشديد حق أخونا واقتراحه اولا كل اللي بالمنتدى بفلوسهم مثل نقطه بالبحر بالنسبة للصناديق والمحافظ ثانيا يبا هذي فلوس تغير النفوس يعني التخوينه بـ بيزه :)
     
  4. مستثمر صغيروني

    مستثمر صغيروني عضو نشط

    التسجيل:
    ‏15 يوليو 2005
    المشاركات:
    467
    عدد الإعجابات:
    5
    مكان الإقامة:
    حبيبتي00الكويت
    كلامك صح بس؟؟

    اخوي المجازف ادلري الصناديق والمحافظ افلوسهم وايد؟ بس احنا اذا قدرنا انتجمع وانكون علي قلب واحد صد قنتي بنسوي صندوق صغير وراح ايأثر تدري ليش لانه اكثر من واحد ومراح نعتمد علي راي واحد والراي اللي راح نتخذه راح نتخذه باري الاغلبيه000 اما مو ضوع التخوينه هذا شي راح يكون مو جود اكيد بس صدقني اذا شافوا الفايده اللي انشالله راح نجنيها من هالفكره راي يدشون معالنا وهم امغمضين
     
  5. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    للعلم سوف اذكر وهو اكثر من ذالك لكن هذا الرقم حسب شهر اغسطس الماضي

    8 مليار دينار تدار من قبل هذه الشركات

    الاستثمارات الوطنية قريبه من المليارين

    المركز المالي مليار واشوي
    جلوبل مليار ونص
    كامكو والمشاريع مليارين

    غلف والاهلية 400 مليون

    الاوسط 800 او اقل لا اثكر بالضبط

    والباقي فرقوه على راحتكم يعني حنا وينهم وهم وين غير كبار السوق اقصد تجار السوق الكبار وايضا غير الصناديق العقاريه وايضا غير مضاربين العقار والاسهم يعني لا احد يفكر يسيطر على سهم وماعنده بالاساس اسهم في الشركة او نقدا يعادل اسهم الشركة
     
  6. العمـــــــــدة

    العمـــــــــدة عضو جديد

    التسجيل:
    ‏27 ابريل 2004
    المشاركات:
    167
    عدد الإعجابات:
    0
    السلام عليكم

    أعتراضي شي واحد .. وهو ... ليش تكسرون مجاديف الأخ .. و تحبطونه

    طيب لو هذا المبلغ الصغير دخل على شركة رأس مالها صغير أيضا ممكن يسوي شي ... مثلا النقل ... راح يكون له تأثير قوي

    و الله فكرة طيبه ... ممكن تنجح ... وليس العيب أن يحاول و الأنسان وحتى أن فشل .. توكل على الله

    بس أنا مو وياكم :p ,,, لأن البورصة ... جمدتنا و سوتن فلوسنا قالب ثلج
     
  7. متطور

    متطور عضو نشط

    التسجيل:
    ‏30 ابريل 2005
    المشاركات:
    284
    عدد الإعجابات:
    0
    فكره طيبه

    الفكره طيبه
    بس فيه نقطتين واحده ايجابيه والثانيه سلبيه

    الايجابيه: ان الاخ قال المبلغ عشرة الاف... أكيد فيه ناس ممكن تدخل باضعاف هذا المبلغ ... وبالتالي يزيد التأثير

    السلبيه: خوفك انه فيه ناس متوهقه بسهم وماتصدق ندش عليه علشان تصرفه علينا

    بس أكيد انها فكره طيبه وتستاهل التجربه على الأقل قبل ما نحكم عليها

    ودمتم...
     
  8. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    انا معاك

    السلام عليكم
    يا جماعه صج انها مخاطره لكن انتو تذكروا الريال قال على قلب واحد وصدقوني كلامه صح
    وكلام ابو ريم صح وعين الصواب لكن لو نسوي اقتراحه صدقوني راح نأثر تأثير طيب
    وصدقوني لو 6 اشخاص يدشون على شركه يأثرون فيها مو 30 6 كافي



    عموماً انا معاك قلباً وقالباً

    موفقين خير



    ببيعهااااااااااااااااااااااااااااااااااااااااا
     
  9. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    جمعولي 3 الى 5 م مليون دينار

    وصدقوني في اسهم نقدر نربح من وراها شي طيب ابهل المبلغ

    بمضاربة يوميه بس .......

    فكره طيبه تحتاج نكون صندوق معتمد نسميه صندوق المؤشر نت

    ويحتاج الى موظف يرد على الاستفسار اليومي للمساهمين
    ويحتاج الى عقود اصليه وكيان قانوني

    وكل هذا سهل

    ندش مجموعه ونكون شركه ونشكل محفظه تالي من اهداف الشركه الاستثمار بالاوراق الماليه

    خوش فكره
     
  10. مستثمر صغيروني

    مستثمر صغيروني عضو نشط

    التسجيل:
    ‏15 يوليو 2005
    المشاركات:
    467
    عدد الإعجابات:
    5
    مكان الإقامة:
    حبيبتي00الكويت
    اخوي الريان اشك ان عمرك فوق الستين؟؟؟

    علي راسي الشباب والله انكم شقرديه000انا شنو قلت اول شي لازم انتجمع ونطرح السلبيات والايجابيات واذا كنا مثلن ثلاثين واحد مثلن وتناقشنا ووصلنا الى راي واحد اكيد بيكون راي قوي ومدعوم بفكار وتنظيرات ثلاثين شخص اكيد بنسوي شي اما كلام العمده فهو عين الصواب اكيد اذا شفنا الفكره حلوه ومربحه بنزيد المبلغ وانضاعفه0000 اما الريان بعد عمري انت حتي اذا ما تبي تدخل لو نفذنا الفكره ما راح انتخلي عن تحليلات الحلوه وتنظيرك الجيد000 وبنحطك مستشار بس لا تحبطنا000 :d اما مو ضوع راس المال انه صغير عادي بيكبر بعدين انشالله وكل ما عزمنا صدقني راح تشترك معانا ناس وايد وعليك الحساب000 وشكرن للجميع علي التفاعل مع هالفكره000 وعلي فكره انا اللي محاجيكم خسران اكثر من عشرين الف بالبورصه يعني متعلم عدل000
     
  11. الفردوس

    الفردوس عضو جديد

    التسجيل:
    ‏2 يوليو 2005
    المشاركات:
    140
    عدد الإعجابات:
    0
    قال انفخ يشريم قال ولك ماكو برطم بس يالله مع الخيل ياشقرة انا وياكم بثلاثين الف ونشوف مشي الحمسي والا نصير مثل الي ضيع مشيته ومشيت الحمامه
     
  12. SpeciaL 1

    SpeciaL 1 عضو مميز

    التسجيل:
    ‏23 يوليو 2005
    المشاركات:
    4,628
    عدد الإعجابات:
    8,937
    مكان الإقامة:
    أي مكان فيه واي فاي
    وآنا بعد وياكم
    وتعقيبا على كلام أخوي الريان اللي أتلذذ وآنا أقرا تحليلاته وأقف إعجاباً أمام كم المعلومات اللي يتمتع فيها وعسى الله يزيده وأن يعطينا الله مما أعطاه وزيادة، فأحب أن أنبهه بأن كل هذه المحافظ والصناديق لم تكن بهذا الرأس المال التي تتمتع به في هذا اليوم، وتأكد إنها بدأت صغيرة واشوي اشوي لين وصلت للي وصلت عليه، وأخوي مستثمر صغيرون وضح الفكرة بشكل مبسط وهو أن كل منا يتحكم برأس ماله ويديره هو بنفسه من غير أن يتدخل أحد غيره بماله، ولكن يتم الإتفاق هنا في هذا المنتدى بعد سلسلة من التحليلات والنقاشات، فأعتقد أنه سيكون محسوب من جميع الاتجاهات والباقي على الله.

    برافووووووووووو مستثمر صغيرون فكرة مجنونه وذكيه.
    وبصراحه دايماً تضحكني يالبواردي وضحكت وآنا اتخيل شلون كتبت ببيعهااااااااااااااا، ههههههههههه عسى دوم تضحك والله يحلي أيامك كثر ما تضحك الناس​
     
  13. Small_Stock

    Small_Stock عضو جديد

    التسجيل:
    ‏3 مايو 2005
    المشاركات:
    61
    عدد الإعجابات:
    0
    فكره حلوه
     
  14. wome

    wome موقوف

    التسجيل:
    ‏19 يوليو 2005
    المشاركات:
    49
    عدد الإعجابات:
    0
    أخوي عيب عليك تتهم الريال بأن نفسه اللي كان بينصب عليك . :((

    الريال طرح فكرة -- واللي عاجبته يتفضل براحته - وأكيد الناس هني مو أغبيه , بعد التعارف بين الراغبين بالاستثمار المشترك , أكيد بيصير تواصل وتعارف عن قرب , مو عمياني

    الريال الواعي يعرف ياخذ ضمانات على حلاله ( وهذا من حقه ) ومع إحترامي للشخص الغبي اللي يروح ركضه ويحط فلوسه بيد واحد ما يعرفه خير شر

    وشكرا
     
  15. مستثمر صغيروني

    مستثمر صغيروني عضو نشط

    التسجيل:
    ‏15 يوليو 2005
    المشاركات:
    467
    عدد الإعجابات:
    5
    مكان الإقامة:
    حبيبتي00الكويت
    اخوي ويلاه مشكور علي الكلام الحلو اللي قلته فيني وهذا ان دل ما يدل الا علي طيب اصلك ونظافت قلبك0000 اما اخوي بايع شاري هم اقوله مشكور علي الظن اللي فعلن انه ضيق خلقي وحبطني00 بس اذا ابترجع اللي كلامي اللي انا قلته راح تلقي اني قلت كل واحد افلوسه عنده ومحد له شغل بفلوس الثاني 00 بس القرار راح يكون جماعي والاتفاق اللي لو صار وتم الاتفاق علي الفكره راح يكون اتفاق رياييل يعني اتفاق شرف ولا قلت حساب مشترك ولا شي ثاني000 بعدين اخوي بايع شاري انا تري ما دخلت البورصه شهر 12/2004 وخسرت خساره كبيره والسبه الاستثمارات الصناعيه والمستثمر الدولي اول ما كاني سعرهم قريب حول الثلاث اميه وبعدين لا عت جبدي وطلعت وما رديت الا شهر اربعه الفين وخمسه000 اما الموقف اللي صارلك مع اللي نصب عليك فا مع احترامي لك الخطا منك اشلون تعطي افلوسك واحد ما تعرفه وتدري هذا شيسمونه وترى الحلال عديل الروح ومحد يرخصه جذيه ويعطيه اي واحد وبعدين افوس الاخوان مااظن لقوها طا يحه في الشارع وعقلياتهم اكبر من انه يجي اي واحد ويستخف فيها وينصب عليهم0000 المهم مع اني اظن ان عمرك دبل عمري ويمكن دبلين بس بقولك الله يسامحك ومشكورين يا اخوان علي هذي الثقه والكلام الطيب00000 وارد واقول هذي فكره بس فكره واقروها عدل مدل00على فكره بايع شاري انا ما ابيع وهجر ديرتي وهلي واخواني عشان افوس00
     
  16. مستثمر صغيروني

    مستثمر صغيروني عضو نشط

    التسجيل:
    ‏15 يوليو 2005
    المشاركات:
    467
    عدد الإعجابات:
    5
    مكان الإقامة:
    حبيبتي00الكويت
    كلامك صح وعين العقل اخويwome
     
  17. بو طلال

    بو طلال عضو جديد

    التسجيل:
    ‏17 ابريل 2005
    المشاركات:
    139
    عدد الإعجابات:
    0
    مكان الإقامة:
    الكويت
    الفكرى حلوه مثلا لو خمسين شخص كل واحد 20 الف راح يطلع نصف مليون
    نقدر ندش على شركه راس ماله صغير نضارب فيها ونقدر نطلع اشاعه فى السوق ان الشركه عندها عقد ونقدر نشوف واحد يشتغل فى الجريده يحط
    خبر زين شويه شويه راس مال يرتفع 0
    بس وين التنفيذ
     
  18. wome

    wome موقوف

    التسجيل:
    ‏19 يوليو 2005
    المشاركات:
    49
    عدد الإعجابات:
    0
    للعلم فقط : 50 شخص وكل واحد عنده 20 الف = مليون وليس نصف مليون !!

    مع الشكر :d
     
  19. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0


    حاب اذكرك بتوقيعك اخوي العزيز بو طلال

    اللهم انى اعوذبك من قلب لا يخشع ومن دعاء لا يسمع ومن نفس لا تشبع ومن علم لاينفع