يوم من اسوء ايامي بالبورصه

الموضوع في 'السوق الكويتي للأوراق الماليه' بواسطة بوحسن, بتاريخ ‏27 يوليو 2005.

  1. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    اليوم ودام احنا بالويك اند توقعت الاسعار بتصعد

    اليوم بعت الاهليه باقل سعر يمكن مر علي ..قلت اتخلص منه ومن ارباحه

    عسى الله يرزقني بغيره وعندي كمية زينه فيه وقلت اشتري فيه غيره

    وبدا مسلسل الخساير بسبب المرجعين اليوم الي قاعدين يمي وانا ما ابيهم يشوفون الكمبيوتر

    ركزت على الاسهم الي ابيها وبسرعه البرق سويت العمليات الثلاث

    عندي مركز سلطان ... سويتله بدال الشراء بيع على 1760 من الاوسط


    سهم الوطنيه شريته وهو مرتفع وليم نزل قلت ازيده من سعره بالنازل واتوسط السهم ..جان ابيعه بخساره

    وسهم الاتصالات بعته ليم حبيت ازيده خمسة الالف بس

    وصكرت الكمبيوتر لان عندي اجتماع وانا مطمئن باني زايد الثلاث الثلاث اسهم

    ورجعت على الكمبيوتر قبل اشوي بعد الاقفال طبعا

    لقيت ماكو شي ..

    اليوم صج كنت مسبه وليلحين .. ياتني دعوه شخصيه بالدوام جان اوقع عليها واكتب لعمل اللازم واحطها بالبريد ..السكتيره قالت ؟ شسوي فيها

    سبحان الله ..الرزق بس من الله مهما الواحد حرص ..والعوض عند الله
     
  2. نوكيا

    نوكيا عضو مبدع

    التسجيل:
    ‏1 ديسمبر 2004
    المشاركات:
    3,276
    عدد الإعجابات:
    140
    مكان الإقامة:
    الكويت
    ........................................

    على كثر بدلياتك ما الومك
    ولو البدليات لها اسهم
    كان كنت انت الوحيد المستفيد منها وبالحد الاعلى

    ألبك ابيض يا الصبر مفتاح
    عاد شتقول عنى اللى بدال ما اشترى مخازن شريت استثمارات
    الاستثمارات انزلت 40 فلس عن امس والمخازن اصعدت 100 فلس
    بالله عليك مو قراده
     
  3. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    الله يعوضك خير يا رب
    وعساها خيره انت ما تدري شنو اللي بصير يوم السبت

    والوالد دايم يقولي مثل عن الاستعجال والتصرف بسرعه

    يقول من طلب عافيه زودن على عافيته زاده الله نقصان ... :)

    انت يا اخوي ما حبيت تزيد إلا اليوم وما حبيت تبيع وتشتري إلا بالدوام وانت مشغول ما يصير

    لكن عسى اللي صار خير ان شاء الله وانت ما تدري وين الله قاسم رزقتك


    موفق خير
     
  4. نقوشي

    نقوشي موقوف

    التسجيل:
    ‏30 يوليو 2004
    المشاركات:
    888
    عدد الإعجابات:
    0
    هذا اليوم مكتوب لك من يوم مولدك

    والرزق بيد الله سبحانه وتعالى
     
  5. المتوهق

    المتوهق عضو جديد

    التسجيل:
    ‏20 يوليو 2005
    المشاركات:
    93
    عدد الإعجابات:
    0
    ذكرتنى بواحد من الربع...
    شراله الدلال سهم غير السهم اللى كان طالبه...
    يقول الاخ مادريت ان الدلال شارى لى السهم المقرود الا عقب مارحت ابى ابيع ...تفاجات انى املك سهم غيره....
    المهم ...اخونا يقول حزتها الا السهم اللى شريته حاب القاع....
    ويقعد كل يوم بس يخز السهم...ماكو تداول...يقول يمكن الله قاسم لى فيه نصيب وانا ماادرى ..مانى بايع بخسارة مقسوم لى هالسهم من الله يبينى اتربح منه حتى لو بالغلط شاريه........

    شهر ...

    شهرين....

    ثلاث شهور...

    اربعه......
    حتى تداول ماكو....

    قرر يبيع بخسارة الاخ ويلحق على الاسهم اللى قاعدة تطير طيران....

    يقول والله العظيم يومين بس ..الا السهم اللى بعته حد اعلى ...وثانى يوم حد اعلى ...وثالث يوم حد اعلى.....
    مالك الا نصيبك ....
     
  6. متطور

    متطور عضو نشط

    التسجيل:
    ‏30 ابريل 2005
    المشاركات:
    284
    عدد الإعجابات:
    0
    قدر الله وماشاء فعل

    وتذكر نهاية الحديث القدسي

    ....... رفعت الأقلام وجفت الصحف

    والله يعوضك

    أخوك
     
  7. زين العابدين

    زين العابدين عضو جديد

    التسجيل:
    ‏31 يوليو 2004
    المشاركات:
    715
    عدد الإعجابات:
    0
    دعاء المصيبة.........

    الحمدلله...........
    إنا لله وإنا إليه راجعون................ولاحول ولا قوة إلا بالله........
    اللهم أجرني في مصيبتي وأخلف لي خيرا منها...........

    وأعلم أن كل ماجرى وسيجري قد كتب علينا من قبل أن يخلق آدم عليه وعلى نبينا أفضل الصلاة والتسليم......................أنما علينا الأخذ بالأسباب....

    اللهم اكفني بحلالك عن حرامك ........ واغنني بفضلك عن من سواك..

    وخير من ما طلعت عليه الشمس ، هو قولك:

    سبحان الله والحمدلله ولا إله إلا الله والله أكبر...........

    والإكثار من الإستغفار.....
     
  8. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت
    السلام عليكم

    الله يعوضك اخوي الصبر مفتاح :)
    خلك مثل اسمك
     
  9. زين العابدين

    زين العابدين عضو جديد

    التسجيل:
    ‏31 يوليو 2004
    المشاركات:
    715
    عدد الإعجابات:
    0
    الصبر زين......

    ولا مثيل للصبر.........
     
  10. الزعيم1

    الزعيم1 عضو جديد

    التسجيل:
    ‏29 يونيو 2005
    المشاركات:
    8,340
    عدد الإعجابات:
    0
    مكان الإقامة:
    الكويت
    عسى ان تكرهوا شيئا وهو خير لكم

    وعسى ان تحبوا شيئا وهو شر لكم

    الخساره بالعمر والعوض لك باذن الله وانشالله تقلب ارباح

    مافيه احد ربحان بالسوق الكثير خسران ولكن الامل بالله كبير يعوض علينا...........................
     
  11. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    حبيبي الصبر .. انا بعت الاهلية كلها امس .. مللتنا
    واحسن ما في قصتك انك معناتها الان تملك كاااااش ..

    عزيزي الان مخمخ وتصيد وشكل من الاسهم النازلة يوميا ولا تستعجل ولا تتحسف ..

    وصدق ان الله بيعوضك خير
    (ولو حنا في الامريكي قلتلك دير بالك من البيني ستوك .. هنا اقولك دير بالك من البحر واهواله :d )

    بالتوفيق


    تحياتي

    رحالي
     
  12. MH For Ever

    MH For Ever عضو نشط

    التسجيل:
    ‏11 يونيو 2005
    المشاركات:
    1,453
    عدد الإعجابات:
    0
    الله يعوض عليك والفلوس تروح وتجي المهم صحتك بالدنيا

    وخيرها بغيرها ان شاء الله
     
  13. careful_invest

    careful_invest عضو نشط

    التسجيل:
    ‏27 يوليو 2004
    المشاركات:
    869
    عدد الإعجابات:
    321
    الله يعوض عليك أخوي الصبر مفتاح والخيرة فيما أختاره الله وما تدري يمكن يكون لك نصيب أفضل يوم السبت وتشتريهم بسعر أفضل من اليوم.

    الله يوفقك