واحد يبيع ويشتري مع نفسة شلووووووووووووووون

الموضوع في 'السوق الكويتي للأوراق الماليه' بواسطة امل الكويت, بتاريخ ‏28 يوليو 2005.

  1. امل الكويت

    امل الكويت عضو جديد

    التسجيل:
    ‏12 يونيو 2004
    المشاركات:
    565
    عدد الإعجابات:
    0
    مكان الإقامة:
    الكويت
    هل ممكن حدوث ذلك ؟؟ الصراحة انا اتوقع من حركة بعض الاسهم انه هذا الشي قاعد يصير بس هل يجوز قانونيا ؟؟ وكيف يتم معرفة ذلك وكشف ذلك ، ممكن احد يكون خبرة يشرحلنا هذا الموضوع فنيا وعمليا حتى يتم الاستفادة للجميع

    ملاحظة : اتوقع الوطنية العقارية صارت فيها هالحركة يوم الاربعاء

    بانتظار تعليقاتكم
     
  2. ياهوو

    ياهوو عضو جديد

    التسجيل:
    ‏10 ديسمبر 2003
    المشاركات:
    81
    عدد الإعجابات:
    0
    نعم ممكن انت تبيع واتشتري من نفسك وبكل الطرق حتى عن طريق الاوسط ممكن
     
  3. بوعيد

    بوعيد عضو مميز

    التسجيل:
    ‏8 يوليو 2005
    المشاركات:
    816
    عدد الإعجابات:
    0
    تكتيك!

    فعلا صارت هالحركه من احدى الشركات الاستثماريه المدرجه بالبورصه واللي لها صناديق قامت بالضغط على السهم لتكتيك معين وطبعا مثل مانعرف ان الصناديق اهيا اللي تقدر تتحكم بالسهم من خلال امتلاك كميات كبيره من السهم فكان كل ما صار الطلب على السهم نزلت عرض اكثر علشان تحد من صعود السهم والدليل ترى في بداية السوق السهم وصل 1400 لكن بعد الضغط وصلوه 1340 بس ليما الحين ماني عارف ليش هالحركه من ال (ك..)اعتقد عرفتوا اسمها :confused:
     
  4. يوسف غضنفري

    يوسف غضنفري محلل محترف

    التسجيل:
    ‏13 ابريل 2004
    المشاركات:
    993
    عدد الإعجابات:
    0
    مكان الإقامة:
    الكويت
    ويحدث العكس ايضا ... انه يشتري ويبيع على نفسه ..

    اولا بالنسبة للبيع والشراء من نفس الشخص ... هو انه يعرف تقريبا طلبه وين يكون في اوامر الطلبات وهو يعلم ان في بعض الوحدات اللي عرضها مو كلها راح تكون من نصيبه ... يعني مثلا .... يطلب 300 الف سهم تحت ... ويدري انه تقريبا وصل دوره ... وهو عنده كميات من الاسهم .. يقوم ببيع 150 ألف سهم على نفسه .. على امل ان البقية من المتداولين ينجرون وراءه ويبيعون اللي يبيع على 20 الف و 5 آلاف و 50 الف وهكذا وبالتالي هو حصل على 150 ألف .. هذا قاعد يجمع ..

    اما بالعكس وهو انه يشتري ويبيع على نفسه ... يعني مثلا عنده كمية يبي يصرفها لنقل مليون سهم ويوزعهم على الوحدات المعروضة ويقوم بشراء كميات من المعروض وهي اسهمه بقصد سحب بقية المتداولين معه للشراء من اسمهم المعروضة ... يعني يشتري 100 ألف سهم وتشوفين الناس تقول (المحافظ اشتغلوا على هذا السهم ) ويدش معاهم .. واللي قاعد يشترون اساسا قاعدين يشترون كميات هذا الشخص يعني قاعد يصرف اسهمه عليهم ....

    وتحتاج هذه الطريق الى فتح كذا حساب ... مرات تصيب ومرات تخيب معا هذا الشخص اللي يقوم بهذه العملية ...

    ارجو ان يكون الشرح مفهوم

    تحياتي
     
  5. Cha3bar

    Cha3bar عضو متميز

    التسجيل:
    ‏2 يوليو 2005
    المشاركات:
    3,481
    عدد الإعجابات:
    344
    مكان الإقامة:
    Pangea Ultima
    يعطيك العافية أستاذي يوسف :)

    لك تعليق أو تحليل على اللي صار بالوطنية أمس؟ كانت واضحة السالفة إن نفس الجهة تضغط لبقاء السهم عند مستوى معين .. شنو السبب هل لتبريد على مستويات أقل ولا في أسباب ثانية؟
     
  6. بورصاوي

    بورصاوي عضو نشط

    التسجيل:
    ‏13 مايو 2004
    المشاركات:
    293
    عدد الإعجابات:
    52
    ................................................................................
    التدوال باكثر من حساب
    يعني انا اعرض وبحساب اخوي او واحد من ربعي اطلب
    اعرض مليون سهم بسعر رخيص والناس لما تشوف الكميه اكيد تكش شوي
    واقط على اخوي او صاحبي والعالم الخوافه تقط معاي
    وبالطريقه هاذي انا ما خسرت شي فلوسي واسهمي عندي
    وسويت اللي ابيه اني نزلت السهم وناس قطت معاي واخذت منهم
    وخليت العالم توخر عن السهم والطريقه قانونيه
     
  7. المعوشرجي79

    المعوشرجي79 عضو جديد

    التسجيل:
    ‏8 ابريل 2005
    المشاركات:
    1,759
    عدد الإعجابات:
    0
    مكان الإقامة:
    الكويت
    باعتقادي الشخصي القط الي صار من قبل محافظ تابعة للخرافي بدوا بالوطنية وبيان واللبنانية والله يستر من الباجي
     
  8. امل الكويت

    امل الكويت عضو جديد

    التسجيل:
    ‏12 يونيو 2004
    المشاركات:
    565
    عدد الإعجابات:
    0
    مكان الإقامة:
    الكويت

    الصراحة كفيت ووفيت . ويعطيك العافية ومشكور على الشرح الواضح بس هل هناك طريقة معينة تكشف هذه العملية ؟ اتوقع عندما تلاحظ كميات كبيرة تشترى ومقابلها كمية كبيرة تباع تساوي لها ؟؟
     
  9. امل الكويت

    امل الكويت عضو جديد

    التسجيل:
    ‏12 يونيو 2004
    المشاركات:
    565
    عدد الإعجابات:
    0
    مكان الإقامة:
    الكويت

    مشكور وضحتلي الصورة وايد ، بس هل ممكن مجازات الأشخاص اذا لوحظ تكرار عملية البيع والشراء بين نفس الأشخاص بصورة مستمرة مما يعطي انطباع سئ عن سهم معين عكس ماهو علية حقيقة ؟؟ ( وهل هذا هو ما يسمى بالصفقات الوهمية ؟ )
     
  10. bodalal

    bodalal عضو مبدع

    التسجيل:
    ‏25 ابريل 2005
    المشاركات:
    394
    عدد الإعجابات:
    0
    السؤال اللي " يسدح " نفسه هني : واشلون أعرف دوري بين مجموعة الطلبات ؟

    يعني لمه يكون مجموعة من الأوامر معروضة .. شلون أعرف الأمر اللي لي بالتحديد ؟

    ومشكورين
     
  11. FIFO

    FIFO عضو نشط

    التسجيل:
    ‏10 ابريل 2004
    المشاركات:
    169
    عدد الإعجابات:
    0
    هل يقدر الشخص يشتري ويبيع على نفسه ؟؟
    هذه العمليه منتشره بشكل كبير .. وخاصه في الاسواق العربيه ...
    يعرض صانع السهم كمياته ويكون هناك اتفاق مسبق مع شخص اخر لشراء تلك الاسهم ..فيظهر التداول قوي على السهم ويوهمك صانع السهم بان السهم مطلوب وبقوه ....

    هذه العمليه تسمى ( تدوير )


    للأسف هذا الامر موجود في اي بورصه تكون فيها القوانين والانظمه ضعيفه ...
    وفي البوصه السعوديه خاصه ...والاسباب كثيره ..

    1- لايوجد نظام قوي يعاقب اي شخص يقوم بالتلاعب ..
    2- قوه ونفوذ صانع السهم بحيث حتى لو اكتشف امره ..لايتم ايقافه من الهيئه ...
    3- نظام المراقبه .. الذي يفترض به مراجعه الصفقات وبعدها مراقبه حركه الاموال التي قامت بتلك الصفقات ..هل يقوم البائع السابق باعاده تحويل الاموال للمالك الرئيسي او لا .. للاسف هذه الاجراء لايتم ... نظرا لضعف البنيه التحتيه لقواعد البيانات ... ولم تقوم هيئه السوق باي اجراء لكشف مثل هذا التلاعب ..
     
  12. امل الكويت

    امل الكويت عضو جديد

    التسجيل:
    ‏12 يونيو 2004
    المشاركات:
    565
    عدد الإعجابات:
    0
    مكان الإقامة:
    الكويت
    يعني في اسواق تراقب هذه العمليات الوهمية وتمنعها ؟؟ ولماذا لا يتم تطبيق ذلك في سوق الكويت ؟؟ وين اللي يقولون سوقنا من احسن الأسواق العربية ويييييييييييين ؟؟؟؟؟؟؟؟؟؟
     
  13. Cha3bar

    Cha3bar عضو متميز

    التسجيل:
    ‏2 يوليو 2005
    المشاركات:
    3,481
    عدد الإعجابات:
    344
    مكان الإقامة:
    Pangea Ultima
    حاميها حراميها

    ما أعتقد في أحد من المتداولين عنده أدنى شك بعدم نزاهة لجنة إدارة السوق
     
  14. wolf steps

    wolf steps عضو جديد

    التسجيل:
    ‏30 يونيو 2005
    المشاركات:
    119
    عدد الإعجابات:
    0
    مكان الإقامة:
    kuwait

    احسنت

    قوة ونفوذ صانع السوق اكبر من قوانين لجنة السوق......
     
  15. أحمد بورصة

    أحمد بورصة عضو نشط

    التسجيل:
    ‏12 مارس 2005
    المشاركات:
    809
    عدد الإعجابات:
    0
    شخص عنده مليونين سهم

    مليون يخليهم بالجيب

    و مليون يعرضهم حد اعلى

    .. .. ..

    بعد ما يصير تداول على اسهمه و يتأكد انه نص اسهمه راحت يشتري مليون سهم مرره ثانية

    فجذي يكون استفاد انه رفع الاسهم حد اعلى

    و باليوم اللي وراه يصرف المليونين ;)
     
  16. Cha3bar

    Cha3bar عضو متميز

    التسجيل:
    ‏2 يوليو 2005
    المشاركات:
    3,481
    عدد الإعجابات:
    344
    مكان الإقامة:
    Pangea Ultima
    يعطيك العافية وكلامك صحيح :)

    بس اللي صار مع الوطنية يوم الأربعاء كان عرض كميات كبيرة على سعر الاقفال السابق .. لو كان ضغط لتجميع من تحت لرأينا العرض بالحد الأدنى .. للآن ماني فاهم ليش كانت هل جهة تقوم بتثبيت السعر

    إلا إذا كانت ناطرة كميات كبيرة من الآجل لتحل؟؟