طريقه تركيب بايبات الحمامات ( صور ) !!

الموضوع في 'اعلانات العقار' بواسطة طارق55, بتاريخ ‏2 يوليو 2011.

  1. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    السلام عليكم

    علمني صديق تركيب بايبات الحمامات .. طريقه حلوه من وجهه تظري .. وللكل ذوقه الخاص لكن اعتقد انها حلوه وعمليه ..

    وكل ماقلت حق واحد من جيراني عليها .. يقول توك تقولي بعد ماخلصت الحمامات .. وينك من الاول ماقلت لي ؟؟

    قلت خلني احطها للحبايب الي اهم انتوا

    -------------------------

    [​IMG]

    [​IMG]

    [​IMG]

    ------------------------
    الصوره 1

    اول شيئ هذه طريقه تركيب البايبات في الحمام لو كان الدوش ارضي ومافيه بانيو .. لان البانيو من وجهه نظري فاشل بكل المقاييس .. كلنا في بيوتنا القديمه كان هناك بانيو .. بس السؤال كم مره استخدمته وترسته ماي وانسدحت فيه ؟؟ يمكن ولامره .. فائدته بس اذا اهلك يبون يغسلون كمبل او شرشف !! هذا غير التزلق الي فيه الواحد يزلق ويطيح علي وجهه
    المهم .. في الطريقه الجديده تحتاج فقط الي المزيد من القطعه رقم 4 يعني كم حبه بس
    ويلاحظ ان البايب الي رايح للدوش اللارضي صار 4 انش بدلا من واحد ونصف وهذا احسن فلا يتسكر بسهوله من الاوساخ او الشعر كما هو حاصل الان

    ----------------------
    الصوره 2
    رقم 1 رايج الدوش وفتحته كبيره ولازم لازم تحط تحته بايب الي في تحته اعوجاج علشان الريحه ضروري ضروري ولا دخلت علي الريحه واذتك .. لان في الاعوجاج يظل ماي علي طول لحجز الريحه او الصراصير

    رقم 2 رايح المرحاض الافرنجي كما هو واضح في الصوره

    رقم 3 للبالوعه الموجوده في منتصف الحمام عندما تغسل الحمام يروح اهناك الماي الزايد

    وخلي معلم الصحي يسويلك الاسمنت بهذه الطريقه غطيه جيدا بالاسمنت علشان مايكسره عامل بالغلط بعدين او يدوس عليه بدون قصد .. وسكره تسكيره محترمه بالبدايه علشان لايدش فيه وسخ او بقايا الاسمنت او رمل او كساسير سيراميك .. او حتي ان يرمي فيه احد العمال الاسمنت لتسكيره متعمدا انتقاما منك وهذا يحصل احيانا

    ----------------
    الصوره 3
    رقم 1 هو الشكل النهائي للحمام .. وهذا مكان الدوش الواقف
    رقم 2 هذا مكان بالوعه الوسط الموجوده في الحمام

    وكلهم اربعه انش ..

    ----------------------
    معلومه بسيطه حبيت اتشارك فيها معاكم .. وياليت اسمع اقتراحاتكم بهذا الخصوص

    ( علي فكره الصور من كذا حمام مو من حمام واحد وهي للتوضيح فقط )
  2. algabry911

    algabry911 عضو جديد

    التسجيل:
    ‏16 يناير 2009
    المشاركات:
    66
    عدد الإعجابات:
    0
    جزاك الله خير بصراحة تخطيط حلو
  3. q8ty_azgarty

    q8ty_azgarty عضو جديد

    التسجيل:
    ‏17 أغسطس 2009
    المشاركات:
    437
    عدد الإعجابات:
    0
    يعطيك العافيه ومعلومات حلوه حق الى ماعنده خلفيه ابصراحه
    :)
    مشكور هالجهد
  4. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    جزاكم الله خير علي المشاركه

    ولو هناك رأي مخالف او اضافي افضل ان شاء الله

    لزياده الاستفاده
  5. بوو علي

    بوو علي عضو نشط

    التسجيل:
    ‏24 ابريل 2011
    المشاركات:
    373
    عدد الإعجابات:
    9
    السلام عليكم

    شكرا لجهدك

    جزاك الله خير
  6. كويت 2020

    كويت 2020 عضو جديد

    التسجيل:
    ‏2 يوليو 2010
    المشاركات:
    344
    عدد الإعجابات:
    0
    هذى المواضيع الى نستفيد منها
    جزاك الله خير
  7. ramblas

    ramblas عضو نشط

    التسجيل:
    ‏13 مايو 2009
    المشاركات:
    162
    عدد الإعجابات:
    1
    اولا حاب اشكرك على الموضوع اللي الناس تستفيد
    ثانيا ياليت الشباب الكل اللي عندة اي فكرة يحطها
    ثالثا موضوعك وايد حلو مع الصورة
    جزاك الله خير
  8. M-aLotaibi

    M-aLotaibi عضو جديد

    التسجيل:
    ‏14 ابريل 2011
    المشاركات:
    38
    عدد الإعجابات:
    0
    طارق

    البايبات شنو هذي صنعاتها وشركتها

    وليش ما حطيت اسمنت تحتهم قبل لا تحط فوقهم آمان اكثر

    واذا تعرف معلم صحي ثقه ويخاف الله وسعره زين لا تخليني

    عندي 3 أدوار .....
  9. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    الاخ العتيبي

    اول شيئ هذه بايبات ترين انجليزي وهي الافضل في السوق .. بعدين العمال حطوا تحتها اسمنت و قطع صغيره من الصخور .. ولفوها بالاسمنت مثل ماأنت شايف.. أما معلم الصحي الحين عماله كلهم مسافرين الي غايه العيد ان شاء الله
  10. الدينار

    الدينار عضو نشط

    التسجيل:
    ‏10 يوليو 2005
    المشاركات:
    821
    عدد الإعجابات:
    31
    جزاك الله خير أخوى طارق وفيت وكفيت
  11. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    وياك اخوي الدينار .. موفق ان شاء الله
  12. maax1

    maax1 عضو جديد

    التسجيل:
    ‏5 مارس 2009
    المشاركات:
    368
    عدد الإعجابات:
    0
    مكان الإقامة:
    KUWAIT
    شى طيب الفكره اخوى طارق
    بارك الله فيك وفبيتك
  13. busalih

    busalih عضو نشط

    التسجيل:
    ‏7 يناير 2009
    المشاركات:
    110
    عدد الإعجابات:
    0
    شغلك مظبوط ، شغل عدل

    سؤال شرايك بالطابوق الزجاجي كستارة جزئية حق الدوش ؟

    و سؤال ثاني ما تخاف العتبة مالت الدوش تعرجب أو تعور الريل؟

    و الله يعطيك العافية مجهود طيب
  14. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    الاخ بوصالح

    اول شيئ .. الطابوق الزجاجي .. او البوكس الزجاجي .. او غيرهم .. هذي اشكال متنوعه للحمام .. تقدر انت تختار الي يناسبك منهم وفق احتياجك ومزاجك .. وانصحك بالزجاج افضل من وجهه نظري .. وأعتقد من الافضل انك تشوف وتبحث في الانترنت عن صور وتصاميم الحمامات .. شوف علي الاقل 50 صوره لحمامات مختلفه تعطيك صوره كافيه وواضحه علي احتياجك .. لكن لاتتعلق بصوره حمام معينه وتبي تطبقها بالكامل وبصوره كامله لانه يمكن ماتلقي الارضيات او باقي المواد في الكويت .. فدور وركز علي الي تقدر تطبقه في الكويت

    ------------------------
    اما سؤالك عن العتبه فهذا شر لابد منه .. لحجز الماء وذهابه الي البالوعه الخاصه فيه .. ويختلف الحاجز من حاجز .. الي حاجز علي شكل منخفض او حفره تحتيه

    [​IMG]

    شوف هذا منحفض ..

    ------------------------
    ثانيا .. في نقطه يفضل وضع مواد عازله للحمام ككل .. وايضا وضع مواد لاصقه عازله للسيراميك .. لزياده عزل الماء وضمان عدم تسريبه للدور الاسفل.. وخاصه اننا الغينا البانيو وهو جيد للعزل المائي الادوار السفليه
    ومن الشركات المشهوره عندنا ببيع المواد الاصقه العازله بنفس الوقت .. شركه ابل في الشويخ مقابل سنتر بوينت ..
    وشركه الغانم للمواد الخصوصيه .. ومكانها بجانب شركه الصفار لمواد البناء المشهوره في الشويخ
    وبزيارتي الاخيره لهم .. شفت دعايه للمواد هذه الي اقولكم عليها

    [​IMG]

    حاطيلم المواد علي سله عندهم .. وحاطين فيها ماي .. يعني دعايه انها ماتسرب الماء .. وهذي المواد فيها باللون الاسمنتي واللون الابيض للحمامات .. وهي عباره عن خيشه اسمنت ابيض ( 25) كيلو مع جلن ماء ينخلطون مع بعضهم بدون اي ماي .. وسعره تقريبا علي مااتذكر 12 دينار اعتقد اذا مو ناسي

    ----------------
    [​IMG]

    شوف هذا الحمام الي انا راح اسويه اعتقد الي حد الان ومابندري بالمستقبل
  15. المطرود

    المطرود عضو نشط

    التسجيل:
    ‏22 أغسطس 2004
    المشاركات:
    1,511
    عدد الإعجابات:
    115
    تقريبا نفس فكرة حمامات قبازرد بس لازم وجود دجه عريضة علشان القعده
  16. أناسة

    أناسة عضو جديد

    التسجيل:
    ‏25 أغسطس 2009
    المشاركات:
    161
    عدد الإعجابات:
    0
    اخوي هذا النظام يسمونه التشطيب لانه على حسب اختيارك وتصميمك مع دخول بعض الاطقم الجاهزه ( اجباري ) تركيبها وشغلك جميل جدا واتمنى لك وللجميع التوفيق والمسكن المبارك وتقبل مروري *
  17. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    الاخ المطرود

    علي طارق القعده اكو قعدات مودرن بحط لك صورهم تعوضك عن الدجه شئ حلو وراقي
  18. القيروني

    القيروني عضو جديد

    التسجيل:
    ‏3 مايو 2011
    المشاركات:
    31
    عدد الإعجابات:
    0
    مشكور اخوى طارق شغل ممتاز بس اذا فيه عندك مقاول اسود مظبوط لان عندى بنيان ان شاء الله وهل تنصح بتسليم على المفتاح
  19. القيروني

    القيروني عضو جديد

    التسجيل:
    ‏3 مايو 2011
    المشاركات:
    31
    عدد الإعجابات:
    0
    يعطيك العافيه اخوى طارق شغل ممتاز - محتاجين لخبرتك عندى بنيان ان شاء الله ابى مقاول اسود شاطر اذا تكرمت وهل تنصح بتسليم على المفتاح
  20. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    السلام عليكم

    الاخ القيروني
    لاطبعا ماانصح بطريقه تسليم علي المفتاح نهائيا .. السوق موجود وافلوسك موجوده والمواد تجيك الي قسيمتك وماعليك الا ترفع التلفون وتجيك المواد فليش تعطي الشركه الفلوس واهم يشترولك ؟؟

    لاتقول منت فاضي .. لانه غالبا لما تستلم البيت بعدين راح تعاني من اصلاح العيوب الي فيه .. وصدقني مافي شهر بترتاح .. لان الشغل اذا ماكنت واقف علي راسهم .. يحطولك اي كلام واي شغل .. يارجل احنا نوقف علي راسهم وهم يحاولون يغشون .. اشلون لو ماكنت موجود !!!!
    اما المقاول الي عندي .. فكلهم بدون استثناء لو ماكنت عندهم وتراقبهم .. بيضيعون قسيمتك الا ان تكون فاهم وتعلمهم شيسوون .. انا مااقول ماكو مقاولين اعيال حلال بس هم يخطئون او يتناسون او في مفهومهم هذا كافي عليك .. بس انت في قراره نفسك تبي احسن وافضل ..
    توكل علي الله واخذ مقاول مادحينه لك .. وجابل شغلك واتعب الحين علشان ترتاح بعدين .. وأسأل .. وأسأل .. وخلك منجب .. ولحوح .. علي شغلك .. ميخالف تعلم .. صدقني الامور راح تمشي سهالات .. لاتخاف ولاتحاتي ..

مشاركة هذه الصفحة