طريقه تركيب بايبات الحمامات ( صور ) !!

[طارق55]

اللي يسأل عن دجه .. الراحه .. هذي صور عن بعضها :

-------------------

--------------------

اما المودرن يسوون هالطريقه الحديثه

وتقدر تسكرها

وهذي نوع ثاني ربل

وتلقونهم في ابيات الركن الاقتصادي بالشويخ يم مطعم كناري

 

[busalih]

الأخ طارق أبي أقولك شي....

ذوقك حلووووووو و نصايحك مظبوطة 100% و الله يوفقك

 

[طارق55]

مشكور يابوصالح علي المرور ..

 

[عقارى ولهان]

شكرا اخي طارق على هالصور والمعلومات المفيدة


عندي سؤال بس برة الموضوع ...
انت في احدى ردودك في مواضيع اخرى قلت اذا ما خانتني الذاكرة انك شريت تكييف هيتاشي من الغانم...
السؤال : اشلون استعمالة ؟وكم سعر الطن ؟واشلون الخدمة والصيانة ؟وهل هم سريعين او بطيئين لما تطلبهم؟
واسف اذا انا دشيت عرض او السؤال مو بمحلة .
تحياتي لك

 

[طارق55]

الاخ عقاري ولهان

والله ياخوي مثل ماقلت .. انا وقعت العقد مع هيتاشي الغانم .. ولما قعدت مغ المهندسين قلت لهم زيدوا الاطنان .. وزادوا اهما علي الاطنان لان حرنا مو طبيعي .. المهم كان السعر والله مو متذكر 157 او 147 للطن .. وتركيبهم فوق الممتاز .. تطلب الدكات .. اسبوعين وهم جايينك .. وهم اسبوعين اعتقد وكل شيئ راكب .. وبعدها لما تغير رأيك تبي تغير مكان الدكت .. لما تدق عليهم بكره اهما عندك يغيرون مكان الي تبيه .. يعني خدمه سريعه .. اما عن البروده فليلحين ماركبت المكائن لاني الي الان ماجهز البيت .. اما الخدمه بعد البيع فمايحتاج الغانم عنده اكبر اسطول سيارات للخدمه في الكويت عماله مدربه مو يجيبولك من الشارع وهذا معروف عنهم .. ودكاتهم هم حجمهم كبير وضخم .. مو مثل الشركات الخاصه الدكت مالهم ضعيف ويضيق الخلق شفته في بيت جاري .. عموما كل التكييف السنترال بارد ان زدت الاطنان اخذها قاعده .. ومكانهم في السوق الحره .. واذا تبي مندوبهم .. عندي رقمه .. وانت تأمر

ماكو مشكله الي عنده سؤال عام عن البنيان انا حاضر لايردكم الا لساتكم

 

[عقارى ولهان]

بيض اللّة وجهك. هيتاشي الغانم هو نفسة الي في مجمع الاوقاف او الي بالسوق الحرة غير ؟وانا ا جيهم بنفسي او ادق علا المندوب افضل؟. وشكرا علاالردالسريع والمفيد

 

[ليث متواضع]

يعطيك العافيه

 

[Mohammedq8]

السلام عليكم اخواني... اللي تسألون عن تكييف هيتاشي!!

أو غيره..

.. اتمنى افيدكم بشي..

أولاً: انا ما راح اطعن بتكييف هيتاشي او غيره... ولكن سوف اعطيكم المساطر اللي تمشي عليها ياذن الله.

----------------------------
بالنسبة للتكييف.. ما تقدر تتكلم بصفة عامه...! لان التكييف.. انواع.. فيه الماكينه نفسها..

وفيه التركيب.... يعني باختصار (توريد) و (تركيب).

مثال: فيه موزعين... يوردون التكييف اللي تطلبه وهم يركبون...

الشئ الثاني خدمة ما بعد البيع من صيانه وتوفر عماله ...... إلخ.
==========================================

انا راح اتكلم... اهني عن الشئ الفني وهو.... الماكينة والتركيب بدون ذكر اسماء شركات.

بالنسبة للماكينة:

للامانه فيها اشياء كثيرة ومهمه اتمنى الله يقدرني واذكر اغلبها..

اول شئ: تطلب الكتلوج.. (من الشركات تفتر على جم شركة في بالك) مع كتابة السعر.... وتبدأ تقارن مواصفات الماكينة.. من كاتلوج لاخر...

* طبعا لما تقارن... تكون محدد الحجم للماكينة المطلوبه لبيتك.

ملاجظة عجيبة: أن حتى الكتلوج غير دقيق...!!! لان ليس هناك رقابة على الشركات. ولكن لا بأس به.

يفضل طبعا... للي يعرف مهندسين تكييف بالوزارات يسألهم عن افضل ماكينه لان هنالك لجان تاخذ عينات عشوائية.... ويفحصون دقة كتلوجه... وطبعا في شركات... طلع اللي بكتلوجهم غير الواقع.
--------------------------------------------------------------------------------------------------------


ما قلنا شنو اللي تقارن فيه... لان الكتلوج راح يكون فيه شغلات كثيرة....

أهم شئ تشوف:

1- Btu NET وهو وحدة التبريد الحرارية الصافية

طبعا هم يقولون لك هاذي المكينه 5 طن مثلا... وهذا غير دقيق...

12000 Btu يعادل طن واحد.

انت قوله عطني ال كم البي تي يو... الصافي... وحدة التبريد الحرارية الصافية...

(طبعا لان فيه فقد بالنبريد... داخل الماكينة.... يفرق من ماكينة لاخرى)

المهم انت يهمك وحدة التبريد الحرارية الصافية.... كم عددها... اهني تقدر تقارن (صح)

2- CFM = cubic feet per minute :

وهو معدل تدفق الهواء.

============================================
هنالك اكثر ولكن ذكرت الاهم.


طبعا ما يخفى عليكم....

هناك: السؤال عن الجودة... وخصوصاً الكمبريسور..؟

تشوف الكمبرسور شنو نوعة وجودته... ولهذا تفضيل طويل.

2- تشوف هل في وسائل حماية للكمريسور... بحيث يفصل ما يحترق.... اذا جته كهرباء زايدة... او احتر... او طول على ما يشتغل.

باختصار..... جودة الماكينة.....(صناعتها)....... ووسائل الحماية.


=====================================================
بالنسبة للتركيب....

1- تشيك على نوع الدكت.... نيبون ياباني افضل شئ... عموما انت قارن بين الشركات... وانت وافلوسك... وراح تعرف الفرق.


2- تشييك على الفلتر...اللي راح يحطونه بعد الماكينة مهم جداً.

ولما تشوف انواعهم راح تتعجب!!! شوفوا اسفنجت هيتاشي.. وشوفي الثانيين

طبعا للامانه... تقدر تغير بس ناس واجد تطوووووووووفهم للاسف.


3- الواصلات بين دكت ودكت...

4- العوازل على الدكت الخارجي. اقصد اللي على السطح المعرض للخارج تقريبا.

5- العوازل الداخلية.. على الدكت.

6- عازل الصوت... الممتد من داخل الدكت بعد فتحت خروج هواء الماكينة... الى تقريبا دخوله للفتحة اللي بالسطح.



طبعا اتمنى ما نسيت شئ... للامانه فيه تفصيل بس تعبت وانا اكتب...


الله الموفق

 

[مقام العز]

اخوي طارق وين العازل الطربال؟ اول شي العازل ويتم فحصه والتأكد من بعدها ابداء تركيب الصحى

 

[طارق55]

الاخ Mohammedq8

ماشاء الله عليك الظاهر انك متخصص بشغل التبريد .. والمصطلحات الي تقول عليها يصعب علينا فهمها ..
لكني افهم شويه امور بخصوص التكييف .. اول شيئ سألت المندوب علي هالشغلات الي قلت عليها .. قال لي اولا .. اكو جهاز الي قلت عليه :

حماية للكمريسور... بحيث يفصل ما يحترق.... اذا جته كهرباء زايدة... او احتر... او طول على ما يشتغل

هذا الجهاز موجود ..

ثانيا بالنسبه للدكت نوع نيبون .. تري ارتاح .. ماكو بالسوق ياباني اصلي .. اكو نيبون تايلندي .. وكل المناديب يقولون هالكلام .. والشئ الثاني الدكت السعودي الان مكتسح السوق واثبت فعاليته وجدارته .. وشيئ مجرب وممتاز .. وايضا طريقه تثبيته حلوه وممتازه وقويه .. والسير الي يلف العازل لونه فضي قوي مو الاصفر الرقيق ( لاحظ اني اكتب من الذاكره وناسي الاسماء الصحيحه المكتوبه بالعقد ) عموما .. اخوي شاكر علي النصيحه والعقد الي بيني وبينهم يمكن اربع صفحات وكله فقرات من صالحي .. عموما انا قارنت بينهم وبين الشركات الثانيه فعلا اهما احسن من وجهه نظري المتواضعه ويجوز اكو اهناك شيئ خافي عني مع علمي ان الترين واليورك والكارير افضل من هيتاشي بس السعر يفرق وايد ..

والحديث معاك له بقيه ..
------------
الاخ مقام العز

مثل ماذكرت العزل مهم طبعا .. بس انا ماحطيت الصور لاني ركزت علي البايبات لتقريب الفكره للقارئ .. ولكن هناك فعلا مرحله .. الفوم ثم العزل ثم الفحص عن طريق التغريق بالماء وبعدها المساح بالاسمنت خفيف مع مراعات منسوب الحمام ككل مع ارضيه الممر .. علشان لايكون الحمام مرتفع اكثر من الممر او اقل .. ويكونون متساووين ... شاكر علي الاضافه ..

 

[طارق55]

تصحيح :

تلقون هذه الكراسي في ابل الركن الاقتصادي الي جتب مطعم كناري في الشويخ ..

 

[طارق55]

اشكر كل الاخوه الافاضل الي راسلوني علي الخاص واشكر ثقتهم الغاليه فيني

واحب احط ايميلي للمراسله للاي استفسار انا حاضر

ssss1199@gmail.com

للاي استفسار .. بخصوص البنيان انا حاضر ولايردكم الا لسانكم

 

[ابوفيصل2008]

مرحبا اخوي طارق
والله يعطيك العافية على موضوع الجيد وان شاء الله انا واخواني بالمنتدى بنستفيد منه وارجوااا منك اخوي طارق اذا عندك استعداد تحط لنا افضل انواع التكييف والمواصفات بالتفصيل بالنسبة للمكائن والكمبريسر والدكات والعوازل ....والخ ونكون لك من الشاكرين

 

[طارق55]

الاخ ابوفيصل2008

اول شيئ شاكر لك ثقتك فيني .. لكني راح اكذب عليك لو قلت لك اني اعرف مواصفات كل انواع التكييف .. لكن من خبرتي المتواضعه اقول لك الاتي .. الي اعرفه ان افضل انواع التكييف هو كارير الامريكي مو السعودي ثم ترين .. ثم يورك .. بعدها يأتي هيتاشي الغانم .. والبقيه .. وهيتاشي الغانم تفوق عليهم بالصيانه .. حيث انه يمتلك اسطول للصيانه المدربه علي كفاله الشركه ( مو من الشارع ) وهذا يحسب له .. تخيل يخترب التكييف عندك وتدق عليهم في عز الحر ويتأخر عليك الصيانه يومين .. تخيل اشلون تعيش هاليومين .. !!! ولهذا الصيانه مهمه جدا .. يحكيلي مندوب هبتاشي للصيانه يقول تتذكر السنه الي فاتت لما جانا الحر ووصلت درجه الحراره 60 درجه .. تتوقع كم اتصال جانا يبون صيانه في تلك الايام ؟؟ قلت له ماادري كم يعني ؟؟ قال جانا 30 الف اتصال !!!!!!!!! من مستحدمين هيتاشي او انواع ثانيه موقعين العقد مع هبتاشي .. فتخيل العدد لان اصبح التكييف بدون فاعليه تلك الايام والكل بدأ يشك بفاعليه تكييفه ..
عموما .. انا اخذت عرض السعر والمواصفات من شركه كولكس .. ومن شركه ثانيه .. واخذت عقد هيتاشي .. شفت ان عقد هيتاشي وايد افضل ففيه تقريبا ثلاث صفحات كلها شروط من صالح المستهلك او الزيون .. وايضا .. شفت احد البنود في الشركات الثانيه كاتبيلك .. تحط لك ( سويتش كذا ) او ماهو متوفر بالسوق !!! وهذه الكلمه مطاطيه ... يقدر يجيب لك اي شيئ ويقول هذا مكتوب بالعقد ولاتقدر انت تعترض ..
عموما .. هبتاشي خدمتهم سريعه .. وتركيبهم سريع .. ولما تدق عليهم مايتأخرون .. ومواصفات الدكت كمثال .. علي قد افلوسك .. تبي سعودي موجود .. تزيد شوي يحطولك نيبون اغلي شوي .. اما باقي المواصفات اتركها للخبراء امثال اخونا Mohammedq8 والظاهر انه خبير بهالشغلات ..