موظف بالشركة الكويتيه للمقاصه لأي مساعده لاخواني بالمنتدى

[q8^للمقاصة]

السلام عليكم

هذي اول مشاركه لي بعد ماكنت اتابعكم صارلي تقريبا 5 شهور
انا موظف بالشركة الكويتيه للمقاصه و حاظر لأي مساعده لأخواني بالمنتدى

بس عندي استشاره.....

انا شاري الوطنيه العقاريه ب1.300
او شاري بيت الاستثمار الخليجي 400 فلس

وابي تفيدوني فيهم ؟

وشكرا


اخوكم y^kcc

 

[البواردي]

حياك الله بين ربعك واخوانك بالمنتدى ومشكور ونا تقصر لاستعدادك لمساعدة اخوانك بالمنتدى

وبالنسبه للاسهم انا يمكن ما اقدر افيدك كثر اخواني المحترفين في المنتدى لكن اسهمك طيبه وزينه ان شاء الله تربح منهم

 

[بوحسن]

حياك الله اي نبي واحد من المقاصه زين طحنا عليك

شوف محد هني عنده بلوه سحريه وهذي الاسهم مقصوده حيل من بعض الاشخاص والمحافظ صعب تتنبأ باداء بمحفظه وحده او باداء شخص

انت ليلحين ربحان تعتبر في الوطنيه شوف اشقلنا في توصيه الوطنيه في مقال ثاني وخل عيونك على المخازن وتابع المخازن اذا الي يبيع يقط على المخازن والي يشترون صصغار المستثمرين وايضا اقولك راقب الحين اعيان جانها بالاخضر ولا لاء

هني تحدد تبيع ولا لاء ..وبعدين عندك فرصه ثانيه ان في لك 1360 و1340 و1320 و1300 والله وصل اسهم 1300 لو انا مكانك ابيعه بعد ما امصخها مع السهم

السوق ما يندرى شلي الي فيه ...

اما سوالك الثاني بيت الاستثمار الخلييجي ما ادري عنه بصراحه ممكن يفيدك فيه بعض الاخوه

 

[ربحت]

حياك الله ياخوى

أولا نتمنى لك التوفيق ويسعدنا أنضمامك بيننا

ومدامك بالمقاصه شوفلنا ياخوك منو قاعد يبيع ويشترى بسهم المخازن صج صناع السوق دخلوا على السهم ولا....؟؟؟؟؟

جنا ماننعطا ويه....ماعليه أنت كريم وأحنا نستاهل

 

[wolf steps]

السلام عليكم

هذي اول مشاركه لي بعد ماكنت اتابعكم صارلي تقريبا 5 شهور
انا موظف بالشركة الكويتيه للمقاصه و حاظر لأي مساعده لأخواني بالمنتدى

بس عندي استشاره.....

انا شاري الوطنيه العقاريه ب1.300
او شاري بيت الاستثمار الخليجي 400 فلس

وابي تفيدوني فيهم ؟

وشكرا


اخوكم y^kcc

من افضل الاسهم في السوق


الاسعار على نهاية العام
الوطنيه العقاريه فوق الدينارين

بيت الاستثمار الخليجي فوق 650 الى 800 فلس

وبالتوفيق

 

[الراقي]

حياك الله بين اخوانك وعن اسهمك بيع اذا جاك ربح نصيحة طماع سابق

 

[q8^للمقاصة]

مشكورين

مشكورين .....
على توجيهاتكم لي....

حبيت ابين لكم اني موظف بقسم سجل المساهمين بالشركة الكويتيه للمقاصه
وانا افيدكم بما يخص الشركات من توزيع ارباح و دمج او نقل ملكية اسهم
لكن بشي ثاني شغلي امانه برقبتي ..... وهذي اسرار وانتو معاي طبعاً

وانا عن قريب راح احطلكم اسماء الشركات اللي سجلاتها عن الكويتيه للمقاصه

مشكورين

 

[بن تركي]

السلام عليكم

هذي اول مشاركه لي بعد ماكنت اتابعكم صارلي تقريبا 5 شهور
انا موظف بالشركة الكويتيه للمقاصه و حاظر لأي مساعده لأخواني بالمنتدى

بس عندي استشاره.....

انا شاري الوطنيه العقاريه ب1.300
او شاري بيت الاستثمار الخليجي 400 فلس

وابي تفيدوني فيهم ؟

وشكرا


اخوكم y^kcc

حياك الله أخي الكريم بما أنك موظف بالمقاصة أبي أعرف شلون تقدم وظيفة عندهم وشنو الطلبات المطلوبة علشان التوظيف عندى أخوي حاب يتوظف عندكم وراح حق مدير التداول المحلي أبوثامر وماقصر معاه بس مادري أكثر الشركات قلوله مافي شواغر شتنصحنى نسوي وشكرا لك.

 

[مستثمر صغيروني]

اخوي كويت للمقاصه او الموظف بالمقاصه0000 ممكن سؤال 00 انا عندي واحد من الربع غير كويتي او بدون بمعني اصح ويبي يفتح احساب بالمقاصه يصير والا ما يصير واذا ما يصير ليش واذا يصير شنو الاوراق المطلوبه منه؟؟ ويزاك الله خير

 

[q8^للمقاصة]

حياك الله أخي الكريم بما أنك موظف بالمقاصة أبي أعرف شلون تقدم وظيفة عندهم وشنو الطلبات المطلوبة علشان التوظيف عندى أخوي حاب يتوظف عندكم وراح حق مدير التداول المحلي أبوثامر وماقصر معاه بس مادري أكثر الشركات قلوله مافي شواغر شتنصحنى نسوي وشكرا لك.

حياك الله يالغالي

بنسبة للوظيفه بالشركة الكويتيه للمقاصه
تابعه لشؤون الاداريه بدور السادس وبعتقادي المطلوب الحين شهادات الدبلوم

الاوراق المطلوبه:
( صوره شخصيه + الشهاده الاصليه و صوره عنها + صورة البطاقه المدنيه+ صورت الجنسيه )

ولك التوفيق لحق لافات الفووت ماينفع الصوت

 

[q8^للمقاصة]

اخوي كويت للمقاصه او الموظف بالمقاصه0000 ممكن سؤال 00 انا عندي واحد من الربع غير كويتي او بدون بمعني اصح ويبي يفتح احساب بالمقاصه يصير والا ما يصير واذا ما يصير ليش واذا يصير شنو الاوراق المطلوبه منه؟؟ ويزاك الله خير

حياك الله يالغالي

بنسبه لفتح الحساب لا يمكن لغير محددي الجنسيه التدوال وذلك بموجب اوامر من السوق

اما بنسبه للغير كويتي
صورة البطاقه المدنيه + صورة بطاقه البنك+ صورة من الجواز + رسوم 3دنانير

ويتم استلام البطاقه ثاني يوم وعلطووول لتداول

تحيــــاتي
y^kcc

 

[فارس العنزي]

مشكورين .....
على توجيهاتكم لي....

حبيت ابين لكم اني موظف بقسم سجل المساهمين بالشركة الكويتيه للمقاصه
وانا افيدكم بما يخص الشركات من توزيع ارباح و دمج او نقل ملكية اسهم
لكن بشي ثاني شغلي امانه برقبتي ..... وهذي اسرار وانتو معاي طبعاً

وانا عن قريب راح احطلكم اسماء الشركات اللي سجلاتها عن الكويتيه للمقاصه

مشكورين

حياك الله وراح نسعد بإنضمامك لنا ، وإن أمكن متى وشلون الطريقه لدمج أسهم كل من القرين للبتروكيماويات والأولى للوقود وأما بالنسبه لبك بوبيان أنا شاري من ولد عمتي أسهم هل أقدر أحولهم لأسمي ومتى علماً بأني منذ فتره مريت هناك وسألت واحد مصري وقالي يصير بشرط تحضر ما يطابق الإسم هل هذا صحيح أرجو الرد ، مع خالص الشكر

 

[مخازن أنا أحبه]

اخوي كويت 8 للمقاصه بصراحه بسئلك جم سؤال وابيك توسع صدرك وياي

1_ صحيح انكم تعرفون من الي اشترا وباع بعد نهاية السوق ؟
2_ اذا هالكلام صحيح وانا متوقعه يعني انتو بالمقاصه اول من يسرب الخبريات للناس ؟
3_ في حجي انقال من زمان ان بعض موظفين المقاصه ياخذون راشوي عشان يسربون معلومات من دش ومن طلع صحيح هم هالكلام؟
4_ مابيك تزعل من اسئلتي بس ودي استفيد يكفيني خساير من شركات النصب والاحتيال
5_ اخر سؤال انتو ممنوع عليكم انكم تتداولون ؟

اخوك / بوراكان

 

[q8^للمقاصة]

حياك الله وراح نسعد بإنضمامك لنا ، وإن أمكن متى وشلون الطريقه لدمج أسهم كل من القرين للبتروكيماويات والأولى للوقود وأما بالنسبه لبك بوبيان أنا شاري من ولد عمتي أسهم هل أقدر أحولهم لأسمي ومتى علماً بأني منذ فتره مريت هناك وسألت واحد مصري وقالي يصير بشرط تحضر ما يطابق الإسم هل هذا صحيح أرجو الرد ، مع خالص الشكر

حياك ياخوي اسف على التأخير لظروف دوامي

هذا الكلام مو صحيح مافي دمج حالياً لأي من الشركات اللي ذكرتها الا بعد ما تندرج بسوق ...

للمراجعه الدور السادس

وأسف على التأخير

y^kcc

 

[q8^للمقاصة]

اخوي كويت 8 للمقاصه بصراحه بسئلك جم سؤال وابيك توسع صدرك وياي

1_ صحيح انكم تعرفون من الي اشترا وباع بعد نهاية السوق ؟
2_ اذا هالكلام صحيح وانا متوقعه يعني انتو بالمقاصه اول من يسرب الخبريات للناس ؟
3_ في حجي انقال من زمان ان بعض موظفين المقاصه ياخذون راشوي عشان يسربون معلومات من دش ومن طلع صحيح هم هالكلام؟
4_ مابيك تزعل من اسئلتي بس ودي استفيد يكفيني خساير من شركات النصب والاحتيال
5_ اخر سؤال انتو ممنوع عليكم انكم تتداولون ؟

اخوك / بوراكان

حياك يابوراكان

1- نعم بعض كبار الموظيفين لهم علم مو الكل او ما اعتقد انه في تسريب اي معلومات تخص التداول
2-تظهر اسامي الاشخاص اللي اشترو وباعو بس ابشرك اغلبية الموظفين اعليميه مايدرون اشصاير
3-مافي اي رشاوي عندنا لانه في مراقبه شديده علينا كموظفين
4-مسموح لنا بس ليش تفتح اعيون الناس عليك بس البروكر ممنوع انه يتداول بأسمه

 

[حداق البورصة]

حياك الله اخوي كويت 8 للمقاصه ... و الله يعطيك ألف عافية

على هالنفسية الحلوة بمساعدة اخوانك بالمنتدى ...

و عندي لك سؤال لو سمحت

بعدما ما اكتتبت ببنك بوبيان اخذت شهادة من البنك

شنو لازم اسوي بعد عشان اقدر اتداول بأول يوم

مع العلم اني عندي حساب ببنك الشرق الأوسط للتدوال

 

[q8^للمقاصة]

حياك الله اخوي كويت 8 للمقاصه ... و الله يعطيك ألف عافية

على هالنفسية الحلوة بمساعدة اخوانك بالمنتدى ...

و عندي لك سؤال لو سمحت

بعدما ما اكتتبت ببنك بوبيان اخذت شهادة من البنك

شنو لازم اسوي بعد عشان اقدر اتداول بأول يوم

مع العلم اني عندي حساب ببنك الشرق الأوسط للتدوال

يابعد راسي صبحك الله بالخير

اول ما يدرج بنك بوبيان بالبورصه اخذ الشهادات او سولهم ايداع بحسابك اللي بشركة الكويت والشرق الاوسط واعتقد انه الشركة ماعندها مشكله بهشي
لكن متى يدرج الحجي وايد ومانبي نفتيي
حاضرين يالحداق

 

[Blue Chips]

السيد الفاضل كويت 8 للمقاصه عندى سؤال لك اذا سمحت
هل يجوز ان اقوم بدمج اسهم باسم اخي مع الاسهم التي بحوزتى؟
مع الشكر

 

[q8^للمقاصة]

السيد الفاضل كويت 8 للمقاصه عندى سؤال لك اذا سمحت
هل يجوز ان اقوم بدمج اسهم باسم اخي مع الاسهم التي بحوزتى؟
مع الشكر

نعم يجور ولكن بحظور الطرفين او وكالة عامه او اقرار تنازل من السوق من مصادقة توقيع البنك

 

[بوحسن]

عندي ارباح قديمه حق الاتصالات الوطنيه والهواتف ما حصلتهم صج اهم جم دينار وهو اي مخليني اتعييز اروح وربي يابك لي

صح الفلوس اشويه بس تظل فلوس

شلون احصلهم ؟ وين اروح وشنو اييب معاي وابي ادمج ارقام صغيره جدا من الاسهم مع بعض شلون