موظف بالشركة الكويتيه للمقاصه لأي مساعده لاخواني بالمنتدى

[Riskman]

هاهاهاهاها حلوه هذي موظف بالمقاصه

انا هم موظف او قديم قدمت استقالتي من شهرين كفايه خبره او على فكره المفروض انك ماتكلم او تقول انه انت موظف بالمقاصه لانه اهم شي في هالمكان السر ولا تفنيشتك اسرع من البرق دربالك من (وليد,خالد,محمد,ه....,عزام) مابي اكملك الباجي او الله يوفقك بالشغل اليديد انت فيه(على ماعتقد توك ماصارلك 3 اشهر.

عموما اخذ خبرتك او امش لاتطول....(نصيحه)

 

[Riskman]

قاعد اكلم

بوعبدالله معاي على الخط

 

[q8^للمقاصة]

بوعبدالله معاي على الخط

اول شي انا مو قاعد اتكلم عن اسرار الشركة وانت شايف وثاني ربي يوفيقك
و الاسرار هذي امانه اووكي

 

[الميموني]

عندي استفسار لوسمحت

أسهم لي وامسجلها باسم صاحبي والحين ابي أحطها باسمي بدون لا أعرضها للبيع هل فيه مجال أحولها باسمي وبحضوره...الأسهم مركزسلطان .. وجزاك الله خير..

 

[q8^للمقاصة]

لا مايصير تحول اسهم صاحبك الى اسمك

 

[nasr 2]

اول شي انا مو قاعد اتكلم عن اسرار الشركة وانت شايف وثاني ربي يوفيقك
و الاسرار هذي امانه اووكي

الله يعطيك العافية على مساعدة أخوانك فى المنتدى
ولا تسمع كلام المحبطين دربك سمح ان شاء الله
والى الامام

 

[الفهلوي]

سؤال بسيط اخي


هل يمكن دمج اسهم بنك بوبيان اوالأولى للوقود وتحويل الملكية بين الأخوة او العائلة من الدرجة الأولى .



الفهلوي

 

[q8^للمقاصة]

سؤال بسيط اخي


هل يمكن دمج اسهم بنك بوبيان اوالأولى للوقود وتحويل الملكية بين الأخوة او العائلة من الدرجة الأولى .



الفهلوي

لا يمكن دمج الاسهم الا بعد ادراج الشركات

 

[المهذب جداً]

.

متى يتم تطبيق القطاعات الجديدة ؟

.

 

[الحباب]

شكرا عزيزى على روحك العاليه فى الاخذ والعطا مع الاعضاء فى المنتدى !!!
انا عندى سؤال بسيط وخاطرى اسالك اياه ..
سؤالى اهو :
انا خالى خليجى الجنسيه وحاب انه يجرب حظه فى البورصه , شنو المطلوب منه علشان يدخل السوق , مع العلم انه عنده حساب بالبنك الوطنى , ويبى يدخل بخمسه الاف دينار ؟؟؟؟
ومره ثانيه اسفين للازعاج .

 

[q8^للمقاصة]

شكرا عزيزى على روحك العاليه فى الاخذ والعطا مع الاعضاء فى المنتدى !!!
انا عندى سؤال بسيط وخاطرى اسالك اياه ..
سؤالى اهو :
انا خالى خليجى الجنسيه وحاب انه يجرب حظه فى البورصه , شنو المطلوب منه علشان يدخل السوق , مع العلم انه عنده حساب بالبنك الوطنى , ويبى يدخل بخمسه الاف دينار ؟؟؟؟
ومره ثانيه اسفين للازعاج .

صورة البطاقه المدنيه + صورة بطاقه البنك+ صورة من الجواز + رسوم 3دنانير

 

[مساهم قديم]

طلب مساعده ومشوره من الاخوه .
انا صارى فتره طويله اتعامل مع مكتب فى البورصه ولكن طبيعة عملى
تفرض على انى اتابع البورصه من التيلفون لاعطاء اوامر الشراء والبيع
ولكن المكتب ما يرد عليك ....... كلش .... واكون فى موقف صعب
واتعرض الى خساره .
اللى رفع ضغطى ان احد موظفين المكتب ( طبعا من جنسيه عربيه مو كويتى )
لمح انه يساعدنى مقابل عموله . (
السؤال :1. هل هذا شائع فى البورصه ؟
2. اللى عنده طريقه افضل ينصحنى فيها لانى ما اقدر احضر البورصه كل يوم ... يمكن يوم فى الاسبوع .
ومشكورين

 

[المضاربه فن]

طلب مساعده ومشوره من الاخوه .
انا صارى فتره طويله اتعامل مع مكتب فى البورصه ولكن طبيعة عملى
تفرض على انى اتابع البورصه من التيلفون لاعطاء اوامر الشراء والبيع
ولكن المكتب ما يرد عليك ....... كلش .... واكون فى موقف صعب
واتعرض الى خساره .
اللى رفع ضغطى ان احد موظفين المكتب ( طبعا من جنسيه عربيه مو كويتى )
لمح انه يساعدنى مقابل عموله . (
السؤال :1. هل هذا شائع فى البورصه ؟
2. اللى عنده طريقه افضل ينصحنى فيها لانى ما اقدر احضر البورصه كل يوم ... يمكن يوم فى الاسبوع .
ومشكورين

أخوى
تداول عن طريق الاوسط وحط أوامرك بنفسك ودير محفظتك بالى فيه مصلحه لك وقيم امورك بنفسك وتابع اسعارك مباشرتا ولا تحطلك دلال يضيعك ويخسرك بالاضافه الى اخذ النصائح من الاخوان بالمنتدى
رقم تيلفون الاوسط 2245077 2245099

 

[doody311]

هلا

هلا اخوي تبي الصراحه المطلقه . نعم . انا اعمل في هذا المجال , ولكن ما يطلبون مني فلوووووس بس هااااااا اهم يعتبرونها خدمه , يطلبون مني تخليص معاملات لهم في سووق الاجل ,و لعملائهم , من غير ما يطلب يعني اذي ما رديت عليه ما يرد علي بعدين يا اخي هذا عمل والعمل عمل , تبي النصيحه عطه أكراميه اذا كنت ربحان ولا راح يتعطل شغلك , وبعدين اهم لهم مصادر جيده بالمعلومات , من خلال الشراء انت تعرف انهم الوسيله الاكثر اهميه من خلال ملامستهم القريبه للمحافظ والصناديق . بعد ما اقدر اشرح لك اكثر علشان لا افلص
سلام

 

[doody311]

هلا

بعدين ما في فرق بين كويتي ولا غير كويتي , واللي يقول جذي يواجهني , بس كل واحد وقناعته
سلام

 

[مساهم قديم]

أخوى
تداول عن طريق الاوسط وحط أوامرك بنفسك ودير محفظتك بالى فيه مصلحه لك وقيم امورك بنفسك وتابع اسعارك مباشرتا ولا تحطلك دلال يضيعك ويخسرك بالاضافه الى اخذ النصائح من الاخوان بالمنتدى
رقم تيلفون الاوسط 2245077 2245099

الاخ جنتل .........
مشكور على النصيحه والحياة تجارب وراح اسمع نصيحتك
ان شاء الله ما اخسر شى
بس قولى .......... كم صار لك مع الاوسط وشلونك معاهم .
فى واحد نصحنى ب متداول يقول ما ياخذون اشتراك بس عموله
على الصفقه
الاوسط ياخذون اشتراك شهرى 20 دينار
شرايك هذا فى الكلام

 

[مساهم قديم]

هلا اخوي تبي الصراحه المطلقه . نعم . انا اعمل في هذا المجال , ولكن ما يطلبون مني فلوووووس بس هااااااا اهم يعتبرونها خدمه , يطلبون مني تخليص معاملات لهم في سووق الاجل ,و لعملائهم , من غير ما يطلب يعني اذي ما رديت عليه ما يرد علي بعدين يا اخي هذا عمل والعمل عمل , تبي النصيحه عطه أكراميه اذا كنت ربحان ولا راح يتعطل شغلك , وبعدين اهم لهم مصادر جيده بالمعلومات , من خلال الشراء انت تعرف انهم الوسيله الاكثر اهميه من خلال ملامستهم القريبه للمحافظ والصناديق . بعد ما اقدر اشرح لك اكثر علشان لا افلص
سلام

اذا تعرف شخص يساعدنى اكون شاكر لك واعطيه اكراميه اذا كنت ربحان .

وبعدين اخوى كلمة ( العمل عمل ) اظن قصدك فيها اخدمنى واخدمك والعكس
صحيح . ارجو ان من يستخدمها لا يبتعد عن الصفات الحميده
ويقوم فى عمله باخلاص ويساعد الناس بدون مقابل وراح الناس يدعون
له بالخير بالغيب واظن ورد فيها حديث شريف .
انا فهمت كلام .... بس ارجو انت لا تسئ فهم كلامى
ومشكور يا الحبيب

 

[بوخمسين]

شكرا أخونا العزيز q8^للمقاصة على خدماتة

عندي سؤال

اذا بغيت أفتح حساب لوحدة يعني (بنت) من الجماعة بالبورصة مالمطلوب ؟؟


وشكراااااااا

 

[المستفسر]

حضورها شخصيا او تكون عندك وكاله منها

اللهم صلى على محمد وعلى ال محمد وعلى اصحابه اجمعين ومن تبعهم الى يوم الدين​

 

[q8^للمقاصة]

.

متى يتم تطبيق القطاعات الجديدة ؟

.

مو محدد بعد الوقت و اسف على التأخير