للبيع قسيمه بأم الهيمان موقع مميز بقطعه 5

[أحمد طنطاوي]

للبيع قسيمه موقع مميزبمدخل ق5
بطن وظهر على براحه ارتداد 80م حق القسيمه +براحه كبيره اخو الراس مقابل الخدمات بمدخل القطعه سوبرديلوكس لم تسكن جديده
السوم210 للمراجعه
للمراجعه
65686489​

 

[bo-3bdlh]

احمد طنطاوي ترا ذبحتنا بالاسعار والله عيب تستخف بالناس والله عيب
يقول السوم 210

 

[المستثمرالكويتى]

يوجد بيت فى ام الهيمان راس داخلى سنترال نموذج 9 افضل نماذج بيوت المنطقة


مطلوب 190 الف حد

لاتقولون سعرك غالى

اللى غيرى مو احسن منى

 

[aljoker]

احمد طنطاوي ترا ذبحتنا بالاسعار والله عيب تستخف بالناس والله عيب
يقول السوم 210

انا اسومها 220 دينار فقط

 

[أحمد طنطاوي]

ليش استخف بالناس ترى اسمى احمد
مسلم واعرف دينى كويس سوامها مطيرى من سكان
الفحيحيل وتبى رقمه حاضر
وفيه سوامين بعد على 200وسوام على 210ومستعد يدفع لل215
بس يبى يعرف خاطر الرجال قبل لا يعطيه اى سعر وحياك الله اجمعك بكل النااس هذى ياسيدى الفاضل والحبيب الا يستخف الا يسوم 220خليه يروح ياجر فيهم شقه بالهبواله شهر

 

[bo-3bdlh]

انته مش مزبووط

 

[أحمد طنطاوي]

ترى حنا بشهر فضيل وما بى ارد عليك
مثل ردك بس اقوالك شى الله فوقى وفوقك ويعلم منوا المظبوط من الا مو مظبوط
ربنا يصلح حالك

 

[أبو عبد الرحمن]

يا جماعة ترى الدعوة ارمضان وخير ما فيه داعي هالمشاحنات والطعن بالنيات

أنا معاكم أسعار السوق حاليا غالية وتضيق الخلق ، بس مافيه داعي الطعن بالرجال

الأخ ما قصر قالك منو سوامها ومستعد يعطيك رقمه ويجمعك وياه .... اشتبي بعد ، إن كان فيه عتب وزعل ينبغي يوجه للحكومة إلي توزع أراضي بالقطارة وما تفعل قانون الضريبة على الأراضي الفضاء ، وتسمح للتجار بالتملك بالسكن الخاص لو يشتري ١٠٠ أرض ، وجه عتبك عليهم أخوي الفاضل .

أنا معك بعض المكاتب ما عندهم مصداقية ولو تتصل عليه وتسوم بيت بالتليفون من غير ماتعرفه ولا يعرف رقمك يعدها سومه ويبني عليها مع العلم لو صاحب الملك حب يبيع بهالسومة يتوهق صاحب المكتب ويحوص لأنه ما يعرف منو سوامها وما خفي كان أعظم .

والله ما حبيت إني أدش بنقاش بهالموضوع لكن لما شفته من مشادات ومشاحنات مع الأخ حبيت أوضح هالشي ويعلم الله إني ما أعرف الأخ أحمد طنطاوي ولا شفته ولا أدري وين مكتبهم ولكن يظهر من كلام الأخ الصدق نحسبه والله حسيبه .

على فكرة في قسيمة من كم سنة في هدية إنباعت بـ ٦٢٠ ألف دينار دبل سعر السوق لأن الشراي راغبها وعنده خير ويقول لو طلب مليون عطيته رغبه في هالقسيمه وعنده خير ولله الحمد وهالقصة معروفه لدى أغلب المكاتب وسكان المنطقة .

تقبل الله منا ومنكم وخلوا الرجال في حاله ولكم مطلق الحرية في التعليق لكن بالمعقول ودون تجريح .

بارك الله فيكم جميعا وسامحوني على التطفل .