استفسار شقق تمليك

[فراولة الكويت]

يعطيكم العافيه

عندي سؤال انا ناوي ان شاءالله اشتري شقه عن طريق شركه ماجيك هوم موقع الشقه في حولي بجانب مجمع بيروت وهي تحت الانشاء.
ابي رايكم بالشركه ونظام تملك شقق الي تحت الانشاء في الكويت ؟
وهل عند البيع تييب لي سعر؟ سعر الشقه الحالي 47.000 دينار غرفتين و صاله و حمامين و مسفط سرداب و حمام سلاحه و نادي صحي و الله اني محتار ارجو الافاده

ومشكورين

 

[kont]

اختي الكريمه

انا ماعندي المام كبير باسعار الشقق
ولكن تعرض علي شقق في المهبوله واسعارها واايد ارخص
عندي معلومه يمكن تفيدج
اذا انتي الهدف من الشقه انج تربحين فيها
فالافضل اخذي بمنطقه المهبوله
لانها منطقه يديده وقاعد ترتفع اسعارها بين فتره والثانيه
وبنفس الوقت شقق جاهزه ومؤجره

وشكرا​

 

[خالد32]

47 الف مااعتقد فيها ربح اجار شهري يدخل لك اخذ بالمهبوله ارخص ونفس الايجار ولابغيت تبيع ماتغص فها ان ماربحت اوماتخسر كثير شوف في هني معروض شكثر دور بالبحث شقق وحلات تمليك

 

[B-A-1983-A-B]

يعطيكم العافية اخوني معالية اتداخل معاكم بس الاخوان يقولون بالمهبولة رخيصة الشقق يعني بجم تتحصل الشقق ؟!

 

[* مواطن *]

والله انا اشوف الشقق اللى بحولى افضل بالنسبه للاجار اما المهبوله بنيه تحتيه تو قاعديين يجهزون فيها واكثرها تاجير شركات اما حولى اكثرها وافديين وجه نظر

 

[فراولة الكويت]

يعيطيكم العافيه على المشوره الطيبه و فعلن اقوى منطقتين حولي و السالميه لالاستثمار و لكن هل في احد يمتك شقه من مشارع شركة مجيك هوم نبي ذاسكم بخدمتهم و اسعاذهم

 

[الصـريح]

اذا هذي مواصفاتها سعرها معقول.. اخذيها توكلي على الله واذا لقيتي بالسالميه افضل بعد

ولا تفكرين بالمهبوله .. لان المؤجر لايفضلها لبعد مسافتها عن العاصمه ولا فيها شوارع لحد الان وأجاراتها ضعيفه جدا

وأسمها غير محبب لانه غير منطقي ( مهبوله ) مجنونه

بالنسبه حق الشركه ماسمعت فيها .. لكن دام فيه عقد وذاكرين فيه متى التسليم كافي

 

[abdalah]

الله يعطيكم اللعافيه
من الواضح ان الاخت تسال عن شيئن أولا مصداقية شركة ماجيك
وثانيا المردود المادى ومقارنته بالسعر المدفوع
وانا عندى استفسار كم تتاجر هذى الشقه بالشهر

 

[بو بـدر]

محتاجين نعرف صافي مساحة الشقة " كما هو مكتوب بالوثيقة "

 

[فراولة الكويت]

مساحة الشقه بالوثيقه ٦٥ و مع الخدمات ١٠٠ شامله مصفط بالسرداب و تتاجر ٢٨٠ و هي العماره عباره عن مجمع سكني

 

[B-A-1983-A-B]

^^^
اجارها الشهري 280 والمجمع سكني وقيمة الشقة مثل ماقالو الاخوان مو اقل من 45 ألف يعني متى بطلع قيمة الشقة !!

يعني مو اقل من 14 سنة بس عشان تقدر تطلع قيمة الشقة هههههههههههه واهل الي عندة بيت بالظهر من سنة الهدامة يبي يأجرة بـ 900 دينار واهو بيت على وشك الهدام مع العلم يمكن بيتة ماكلف علية اكثر من 25 ألف !!

 

[فراولة الكويت]

الي ابي اعرفه الحين هل فعلن يسوى الشقه بهذي القيمه ٤٦ الف لموقعه و جودة التشطيب

 

[ابوفلجة]

الي ابي اعرفه الحين هل فعلن يسوى الشقه بهذي القيمه ٤٦ الف لموقعه و جودة التشطيب

نصيحة من القلب للأخت فراولة عدم الشراء من هذي الشركه

 

[المخرج 77]

يالغالي ممكن نعرف شنو هي مساؤ هذي الشركه للاهميه

 

[بو بـدر]

مساحة الشقه بالوثيقه ٦٥ و مع الخدمات ١٠٠ شامله مصفط بالسرداب و تتاجر ٢٨٠ و هي العماره عباره عن مجمع سكني

مساحة الشقة صغيره !! والاجار ضعيف جدا بالنسبة للمبلغ المدفوع 47 ألف دينار !

50 الف تاخذين شقتين في المنقف ولا المهبولة مساحتهم 65 نفس مساحة المذكورة واجارهم بـ 170 المجموع 340 دينار

او حتي تفتحينهم على بعض وتكون شقة عوده مساحتها فوق 120 متر بالوثيقة

وانتبهي بخصوص المساحة المكتوبة بالوثقية لان بعض الشركات والسماسرة نفس وضعج يقولج مساحة 100 متر وهي بالواقع 65 " للسكن " وال 35 الباقية تكون مواقف سيارات وخدمات وتوابعها

ولا تاخذين الا شقة مؤجرة وجاهزة... المبلغ الي وياج جيد والخيارات عديدة لا تستعجلين

بتوفيق

 

[سديم العقار]

السلام عليكم ورحمة الله وبركاتة


مساحة الشقه حييييل صغيرة للي يبي يستثمر صح يشترى شقة تمليك مساحة اكبر من 100 متر وفوووق واصلن با المهبولة تشترين اكبر من ها المساحة واقل من القيمة ؟ وتقريبا مثل القيمة الايجارية ؟ والله يوفق الجميع


نصيحة ؟ الشقه غااااااااالييييية ؟

 

[q8ihome]

تدفع بشقه 47 الف ومتى راح تسترجع هذا المبلغ واكيد هو من قرض والله الله بالفوائد وجميع العمارات شغل تجاري ومن اول سنه تشوف الخرابات والمشاكل او تنقلب العماره عزاب او دعاره
او هنود / ما ادري شنو هالتفكير الفقاره مع احترامي لكم . استبعدي فكرة التملك لشقه بعدين تندمين وعقب تبين تبيعين والشاري راح يشوف العماره بعد ما تهالكت وتوصخت كم بيعطيك فيها حتى لو انك صارف عليها من الداخل والمهم الشكل العام للعماره والله اعلم

 

[alakhal]

ما اعرف الشركه لكن سعر البيع خيالي بالنسبه لمساحة الشقه

 

[bo-3bdlh]

اختي فراوله هذا مشروووع مشاكل
لان الشركه ماعندها فلوس كاش تكمل البنيان و على حسابك انتي وألي يدفعون مثلك
واذا ماتوفرت السيوله هم راح يدلونك على باب المحكمه!!!!!
انحاشي ابركلك

 

[تويجر]

اذا بتاخذين اخذي جاهز ومأجر

اللي اعرفه انه الشقه تتاجر بسرعه لكن ما تنباع بسهولة

هذا اللي ردني عنها