هل من طريقه أضمن فيها حقي ؟؟؟؟

الموضوع في 'السوق الكويتي للأوراق الماليه' بواسطة OO7, بتاريخ ‏12 أغسطس 2005.

  1. OO7

    OO7 عضو جديد

    التسجيل:
    ‏2 أغسطس 2003
    المشاركات:
    51
    عدد الإعجابات:
    0
    مكان الإقامة:
    Kuwait
    السلام عليكم :

    أخواني أنا ودي أشتري شركة القرين من سوق الجت وبشتري كميه كبيره

    هل سوق الجت ومداولاته مضمون وهل هناك طريقه تحفظ لي حقي في حال ساءت

    النوايا مستقبلا لاسمح الله , ياليت اسمع تجاربكم والله خليكم لاتقولولي ان اشتري

    من احد اقاربي اضمن لاني خلصت من هالموضوع !! اللي يهمني الطريقه شلون

    وهل يوجد ضمان أم أن سوق الجت لايزال مشبوه؟؟

    طاب يومكم
     
  2. Blue Chips

    Blue Chips عضو جديد

    التسجيل:
    ‏7 يونيو 2005
    المشاركات:
    454
    عدد الإعجابات:
    1
    لا ليس هناك طريقه ما عدا التزام البائع ةالسلام
     
  3. مستثمر صغيروني

    مستثمر صغيروني عضو نشط

    التسجيل:
    ‏15 يوليو 2005
    المشاركات:
    467
    عدد الإعجابات:
    5
    مكان الإقامة:
    حبيبتي00الكويت
    الطريقه اخوي انك تاخذ عليه كمبياله علي بياض ويستحسن تكون كمبيالتين وتاخذ صوره من بطاقته المدنيه وصوره من هوية دوامه وابجذيه تظمن حقك 00 يعني اذا باكر لعب بذيله اللي انت شاري منه ارفع عليه الكمبياله وحط الرقم اللي تبيه واسبوع بالكثير راح يصدرلك من المحكمه امر اداء للمبلع المكتوب بالكمبياله وساعتها اذا ما حولك الاسهم بسمك سو عليه ظبط واحضار وراح يدفع غصبن عن شواربه او ينسجن
     
  4. basmman

    basmman عضو نشط

    التسجيل:
    ‏12 ابريل 2005
    المشاركات:
    597
    عدد الإعجابات:
    0
    نصيحة من أخوك
    لا تشترى شيء مو قانوني....انت لك خلق ركظة المحاكم اذا كان الشخص الي تشتري منه خون فيك؟....ترى حتى لو تروح المحكمة ما راح ترد بيزاتك أو أسهمك الا ابطلعت الروح.....أنا سلفت واحد 22 ألف دينار مقابل ضمان شيك منه.............12 سنة و للحين ما قبضت شيء.....دش السجن و طلع ...وبعدين؟...قضية مدنية!!!! وقت ومصاريف ضايعة...

    البيزات الي تبي تشتري فيها دش فيهم السوق أبرك

    وجهة نظر بس ...وانت كيفك
     
  5. الناسجت

    الناسجت عضو نشط

    التسجيل:
    ‏8 يونيو 2005
    المشاركات:
    2,159
    عدد الإعجابات:
    12
    مكان الإقامة:
    هنااااك
    أخي الفاضل

    أخي الفاضل
    007
    تحية طيبة وبعد ..
    برجاء راسلني على ايميلي حتى أسرد لك بالتفصيل الممل
    الجواب على سؤالك

    dashtison@yahoo.com
     
  6. حداق البورصة

    حداق البورصة عضو جديد

    التسجيل:
    ‏31 مايو 2005
    المشاركات:
    64
    عدد الإعجابات:
    0
    اذا فيه مجال اخوي مكارم اذكر لنا السالفة

    بالتفاصيل ترى الموضوع محطوط حق هالسالفة

    و انا من التاس اللي ودها تسمع منك و تستفيد

    و لك الأجر من الله على النصحية
     
  7. ابو جراح

    ابو جراح عضو جديد

    التسجيل:
    ‏30 يونيو 2005
    المشاركات:
    102
    عدد الإعجابات:
    1
    مكان الإقامة:
    دوارالبركه
    اخوى نصيحه لله لاتشترى من واحد ماتعرفه وبعد يكون ثقه ويخاف الله 00ترى الكمبيالات والشيكات وراهم محاكم والمحاكم دوخة راس واذا طلع الحكم روح التنفيذ والتفيذ بيقلولك ترى هذا عليه عشرين قضيه ومو بس انت اصلا احنا ندوره من زمان000انا اطلب واحد مبلغ محترم من سنة 97لى الحين ماقبضت شى
     
  8. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0

    اخوي مكارم استغرب اصرارك على ذكر التفاصيل عالايميل فقط..!!

    ياخي التفاصيل اللي بتقولها فيها شي عيب او كلام وصخ ؟!

    قول اللي عندك هني و فيدنا كلنا ليش بعد عالايميل و حركات

    على فكره .. هالاسلوب يجيب الشبهه لراعيه مع احترامي لك
     
  9. خير الكلام

    خير الكلام عضو جديد

    التسجيل:
    ‏9 سبتمبر 2004
    المشاركات:
    1,030
    عدد الإعجابات:
    1
    السلام عليكم

    في حاله حسن اليه انشالله تضمن حقك .
    ولكن من الناحيه القانونيه فان اي محامي فاشل يستطيع ان يكسب القضيه ضدك ويسحب منك الاسهم مع التعويض .
    وكذلك في حاله انك تبيع لاسمح الله لو توفى البائع ولديه ضدك شيك او كمبياله ورفع اولاده قضيه ضدك فسوف تدفع المبلغ مع ارجاع الاسهم لك .
    ملاحظه مهمه جدا .الاسهم لن ترجع لك الا بقضيه ترفعها وتنتظر من سنه الى سنتين .
     
  10. الناسجت

    الناسجت عضو نشط

    التسجيل:
    ‏8 يونيو 2005
    المشاركات:
    2,159
    عدد الإعجابات:
    12
    مكان الإقامة:
    هنااااك
    اخوي الفاضل

    اخوي الفاضل
    نوط بو الف اشكرك على التنويه :)
    وتأكد مافي شي انشاء الله من اللي ذكرته لا شبهه ولا كلام وصخ لا سمح الله :rolleyes:
    !!والله يعلم اشكثر انه احترم الرواد هني بالمنتدى .. بس ليش اصراري على المراسله
    ...مع اني حاب افيد اهل المنتدى مثل ما انه استفدت من البعض
    اخاف اخاف اخاف ثم اخاف اخطأ بمعلومه او يخوني التعبير بكلمه هنا وهناك
    فأودي البقية .جفي ..
    مع اني واثق من كلامي ميه ميه بس مع ذلك اتحسب الف حساب للمفاجات ..
    المفاجات .. اخوي نوط بو الف ... هذا السوق جابلته اكثر مما جابلت فيه اهلي
    وعطيته من عمري سنين ومع ذلك .. يلعب عنصر المفاجأة دور كبير
    حتى لو توثقت وصدقت كل البيانات والمعلومات ...اللي عندي

    علشان جذي اقول بالايميل الخاص واجاوب حق واحد فلو لا سمح الله لا سمح الله
    توهق صاحبنا وهو احتمال بعيد ..
    تكون الكارثة على واحد بس واحد ...

    مو على الجميع ...

    بس هذا هو السبب .. وما في اي عذر ثاني ..
    اكرر وأقول انه شاريكم كلكم وحاب افيد الجميع .. وانشاء الله انه بديت ارد على الاستفسارات
    للجميع علشان لا أحد يقول في شبهة او كلام وراء الكواليس

    شكرا اخوي نوط بو الف على المداخله >>

    لاحظ معاي شنو صار بين الاخوة الفارس ونواف وغيره من كلام مؤسف .. واللي بسببه
    فقدنا شخص .. بحسن نيته خله المشرف يلغي عضويته بينا .. كل هذا
    صار لانه نقل معلومه .. كانت قنبله .. فجر فيها الوضع بين حبايبنا بالمنتدى
    وانه متحسف ليش شخص مثل اخونا نواف خسرناه ...

    دمتم
     
  11. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    للعلم اصدر قانوني في وزاة العدل عدم مناقشت اي قضايا عن بنك بوبيان والشركات الاخري وعدم الخوض فيها لانها تعتبر بالاصل ممنوع وغير قانوني مثال تشبيهي


    مثلا لو فرضنا الدولة مانعه شي وشخص اتى بهذا الشي وقام يسوق به ثم اتي شخص يريد يرفع قضايا لايحق له لانه سوف يكون متعاون بالممنوع لذالك من قرارات وزارة العدل تلك كانت قاصمة لمن يجمع الاسهم ويدمجها

    ولا اعلم هل هذا القانوني ساري ام لا
     
  12. الناسجت

    الناسجت عضو نشط

    التسجيل:
    ‏8 يونيو 2005
    المشاركات:
    2,159
    عدد الإعجابات:
    12
    مكان الإقامة:
    هنااااك
    بعض التفاصيل المهمه

    اخوي
    007
    تأكد .. وعلشان يتأكد الجميع أني اعتبر نفسي أخوكم الصغير هني في المنتدى
    ولاني أستفدت الكثير
    من هذا المنتدى علشان جذي أشوف انه فيه دين في رقبتي للجميع وأبي أخدمكم
    باي طريقة ..
    علشان جذي راح الووع جبدك والووع جبد الاخوان من طول الكلام في هذا الموضوع فارجو المعذرة من الاطاله مقدما
    وسلامة جبودكم ... :) :)
    ... سوق الجت .. " الناسجت " ... آآآآآآآخخخخخخ وما ادراك ما سوق الجت
    أول شيء غريب في هذا السوق انه أسمه بعيد كل البعد عن نشاطه ... ولا ما تقول لي ..شنو جاب الجت ..للاسهم يا بو الشباب ....
    المنطق يقول انه سوق الجت لازم ينباع فيه العلف والبرسيم والجت ...
    ما تقولي شنو جاب الاسهم والكمبيالات والدعوات ...
    تصدقني لو قلت لك انه مصير ادارة شركة القرين اللي راس مالها مليار سهم
    وتعيين الاعضاء لمجلس الشركة أنحسم في سوق الجت ..............
    لان اكبر كمية تم شراؤها من الدعوات لشركة القرين .. تم عبر ومن خلال هذا السوق :eek:
    فسوق الجت قرر مصير مجلس الادارة لشركة راس مالها مليار سهم .. :confused:
    يا عجبي وما عشت الدهر أراك عجبا .. ومن يدخل سوق الجت يرى الاعجب
    على كل حال ندش في الموضوع ..انت انسان تبي تستثمر فلوسك وتشتري اسهم تاسيس
    جيد جدا مبدئيا الاستثمار جيد .. بس انت تدري انه تم فرض قوانين جديده لعملية التحويل ..
    ولحد هذا اليوم وهذي الساعه وهذي اللحظه .. لا يمكن وما في اي طريقة لنقل الملكية
    المقاصة هالمره ماعندها غشمره يا جماعه .. وشادين ظهرهم بالوزير الطويل

    عيل شنو قاعد يصير في سوق الجت " ناسجت " وليش الناس قاعده تبيع وتشتري .. انه اقولك
    اللي يشتري عنده فلوس وايد واللي يبيع اغلبهم محتاجين وايد .. ارجوك خل هالنقطه في بالك علشان اكمل

    اللي يشتري بصراحة وبرايي الشخصي .. مجازف وداش في استثمار معقد جدا
    ليش مجازف وليش معقد جدا ... اشرح لك تفاصيل البيعه..علشان اجاوبك عدل

    البايع راح يوقع على التالي
    1- عقد بيع اسهم
    2- طلب دمج اسهم
    3- ايصال امانه
    4- عقد وعد بالبيع
    5- اقرار بالتنازل والتوكيل
    وكل هالاوراق عاديه وفيها ملاحظات راح اشرحها لك بالتفصيل علشان لا يزعل حبيبي نوط بو الف
    بس يبقى وصل الامانه اللي راح يوقعها البايع عالبياضضضضضضضضضضضضض
    وهذي فيها مشكله للطرفين .... وعوار راس للطرفين .. قول ليش ..
    الطرف البايع يمكن يبيع ربع دينار بوبيان بس الشاري يحط ديناربالوصل الامانه على كيفه ..
    بالتالي لو فكر البايع انه يخون راح يدخل نفسه في مشاكل ... أقول وانتبه ..راح يدخل نفسه في مشاكل قانونية
    واما الشاري فطبعا راح يحط مبلغ دينار بدل الربع في محل البياض .. بالتالي
    يحسب انه صايد الحركه وراح يحصل ربح 750 من العملية اذا حاول البايع يخون
    وهنا ملاحظه مهمه جدا ومعلومه غايبه عن أكثركم ... يا جماعه واقولها عن تجربه سابقة
    لو اشتكى البايع بالمحكمة وقال انه وقع على بياض والشاري حط مبلغ على كيفه واعترف الشاري بذلك
    راح يتمشكل الشاري بدل ما يحصل فلوسه .. لاني اعتقد وراح اتاكد اكثر من هالشي ان التوقيع على بياض
    فيه شبهه قانونية ...
    طبعا بعد اللتيا واللتي وبعد كل المشاوير والوقت والجهد اللي راح يضيع هنا وهناك
    راح يسأل حضرة القاضي عن المبلغ الحقيقي المتبادل بين الطرفين ..وهو ربع دينار لا غير
    فيحكم القاضي كما حصل في اكتتابات الشرق الاوسط والهواتف بان يرجع البايع للشاري
    المبلغ الفعلي ..... مو المبلغ المكتوب على بياض
    يعني يا شاري طلعت من المولد بلا حمص .. ورجعت راس مالك بلا استثمار ولا ربح ولا بطيخ
    والاوراق 1\2\4\5 اللي ذكرتهم... نقعهم !! ...
    لان اللي راح تشتريهم .. عبارة عن سندات تخصيص حاليا وليست أسهم
    ويوجد قانون حالي بالتجارة واضح المعالم وما فيه يما ارحميني القانون يقول

    اي تعامل \ تداول\تنازل\بيع\رهن\ بالسندات هذه باطل باطل ..

    مثل ما هو زواج عتريس من شادية اللي ما ادري شنو كان اسمها بالفيلم باطل باطل

    ويحتفظ الطرفين في حق بطلان العقد وفسخه في اية لحظه ..

    هذا اذا قلنا في حال انه البايع ناوي نيه مو طيبه ..

    اما اذا قلنا ان البايع يخاف اشوية من الكمبيالات وعنده اشوية ضمير وكان معاك الى يوم الادراج ...
    .. اذا طبعا ما مات بحادث او ما مات موته طبيعيه \ أو ما دش السجن بسبب شيكات أو ما اشبه\
    أو ما هاجر من الديره لانه مطلوب لعدة قضايا \ أو ما غير عنوانه السكني وغير ارقام النقال والبيت

    اذا قلنا انه كل شي على ما يرام .. وجاء لك الشخص يوم الادراج وقال لك شبيك لبيك انه حاضر آمر شنو المطلوب

    !!!!!!!
    .. انتبه معاي اخوي ولاحظ انك شريت على ربع دينار يعني الريال باعك على ربع
    ويمكن لمن ينزل السهم بالسوق يمكن يمكن انشاء الله 600\700 فلس
    تخيل شنو راح يصير فيه هذا اللي باعك اسهمه وشايفهم الحين جدام عينه فرق دبل مرتين
    ولا زالت الاسهم باسمه ... طبعا الشيطان اشويه راح يلعب فيه .. وابيك تفهم شنو اللي اقصد
    وياما..ياما..صارت فينا والله شرينا الوطنية للاتصالات على 300 فلس ولمن نزلت بالسوق صارت 600
    صارت بلاوي وشفنا معادن الناس اشلون صايره ..على العموم
    احنا نفرض انه .. كل شي ماصار.. وما خون صاحبنا للحين
    اشلون تنقل الملكيه عيل .....

    اشلون ننقل الملكية ...

    ر اجع اخوي ويا اخوان هالرابط


    عرفت الحين شنو قصدت لمن قلت لك ... انه استثمار معقد وفيه مجازفه ...

    معقد لانه فيه احتمالات كثيره وارده .. ومجازفه لانه البايع ممكن يقلب عليك بكل سهوله

    اذا تبي تشتري وتبي شغلك يكون صح اشتر من الثقاة \ الاهل \ الربع \ ترى أهل الديره اياويد
    وفيهم معادن ماتبيع ضميرها ولو بالملايين ..
    وعندي كلمه.. وبعد اذن اهل المنتدى اقولها لك وحق اللي يبي يشتري

    شطارتك انك تصنع وتدور على الزبون الثقة .. ومو شطاره انك تشتري بابخس الاثمان
    وتوقع وصل امانه ومش عارف ايش ... قد ما تقدر دور على الثقه ..

    اذا كنت تبي نصيحة اخو وصار له سنين بهالشغله .. ابحث عن الثقاة ولو في الصين .
    اخواني الكرام اعتذر عن الاطاله .. واعتذر لك اخوي 007 اذا اسأت الادب معاك :)
    او مع الغير بس .. الهدف انه ما تروح فلوسك وفلوس عيالك بوشششششششش..دير بالك وانه وكما وعدت حاضر لاي استفسار عن سوق الجت وعن الاسهم الغير مدرجه

    دمتم ومره ثانيه يا نوط بو الف كل شيء ولا زعلك :)

    دمتم
     
  13. اخطبوط

    اخطبوط عضو جديد

    التسجيل:
    ‏22 سبتمبر 2004
    المشاركات:
    63
    عدد الإعجابات:
    0
    مع احترامى لاراء جميع الاخوه

    مع احترامى لاراء واقتراحات جميع الاخوه 00 ترا الدنيا بخير
    ومن وجهه نظرى افضل طريقه للشراء من سوق الجت وانا شخصيا اعتبر سوق الجت ( ام البورصه ) او بمعنى ادق ( مطبخ البورصه )
    هى بواسطه محامى يتم البيع بعقد عند محامى وباضافه بند جزائى على الطرفين لانه مثل ما الشارى خايف من البائع يمكن يحصل العكس لانه يمكن بشترى بربع وعند نزوله فى السوق والاسباب وضروف خاصه باسهم الشركه بنزل البورصه 120 فلس 0 هذا بالاضافه الى اخذ وكاله بالاسهم المباعه بالبيع للغير وحق التعاقد مع النفس بالبيع للمشترى اما جميع الامور الاخرى غير قانونيه والا يوخذ بها عند تداولها فى اروقه المحاكم
    واعيد واكرر ان الدنيا بخير وناس باعت واشترت عمارات اسعارها بالملاين بورقه كشكول مع احترامى وتقديرى لاخوانى لسماسره العقار
     
  14. الناسجت

    الناسجت عضو نشط

    التسجيل:
    ‏8 يونيو 2005
    المشاركات:
    2,159
    عدد الإعجابات:
    12
    مكان الإقامة:
    هنااااك
    اخوي الاخطبوط

    اخوي الاخطبوط .. مشكور على مداخلتك
    اللي بغوا يشترون كان سؤالهم بهالطريقة

    هل الشراء من سوق الجت مضمون ؟

    اذا انت شايف ومن خلال خبرتك انه باستطاعتك الجواب ..
    بكلمة نعم .. قولها ..نعم الشراء مضمون

    بس آنه ومن خلال خبرتي المتواضعه وعلشان اتحمل انا المسؤوليه
    اقولها بصريح العبارة لو يعرضون علي سهم بوبيان سواء في الجت او خارج الجت
    بسعر 100 فلس مع كافة الضمانات ... صدقني ما راح أشتري
    لاني اعرف لو شريت كمية كبيرة بالالاف وبعدين من الكمية لو.. لو .. واحد قلب
    علي راح تروح علي كل الفايده ... وخل الاوراق والشروط الجزائية
    تفيدني وتعال لاحق الريال بالمحاكم وتعال اخذ حكم .. وبعدين تعال نفذ الحكم
    وتعال دور الريال هذا اذا لقيته بعد سنتين او ثلاثه ...

    انه ما عندي استعداد ادش هاللويه وليش .. ادور احسنلي على الثقة اللي اعرفه
    من سنين واعرف مكانه وتاريخ حياته ومع هذا اوقعه على اوراق ووصولات امانه
    فقط عن الحياة والممات ...

    والديرة بخير نعم .. بس المثل يقول .. أحرص ولا تخون

    وبعدين الكلام مو في محور امانة الشخص أو امانة البايع أو مصداقية سوق الجت
    الكلام أنه ليش انه أدخل استثمار .. فيه احتمال مخاطره وفيه احتمال الربح

    لا .. أبحث عن استثمار فيه المخاطره شبه معدومه مثل اني اشتري من اهلي او ربعي
    واضمن الربح .. فايهو في نظرك الاحسن

    دمتم