اسئلة تحتاج متابع للعقار

[jozef2005]

السلام عليكم:

عندي 3 اسئلة:
الاول, لو عندي 150 الف وين الاقي ارض وشنو مواصفاتها ؟

الثاني, اسمع عن اراضي بالخيران على 60 و 50 حسب الموقع, هذي شنو على البحر ولا شنو وهي غير مدينة الخيران الي توزعها الحكومة ووين مكانها عن المنتزه ؟

الثالث, ال150 الف وين اقدر اشتري بيت هدام وشنو مواصفته( زاويه, بطن وظهر, مردوف )

شكرا مقدما واود الاستفادة من خبراتكم حتى لو بعيد عن الاجابة.

 

[مهندس وافتخر]

السلام عليكم اسمحلي اقدملك هذه الاجابات المتواضعه :-
ج س1 :- تكفيك 150 الف ارض 400 م شارع واحد في ابوفطيره او 375 م شارع وسكة في ابوفطيره هذي افضل خيارات الاراضي لان الباجي اغلى .
ج س2 :- الخيران السكني تقريبا تقع مقابل مدخل شاليهات الخيران عكس جهة البحر اذا انت رايح النويصيب تلاقي مدخل منتزه الخيران على اليسار جهه البحر وعلى اليمين منطقة الخيران السكنية وهي منطقة سكنية جاهزة البنية التحتية ماعدا المدارس اتوقع وهي خصصت بداية لتعويض السعوديين عن اراضيهم اللي بالزور والزايد طرح للبيع للكويتين وهي مساحة 400 م2 والناس اتوقع عشان رخيصة ممكن تسويها استراحات ونصيحة اخو وخر عنها شيوديك ابعد منطقة بالكويت بدون مدارس ولا شي !!
ج س 3
اذا تبي بيت شبه جديد جاهز تكفيك دورين شارع في مدينة سعد العبدالله ( جنوب الجهراء ) اما هدام فمالك الا مناطق السكن الحكومي اللي بعد الدائري السادس جنوبا وبعد شارع الغزالي غربا تلاقي فيها بيت قديم 30 سنه زاوية داخلية .
ملاحظة اذا قصدك 150 الف شامله ال70000 قرض الحكومة فما راح تكفيك غير بيوت الحكومة اما اذا قصدك 150 + 70 الف الحكومة فهي تكفيك ارض بوفطيره + بنيان دورين او تاخذلك بيوت في غرب الجليب ( بيت شارع واحد 170 و زاوية داخلية 210 ) .
وحاول تاخذ راي الاخوان او المكاتب العقارية يفيدونك اكثر