ماهو أفضل نوع تكييف وحدات.....

[aw99]

السلام عليكم و رحمة الله و بركاتة

ماهو أفضل تكييف وحدات و سعره معقولة

تدرون ياخوان فيه تكييف وحدات ما يعمر 6 شهور
و فيه أنواع تعمر 10 سنين

بارك الله فيكم

 

[أناسة]

وعليكم السلام
الله يجزاه كل خير
وعسى الله يدوم المحبة بينكم وبين جميع المسلمين بهالشهر الكريم

اخوي انا اشوف يورك بالدرجة الاولى وكولكس الدرجة الثانية وكارير الدرجة الثالة بالنسبة لي ولا تنسى جنرال حلو بعد .
هذا اللي انا افضله ومن وجهة نظري طبعا .
وأسال الله التوفيق لي ولكم .

 

[6alabaty]

الاخ يقصد الوحدات المنفصله وليس السنترال

بالنسبه لي انا افضل lg

 

[طارق55]

باناسوتيك

lg

 

[دربيل]

ترين trane وكيله العيسى
صارله 10 سنين عندي ولله الحمد ما كو مشاكل
الغريب ان قليل الي يعرفون هالماركة الامريكية بس أمانة احسن مليون مرة من الياباني والكوري
وكذلك عندهم تكييف مركزي وخدمة الصيانة ممتازه
موفق اخوي

 

[المطبه]

عليك بالجنرال أنا شاري للبيت 9 وحدات البعض صارلهم تقريبا 8 سنين هاديه ولا في مشاكل تذكر والكمبرسر كفاله 7 سنوات

 

[al7boob_77]

يعطيكم العافيه اخواني

بخصوص الجنرال في ثلاث انواع من الجنرال

جنرال وكيله الاتحاد واهو الاصلي
وفي سوبر جنرال وما اذكر اسم الوكيل ولكن مو شي ولا حتي النوع الثالث

في انواع كثيره ولكن افضلهم البناسونك ممتاااز وما عليه كلام وسعره بحدود 250 دينار لل 24000 وتعادل 2 طن

في بس معلومه مهمه بعض وحدات التكييف اقل درجه تقدر تنزل لها 18 درجه وفي انواع 16 والافضل 16 لانها تعطي تبريد اقوى

بعد البناسونك في انواع كثيره جيده بس عندك السامسونج جيده وسعرها ممتاز بحدود 190 دينار

بعض وحدات التكيف مروحة دفع الهواء لها صوت قوي مزعج خصوصا على السرعه العاليه

يعني في ملاحظات انتبه لها عند الشراء

وبعدين انت لو شريت جديده ما راح تستخدمها الا شهرين بالكثير وراح اطفيها وتروح مدة الكفاله على الفاضي يعني ما شريتها باول الصيف

يعني لو تقدر تصبر يكون افضل اما اذا ما تقدر فهذا شي اخر

 

[أعرابي]

السامسونج و الإلجي : أفضل شي الكوري لأن فيه منهم نوع رخيص صيني
الترين : بيتنا كله 20 ترين كل سنة تصليح لين خرب كله و بعناهم سكراب هذا يوم كان أمريكي اليوم صيني صار بعد وع
الباناسونيك: زين لكن الإلجي الكوري أحسن منه
الكارير :زين
اليورك :زين
BEC: إنحش منه لكن البرادت زينة
جنرال :الإتحاد الأصلي زين أما سوبر جنرال مو تقليد هذا ماركة ثانية و كيلها الرثعان ما جربته لكن فيه ناس يمدحونه أنا جربت إل سي دي و ثلاجة سوبر جنرال كبيره ممتازين و خدمتهم ممتازة
فيه نوع أمريكي أظنه يصنع بالصين رخيص و زين إسمه (ريم )مدري منهو وكيلة لكن يعرفونه أهل التكييف
فيه نوع رخيص إنحش منه إسمه هوم أليت أول شهرين يخرب و الشهر الثالث يخرب الريموت
فيه نوع زوين إسمه غريgree صيني لكن بالسعودية منتشر و موجود بالكويت
الونسا إنحش عن أبو طن ونص و أبوطنين زوين
أهم شي قبل تشتري تأكد و تأكد , من تكلفة تركيب الكمبريسر إذا طق و أهو تحت الكفالة لأنهم يقولون إحنا كافلينة لكن تركيبة عليك , الغانم خذا مني 40 عشان يركب كمبريسر لونسا طن و نص
شيخرب الوحدة يخربها عدم تنظيف الفلتر كل شهرين بحد أقصى هذا يسوي ضغط على الكمبريسر لأنه الهوا مايدش الوحدة عشان يبرد و يبرد الغرفة فيعلق الكمبريسر يحاول يبرد الغرفة و مايقدر , و لازم الباب و الدرايش مسكرين عشان بعد مايعلق الكمبريسر .

 

[الدهليز]

افضل وحدات تكييف موستبيشي

 

[hbtko]

موضوع مفيد للرفع

 

[مواطن بدون سكن]

اشتريت
وحدات جنرال
وحدات ناشيونال ( قبل لا يتغير الإسم وصار الحين باناسونيك )
وحدات هيتاشي
وكلهم ركبتهم بسنة وحده من 2003 إلى 2008
الأفضل جنرال
وفيه معلومة أخذتها من فني أمريكي خبرة 30 سنة بالتكييف ،يقول رقم واحد في التكييف وحدات كاريير .

 

[ضارب السوق]

جنرال جنرال جنرال ولا تعور راسك بس حط في بالك المساحه اللي عندك شي مهم جدا واذا كانت الغرفه باعلى دور يعني السطح فوقها خذ هذا بعين الاعتبار لاتنسى الملاحظات اللي قلتها .

واذا بتوفر وشي كويس هيتاشي وكيله الغانم انا اخذت جنرال وهيتاشي كلهم حلوين بس هيتاشي تاخذ 3طن 290 دينار رخيصه وقويه لكن نفسيا بترتاح جنرال

 

[al7boob_77]

يا شباب الجنرال مثل ما قلنا في ثلاث انواع بالسوق وطبعا الاسم الاصلي والمعروف ( جنيرال ) فقط ووكيله شركة الاتحاد .... بس للاسف الجنرال الحالي مو مثل الجنيرال القديم صاير سيء انا جربت الموديل الجديد تبريده مو قوي

عندي ديوانيه كان راكب فيها وحده واحده بناسونك وكانت بارده وميه ميه ... وشغاله 6 سنوات بشكل ممتاز وحبيت اغير اثاث الديوانيه وصبغتها وحبيت اركب وحدتين جدد بدال وحده واحده ( بناسونك ) وفعلا شلتها وركبت ثنتين جنيرال - الاتحاد ولكن للاسف تبريدها جيد ولكن مو ممتاز مثل البناسونك

البناسونك اقل درجه بالريموت كنترول يوصل لـ 16 درجه
الجنيرال اقل درجه بالريموت كنترول يوصل لـ 18 درجه

انا ما اعيب تصنيع الجنيرال الاصلي وكيله الاتحاد ولكن القديم ممتاز والجديد مو بكفائة القديم ... واشوف البناسونك افضل منه حاليا
انشاء الله الصوره وضحة لكم .. والنقاش حلو وياليت اللى عنده تجربه يفيدنا

انا حاليا بشتري وحدات للجاخور والبناسونك غالي وافتريت السوق وادور موديلات سعرها رخيض وادائها ممتاز لقيت بصراحه السامسونج ... اللى عنده تجربه مع الانواع العاديه غير البناسونك والجنيرال يفيدنا لاني بصراحه ما عمري شريت غير بناسونك وجنيرال

 

[M7ROOS]

سبحان وبحمده
سبحان لله العضيم