اشلون اشتري بيت

[q8address]

ياجماعة الخير انا طلبي ٢٠٠٦ شهر ٥ وين تتوقعون يطلعلي بيت
===========
اخذ رايكم تنصحوني اشتري بيت بس شلون تصير حسبة البيت ووين احصل بيوت بسعر زين
وتنصحوني اخذ عن طريق بيت التمويل لانه راتبي عليهم ابي واحد مجرب يقولي
والي عنده بيت بالقرين او ببيان بسعر مناسب يقولي ويعلمني شسوي وشلون تصير الحسبه مع ٧٠٠٠٠

 

[الدينار]

سلام عليكم أخوى

طلبك 2006 وتبى تشترى بيت

شوف أخوى بالنسبه للمشاريع ماعندى فكره عنها قاعد أكلمك عن المشاريع الحكوميه

أما بالنسبه للشراء فكان الله فى عونك صراحه لأن 70 ألف حتى الشقق المطابقه لشروط بنك التسليف ما تقدر تشتريها لأنها فوق 80 ألف

والبيوت حتى بيوت الظهر والفردوس اللى كانت فى السابق اسعارها قريبه من 70 الف واقل او اكثر بقليل صارت الحين فوق 100 الف دينار لاحول ولا قوة الا بالله

اما طلبك يا أخوى بالنسبه لبيوت القرين الشارع واحد صار مو أقل من 150 الف
وبيان نفس الشي موأقل من 150 الف الى 170 الف
ويبيلك عشان تتكلم عن الشراء من 90 الف الى 100 الف بالمناطق اللى ذكرتها

فى مناطق ثانيه تكون ارخص لكن ماراح فتح موضوعها لأنك حددت مناطق ترغب فيها أنا يا أخوى مانى راعي مكتب عشان لاتقولى أدورلك انا حبيت اشارك فى موضوعك وسامحنا اذا ضيقت خلقك لكن تأكد بأن هاذى الحقيقه ولا لى مصحله من ذلك على العموم عسي ربى يوفقك بالى تبيه

 

[q8address]

شاكرلك يالطيب لو انحصل في بيان بهالسعر يبيلها تخطيط
اخذ ٧٠٠٠٠ الف + قرض ٤٠٠٠٠الف لي + وقرض ثاني ٤٠٠٠٠ الف جذيه يصير المبلغ ١٥٠٠٠٠
والله تبهذلنا بهالاجارات والناس بدة تطمع وكل مايزيدون شي في المعاش زاد الاجار شالحاله
الموضوع هذا لازم نلقاله حل انه نخلي الكل يشتري بيت
بتصير الحياه كلها قروض

 

[فرحان جداً]

حياة الكويتي ما تضبط الا لما ياخذ قروض والله قبل مده كنا نستعبط بشارع الخليج بالمسيره على واحد سعودي سيارته وانيت قديم....وغشمرة شباب نقوله وين جاي اهني ونضحك...جان يقول على الاقل انا سعودي وسيارتي كاش احسن منكم اقساط سيارتكم اقساط وحتى لبسكم اقساط....صراحه كان كلامه سليم 100%

احنا نطالب العراق قروض ومانبي نسامحهم ومبتلين بالقروض لان الحياه بالكويت تستلزم من الواحد انه ياخذ قرض..........

اخوي بخصوص انك تشتري بيت انا عندي نار الاجار احسن من نار مستقبل عيالك....انطر دورك وان شاء الله على حظك تاخذلك منطقه حلوه والا تاخذلك بمنطقه يوزعونها الاسكان ويكون الله بعونك وتحل مشكلتك الاسكانيه ومشكلة عيالك بالمستقبل اما بخصوص انك تاخذ قروض وتبهذل نفسك وتشتري بيت ما يسوى فأنا ما انصحك....انا عندي استعداد اخذ قروض مدى الحياه بس بشرط ان البيت اللي اخذه يكون يسوى وحلو اما اخذ قروض وساكن لي بخرابه....فمالك امل الا ان يشاء الله

 

[al7boob_77]

اذا تبي راي اخي العزيز اخذ قرض بحدود 40 الف دينار واشتر لك شقه واسكن فيها على الاقل خمس الى سبع سنوات .... ساعتها دورك بيكون قرب يوصل وقرضك قرب يخلص وساعتها تقدر تبيع الشقه وتصير عندك فلوس كاش وتسكن بيتك او تبيع الشقه وتزودها وتشتري وانت من حسران ساكن بحلالك ودور لك شقه قريبه من شغلك ومدراس عيالك

في شقق حلوه من ثلاث غرف وحمامين وغرفه للغدامه ومطبخ بحدود ال 40 الف الى خمسين الف وممتازه

اذا مو مطلوب اقساط حول راتبك لبوبيان او الدولي اتوقع اقل البنوك فوائد

 

[q8address]

الله يعطيكم العافيه شاكر ماشركتكم الطيبه
يعني برايكم مااغامر
وين احصل شقه قريبه من بيان ومشرف وجنوب السره بين المناطق هذي
هذا علشان اليهال ومدارسهم
اما بالنسبه حق دوامي قريب من الحدود
وين نحصل شقه رخيصه كل شي ارتفع

 

[ليث متواضع]

أخوي 70 ألف ماتجيبلك سكن أنا أقول أخذ قرض 40 ألف وزوجتك 40 ألف مع ال70 وأشتر بيت نظيف بالقرين بسعر 150 ألف منطقه حلوه الصراحه أهم شي مستقبل أعيالك ال70 اللي عندك فقط تقدر تشتري فيه شقه البيت أفضل من الشقه غير هذا ماكو سكن لان طلبك جديد 2006 او تصبر عشر سنين

 

[الهارون]

شراء بيت في الوقت الحالي صعبه جداً لئنك بتاخذ 70 الف وراح يطيح بدل اجار 150 وقسط 70 الف تقريباً 100 صارو 250 وتبي تاخذ قرض 40 الف قسط 350 تقريباً يعني نتفت نفسك تنتف
ومثلاً شريت بيت 150 الف وتبي تأجر الدور الي فوق وبعد مو شرط يضبط التأجير يمكن بنيان حكومي البيت ومايوفي او تأجر 250 يعني انا انصح تشتري شقه 40 الف افضل ويكون ويكون تسديد القرض افضل من تأجر وتروح الفلوس بلوشي والله يوفق الجميع
وهذا مجرد رأي ولك الخيار

 

[q8address]

شاكرلك فكرة الشقه ممتازه ومفكر فيها
لازم احب احسابي انه اخذ قرض ٣٠٠٠٠
علشان اشتري شقه. شكثر ياخذون التمويل
وين اتحصل شقه بسعر زين*

 

[q8address]

اذا ٣٥٠ اقصاد بس زين ومناسب

 

[الدينار]

هلا وغلا أخوى :d

بالنسبه للحسبة أكيد اذا ما عندك فلوس على جنب صعبه أدرى والله والقروض مشكله

لكن حتى الشقه يا أخوى الغالى ب 30 الف أنا أقولك تحصل لكن مساحتها 75 متر مربع مو أكثر وهى شقق المهبوله
شنو 75 متر يا اخوى اذا عندك عيال واجد الله يخليهم لك أن شاء الله راح تتضايق فيها وجهة نظر

عسى الله يوفقك فكر عدل وحسبها

 

[q8_king1]

طلبك 2006 اصبر اشوي خلال 3 سنوات ان شاء الله تسمع اخبار حلوة الرعاية السكنية بلشت في تاسيس شركة بيوت منخفضة التكاليف وبس تخلص راح تبدي في مدينة الخيران ومدينة المطلاع في حدود 3 سنوات راح تنبني المدينتين وتاخذ قسيمتك 600 متر وتبني علي كيفك اما تظلم نفسك في قروض كبيرة ودين لمدة 15 سنة وبيت حكومة شارع واحد حرام وقديم يحتاج ترميم

 

[mso0odn]

السلام عليكم ورحمة الله وبركاته ,.


اخوي مايبيلها ,

نفس المينوبولي اشتر ثلاث اراضي نفس اللون , وحط بيت تحصله بالمناطق الزرق على 150

لازم تشتري 3 بيوت مايصير تخلي واحد فاضي

واذا شريت بيت

اي واحد يطب عندك يدفع 500

بالتوفيق ,



ملاحظة : كل 5 بيوت = فندق

 

[ابومسعود]

اهم شي المينوبولي هههههههههه

 

[q8address]

هههههههه شنو هذي

 

[بــوعبدالله]

السلام عليكم ورحمة الله وبركاته ,.


اخوي مايبيلها ,

نفس المينوبولي اشتر ثلاث اراضي نفس اللون , وحط بيت تحصله بالمناطق الزرق على 150

لازم تشتري 3 بيوت مايصير تخلي واحد فاضي

واذا شريت بيت

اي واحد يطب عندك يدفع 500

بالتوفيق ,



ملاحظة : كل 5 بيوت = فندق

ههههههههههههههههههههههههههه
أقوووووووووووووووى وأحلى تعليق من تابعت هالموقع

 

[q8address]

والله ياريت اييك المبلغ مثل مالنيبولي