علشان يسكتونا و جيل و راء جيل
خويتك قدمت على بيت شعبي مكدود و وسخ و من زمااااااااااااااان عام 2007 و ما زلت ناطرة ... رحت ألغيه قبل ما يقرون قرار المرأة و الإسكان علشان يمكن يصير لي أقدم على بيت ... و ما نصحتني الموظفة لأن مافي شي أكيد و بالفعل ياخوي ... تاليها طلعت من المولد بلا حمص و لا طحينة. الله كريم. ألحين حتى أصحاب العقارات مو متعاونين مع إن عيالهم و عيال عيالهم شي أكيد قاعدين يمرون بنفس ظروفنا بس الطمع عاميهم اللهم يا كافي.
من جم يوم دقيت على راعي بيت بالفردوس عارضه للبيع و رحت عالعنوان الموصوف و تفاوضت وياه على أساس يقسطه علي بس ما رضى. قلت له إنت مو محتاج الله يديم عليك الخير و البركة و النعمة و أنا محتاجة أنقل لبيت أعمره و أحوله لبيت العمر و أأمن مستقبل العيال بس ماكو ... نشف ريجي و الله معاه و هو و لا كأنه ... راكب راسه. عاد بيته حلو من ناحية التصميم بس يبيله ترميمات و صبغ و شغل. قلت له أدعي لك ... ضحك!!!
يوم إنه ضحك ... قلت في نفسي هدا مخلوق دنيوي ... لا يفكر بآخرة و لا عنل الخير. فقلت: خير إن شاء الله. و شكرته و مشيت عنه.
قهر ياخوي ... و الله قهر ... هدا هو الظلم بعينه و الا الظلم شلون قايل؟؟؟؟ خضر/حمر؟؟؟
حسبي الله و نعم الوكيل و لا بارك الله بكل طماع منافق بدينه.
و بس تعب قلبي ... من رخصتك!
