كنك قاعد بمكتبك وتدير أسهمك

[بن تركي]

ياجماعة صارلي كم يوم ما أروح للسوق أروح لمكاتب الشركات اللي تابعة للبورصة بمجمع تالا مول بالضجيج بجانب بيت التمويل الكويتي للسيارات لامخالفات ولا زحمة ولا لجة وأزعاج وكنك قاعد بمكتبك ومن قلة الزحمة ممكن بأي وقت تجي وتحصل جهاز وتقعد قبالة ومحد يخزك ويحقد عليك مثل صالة السوق فأنصح أخواني اللي مواجهين أزعاج بالبورصة التوجه لهذه المكاتب.

 

[fahhad76]

السلام عليكم

صبحك الله بالخير بن تركى انا انصحك انك تشترك مع الاوسط ونت قاعد فى مكتبك لا تدوخ راسك تروح للبورصه ولا شى قاعد فى مكتبك تشترى وتبيع على راحتك لا ازعاج ولا شى

 

[عليمنكي]

مو جنه كلمن قاعد يسوق بضاعته اهني ( ناس تقول الضجيج وناس تسوق للاوسط ) انا مع كلمن يقعد عل الجنب اللي ايريحه وخلوني مجابل بو بندر بالبورصه اتفائل بشوفه وجهه السمح وضحكه ضرسه الذهبي

 

[مستثمر صغيروني]

(محد يخزك ولا يحقد عليك00!!! )هههههههههههههه اعجبتني هذي يا بن تركي000 والله والله انك صاج وجبتها بالصميم00 وخصوصن اذا لقيت واحد من الجماعه الله وكيلك يقعد ك على (البست) بالدوانيه واتصيرسيرتك اهى الموضوع الرئيسي للجلد والقرض والحش00000 واخذ عاد هذا يملك وهذا عنده00هههههههههههههه

 

[المهذب جداً]

.

المهم وش تبيع وش تشتري!



.

 

[مستثمر صغيروني]

ببيع عودي يا المهذب واشتري اشوية حلاوه 000!! واعطيك ايها اتحلي ريجك فيها بعد التحليلات الطيبه