يا جماعه شرايكم باللي قاعد يحصل بالبلد؟

[فرحان جداً]

بسم الله الرحمن الرحيم

يا جماعه انا قاعد افكر بالاسعار الخياليه اللي حاطينها التجار و ما ادري ليش هالاسعار محطوطه....وقاعد اتخيل ان يتم عمليات غسيل اموال على هالاراضي بدون لا يحس فيها المواطن العادي اللي اهو مثلي ومثل الكثير من المواطنين....لان قاعد يضاربون بالاراضي وبيع وشراء ويتم غسيل اموال بهالعمليات...شرايكم؟ في مجال يكون هذا التفكير سليم؟

يا جماعه انا قبل مده قاعد اقرأ عن ارتفاع الاراضي والاسعار...وان شرعاً لا يجوز للحاكم او القاضي ان يحدد سعر الارض او ينزلها على كيفه....ولكن اذا كانت فيها مضره للناس فيجب التدخل وانزال اسعار الاراضي....يا جماعه انا اتمنى من رئيس مجلس الوزراء و وزير العدل و وزير التجاره التدخل في هذه المهزله اللي قاعده تصير...يعني ارض اليوم مبيوعه ب130...بعدها بشهر تدق عليهم يقولك ب180....وين قاعد؟

اتمنى التدخل السريع لان هذي مشكله نتيجتها مو الحين ولكن قاعده تتكدس وتتراكم وتزيد وتكبر...والنتيجه بالمستقبل مو زينه للبلد....واتمنى من الحكومه دراسة الموضوع والتدقيق والتدخل في اسعار الاراضي حتى لا يسقط الفأس في الرأس

واتمنى عدم انتظار المصيبه حتى تحدث ويجب حل المشاكل للمواطنين حتى ينعمو بنعمة السكن والامان

 

[kh9056552]

بسم الله الرحمن الرحيم

يا جماعه انا قاعد افكر بالاسعار الخياليه اللي حاطينها التجار و ما ادري ليش هالاسعار محطوطه....وقاعد اتخيل ان يتم عمليات غسيل اموال على هالاراضي بدون لا يحس فيها المواطن العادي اللي اهو مثلي ومثل الكثير من المواطنين....لان قاعد يضاربون بالاراضي وبيع وشراء ويتم غسيل اموال بهالعمليات...شرايكم؟ في مجال يكون هذا التفكير سليم؟

يا جماعه انا قبل مده قاعد اقرأ عن ارتفاع الاراضي والاسعار...وان شرعاً لا يجوز للحاكم او القاضي ان يحدد سعر الارض او ينزلها على كيفه....ولكن اذا كانت فيها مضره للناس فيجب التدخل وانزال اسعار الاراضي....يا جماعه انا اتمنى من رئيس مجلس الوزراء و وزير العدل و وزير التجاره التدخل في هذه المهزله اللي قاعده تصير...يعني ارض اليوم مبيوعه ب130...بعدها بشهر تدق عليهم يقولك ب180....وين قاعد؟

اتمنى التدخل السريع لان هذي مشكله نتيجتها مو الحين ولكن قاعده تتكدس وتتراكم وتزيد وتكبر...والنتيجه بالمستقبل مو زينه للبلد....واتمنى من الحكومه دراسة الموضوع والتدقيق والتدخل في اسعار الاراضي حتى لا يسقط الفأس في الرأس

واتمنى عدم انتظار المصيبه حتى تحدث ويجب حل المشاكل للمواطنين حتى ينعمو بنعمة السكن والامان

مرحبا اخوى كلامك كله صحيح بلدنا اليوم بلد تجار والمسؤليين نايمين بالعسل ولايهمه احد المصير غير معروف

 

[q8_king1]

الي يرفع السعر انة المعروض قليل يعني لو فية عدد 50 الف قطعة ارض متوفرة مستحيل تلقي الاسعار مرتفعة بس الانة الاراضي في شرق القرين والصديق لاتزيد عن 10 آلاف وحدة شي طبيعي الاسعار مرتفعة والحل موعند التجار الحل في يد الحكومة

 

[النائب]

اذا المعروض قليل طبيعي بيصير فيه مضاربه من قبل التجار لكن لو توزع الحكومه علي المواطنين اللي عليهم الدور >>>توزيع مو بيع

كان شفت الاراضي بسعر معقول لكن الحكومه تبي جذيه

والا
شنو يعني المسيلة يملكها تاجر
شنو يعني الفنيطيس يملكها تاجر
شنو يعني ابو فطيره
العقيلة
ابو الحصاني كلام فاضي

قسما بالله اذا الوضع استمر بهذا الشكل و المواطن ما قدر يوصل صوته بشكل يزعج التاجر
قسما بالله راح تشوف اعلان بهذا الشكل >>>كويتي يطلب تاجير سطح لاسره صغيره

 

[algabry911]

﴿زُيِّنَ للناسِ حُبُّ الشَّهواتِ مِنَ النِّساءِ وَالبَنينَ والقَناطِيرِ الْمُقَنْطَرَةِ مِنَ الذَّهَبِ وَالفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلكَ مَتَاعُ الحياةِ الدُّنيا وَاللهُ عِنْدَهُ حُسْنُ الْمَآب﴾ سورةُ ءال عمران / 14

﴿قُلْ أَؤُنَبِّئُكُمْ بِخَيْرٍ مِنْ ذَلِكُمْ لِلَّذِينَ اتَّقَوْا عندَ رَبِّهِمْ جَنَّاتٌ تَجْرِي مِنْ تَحْتِهَا الأَنْهَارُ خَالِدينَ فِيهَا وَأَزْوَاجٌ مُطَهَّرَةٌ وَرِضْوَانٌ مِنَ اللهِ وَاللهُ بَصِيرٌ بِالعِبَاد﴾.


يقول النبي عليه الصلاة والسلام ((( لِكُلِّ أُمَّةٍ فِتَنَةٌ وَفِتْنَةُ أُمَّتِي المالُ))))

 

[SotckEng]

أخوي العزيز ما تلاحظ ان البيع والشراء للاراضي والبيوت مابين الشركات لازال مستمر ؟؟؟
يعني وين تطبيق قانون المضاربه بالسكن الخاص ؟؟؟

ياخي دولتنا صارت تمشي على البركه للاسف ؟؟ ماتدري من اقوى من الثاني ؟؟ التاجر أقوى من الحكومه ام الحكومه أقوى من التاجر ؟؟؟

بس الاكيييد ان التاجر والحكومه أقوى من المواطن الغلبان ؟؟؟

 

[فرحان جداً]

وجهة نظري تقول انه التاجر والحكومه وجهان لعملة واحده....التاجر الرقم والحكومه السفينه

والمواطن ماكلها للأسف

 

[ليث متواضع]

ستستمر هذه الظروف شاء من شاء وأبى من أبى
السبب لأن المواطنين وأعضاء مجلس الأمه نايمين وما يظهرون هذه القضيه على الساحه أمام من يهمه الأمر

 

[فرحان جداً]

ستستمر هذه الظروف شاء من شاء وأبى من أبى
السبب لأن المواطنين وأعضاء مجلس الأمه نايمين وما يظهرون هذه القضيه على الساحه أمام من يهمه الأمر

الظاهر لانه في استفاده من هالاراضي بطرق غير شرعيه...لان سمعت ان في نائب ماخذ 20 عماره بالمهبوله وعنده لحيه المشكله ومطوع