وفر على نفسك 60 دينار !!!!!!!!!!!!!!!!!!!

[الأميير]

اخواني هذا الجهاز(سييرا) wireless connection فائدته الوحيده أنه ما يخلي اتصالك بالانترنت يفصل فقط وماله شغل بتسريع الخدمه ، وانا راح اوفر عليكم 60 دينار تقريبا . اشتر جهاز نوكيا 6230 فيه خدمة ايدج مستعمل ب55 دينار + خط وطنيه عادي ب5 دنانير وخل هذا الخط فقط للانترنت ، وبذلك تصير التكلفه عليك 60 دينار فقط ، أحسن من تدفع 120 دينار..................

 

[RichMan]

السلام عليكم


مشكوور يالحبيب بس قولي .. الوطنية اشتراكهم 10 بالشهر وبس ؟ يعني ماكو غير العشره شهريا اذا خليته للانترنت؟

انا جهازي نوكيا 8800 وفيه ايدج

وشكراا,,

 

[الأميير]

اخوي أنا أخذت خط من الوطنيه قبل أيام واشتراكه الشهري ب2،5 فقط وهذا الاشتراك يعطونه الموظفين ، كل ما عليك احضار بطاقة العمل .
أما تلفونك هل فيه خدمة الايدج أو لأ ؟ والله ما أدري لكن اللي أعرفه أن أحسن تلفون للشبك بالخدمه هو 6230 .....................

 

[RichMan]

السلام عليكم



انا موظف بأعيان وعندنا خصم على اشتراكات الخطوط بالوطنية والاتصالات .... اما جهازي فقريت مميزاته ولقيت فيه الادج (جهاز بـ300 دك شلون مايكون فيه :d :d :d )

مشكوور حبيبي امير الامراء

 

[nasr 2]

السلام عليكم ياالأميير

بخصوص الانقطاع انا أشبك على خط الوطنيه ونوع الجهاز نوكيا 6630

ويفصل الشبك هل من الجهاز أو من الخط شنو الطريقه ولك جزيل الشكر

 

[1aziz]

السلام عليكم
جهاز نوكيا 6021 جديد ب 53 دك. الخدمة سريعة و زينة و لا تطوفكم.

على فكره روح حق اي وكيل نوكيا ----في واحد في سوق شرق -----و اسال عن واحد حبيب ينقاله الشمري و الله اسمه الاول ما اعرفه يبيعلك التيلفون و يضبطه لك.

 

[الأميير]

السلام عليكم ياالأميير

بخصوص الانقطاع انا أشبك على خط الوطنيه ونوع الجهاز نوكيا 6630

ويفصل الشبك هل من الجهاز أو من الخط شنو الطريقه ولك جزيل الشكر

والله يا خوي تراني بالامور الفنيه مو ذاك الزود !!!!
لكن قبل فتره صارت لي مشكله بالجهاز يطفي أحيانا ، وما يسقبل بالبلوتوث،
ولحسن حظي انه كان مكفول مدى الحياه عن طريق شركة اتحاد للاتصالات ، وقالوا لي أن مشكلته بسيطه ، فقط يريد برمجه جديده.
وبالفعل عملوا له هذه البرمجه وأصبح الحين عال العال.................

 

[ابو تـركي]

صحيح كلامك توفير 60 دينار
ولكن
انا نصيحتي ادفع 120 كامله وافتك من شيلة جهاز النقال خل الكمبيوتر اتصاله منه وفيه
لأني عانيت من شيلة جهازين مالها داعي
حط فلوسك وارتاح

 

[الأميير]

صحيح كلامك توفير 60 دينار
ولكن
انا نصيحتي ادفع 120 كامله وافتك من شيلة جهاز النقال خل الكمبيوتر اتصاله منه وفيه
لأني عانيت من شيلة جهازين مالها داعي
حط فلوسك وارتاح

لكل وجهة هو موليها ............. رايك حلو

 

[nasr 2]

أخي الاميير أنا ماعندي مشكله مع النقال أذا شبكت علي فترة طويله من بداية

السوق ألي النهاية يفصل مره واحد هل هذا عادي وتعرف أذا فصل ياخذ وقت حتي

يتم الشبك مره ثانيه وخاصه في الاوسط برو ويعطيك العافيه

 

[ربحت]

أنزين خدمة الهواتف المتقله شنو موزينه..؟؟؟

 

[متفائل دوما]

اخواني اليوم حاطين اعلان بالقبس عن القطعه هذي تنباع لدي شركه الاركسون قيمة القطعه 75 دينار فقط اتصلت فيهم وقالوا خلص بعد كم يوم راح انييب دفعه ثانيه

 

[فؤاد]

انترنت .....تكنلوجيا......لاب توب.....اشتراك.......مهم جدا ....لا تسترخصون.....هذا قبل الاكل والشرب......الكومبيوتر هو المستقبل......والله عجيبة لما تشوف بزر عمره 15 سنة يعمل برامج ويصمم صفحات انترنت لافراد وشركات وياخذ على الصفحة 300 و 500 دينار....

اشتروا ولا تسترخصون بالتكنلوجيا ووفروها لاولادكم خلهم يطلعون فطاحل في الكومبيوتر والتكنلوجيا والانترنت

في الدوام عندنا عينوا ولد توا متخرج فورا لانه مصمم صفحة انترنت وثاني وصل مواصيل لانه مسكت بالبرمجه والانترنت والاستعراضات والبور بوينت

هذا هو المستقبل.........علم ولدك يصير هاكر او كراكر بس شريف لا يضر خلق الله...

مشكور اخوي الاميير على مواضيعك الشيقة ....خليتنا نطلع بعض الخواطر.....الحي يحييك

 

[Riskman]

الفرق بينهم انه التلفون لو ينزل السيرفس شوي تلقاه صار بطيئ جدا اما السييرا يعتبر وايرلس مودم او انا استخدمت الاثنين فرق بالسرعه او اريح الصراحه.


انا انصحك تاخذ وحده الوطنيه او بيعها بربح 20 فلس اوعوض ال 120 دينار اللي مستخسرها على عمرك.

 

[Penny$Maker]

وتقنية " Edge" من الجيل الثالث

وأما مصطلح الجيل الثالث "3g"، فإنه يدل على مجموعة من المعايير والتقنيات العالمية اللاسلكية التي تهدف إلى زيادة الكفاءة والأداء. ويعني مصطلح " Edge" البيانات المعززة الخاصة بتحديث الشبكات العالمية، حيث تم تطويره ليتيح نقل كميات كبيرة من البيانات بسرعات أعلى".

أجهزة 6630 واللي ظهر بعده لهم بهذه التقنية

حالية السرعة المقارنة بهذه بشركات الاتصالات في الكويت تعادل السرعه ما بين فوق الدايل اب وقريب من الدي اس ال حيث ستدعم في المستقبل سرعات خيالية في المقابلة سيتم توعية الناس بأقطار العالم على استعمال الاجهزة الدفترية مثل الاي ميت

والله العالم انه التكنولوجيا الجاية بكل حذافيرها تكنولوجيا الاجهزة الكفية والتي ستشهد اندماج شركات عالمية كبرى في هذا المجال كي يكتسحوا السوق بالمنافسة

الله يوفق الجميع

 

[mn7ash]

صحيح كلامك توفير 60 دينار
ولكن
انا نصيحتي ادفع 120 كامله وافتك من شيلة جهاز النقال خل الكمبيوتر اتصاله منه وفيه
لأني عانيت من شيلة جهازين مالها داعي
حط فلوسك وارتاح

وانا انصحك اتروح حق شركة سوني وتشتري الكرت ب60 دينار افضل من 120

 

[ابو تـركي]

وانا انصحك اتروح حق شركة سوني وتشتري الكرت ب60 دينار افضل من 120

خلاص يا خوي منحاش طافت انا من اول الناس اللي اخذوا الجهاز وبفضل الشباب في المنتدي علي 120 ومو خساره
ولكن اذا فيه ارخص وبنفس المواصفات التوفير في هاالحاله افضل

 

[Aziz Ali]

وانا انصحك اتروح حق شركة سوني وتشتري الكرت ب60 دينار افضل من 120

السلام عليكم تاكد ان كرت سوني يشغل خدمة الedge في اكثر من نوع

 

[ابن صفير]

السلام عليكم

أنزين خدمة الهواتف المتقله شنو موزينه..؟؟؟

1. الهواتف الغو الاشتراك الشهري
2. سرعه الهواتف 26 kbps
3. سرعة الوطنيه 133 kbps
4. الوطنيه اشتراك شهري 10 د مفتوح

ونت قارن بينهم
اخوك
احمد

 

[knpcMAA]

اخواني اليوم حاطين اعلان بالقبس عن القطعه هذي تنباع لدي شركه الاركسون قيمة القطعه 75 دينار فقط اتصلت فيهم وقالوا خلص بعد كم يوم راح انييب دفعه ثانيه

السلام عليكم ..

اخوي هذه القطعة من سونى اريكسون لا تدعم خدمة الادج .. لكن تشتغل علي

خدمة ال gprs فقط واللي سرعتها فقط من 40 الي 55 كيلو بايت ..

هذا كلامهم البراك سوني اريكسون ... حبيت انصح عشان القطعة لا طيح

ابجبدك ..