تعبنا من سالفة السوم واصل !!! نبي حد

[النائب]

بلا من سالفة ((من حد لد )) بلا كلام فاضي

اخواني اصحاب العقار واصحاب المكاتب

والله تعبنا من سالفة سوووم يا ناس عطونا حد الله يخليكم

بعض البيوت ماتسوى لكن يجي واحد ويعطيها سعر شراء وللاسف يرفض صاحبها البيع ويعتبر هذا السعر سوم ... انا مثلا

قال لي صاحب عقار انه مسيوم 180 الف وحدي 185 ضغطت علي نفسي وقلت شريت وانا اعلم انه ما يسوى حتي 180 الصيبه انه غير رايه و بعدها بساعه لقيت هذا العقار معروض في احد المكاتب ويقولون ان السوم واصل 185!!!!!! والرجل حاده 190 وهذا اللعب مرفوض وحرام

عطونا حد الله يرحم والديكم

 

[صقرالبحر]

من حد لد يالنائب. ههههههه
هذا احنا حدينا ماعجبك

ان حدينا قلتو غالي نزل
وانا قلنا السوم واصل شريتو وعصرتو نفسكم شنسوي احنا*

 

[النائب]

هههههه

اقعد يا اصحاب العقار حلوووه يابوحمد

لا يا بو حمد
مو شرط يكون مو عاجبني
بالعكس
يمكن ما اقدر اشتريه وبهالحاله اريحك وتريحني !!!

شوفني وانا اخوك

وبدون ازعاج

عندك فله بـــ 200 الف مثلا

الاجابه راح تكون مختصره يا نعم يا لا يا ابيض يا سود

لكن اخذ مثلا بعض المكاتب تقوله انا حدي 200 الف
ومع هذا يزعجك كل ساعه داق عليك ويقول لقيت لك فله او بيت بـــ 230 الف !!!!!

هذا شسوي فيه بالله اهدم وجهه مثلا

 

[ليث متواضع]

سالفة " من حد لد "
دوخت الناس لا حول ولا قوة إلا بالله

 

[نمرالخليج]

للبيع بيت بالظهر شارع واحد مؤجر 450 دينار حد 105

 

[صقرالبحر]

اما اعلانك فعلا مريح يالنمر الله يوفقك

 

[أناسة]

السلام عليكم

يا جماعة والله فيه مكتب عارض ارض وراعي الارض ما يدري عنه والمشكلة محدد سنة البدل ههههههه وصاحب الارض ما يدري !!!!

واليوم على قناة العربية الاخبارية الامارات عندهم تاخير بعدد طلبات الاسكان بعدد 15 الف طلب اسكاني وجاري حل هالمشكلة بتوظيف شركة من القطاع الخاص لانجاز البنية التحتية
واحنا يتحكم بالسوق عندنا الغير كويتي

http://www.indexsignal.com/forum/showthread.php?p=3628441#post3628441

 

[ابو غانم]

المشكله اذا أحد قال على السوم قالو له العالم ياخوي فكنا من السوم حد وخلنا نشتري ... واذا حد البايع قالو لع شدعوه ياخوي غالي الله يهديك

 

[ame]

يا جماعة الخير نسبة المصداقيه عند اهل مكاتب العقار من 10 الى 20 بالميه هذا اذا ما كان اقل تدرون ليش لان اصحاب المكاتب مو من صالحهم ان العقارتنزل اسعاره فتلاقيهم دايما يوحيلك ان العقار نار ومشلع يا تلحق يا ما تلحق يستغلون حاجة الناس للسكن00000 ابتسم انت بالكويت

 

[ابو عبدالله htc]

من عمر الدنيا والناس الفاهم مع احترامي ماياخذ براي المكتب لوعلى المكتب كان خلاه بمليون ولكن محد يصدق
شوف كانو قبل الغزو الله لايعيده ان شاء الله اصحاب المكاتب كويتيين ولهم ضمه وضمير ويخاف على عياله من اكل الحرام وتلقاهم يتوسطون لك عند صاحب البيت وياحولون يمشون البيعه والحين مرسي وربعه والفئه الي ماتخاف الله شلون تبي العقار ينزل اذا هم اصلا حاقدين عليك ههههههههههههه

 

[كريم العشري]

من عمر الدنيا والناس الفاهم مع احترامي ماياخذ براي المكتب لوعلى المكتب كان خلاه بمليون ولكن محد يصدق
شوف كانو قبل الغزو الله لايعيده ان شاء الله اصحاب المكاتب كويتيين ولهم ضمه وضمير ويخاف على عياله من اكل الحرام وتلقاهم يتوسطون لك عند صاحب البيت وياحولون يمشون البيعه والحين مرسي وربعه والفئه الي ماتخاف الله شلون تبي العقار ينزل اذا هم اصلا حاقدين عليك ههههههههههههه

شوف يا بو عبدالله
هو اكيد فيه تلاعب كبير وواضح بأسعار الايجارات او البيع للاراضي والفلل والبيوت ولكن في حاجة خلت الناس تتحكم في السوق وفي الاسعار بشكل رهيب لأن دلوقتي اي مكتب او شركة عقارية او حتى وسيط من هدفه انه يطلع من البيعه بأكبر قدر مكن من الفلوس ((ممكن طمع او جشع او معرفته بعدم مقدرته على الحصول على زبائن كثير في عقارات مختلفة)

وفي الوقت اللي الامارات فيه نزلت أسعار الايجارات 30% الكويت مازالت في صعود لقيمة ايجارات البيوت او الفلل او الشقق والبركة في الشباب اللي مخليين شقة غرفتين وصالة تجاري وعمارة جديدة بايجار 250 دينار في الوقت اللي ماتسوى فيه 170 دينار.

أما لو كنت فاكر ان مرسي وربعه هم السبب في اللي بيحصل فأحب اقولك ان صاحب العقار نفسه لو متقي ربه وحدد الايجار فعلاً على قد قيمة العقار كان الحال انضبط ولكن لو على صاحب العقار نفسه يأجر العقار بقد ثمنه 100 مرة علشان يربح وده اللي اعطى الفرصة لمرسي وربعه بأنهم يشتغلوا..

على فكرة انا مش زعلان منك او بعتب عليك احنا كلنا في الاول والاخر اخوان
بس عاوز اقولك ان انا حتى لما بتعامل في الايجار او البيع بروح لصاحب العقار واقوله عمولتي كام في حالة التأجير او البيع ويقولي كذا بروح اقول للشاري ان انا ليا عموله مقدارها كذا وحاخدها من صاحب العقار المؤجر او المباع فما تقلق السعر ما راح يتغير ولا في سوم ولا غيره

وانا مع صاحب الموضوع عاوز الناس تسوم يبقى تجمعهم في مكان وتخلي كل واحد يقول سومته قدام العالم ويضاربوا بعض لكن غير كده يبقى سعر العقار او الارض ثابت لا سومة فيه ولا تغيير أرقام


الشفافية لو موجودة في التعامل بين الناس سواء كويتي او مرسي وربعه حتلاقي اسعار البيع والايجار أخذت فعلا حقها والأسعار حتنزل كتير

تحياتي يا أخي العزيز

 

[reaker]

بلا من سالفة ((من حد لد )) بلا كلام فاضي

اخواني اصحاب العقار واصحاب المكاتب

والله تعبنا من سالفة سوووم يا ناس عطونا حد الله يخليكم

بعض البيوت ماتسوى لكن يجي واحد ويعطيها سعر شراء وللاسف يرفض صاحبها البيع ويعتبر هذا السعر سوم ... انا مثلا

قال لي صاحب عقار انه مسيوم 180 الف وحدي 185 ضغطت علي نفسي وقلت شريت وانا اعلم انه ما يسوى حتي 180 الصيبه انه غير رايه و بعدها بساعه لقيت هذا العقار معروض في احد المكاتب ويقولون ان السوم واصل 185!!!!!! والرجل حاده 190 وهذا اللعب مرفوض وحرام

عطونا حد الله يرحم والديك
صدقني يا أخي العزيز موضوع السوم موجود من منذ زمن قديم ولا فيه خلاف ولكن الي أختلف طمع وجشع الناس لأن الي يبي يبيع أكيد يبي يشتري ولما يشوف الأسعار أرتفعت يتمسك بالعقار أكثر هالأرتفاع ليس على العقار فقط بلا كل شي بهالدنيا أرتفعت أسعاره ما قول غير عسى الله يعينك ويسهل أمورك

 

[nahash]

السلام عليكم
بالنسبه للسوم وصل كذا ويحدد لك مبلغ فوق سعر السوق وللاسف اهل المكاتب يقولون الرجال عطاه اكبر من حقه!!!!
يا اخوان انا اعرف رجال فرق السوم وقالوا له الرجال بياع افرق السوم وفرق السوم ٣ مرات لانه متضايق ويبي بيت وبالاخير قالوا له هم افرق السوم ،،، تدرون شنو سوا!!!!!!!! سامه بمبلغ خيالي علشان يشوف راعيه بياع والا لا وبالاخير الرجال طمع وقال بيتي يجيب ويسوا واللي يفرق السوم ببيع له
واهل المكاتب للاسف يذكرون البيت للبيع ويقولون انسام بالمبلغ الفلاني والرجال اصلا كان يضحك وماكان شاري؟؟؟
واسألوا عن تثمين بيت ١٠٠٠ م بالقصر بالجهراء سامه الديوان الاميري ب مليون ومئتين وخمسين الف وقال ابي مليون وخمسمئه الف وطنشوه وشروا غيره والحبيب يقول بيتي مسيوم بمليون ومئتين وخمسين اللي عنده زود يجي؟؟!!!
واسألوا اهل المكاتب اللي بالجهراء عارفين الرجال راعي البيت.
اللي بوصل له يا اخي حد بيتك بالمعقول والشراي لابد يكاسر بالسعر والمسأله اتفاق اما انك تطير بالسعر وتحده بسعر خيالي وتقول حدينا وما عجبكم اسمحلي مو بياع!!!!!
مايصير سياره صالون ومستعمله وموديل ٢٠٠٧ نفس سعر سياره جيب وموديل ٢٠١١ ونفس الوكاله(تويوتا مثلا)*

 

[صقرالبحر]

30 خيالي ؟؟

 

[ابو أسامة]

نصيحتي لحد يشتري عن طريق مكتب الي يبي يعرض بيته يحط اعلانه بالجريده او بالنت والناس تدق عليه طيحو مكتبهم بجبودهم وخل الجذب يفيدهم

 

[نوط بوالف]

مكتب العقار مجرد وسيط بين البائع والمشتري و ليس له اي علاقه بسعر العقار لان سعر العقار يعتمد على اخر سومه وعلى مكتب العقار ان يذكر للمشتري من هو صاحب اخر سومه لكي يتاكد بنفسه وكذلك يستطيع مقارنة السومه بسعر السوق

 

[فرحان جداً]

انا الحين اذا عطاني المكتب عنوان اقوله بجم حاده؟ اذا اقدر عليه اروح اشوفه اذا لا ما اروح...اما مسيوم بالسعر الفلاني ....انا اقول ماعندي سوم انا....خل يحده وانا اخلص:>

بس المشكله الناس طالبين اسعار غاليه صراحه

 

[فرحان جداً]

مكتب العقار مجرد وسيط بين البائع والمشتري و ليس له اي علاقه بسعر العقار لان سعر العقار يعتمد على اخر سومه وعلى مكتب العقار ان يذكر للمشتري من هو صاحب اخر سومه لكي يتاكد بنفسه وكذلك يستطيع مقارنة السومه بسعر السوق

ثلاث ترباع مكاتب العقار خمه...وجذابين ومايستحون.. والمشكله يقصون على صاحب العقار يقولون له صدقني بيتك يجيب السعر الفلاني...وينطر المسكين سنين على شان يجيه الشراي...ويفقد الامل ولا باع ولا استفاد شي...والمشكله بمكتب العقار...يطوف بيوت على شان خاطر بيوت ثانيه...وشغلهم مو نظيف كلش