الحقوو على فلوسكم؟؟؟؟

جلاد الاسهم

عضو نشط
التسجيل
20 أغسطس 2005
المشاركات
252
الإقامة
جواخيرالهجن
مساااااء الخير للجميع,,,,
ياشباب قبل شوي وصلني خبر اكيييييييييد,يقولي ان رااح يصير تصحيح بالسوق عند القريب العاجل جدا جدا,,والله واعلم انه الاسبوع الجاي


فقط للعلم ...
 

اساهيم

عضو نشط
التسجيل
11 مارس 2005
المشاركات
786
اربع مشاركات وجاى تخرع بالعالم ..؟؟

انت لو عندك الف مشاركه شتسوى فينا ..
 

نوكيا

عضو مبدع
التسجيل
1 ديسمبر 2004
المشاركات
3,280
الإقامة
الكويت
جلاد الاسهم قال:
مساااااء الخير للجميع,,,,
ياشباب قبل شوي وصلني خبر اكيييييييييد,يقولي ان رااح يصير تصحيح بالسوق عند القريب العاجل جدا جدا,,والله واعلم انه الاسبوع الجاي


فقط للعلم ...

..................................
الاخ جلاد الاسهم وضع مشاركته الساعه ((31-08-2005 01:38 AM))

سؤالى هو اى ساعه وصله الخبر بالضبط
السؤال الثانى : اللى وصله الخبر لحين صاحى بس علشان يصير التصحيح ليش ما نطر الى العطله يوم السبت علشان يفاجئنا
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
اخوي كل الناس متوقعه التصحيح ..

لكن هل هو تصحيح خفيف وصحي ام نزول قوي الله العالم , لكن ماله داعي نقول كل الي نسمعه

في اول هذي السنه 2005 قريت تقارير لاحدى اكبر الشركات الاستثماريه الي بالبورصه يقولون فيه ان المتوقع لسنه 2005 يكون الاداء متواضع بالنسبه لسنه 2004 !!

وكلانا شفنا شكثر صعد المؤشر مشاء الله (( يعني الكبار موعارفين يتوقعون اتجاه السوق بشكل دقيق ))

اخوي اذا بنكتب كل شي نسمعه ماراح نخلص
 

falah

عضو نشط
التسجيل
12 أغسطس 2005
المشاركات
199
جلاد الاسهم قال:
مساااااء الخير للجميع,,,,
ياشباب قبل شوي وصلني خبر اكيييييييييد,يقولي ان رااح يصير تصحيح بالسوق عند القريب العاجل جدا جدا,,والله واعلم انه الاسبوع الجاي


فقط للعلم ...


يا معود يمكنك حلمان صلى على النبي :p
 
التسجيل
15 يوليو 2005
المشاركات
467
الإقامة
حبيبتي00الكويت
جلاد الاسهم قال:
مساااااء الخير للجميع,,,,
ياشباب قبل شوي وصلني خبر اكيييييييييد,يقولي ان رااح يصير تصحيح بالسوق عند القريب العاجل جدا جدا,,والله واعلم انه الاسبوع الجاي


فقط للعلم ...
اخونا الفاضل مع احترامي لك انت كم عمرك؟؟؟ شنو هالسوالف هذي 00راح تنهار الاسعار00وتصحييح قوي00 ترى هذي سوالف يهالووه00 يبا سوقنا بذن الله حديد00 وما فيه الا العافيه00 ليش مستخسرين في سوقنا العشر الاف نقطه00 يبا سوقنا من افضل الاسواق بالوطن العربي00 كل كلمه والثانيه تصحييح وانهيار الاسعار 00شنو هالسوالف اللي تلوع الجبد واصلن تو الناس على الصعود عندنا بالبورصه اكثر من 130 شركه ومجاميع ويايد 00 وثلاث ارباع الاسهم ما صعد منها شي في الفتره اللي طافت00 ومنها اسهم الجناعات والخليجيات وغيرها وغيرها00 اخونا البورصه كل فترت اسبوع او اسبوعين لها كم سهم ينشطون التداول فيها00 واذا ارتفع كم سهم ووصلوا لاسعار حلوه واسعار احنا نشوفها متضخمه00 تري هذا شي عادي وهالاسهم اللي ارتفعت قاعدين نشوفها تصحح وترد ترتفع00 وعلي فكره احنا داشيين بالربع الثالث واغلب شركاتنا وبفضل من الله ربحانه وارباحها خياليه00 يعني الامر عادي وراح ترتفع اكثر واكثر00 واذا ما ارتفعت الحين متى تبي ترتفع00 واقول لخونا حط ابطنك بطيخه صيفي ولا تخاف الارتفاع اللي قاعد تشوفه هذا كله على اسهم مظلومه وايد في سوقنا00 وكلمه اخيره اقولها لخونا سوقنا بذن الله حديد تدري ليش لانه عباره عن مجاميع كبيره مثل البحر والجناعات والمجموعه والمشاريع وغيرهم وايد 00 وهذي المجاميع كل فتره واحد منهم اهو اللي يمسك السوق وايقوده 00 وكل فتره يتبادلون المراكز فيما بينهم00 والذكي اللي يمشي معاهم00 واسف يا اخوان على الاطاله
 

الفارس_Q8

عضو نشط
التسجيل
17 يونيو 2005
المشاركات
185
انت كم عمرك؟؟؟ شنو هالسوالف هذي 00راح تنهار الاسعار00


صبحك الله بالخير الغالي المستثمر
خرعت الرجال ناقص تسأله عن رخصة القياده

وياخوي جلاد الاسهم السوق دايم يصحح بشكل مفاجئ ولااحد يقدر يحدد لك يوم للتصحيح بس تقدر تعرف بداية التصحيح من انخفاض الكميات عن الايام اللي طافو
 
التسجيل
15 يوليو 2005
المشاركات
467
الإقامة
حبيبتي00الكويت
الفارس_q8 قال:
انت كم عمرك؟؟؟ شنو هالسوالف هذي 00راح تنهار الاسعار00


صبحك الله بالخير الغالي المستثمر
خرعت الرجال ناقص تسأله عن رخصة القياده

وياخوي جلاد الاسهم السوق دايم يصحح بشكل مفاجئ ولااحد يقدر يحدد لك يوم للتصحيح بس تقدر تعرف بداية التصحيح من انخفاض الكميات عن الايام اللي طافو
هلا فيك يالفارس00 شسوي الوالد محامي ومتأثر بسوالفه00
 

M$LL$ONA$RE

عضو محترف
التسجيل
29 أبريل 2005
المشاركات
361
جلاد الاسهم قال:
مساااااء الخير للجميع,,,,
ياشباب قبل شوي وصلني خبر اكيييييييييد,يقولي ان رااح يصير تصحيح بالسوق عند القريب العاجل جدا جدا,,والله واعلم انه الاسبوع الجاي


فقط للعلم ...

الحمدالله السوق بالكامل رايح يــــــــــــــــطـــــــيح!!

مـــــــــــــمـــــــــــــــــاز!!

المعنى ان نقدر نشترى اسهم وهى رخيصة... جيد...

قواك الله ويقلل من امثالك...
 

M$LL$ONA$RE

عضو محترف
التسجيل
29 أبريل 2005
المشاركات
361
اساهيم قال:
اربع مشاركات وجاى تخرع بالعالم ..؟؟

انت لو عندك الف مشاركه شتسوى فينا ..

والله ضحكتنى...

هاهاهاها....
 

nasr 2

عضو نشط
التسجيل
28 نوفمبر 2004
المشاركات
393
الإقامة
عوهه
بس كافي :confused: خلاص ماراح يكتب بعد دخنو في مذهبه

بابه لاتكتب بعد خرعت الاعضاء أنا قمت أشفط :D
 

7amad_1980

عضو نشط
التسجيل
1 أغسطس 2005
المشاركات
27
:)

لووووول ...... ما سوت عليييه مسكيين
 

El_Stocky

عضو نشط
التسجيل
17 أغسطس 2005
المشاركات
144
الإقامة
KUWAIT
أهو لازم إصير تصحيح بالسوق..بس مو بالضروري يشمل كل الشركات ..
إنشاءالله يشمل الشركات اللي تضخمت أسعارها وما أسست على سعر معين..
والشركات اللي ما إرتفعت الفترة اللي فاتت راح ترتفع .. وشي إغطي على شي..يعني نزول المؤشر ما راح إكون قوي..
والذكي إللي يستغل هل الشي وخليه من صالحه..
بعدين السوق لازم إسس شوي على شان ينطلق للـ 10000 نقطة ..
يعني إنشاء الله إكون تصحيح صحي..

وموفقين إنشاءالله,,
 

مستثمروون

عضو نشط
التسجيل
13 أغسطس 2005
المشاركات
534
الإقامة
أرض الحبيبة
صحيح ...حتى لو يكون فيه تصحيح ...لكن مو بهالضخامة في الخوف ونطلع فلوسنا من السوق ...
اغلب الشركات ربحانه، ولا في منها ارباح قياسية ..حتى لو تبي تصحح راح ترجع لسعرها ويمكن أكثر ... سوقنا يبيله بس.. صبر عند النزول...
بس صبر ..
ومثل ما قال الأخ العزيز لو راح يصير التصحيح اللي قال عليه .. فأهلا وسهلا .. يمكن نقدر نشتري بالنازل الأسهم القوية مثل..... ومثل.... و...و...و... وايد ... ماراح تخلص :d
عموما سوقنا ما يخوف ...
 

بو لولوه

عضو نشط
التسجيل
18 أغسطس 2005
المشاركات
88
يا جماعة الخير،،

لا تفاولون وتقولون تصحيح ما تصحيح، أمس نزل شوي واليوم صعد شوي، وانشاء الله ما أكو إلا كل خير.

وأمس اتصل فيني صديق قال لي لا يخرعك الأحمر والوضع تمام، وصدق الرجال، وقال إن السوق راح يزيد خضار وبعد اسبوعين انشاء الله راح تسمع التصفيق عند الـ10000.
 

جلاد الاسهم

عضو نشط
التسجيل
20 أغسطس 2005
المشاركات
252
الإقامة
جواخيرالهجن
ياشباب انتو حسبالكم بخرعكم والله الكلاام اللي وصلني قلته لكم شفيكم ليش هالدوخه,,اللي موعاجبه الحجي عمره لاايصدق ,كيفه!
ويا المسثمر تسال عن عمري؟ارد عليك واقول العقل زين
 

خالد 44

موقوف
التسجيل
24 يوليو 2005
المشاركات
611
يعطيكم العافيه ياأخواني
الحقيقه كانت فيه محاولات الأسبوعين الماضيه بالتصحيح من عدة محافظ
لكن فشلو بذالك والسبب المحافظ الخارجيه؟ أنا متأكد من المعلومه؟


بعدين التصحيح شئ صحي للسهم ليش الخوف


اخوكم خالد
 

M$LL$ONA$RE

عضو محترف
التسجيل
29 أبريل 2005
المشاركات
361
جلاد الاسهم قال:
ياشباب انتو حسبالكم بخرعكم والله الكلاام اللي وصلني قلته لكم شفيكم ليش هالدوخه,,اللي موعاجبه الحجي عمره لاايصدق ,كيفه!
ويا المسثمر تسال عن عمري؟ارد عليك واقول العقل زين

امس كان عندى ضيوف من كوكب المريخ وقالو نـــــــــفس الشى ويمكن انت تعرفهم!! :rolleyes:

السوق رايح يــــــــــــــــــــطـــــــــــــــــــــيح 1600 نقطة!! :rolleyes:

مــــــــــــــــمــــــــــتـــــــــاز!!

كل الاسهم رخيصة!! :eek: :D :rolleyes:

انا كنت ناوى ادش على المخازن عند ال 150 فلس!! :rolleyes:

يا حبيبى لاتطالع افلام هندية!! السوق مو رايح يطيح!! :rolleyes:

قواك الله....
 

CENTRALBANK

عضو نشط
التسجيل
8 أغسطس 2005
المشاركات
1,656
حبيبي احنا رجال ما يهزنا ريح ولا تصحيح ودامك تبيع انت الخسران ودام ماسك السهم بعدك ما خسرت وبعدين من ويلك الاخبار الشينة ... عطنا مصدرك ... مو بس تقطها وتمشي
 
أعلى