رأيكم مطلوب هنا من اجل ترتيب المنتدى

[عليمنكي]

من اجل منتدى اكثر بياضا

اقترحت قبل كم يوم على مراقبين المنتدى من اجل ترتيب المنتدى ان يتم فتح منتدى فرعي واحد ويسمى بأسم السهم لكل سهم بالسوق الكويتي ونفس الشي بالنسبه للاسواق الثانيه وكل من يبي يكتب عن السهم يكون اب هل المنتدى الفرعي
الحين اللي يبي يتابع سهم واحد لازم يدش على 50 صفحه علشان يتابعه
وكذلك يكون فتح الصفحات الجديده بموافقه المراقبين
عطونا رايكم ؟؟

 

[نوكيا]

اقتراح وفكرة رائعه
واعتقد انه لا يوجد اى شخص يحمل 50 سهما وعليه لاتوجد مشكله فى فتح 50 صفحة
لانه اقل شى اذا ابى ادش على الاسهم مو اقل من 5 اسهم او 8 اسهم بالكثير
انا اوافقك الراى والاقتراح

 

[مسلم نت]

كلام صحيح والتنظيم يسهل على الجميع ومنا للمراقبين

 

[falah]

الفكرة وايد حلوة وجديرة بالتفكير والتجربة
ومنا الى ادارة المنتدى الكرام

 

[سوق واجف]

انا مؤيد 100%


وأضيف على هالأقتراح شغله جوهريه

أن اتكون الأسهم على حسب القطاعات

يعني 7 قطاعات مو وايد هذا أذا أستثنينا قطاع الشركات الغير كويتية

القطاعات وهم:

البنوك

الإستثمار

التأمين

العقار

الأغذية

الصناعة

الخدمات

الغير كويتي

وانت أدخل على القطاع إللي تبيه وراقب سهمك

هذا والسلام عليكم ورحمة الله وبركاته

 

[المقرود]

أشكرك على اقتراحك

ولكني بصراحة لا أؤيد ، لأن مرات يكون لعنوان الموضوع طعم خاص ، وأيضا من الصعب أن تدمج مواضيع كل الشركة في موضوع واحد ، وحتى لو فصلنا ذلك إلى قسمين فإن الأعضاء سيتشتتون

فمثلا أحيانا نحتاج لأن نتحدث عن عقد الهيفي لشركة المخازن
وأحيانا موضوع عن كمال السلطان
وموضوع عن الأرباح
وموضوع عن تحليل اسهم فنيا ، وهكذا

مجرد وجهة نظر ، والله أعلم

وأكرر شكري لك حرصك على الارتقاء بالمنتدى

 

[عليمنكي]

احلى واحلى

انا مؤيد 100%
وأضيف على هالأقتراح شغله جوهريه
أن اتكون الأسهم على حسب القطاعات
يعني 7 قطاعات مو وايد هذا أذا أستثنينا قطاع الشركات الغير كويتية
القطاعات وهم:
البنوك
الإستثمار
التأمين
العقار
الأغذية
الصناعة
الخدمات
الغير كويتي
وانت أدخل على القطاع إللي تبيه وراقب سهمك

هذا والسلام عليكم ورحمة الله وبركاته

وانا بعد أأيدك على هل الاضافه ,, المفروض ان الواحد وهو داخل عارف وين يبي يروح مو جنك داش مستشفى مبارك تضيع من عند باب الطوارئ وتترجى البنغالي مال النظافه علشان يدليك المنتدى ( العياده ) اللي تبيها

 

[bugais]

فكرة رائعة
ولو ان كثرة التصفح تعمل على تثقيف المتصفح
والمامه بالسوق ككل
ولكن تصيب بالملل عندما تكون مستعجل وتريد تحليل على سهم معين

ارجع وقول فكرة رائعة
وعساك على القوة

 

[المتفلع]

ياسلام عليك

سبحان الله,, والله قاعد اقول بتابع آخر اخبار المنتدى وبعدين بكتب اقتراح بهالكلام. معاك ومنا الى المراقب الفاضل,, مع العلم للأخ اللي اقترح القطاعات انها ستغير قريبا.

 

[عليمنكي]

ومنا الي المشرفين