مكاتب الوساطة واستغلال بعض ضعاف النفوس للمتداولين؟؟؟

[bu_nawaf]

للاسف كثرت هالايام سوالف بعض الوسطاء ضعاف النفوس وهذا الشي للاسف لم يكن موجودا فى السنوات الماضيه اصبح البعض بكل وقاحة يسال عن الاكراميه(الحلاوة) عند عمليات البيع وانا واحد من الناس اتحاشى الرد عليهم فى المقابل اصبحت اوامرى تدخل متاخره بتعمد ومرات يتعمد الوسيط عدم ادخال اوردر معين علما بانى من المداومين على الحضور يومياللسوق الساعه 8:30 ويقوم الوسيط بتسجيل الاوامر على ورقه خارجيه لحين ادخال الاوامر الساعه 9 . الشي الجديد ادخال اوامر دون اخرى او طلب الحلاوه او اهمال الاوامر عن قصد ؟؟؟ لاتقولون لى غير مكتب الوساطه للاسف اسمع من غيرى العجائب ولا شرايكم ........

 

[بلسم]

الحلول بسيطة:بعد التأكد من تعمدهم الضرر بك، اشتك على الموظف، غير الشركة، ابلغ الناس عن سوء الخدمة في تلك الشركة.

 

[meshari22]

ريح نفسك

السلام عليكم:

في البدايه اشلونك اخوي بونواف , انا قريت موضوعك والصراحه انت امتعب حالك , اتقولي ليش اقولك انا متعجب اشلون مكتب الوساطه راح يهتم
واكون حريص مثل ما انت حريص على حلالك .
طبعا مااشمل كل المكاتب الوساطه بس بونواف ريح بالك ودير حلالك ابنفسك
اشترك في الاوسط برو وريح بالك وتعرف شنوبعت وشنو
شريت ابنفسك وتعرف جم عندك ولا اتصال ولا اعطال ولا تسويه كل يوم لان
الاغلاط مع المكتب الوساطه اكثيره بس اذا دشيت في الاوسط راح ترتاح والسرعه في الاوامر راح اتريحك وهذا من واقع تجربه من يوم دشيت البورصه ماحصل اني تعرضت للمشاكل اللي قاعد اسمعها من الاخوان في المنتديات ومن الربع اللي يشكون الحال من الاخطاء من مكاتب الوساطه
لاني ريحت بالي واول ما دشيت البورصه دشيت عن طريق التداول الاكتروني
الاوسط برو .
وهاذي نصيحه من اخوك
اموفق اخوي بونواف

 

[bu_nawaf]

مشكورين على الرد والاهتمام

 

[مدير محفظه صغير]

للأسف بأن بعض الموظفين بمكاتب الساطه حراميه ايضا وليس فقط يطلبون الحلاوه

فالبعض منهم لديهم محافظ خاصه بهم أوبمعارفهم يقومون بالإتصال بك عند تحرك السلعه أو يكون فيه عليها خبر جيد ليشتريها له أو لصاحبه وأنت يا غافلين لكم الله وليس ذلك فقط بل إن كان هناك خبر سئ على سهم معين يقوم بتصريفه عليك وعلي وعلى الناس الذين يثقون به وتكتشف بعد يوم أو يومين بأنك إشتريت السلعه الخسرانه بموجب توصية البروكر الحرامي .


الله المستعان من ضعاف النفوس بالبورصه من البروكر والطابور الخامس والمحافظ الكبيره التي تضغط على بعض السلع وتخسرنا أيضا يعني صغار المستثمرين ما يدروووووون منو طقاقهم ..........


قريبا بعد الأوسط البنووك سوف تفتح التداول الإلكتروني وبعدها سوف نفتك من واحد منهم بس الله يعين ما يطلع لنا أثنين أو ثلاثه بدال الواحد اللي إفتكينا منه (البروكر).

 

[مستثمروون]

السلام عليكم:

في البدايه اشلونك اخوي بونواف , انا قريت موضوعك والصراحه انت امتعب حالك , اتقولي ليش اقولك انا متعجب اشلون مكتب الوساطه راح يهتم
واكون حريص مثل ما انت حريص على حلالك .
طبعا مااشمل كل المكاتب الوساطه بس بونواف ريح بالك ودير حلالك ابنفسك
اشترك في الاوسط برو وريح بالك وتعرف شنوبعت وشنو
شريت ابنفسك وتعرف جم عندك ولا اتصال ولا اعطال ولا تسويه كل يوم لان
الاغلاط مع المكتب الوساطه اكثيره بس اذا دشيت في الاوسط راح ترتاح والسرعه في الاوامر راح اتريحك وهذا من واقع تجربه من يوم دشيت البورصه ماحصل اني تعرضت للمشاكل اللي قاعد اسمعها من الاخوان في المنتديات ومن الربع اللي يشكون الحال من الاخطاء من مكاتب الوساطه
لاني ريحت بالي واول ما دشيت البورصه دشيت عن طريق التداول الاكتروني
الاوسط برو .
وهاذي نصيحه من اخوك
اموفق اخوي بونواف

صدق الطيب .... صح كلامك
بالنسبة لي انا ( حبيت اضيف تجربتي مع هالمكاتب) .....
اروح من الساعة مو ثمان ونصف انا اروح الساعة ثمان بالضبط بالكثير ثمان وربع...هذا علشان احصل موقف للسيارة ..انت عارف الجو شلون يصير الساعة 12 وبعد نهاية السوق...
اخوي انا أوقف قدام الحبيب بمكتب الوساطة 20 دقيقة بدون ما حتي يرد عليك السلام ... اشوف كل الحركات واهم بدون حيا قدام عيني اشوفة يحط اوامره الشخصية الخاصة فية (اوامره .. الحبيب يمشي مصلحته أولى ) عيل اشلون..؟؟؟؟
وبعدين يبدي ويتفرغ ..مو لنا...حق أوامر ربعه .. ( الأوراق يفرغها من الجيب) انت عارف الربع اللي بالدوانية وبالفريج وغيره...
وبعدين ..عقب ما تحن عليه وتزن على راسه يقوم يمد إيده ياخذ الأمر ( عقب ما نكتبه بورقه) وطبعا لازم الحبيب منظم لازم يحطك بالدور ...ما يصير تتجاوز...
راح يكون عقب هالانتظار ...دليل تلفونات.. مو أوامر !!!
هذا غير اللي يدزك بيده ويعطيه أمر شفوي على السريع وانت تطالع ...
ما أطولها عليك وبصراحة ...انا اشترك بالأوسط ومرتاح ومتكّي بالبيت واحط أوامري ( حاط بشتك تحت ابطك ) وباقي لي كم سهم بالبورصة اطلعهم واودعهم بالأوسط خير علي خير .... اصلا حتى اني دخلت في شراء وبيع الكسور ( حق باقي الخردة ) أهون من مذلة المكاتب وبصراحة أقول " التعبــــــــانه " .. وسلامتكم

 

[مدير محفظه صغير]

أشكرك على صراحتك وإطلاعنا على تجربتك مع البروووكريه بمكاتب الوساطه

وأرجو من الإخوه اللي عندهم تجارب معهم إنهم يخبرون الإخوه حتى يصدقووون الكلام .

أرجو كل من لديه ملاحظه حتى وإن كانت العكس أن يخبر الجميع فنرجو أن يكون الموضوع محل نقاش وإبداء التجارب مع المكاتب والبروكريه اللي صاروا مثل المنشار طالع واكل نازل واكل على رأي إخوانا المصريين .

وسلأأأأأأأأأأأأأمتكم

 

[الراقي]

والله المكتب الي اتعامل معاه يعاملوني بكل احترام بدون اي اكراميه والله اني احترمهم لآنهم يقدمون طلب الناس الخسرانه على الربحانين

 

[حد أعلى]

اصابعك مو سوا.

حبيت ان ابتدي كلامي بان مو كل المكاتب يتعاملون بهذي الطريقه و مو كل اليروكريه مثل مثل... بس اللي حصل لي باني مستثمر على قد حالي حيل ومبالغ بسيطه جدا جدا و كنت اتعامل مع احد مكاتب الدور الارضي و اوقف بالساعات و انا اتحلطم من الدور و الكشته فيني و التطنيش لي و وصل الامر واني اطلب سهم و بسعر و اتفاجأ ان ما قطوا على بسبب ان الحبيب نسى لا يحط امر و يفولها لي وهو قاعد يتبوسم حني واحد من ربعه.
مخلاص الكلام جان اغير المكتب و اصعد لي الدور الاول عند الفقاره اللي حلاتي و ذمتي انهم يقرون الافكار و يحطون اوامرك بسرعه و شغلهم فوق الفل و السبه ان ماكو ضغط عليهم و هذا اهم شي ... بس يبقى ان اصابعك مو سوا.