شنو أسوي إذا الرمز ما يطلع بستريمر الأوسط ؟؟؟

[bodalal]

السلام عليكم

كثير من الأسهم اللي يوصي عليها الشباب هني لمه أحطها بستريمر الأوسط

يطلع لي إما رمز غير صالح أو لا يوجد بيانات لهذا السهم

مع العلم إني لمه أكتب الرمز في الياهو تطلع البيانات ويكون شغال

هل المشكلة بستريمر الأوسط ؟؟ وشنو المفروض أسوي علشان أقدر أتداول بالسهم ؟؟؟

مشكورين

 

[bukhaly]

السهم مو ضايفينه الاوسط لازم تتصل ويضيفونه واليوم الجمعه ما عندهم مبرمج

 

[ابو رغوده]

اتصل على الاوسط يضيفون الشركه

 

[bodalal]

مشكورين ... بس ما فيه طريقة بالانترنت ... إيميل أو من صفحتهم ... لأني مو بالكويت

وهذول على ما يردون عليك .... سالفة

مشكورين

 

[المتوهق]

والله ياشباب دام فتحتو الموضوع انا عندى تعليق...

ترى دايم اشوف اسهم تطير طيران ...وعلى ماادخله فلتر بوهانى ...واشوف الشارت اوكى ...وابحث شوى عن خبر رفع السهم...وكل هذا بسرعة ...

واقرر اشترى ....

القى السهم مثل مااتفضل بودلال...غير موجود فى الستريمر عند الاوسط...

يعنى دق عليهم ...وانطر المبردج يضيفه...

يكون السهم يسلم عليك....

ودى لو كل واحد يكلم الاوسط ياشباب انه بطريقة ما نقدر نضيف احنا الاسهم مو لازم ندق عليهم...

وشكرا ...وترد بالسلامة اخوى بودلال انشاالله

 

[bodalal]

مشكور يا المتوهق ... عساك ما تكون متوهق أبد

اقتراحك ممتاز ... وكثر الدق .. يفك " الأوسط "

همتكم يا شباب ... خلونا نشب عليهم اتصالات ... عاد إذا ردوا