شركة مجمعات الأسواق التجارية الكويتية ( اسواق ) ... 3

[kndor]

والمشكله الاكبر ان الشركه يسألون السوق ليش سهمهم موقف
شركه ومجلس اداره وماتدرون ليش سهمكم موقف
هذي مصيبه

 

[kndor]

ضعنا بالطوشه بين السوق ومجلس الاداره
تكلم الشركه يرد عليك موظف مايدري عن شي
مالهم حل

 

[حفار قبور]

ما ندري شقاعد يسوون كل هالمدة ؟

لو تتأخر معاشاتهم يوم واحد يقلبون الدنيا

 

[عندك سلف]

يا جماعة ماكو عوده للتداول قبل معالجة الخسائر المتراكمة ...وهذا لم يتم الى الان...

ما تنتظرونه من هيئة اسواق المال هو : شطب الشركة من الادراج بالبورصة من عدمه... بعد انتهاء المهلة المحدد ...

بتقديري الشخصي ...ان مجلس مفوضي الهيئة سيجتمع لمناقشة الاجراءات اللتي اتخذتها الشركة...وممكن ان يؤجل قرار الشطب لمدة 3 اشهر...واعطاء الشركة فرصة اخرى ...لمعالجة الخسائر المرحلة....
في هذه الاشهر الثلاث يجب على الشركة عقد جمعية عمومية تشطب فيها الخسائر المرحلة مقابل الاحتياطيات... وتخفيض رأس المال...ثم تعود الشركة للتداول وربما رأسملة الدين ...ثم العودة للتداول....
والله المستعان

 

[kndor]

طيب الشركه اجتمعت لبيانات2013
بس ليش كل هالمده لم تعقد الجمعية العموميه

 

[saad73]

حسب ما وصلني ان الشركة تنتظر تحديد موعد عقد الجمعيه العموميه العاديه والجمعيه الغير عاديه من وزارة التجاره وللآن ما وصلهم رد . هذا حسب ما قيل لي من الشركة بعد الاتصال عليهم ، والله اعلم

 

[سالم علي علي]

باذن الله الشركة لديهاا اصول جبارة وماينخاف عليهاا وان شالله ترجع قريبا

 

[AL_RAGI]

1. @Badeer_bona9ar Mar 9
   ( الأهلي المتحد ) يسوي مديونية مع (مجمعات الاسواق) بقيمة 5 مليون دينار بحريني <<<<<
   
   
   
   
2. 
   
   kuwait ‏@kuwait000012 Mar 9
   @Badeer_bona9ar شلونك بو ناصر القبس اليوم يتكلمون عن مجمعات الاسواق انها يمكن تنشطب بسبب انتهاء المهله لها بتاريخ ٣/٥ شنو وضعها
   
   
3. 
   
   بدر ناصر العتيبي ‏@Badeer_bona9ar Mar 9
   @kuwait000012 يامرحبا ومليون مجمعات الاسواق أوضاعها زينه وراح ترجع للتداول بعد الجمعية العمومية بأذن الله
   
   
   
4. 
   kuwait ‏@kuwait000012 Mar 9
   @Badeer_bona9ar المشكله يا بو ناصر ان المهله خلصت ولا حددوا الجمعيه العموميه
   
   
5. 
   بدر ناصر العتيبي ‏@Badeer_bona9ar Mar 9
   @kuwait000012 المهله لو خلصت كان نزل قرار شطب على طول وضعها زين وراح ترجع للتداول
   
   
6. 
   
   kuwait ‏@kuwait000012 Mar 9
   @Badeer_bona9ar امين ان شاء الله ومشكور طال عمررك
   

 

[مليون دينار]

ان شاء الله ترجع الشركة للتداول مع ارتفاع طيب للسهم

سهم قيمتة الدفترية 87 فلس مهدد بالشطب وسهم قيمتة الدفترية 30 فلس يسرح ويمرح بالسوق

 

[عايش سعيد]

الشركه امورها طيبه وماعليها خوف

 

[kndor]

بوليفارد السالميه
قبل كم يوم مريت عليه اشوف فيه حركه وعمال عساهم يشغلونه وبسند الشركه بالايرادات
بس مشروعهم الثاني سبيرت اللي جنب 360
الحياه واقفه فيه ماتشوف الا هالرافعات بالسما

والله يفك عوق المساهمين

 

[AL_RAGI]

الله كريم حبينا بس نرفع المعنويات شوى .

1. 
   ✨فديت شمر ✨ ‏@almalky135 5h
   @Badeer_bona9ar مساء الخير اخوي بدر من فترة سألتك عن سهم مجمعات الاسواق وقلت إنها قدمت البيانات المالية وامورها زينة وعن قريب ترجع
   
   
   
2. 
   بدر ناصر العتيبي ‏@Badeer_bona9ar 5h
   @almalky135 مساء النور كلامك صح رئيس مجلس الادارة نفسة يقول راح ترجع شهر 2 اللي طاف وخبارها زينه ماعليه شي
   
   
3. 
   بدر ناصر العتيبي ‏@Badeer_bona9ar 5h
   @almalky135 الأسواق راح ترجع بأذن الله عدلت أمورها راح ترجع بأذن الله بعد الجمعية
   
   
4. 
   ✨فديت شمر ✨ ‏@almalky135 5h
   @Badeer_bona9ar وبالنسبة للشطب راح يجيها قرار الشطب لان طوووولت
   
   
5. 
   بدر ناصر العتيبي ‏@Badeer_bona9ar 5h
   @almalky135 قرار أشطب مافيه هذي أجراءت بالشركة امورها زينه انشالله راح ترجع عن قريب مافيه شطب بأذن الله
   
   
   
6. 
   ✨فديت شمر ✨ ‏@almalky135 5h
   @Badeer_bona9ar الله يبشرك بالخير ومشكووور وأسف اذا ازعجناك شكرااا
   

 

[متداول 1]

اعلان من هيئة أسواق المال بشأن إلغاء إدراج اسهم مجمعات الأسواق التجارية الكويتيةيعلن سوق الكويت للأوراق المالية أنه بناءً على قرار هيئة اسواق المال ، واعمالاً لنص المادة (25) من القرار رقم (3) بشأن اصدار نظام الادراج في بورصة الاوراق المالية وبالاشارة الى الشركات الموقوفة اسهمها عن التداول في سوق الكويت للاوراق المالية وبشكل خاص تلك التي تجاوز ايقافها عن التداول فترة ستة اشهر فقد تقرر إلغاء إدراج اسهم شركة (مجمعات الاسواق التجارية الكويتية ) من سوق الكويت للاوراق المالية اعتباراً من تاريخ 19-03-2014


حسبي الله ونعم الوكيل .

 

[baselko]

راحت فلوسنا

 

[وايلي]

باختصار
الشطب كان مقصود من حرامية الشركة
ما اقول الا حسبي الله على من اكل اموال الناس الباطل
والله يعوض على المساهمين في لعبة سوق الكويت للحرامية

 

[AL_RAGI]

لله مااعطي ولله مااخذ اللهم اجرنى فى مصيبتى وابدلنى خيرا منها ولاحول ولا قوة الا بالله

 

[BraveGaLb]

http://www.indexsignal.com/community/threads/70882/page-38#post-3734502

للتذكير .. وحصلت استقالات وانتهت الشركة

 

[نوماس 1972]

حسبي الله ونعم الوكيل

 

[مليون دينار]

باختصار
الشطب كان مقصود من حرامية الشركة
ما اقول الا حسبي الله على من اكل اموال الناس الباطل
والله يعوض على المساهمين في لعبة سوق الكويت للحرامية

هذا الشئ صار واضح
ان هيئة أسواق المال تلعب لعبتها بشطب الشركات لتبخر أخر مبلغ يملكة صغار المضاربين

سؤال للهيئة من المستفيد من شطب الشركة المساهمين الصغار أو اعضاء الشركات الحرامية

لو يهمكم صغار المساهمين بدال ما تشطب الشركة تعاقب مجلس الأدارة

بس ان شاء الله يتم تغير الهيئة من قبل أعضء مجلس الأمة وكل الشركات المشطوبة ترجع للسوق

 

[العقيله]

هذا الشئ صار واضح
ان هيئة أسواق المال تلعب لعبتها بشطب الشركات لتبخر أخر مبلغ يملكة صغار المضاربين

سؤال للهيئة من المستفيد من شطب الشركة المساهمين الصغار أو اعضاء الشركات الحرامية

لو يهمكم صغار المساهمين بدال ما تشطب الشركة تعاقب مجلس الأدارة

بس ان شاء الله يتم تغير الهيئة من قبل أعضء مجلس الأمة وكل الشركات المشطوبة ترجع للسوق

السلام عليكم
اخوي هيئه أسواق المال لديها بعض الأخطاء والتعسف
بس اغلب اذ مو كل الشركات يراوغون
ولدهم اخطاء ما تشيله بعارين
غير الخسائر الكبيره جداً
وما يبون محاسبه
نفس ما يسوون مع المساهمين من دجل وكلك
صعبه كل اشركات المشطوبة والمعفنه ترد
والله لا يخسر احد ان شاء الله