هــل صحيــح الســوق فيـه نــحـشــــه !! "تبدي اليوم"

[Bo Tasneem]

يا جماعة وصلني كلام أمس واليوم الصبح .. إن المؤشرات الحالية للسوق تقول "إنحششششش" !! وراح تبدي النحشه من اليوم

واللي يرحم والديكم .. في منكم من سامع هالكلام ومن ناس ثقات ؟ خبرونه بارك الله فيكم .. ويقولون إن العرض راح يطغي على السوق كله


بوتسنيم​

 

[متداول كويتي]

سمعت هالكلام الليله البارحه على البالتالك لأبومناور وهو قال أنحاشووووا من اليوم.......
وقال ايضا ممكن مجموعة المخازن والخليجيات تعكس السوق..........

 

[الميموني]

ياجماعة بالمنطق السوق أكيد متجه لتصحيح واللة أعلم بحدة هذا التصحيح ولكن هناك أسهم انتفخت بشكل غير طبيعي ودون أسس صحيحه ...وبالعكس هناك أسهم كمجموعة المخازن والرابطة للنقل وغيرها من الشركات ذات الأرباح التشغيلية لاتجد أي انصاف وتجد أسعارها بخسه للغاية والسبب أن المحافظ وغيرها لم يكتفي من التجميع واعتقادي الشخصي انة عندما تكتفي المحافظ من تجميع أسهم الشركات التشغيلية ستكون المعادلة الواقعية والصحيحة لكل سهم...
وسترون أسعار هذة الأسهم وانفجار البالونات المليئة فقط بالهواء ..

 

[عندك سلف]

بدأت بوادر التصحيح والله أعلم

 

[ارسطو الدروازه]

تداول السوق زين .. وانا اقوول انه جنى ارباح .. وليس تصحيح . والله اعلم .


وننطر رأى الخبره ...

 

[المسبار]

والحين ؟؟؟

ياجماعه قالولكم فنيا السوق لازم يرتفع
والمقاومه 10300
ليش التهويل ؟

 

[albederi]

-------------------------------- السوق حلو وواجد زين !! ليش واجد خوف !! امسك سهمك لاتبيع بخسارة !! أذا فية تصحيح واتوقع يكون خفيف عند مستوى (10200 ) !! لكن بعدها راح يطير عند بداية أعلانات الربع الثالث !! وسيقود السوق من جديد الحبيبة خزنة واخواتها !! مجرد رأى ___________ !!!

 

[نقوشي]

سمعت هالكلام الليله البارحه على البالتالك لأبومناور وهو قال أنحاشووووا من اليوم.......
وقال ايضا ممكن مجموعة المخازن والخليجيات تعكس السوق..........

مادري بومناور ... على أي اساس قال انحاشوا

وهل يتحمل ماقاله ... خصوصاً والسوق مرتفع 40 نقطة ... ؟؟؟؟

 

[المستفسر]

أحذروا من القيل والقال وانا اتشرهه على من ينقل هيك اخبار بدون التأكد 100/ 100 لان هذه الاخبار اول ما يتضرر منها صغار المستثمرين


وانتوا شفتوا السوق اليوم ياجماعه العمليه كلها جنى ارباح وتاسيس وتدعيم وتسخين للايام الجايه وان غدا لناظره قريب والشاطر اللى يقتنص جنى الارباح

ودمتم سالمين

 

[بو طلال]

بصراحه انا سمعة فى تصحيح وهذا من قبل اسبوع والجرايد تقول فى تصحيح وخل بالكم والناس فى البورصه يقولون فى تصحيح وانا شخصين بعت وكيشت بس للحين ما شفت تصحيح بالكس السوق ارتفع كل يوم والسوق يرتفع اكثر وانا كاعد اطمش لا استفت ولا شئ وظاهر ما فى تصحيح حالين والله اعلم 0 :

 

[view-l]

اترك عنك هالكلام السوق رخيص واخضر انشاء الله

 

[Bo jana]

يا جماعة وصلني كلام أمس واليوم الصبح .. إن المؤشرات الحالية للسوق تقول "إنحششششش" !! وراح تبدي النحشه من اليوم

واللي يرحم والديكم .. في منكم من سامع هالكلام ومن ناس ثقات ؟ خبرونه بارك الله فيكم .. ويقولون إن العرض راح يطغي على السوق كله


بوتسنيم​

كلامك 90% والحذر مطلوووووووووووووووووووووب .

 

[fmhalhd]

الحذر واجب والاكثر في الاسهم الاقل من 300

 

[bigener]

من غير الطبيعي يا إخوان أن يكون السوق في طلوع دائما و ما يكون فيه نزول , أعتقد أن بعض الأسهم أسعارا صعدت بشكل غير طبيعي فهذه الأسهم تحتاج متابعه و خاصتا إذا كان عليها تداول قوي.

 

[الزعيم1]

من خاف سلم..........................

المرحله القادمه صعبه جدا وخصوصا وأن رمضان قادم عن قريب عساه يكون خير علينا وعلي الأمتين العربيه والأسلاميه وكل عام وأنتم بخير وصحه وسلامه.....................

التداول برمضان يكون هادئ دائما لقصر مدة التداول........................

 

[ابراهيم3]

قيل وقال وإضاعة المال وكثرة الكلام

لو بومناورمع احترامي حقه يعلم علم اليقين جان اليوم من هوامير البورصه وواصل مثل محمود حيدر ولا فاضي لي ولغيري لساعات متأخره باليل في البالتوك جان شال من العميريه وراح الضاحية .
أخواني دائماً نسمع من فلان و علان و السوق على إرتفاع و بعدين نتحسف
لا تسمعون الكلام و ختاروا الأسهم الزينه مع دراستها لأن طالما البترول علي ارتفاع و العمارات تقوم في الخليج ترا السوق زين لأن دول الخليج لا تعتمد علي الصناعه بل علي النفط و الإستثمارات .
والله الموفق
++++++++++++++++++++++++++++++++++++++++++
بو مناور ترا انت عزيز و اسلوبك ساحر CORVETTE_Z06i علي البالتوك

 

[AMR]

هذاالكلام اللي يخسر

ما خسرني قبل الا هالكلام


تبي تربح وخر عن هالكلام ونصيحتي

اشتر الحين و اذا شفت مؤشر السوق 15000

شوف كم برحك و اذا كان الاقتصاد جيد كمل الين 20000

و اترك عنك تصحيح و نزول و صعود ( الاقتصاد زين )

السوق صاعد و ما في خلاف على هذا ليش خايف

السهم لازم يصحح و السوق لازم يصحح حتى يعطيك اسعار جديده

-------------------------------------

تم توجيه سؤال الى عمالقه خبراء السوق الامريكي

س: متى يصحح السوق و كيف التنبأ به قبل التصحيح

ج: عندما تسمع الناس يتحدثون عن التصحيح فهذه بدايه التصحيح


------------------------------------------

مع هذا السوق الكويتي ممتاز و مسك السهم و لاتبيع

احسن الاسهم انائمه اللي ما تسمع عنها وسعرها جيد بعد جم شهر بنشوف المنتدي كله يتكلم عنها

-----------------------------
شريت سهم محد يتكلم عنه كلش و كل ما سألت احد قالي انحش عن هالسهم
هذا اللي خلاني اتمسع بالسهم اكثر بعد جم شهر اللي يقولي انحش عن السهم . شر السهم نفسه بس انا شاريه 200 و اهو شراه 420 باعه اقريب عند 500 و ربح فيه الله يوفقه انا مازلت متمسك بالسهم هدفي بعيد
1500 و قرب السهم قريب عند الدينار اعتقد 2006 راح ابيعه


و الله ولي التوفيق

سوق الكويت للاستثمار صدقوني -- من 2003 و انا اقول هالكلام

اللي انا ابي افهمه بس الصناديق اللي كاليوم نسمع عن صندوق جديد و الاستثمار في السوق الكويتي ما يحسون فيهم الناس

يا ناس اشتر و نسى في السوق الكويتي بعد شهرين اللي يرفع سهمك هو صندوق جديد و يحافظ على انه ما ينزل

باي