تحذير من أسهم بيني اللي تنتهي ب Pk

[bodalal]

السلام عليكم

توني عرفت من منتدى مال وأعمال ان الأسهم اللي تنتهي بحرفين :

PK

معناها الشركة معرضة للافلاس

أما الشركات اللي تنتهي بحرفين :

OB

معناها شركات تتداول من خارج السوق ... علشان جذي صعب تلقى أخبار أو تحليلات عنها ..

أعتقد الواحد لازم ينتبه قبل لا يبتلش بهالأسهم ... والله أنا نفسي تورطت بكذا سهم

طايحين بجبدي ... إن بعت فالخسارة جايدة ... وان صبرت فلوس مجمدة ... هم خساير


وأحسن طريقة للتأكد من الشركة عن طريق الياهو ...

http://finance.yahoo.com/

ولو ان الموضوع مكرر ... بس حبيت أنبه الجدد من أمثالي


وبالتوفيق للجميع

 

[بن صقر]

اخوي بودلال:
انا طرحت المضوع باحد المنتديات الفرق بين OB و PK
كلامك سليم 100% بس جاني هالرد

السلام عليكم

اسهم الـ PK لا تعني ان الشركة تحت الفصل 11 او احتى الفصل 7 والتي غالبا ما ينتهي الرمز بحرف خامس وهو حرف Q ، انما يسمى هذا السوق بـالبنك شييت Pink Sheet وفي هذا السوق لا تكون الشركات ملزمة بتقديم اي معاومات او بيانات وحتى اخبار عنها ، وعلى سبيل المثال crdm لم تعلن عن افلاسها ومع ذلك انتقلت من سوق الـ ob الى سوق الـ pk.

 

[bodalal]

هلا أخوي بو صقر ...

كلامك صحيح ... وأنا أعتذر اني ما ذكرت اسمك ... أنا ذكرت ان الموضوع قريته في منتدى مال وأعمال بس

كان المفروض أذكر اسمك ... آسف جداً

أما بخصوص الموضوع نفسه ... بصراحه ما أدري

ويا ليت اللي عنده علم يعلمنا

ومشكور مرة ثانية وأكرر أسفي

 

[بن صقر]

لا افا عليك يابودلال
اخو عزيز وغالي

 

[DayTradingOnly]

راح اقولكم الفرق بشكل بسيط يعني مو رسمي
الاسهم الي ينتهي رمزها بحرفي PK هي بينك شيت ( pink sheet)
غير ملزمة بتقديم تقارير فصليه او سنوية عن ارباحها وخسايرها وامورها المالية
يعني ما تلقا لها قوائم مالية عشان تعرف شنو وضعها !

على الليفل تو ( وهو اساسي للمضارب ) ما تقدر تعرف الكميات والاسعار المعروضة للبيع والشراء .. وهذه مشكلة كبيرة

قد تجد فيها شركات جيدة وشركات سيئة حالها حال باقي السوق ..
وممكن تخرج الشركات من البينك شيت وتدخل باقي الاسواق وهذا خبر جيد بالنسبة لها


.......................

ال otcbb هو سوق يتبع النازداك ولكن بقيود مخففة تسهل عملية التلاعب من قبل الشركات والتلاعب موجود بكافة الاسواق ولكن هنا تجده بشكل كبير
ويختلف عن البينك شيت في ان القوائم المالية موجودة للشركات ومطلوب منها تقديم تقارير فصلية وسنوية
وبالليفل تو تلقا الاسعار والكميات معروضة عكس البينك شيت

........................

المحصلة ان التلاعب يكون اكثر فيهم والتلاعب موجود بجميع الشركات

 

[assa]

شكرا لك فعلا الموضوع جدا جميل وممتاز
بارك الله فيكم

 

[bodalal]

مشكور يا أخ متداول يومي فقط

مشكور على الإضافة والتوضيح