سؤال عن أسهم الاكتتاب ؟؟؟

[bodalal]

السلام عليكم

اكتتبت بشركة بوبيان وبعد كم شركة والله نسيتهم بكميات يمكن ما توصل لسعر وحدة كاملة

ممكن أحد يعلمني شلون ممكن أبيع هالأسهم بأفضل طريقة ؟

نصيحتكم يا الربع

ومشكورين

 

[mercedes_Q8]

اخوي ان شاء الله هالرابط يفيدك

http://www.kuwaitse.com/Companies/StkInformationA.aspx?stk=514


مــقــر نـقـل ملكية الأسهم أنـور القطامي وشركاه جرانت ثورنتون ، عمارة السوق الكبير ، برج أ ،
الطابق التاسع ، شارع فهد السالم.‏
تـــلـــفـــــــــون ‏2443900 - 965 ( 10 خطوط )‏

وبالتوفيق

 

[bodalal]

مشكور يا أخوي mercedes_Q8

بس الرابط فيه معلومات عن الشركة ... ما تهمني

أنا أسأل عن هالسهم وغيره ... يعني لمه الواحد يكتتب بشركة ويتم إدراجها بالبورصة

شنو يسوي علشان يبيع ... أنا عندي حساب في الأوسط ... ممكن عن طريقهم أضيف هالأسهم لمحفظتي على طول ؟

ومشكور على كل حال

 

[ولد بطنها 2]

أخونا العزيز بو دلال
تروح لشركة الأوسط و تقدم لهم شهادات تخصيص الأسهم و يقومون بعمل عقد معاك ( العملية كلها نصف ساعة ) و بعدهابأسبوع يتم اضافة الأسهم بحسابك .
موفق خير .

 

[mercedes_Q8]

اخوي الشقي ....

اللي فهمته من الاخ بو دلال ... انه مكتتب بالشركة من زماااااان

يعني اكيد عنده ارباح او اسهم منحه ...

يعني لازم يدق على الشركة وبعدين يروح لهم علشان يستلم منهم الشيكات ... و ورقة جديدة بالاسهم

هذا اللي اعرفه
اما بالنسبة للاوسط ماعندي فكرة الصراحة

تحياتي لكم

 

[bodalal]

الله يعطيكم العافية ويبارك فيكم

مشكورين جداً جداً جداً