لان الاوسط ناجح يتم محاربته @@ شكرا يا اوسط

الموضوع في 'السوق الكويتي للأوراق الماليه' بواسطة MO_FO_SO, بتاريخ ‏19 سبتمبر 2005.

حالة الموضوع:
مغلق
  1. MO_FO_SO

    MO_FO_SO عضو جديد

    التسجيل:
    ‏13 يوليو 2005
    المشاركات:
    22
    عدد الإعجابات:
    0
    سلام عليكم ,, ماكان ودي امدح شركه مالي اية علاقة لامن غريب ولا من بعيد غير اني عميل عندهم ,, لكن من قرأتي لبعض الي يكتبون في المنتدى قلت ليش احنا بس نضبط كل شي فيه شر ونعرف نذم ومانمدح ؟

    الحين صار الاوسط مآسي مثل ماكتب واحد قبل شويه ؟

    النار تلهب والظلم ظلمات خلونا نقول كلمة حق للناس الي تشتغل عندهم وانا اعرف انهم مجتهدين

    اقسم لكم بالله اني وانا بالمستشفى كنت طايح مريض وصلني الشيك لين السرير الي انام عليه ويرجع الفضل بعد الله للي ماراح انسى جمايله عبدالمحسن قاروني؟

    اتقوا الله وقولوا كلمة حق او سكتو احسن لكم
     
  2. s man

    s man عضو نشط

    التسجيل:
    ‏2 مايو 2005
    المشاركات:
    327
    عدد الإعجابات:
    1
    متداول وبس

    قلنالكم نص اللى يمدحون هالأوسط فى المنتدى هم المشرفين علي الشركة , أسوأ شركة وأسوا خدمة وانا كان عندى حساب عندهم حولته الى متداول فرق السما عن الارض :d
     
  3. يوسف غضنفري

    يوسف غضنفري محلل محترف

    التسجيل:
    ‏13 ابريل 2004
    المشاركات:
    993
    عدد الإعجابات:
    0
    مكان الإقامة:
    الكويت
    السلام عليكم

    أخي العزيز s man

    كاتب هذه السطور من عملاء الاوسط ومن يوم اشتركت عندهم ولله الحمد ماشفت منهم الا كل خير رغم اني عميل ولا اشتغل بالاوسط .. فهل مديحي لهم يجعلني من المشرفين على الشركة؟؟؟ وها انت تمدح متداول .. فهل أستطيع ان اقول وبكل ثقة مثلك انك من المشرفين على الشركة ؟؟؟ اذا كان هذا مقياسك ومعيارك فالاولى ان تكون انت من المشرفين في المتداول ...

    ارجوا ان تتحمل نقدي برحابة صدر .. وما يؤلمني انك تتهم من يكتب ويمدح الاوسط بانه من المشرفين بالشركة من غير دليل ... وكما تدين تدان .. فقد ياتي يوم من يتهمك بنفس ما تتهم غيرك ...

    ارجوا ان لا نصل الى مستوى بالتجريح الشخصي لأعضاء وان يكون تفكيرنا بحسن النية ...

    تحياتي
     
  4. بن صقر

    بن صقر عضو جديد

    التسجيل:
    ‏29 أغسطس 2005
    المشاركات:
    829
    عدد الإعجابات:
    0
    كلمة الحق تنقال

    لا ياجماعة الخير .............
    ترا ماشفنا الا كل خير من شركة الاوسط
    اللهم شغلات بسيييييييييطه بس
    وهي لما تدق عليهم الصبح مايردون عليك
    واذا ردوا يقولك دق العصر
    واذا دقيت العصر هم مايردون عليك
    واذا ردوا يقولون دق الصبح
    واذا لزمت عليه يقول اخوي كلم المحاسبه (زين افهم موضوعي بالاول)

    وفعلا هذا اللي حصل معاي
    وآسف على الاطاله :)
     
  5. bu3teeg72

    bu3teeg72 عضو نشط

    التسجيل:
    ‏21 سبتمبر 2004
    المشاركات:
    798
    عدد الإعجابات:
    0
    مكان الإقامة:
    الكويت

    وإذا علق قالوا من البورصة...

    بس.
     
  6. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    والله الكلام سهل
    بس اللي عاجبه الاوسط وبرو ؟؟؟؟؟؟؟؟؟؟
    ما ادري ليش بس خل تحوشك مشكله معاهم بسيطه كل واحد يدزك على الثاني
    وبعدين مدير التداول
    لا يحل ولا يربط لك شي بس كلام بكلام
    وانتو كيفكم
    انا جربت معاهم والحمد لله كنت اتعامل معاهم كاني اتعامل ببورصة سيلان او افغانستان
    كأن بورصة الكويت متاخره اكثر من كل الدول
    انا ما اقول الا من اللي شفته منهم​
     
  7. سعود222

    سعود222 عضو نشط

    التسجيل:
    ‏25 يوليو 2005
    المشاركات:
    692
    عدد الإعجابات:
    0
    مكان الإقامة:
    الكــــــــــــــويت
    والله كان زين الاوسط بس هالايام يعلق وتاخر عن وقت السوق واليوم مصخها واجد والملاحظه الثانيه هي مايردون على الاتصالات والاخ اللي يدخل البالتوك باسم ( Alawsat1 ) وهو احد مسئولين الاوسط ما يرد على البرايفت يعن لا تلفون يردون ولا بالتوك يردون والظاهر راح ادور على وسيط غيرهم ونجرب عسى يكون افضل منهم او يجاوبونا ويعدلون خدمتهم لاننا اشتركنا عندهم علشان الخدمه وعلى فكره لاني مشرف لا في المنتدى ولا غير هالمنتدى
     
  8. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    سعود222

    اقول انتى لا تخلي فلوسك عندهم
    ممكن ينفعك التداول اللي يصيروحلو لمعرفة الكميات والصفقات
    بس التداول عندهم كله وهقه بوقه
    تداول بالبورصه واشترك باي شركه
    الحين في وايد شركات حلوه
    بس والله انا ما عندي ارقامهم
    اسمع من الربع بس
    وانا جربتهم الاوسط وبرو بس تعبت وايد معاهم وظروني وما نفعوني
    بس ممكن انتى مرتاح معاهم يعتمد​
     
  9. الفهلوي

    الفهلوي عضو مميز

    التسجيل:
    ‏22 سبتمبر 2003
    المشاركات:
    4,244
    عدد الإعجابات:
    11
    مكان الإقامة:
    في قلب أمي
    سبب تأخر الأوسط


    ان العدد الكبير للصفقات والتي لا يستوعبها نظام البورصه الحالي للأسف


    نتمى ان تنتهي البورصه وتشغل النظام الجديد للتداول .


    على فكرة انا لست مشرفا في الأوسط ..... فقط للعلم حتى لا يتهمني احد



    الفهلوي
     
  10. أحمد بورصة

    أحمد بورصة عضو نشط

    التسجيل:
    ‏12 مارس 2005
    المشاركات:
    809
    عدد الإعجابات:
    0

    مو موجوده هالمشكله في متداول.. الاوامر لحظية و سريعه .. يمكن سستم البورصه حقه غير :d

    الأوسط شركه ناجحه و ذات خبره

    بس مشكلتهم انه عدد المستخدمين قاعد يزيد عندهم بشكل كبير و هذا انما يدل يدل على نجاحهم.

    الحق ينقال و التنافس في خدمة العميل ;)
     
  11. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    أحمد بورصة

    كلامك معقول وصح
    بس انا كنت معاهم من 2003
    حتى شهر 7 واهما نفس ما اهما
    يعني الحين متطورين بعد وهذي مشاكلهم​
     
  12. الضحاك

    الضحاك عضو جديد

    التسجيل:
    ‏1 سبتمبر 2005
    المشاركات:
    158
    عدد الإعجابات:
    0
    الموقع بطيء حده ......

    اليوم خسرت بسبة هالشغله 50 دينار .....

    لا حول ولا قوة الا بالله .....
     
  13. STOCKER

    STOCKER عضو جديد

    التسجيل:
    ‏28 يوليو 2004
    المشاركات:
    307
    عدد الإعجابات:
    0
    اموت واعرف متى تحمدون ربكم على هلنعمة؟ ماني شايف الي تقولونه عن السوق الكويتي رغم اني اضارب فيه كل يوم واذا في شي غير الي انا اشوفه واعرفه قولوه لنا عشان نعرف لافي تاخير ولاهم يحزونون
     
  14. قمر صناعي

    قمر صناعي عضو جديد

    التسجيل:
    ‏22 يناير 2005
    المشاركات:
    63
    عدد الإعجابات:
    0
    مكان الإقامة:
    kuwait
    انا عميل عندهم واعرف بروكريتهم كلهم وشغلهم مضبوط ياجماعة الخير والعيب الوحيد ان تلفوناتهم مايردون عليك بسرعه ومجربهم من سنتين وعندي حساب في متداول السيء الي لاستريمرهم مثل الناس ولا تعاملهم سنع
     
  15. الوطواط

    الوطواط موقوف

    التسجيل:
    ‏8 سبتمبر 2005
    المشاركات:
    22
    عدد الإعجابات:
    0
    كلش بعد انت ما تشتغل بالاوسط :)

    لا يبه الاوسط ينقصة الكثير والكثير
    واسلوبك هذا بصراحة اسلوب واحد ينقصة الكثير من الحنكة والدرايه بالامور
     
  16. مخازن أنا أحبه

    مخازن أنا أحبه عضو جديد

    التسجيل:
    ‏29 يوليو 2005
    المشاركات:
    13
    عدد الإعجابات:
    0
    الاوسط يستاهل منا كل اعجاب وشكر على الي قاعدين يعملونه وهم في خدمة العملاء والواحد منا لازم يشكرهم بدل ماينتقدهم وخدماتهم محد يقدر يقدم مثلها والى الامام ياشركة الاوسط ولو في عتب صغير على سالفة التلفونات لكن الاون لاين مكفي وموفي

    عميلكم / بو راكان
     
حالة الموضوع:
مغلق