شركة الامتياز للاستثمار ... ( الامتياز ) .

[Albaghdadi]

ممتاز مشكورين اخواني عندك سلف وبوخالد على الفزعه .. يعني مو شهره .. الامور طيبه عيل .. وماكو الا العافيه ..

 

[debtor]

البيانات المالية ...تثبت انها شركة عملاقة
حرام الاسعار هذي....

 

[نصوح]

بروه العقاريه مو مالت السعدون ؟

بوأحمد شركة بروة شركة قطرية
والله السهم ما يخوف وخاصة بعد أخراج
الحرامية اللي عاثوا بالشركة فساد
الأدارة الجديدة فيها خير بأذن الله
آنا عن نفسي اليوم شراي وعن قناعة

 

[AHMAD88]

السلام عليكم ورحمة الله وبركاته

صباح الخير

سهم الامتياز عليه دايفرجنس سلبي مع مؤشر الــــــRSIــــ موضح باللون الازرق !!!


كما انه الي الان لم يخترق الترند الهابط التاريخي

ربي يحفظكم من الخساره

 

[Albaghdadi]

اغلاق زين .. وارتداد طيب .. المهم الحين ما نسكر تحت 74 مره ثانيه ..

 

[نصوح]

اغلاق زين .. وارتداد طيب .. المهم الحين ما نسكر تحت 74 مره ثانيه ..

مبروك عليك يا الغالي
بس أن شاء الله يكمل
وأنا سلمتك الراية الحين

 

[Albaghdadi]

لا يبا لا رايه ولا جمل .. :> دخول مضاربي سريع وخلصنا .. قريت المعوذات والشيطان راح :>

 

[sawa7]

«الامتياز» تتفاوض على بيع حصة 77.5% من «الهندسة والتقنيات»

الجمعة 19 سبتمبر 2014 - الأنباء



أعلنت شركة مجموعة الامتياز الاستثمارية في بيان نشر على موقع البورصة أمس، أنها تجري حاليا مفاوضات مع أحد المستثمرين لبيع ملكيتها في شركة الهندسة والتقنيات المتعددة، والتي تبلغ 77.57% من رأسمال الشركة، وان مبلغ الصفقة المتوقع هو 850 ألف دينار.

 

[BOAHMAD]

850 الف دينار ؟؟؟
لو مبلغ يسوى مااعلنوا عنه بسهوله وبسرعه !
عقب الملايين ٨٥٠ الف ؟؟

بغبسه

 

[السعد محمد]

التخارجات مهمة جدا

يعني الشركة تتوفر لها سيوله

لكن المشكلة سعره ليش متدني

73 فلس

 

[sawa7]

80 فلس عقده حاليا عند السهم

 

[رابح رابح]

مركز الجُمان ‏@Aljoman_Center 1h

"التأمينات" تخفض حصتها في"الامتياز" التي تراجعت نسبتها في "أجوان" الأسبوع الماضي
والتفاصيل على الرابط:
http://www.aljoman.net/FreeZone/ShowArticle.aspx?type=1&articleid=87468…

 

[السعد محمد]

ممكن نعرف ماذا تملك الشركة من اصول

 

[بوشيخة]

ايضاح من شركة مجموعة الامتياز الاستثمارية (الامتياز)يعلن سوق الكويت للاوراق المالية بانه ورد اليه كتاب من شركة مجموعة الامتياز الاستثمارية (الامتياز) نصه كالاتي:

تنفيذا لاحكام القانون رقم (7) لسنة 2010 بشأن انشاء هيئة اسواق المال وتنظيم نشاط الاوراق المالية والافصاح عن المعلومات الجوهرية والية الافصاح عنها .

نود افادتكم بان شركة مجموعة الامتياز الاستثمارية تجري حاليا مفاوضات مع احد المستثمرين لبيع ملكيتها في شركة الهندسة والتقنيات المتعددة والتي تبلغ 77,57% من رأس مال الشركة وان مبلغ الصفقة المتوقع 850,000 د.ك .

هذا وسوف نوافيكم لاحقا باية مستجدات بهذا الخصوص


الشركه صار لها فتره تتخارج من استثماراتها
بعدما توسعت بدأت بتقليص استثماراتها

 

[الراقي]

اغلاق زين .. وارتداد طيب .. المهم الحين ما نسكر تحت 74 مره ثانيه ..

اغلق اليوم تحت ٧٤ الظاهر يبي يشوفك شتسوي

 

[المختار بساط]

استثمارية» تكتشف تجاوزات تفوق قيمتها 200 مليون دينار | اقتصاد http://****/lQxBP5ZBEs

اللحين حقد علي الزبيد

 

[الراقي]

شخصين فقط ماخذين من الشركة ٢٠٠مليون دينار من صجهم
ترى ٢٠٠مليون مو خروف ضايع من البنغالي
وين البورصة وين البنك المركزي وين الرقابة وتبون الناس تستثمر في بورصة الكويت

 

[المختار بساط]

العب حلووووو مع كبار .... المشكلة مووووهين المشكلة لهئية ليش ما واقفت تتدوال الشركة مع الخبر

 

[Albaghdadi]

اغلق اليوم تحت ٧٤ الظاهر يبي يشوفك شتسوي

التاكيد بيومين هذا شرط من شروط الكسر ،،،،، ولكن عموما حتى لو سواها كل اللي راح يصير هو اعلان السلبيه بتحديد نقاط نزول تحت ، ولا عوده للايجابيه الا بالعوده فوق ٧٤ ،،،، يعني بالعربي اهو اللي يسوي مو انا

 

[نصوح]

بالنسبة للخبر هذا قديم وفي نفس الوقت ايجابي ( شلون )
نقول خبر قديم لأنه كان معلوما بأن هناك تجاوزات وأختلاسات من قبل
الادارة القديمة ، وحيث لم يتم تبرئة ذمتهم المالية في الجمعية العمومية
السابقة
والايجابية في الخبر أنه تم كشف هذه المبالغ التي تم الاستيلاء عليها
بغير وجه حق والاجراءات القانونية قد أخذت مجراها من مدة بقيادة
الادارة الحالية وفي حالة التمكن من أسترجاع هذه المبالغ ستتحول
الى أرباح ممتازة بشكل طيب وممتاز

نرجو قراءة الخبر بتمعن وليس الأخذ بالعناوين