سلطان دوخنا

[kuwaiti_7]

ياناس يامحللين فهمونا ترا ملينا يوم صاعد ويوم نازل قولولنا له صعده بالايام الجاية ولا راح ينزل تراا ايدينا على قلوبنا وملينااااااااااااااا

 

[Q8 Stock]

السلام عليكم

للاسف اخوي كل مؤشراته سلبيه
تنبئ بمزيد من النزول
الكمية اقل من المعدل
الماكد متقاطع مع متوسطه
RIS الى الاسفل وهو على النقطه 37.6

الدعم قبل الاخير كان 1420 وتم كسره
و اغلق اسفل منه 1400
متوجه الى نقطه سبق وان لامسها 1320
ولكن سرعان ما انطلق منها الى 2080
نحن الآن في الفتره الاخير من الربع الثالث
وفي انتظار اخبار ايجابيه عن ربحية السهم

لا أنصح بالبيع او الشراء

 

[كويتي 2005]

قلنالكم سهم سلطان فاااااااااااااااشل مثل جيزان

يبا لا تعور راسك
هذا سهم فاشل فاشل وراح يعور قلبنا اكثر واكثر
وينه هذا الي قالنا عنده خبر ان سلطان بصير 5 دنانير
محد امخرب على خلق الله الى اصحاب هل الاخبار الغلط والوعود الوهمية
الله يستر من باجر لا يروح اقل من 1,300

 

[Wise]

دعبور كفيت ووفيت بالتحليل نعم السهم كسر الدعم ومتجه الى 1320 والله اعلم .

 

[الكويت]

اخ دعبور
اعتقد كلامك فيه خطأ كبير


انت اتقول اغلق تحت 1400 !!!!!!!!!!!!!!!!!!!1

وين هذا الاغلاق ؟؟؟؟؟؟؟؟؟؟؟؟؟؟؟؟؟؟؟؟؟

اليوم الاغلاق هو 1400

وليس 1380

ارجو التأكد قبل وضع شارت مبين انه اغلق تحت 1400

يامشرفين ليش ماكو تعليق او تصحيح


كسر 1400 خطير مثل ما الكل متابع والاخ دعبور يقول بعد ان وضع شارت فيه خطأ كبير ان السهم اغلق تحت 1400 وهذا غير صحيح .
واذا انا غلطان ان ارجو التصحيح لي ولكم جزيل الشكر


اما بالنسبة للاخ صاحب الموضوع فانا اقول رائي والله اعلم


ان السهم يمر بمرحلة تجميع مع عملية تكتم شديد حول ارباح الربع الثالث ...، ولكن ومع تسرب ارباح الربع الثالث للمخازن وارتفاعها بشكل كبير فان من المتوقع كذلك ارتفاع ارباح سلطان لما له من دور رئيسي في عقود المخازن العملاقة والايام بيننا


والله اعلم



ليست دعوة للشراء او البيع

 

[Q8 Stock]

السلام عليكم

اخ الكويت
اغلق على 1400
اسفل الدعم 1420
واضح بالشارت ؟؟؟

الدعم قبل الاخير كان 1420 وتم كسره
و اغلق اسفل منه 1400
الجمله واضح عزيزي
1420تم كسره واغلق اسفل منه 1400

ليست دعوه للشراء او البيع

 

[كويتي 2005]

انا اقترح شكلوا وفد وروحوا زورو جمال السلطان وانشاء الله يجاوبكم عن سبب عدم الصعود وليش ما صار 5 دنانير مثل ما واعدونه بعض الناس
واكيد راح يعطيكم اخبار زينه ومطمئنه
بس انتوا روحوا زوروه بسوق شرق مكتبه وانشاء الله تسمعون الكلام الطيب


بس انا الحين صار عندي اطمئنان ان سلطان راح يطوف 5 دنانير ولا تسألوني ليش
اخف اقولكم ليش وبعدين تاكلوني بالحجي اذا ما تحقق السعر المطلوب
فخل نشوف الايام شنو تقول ولا تنسون الوفد والزيارة لجمال تره خوش قهوة عندهم بالمكتب

 

[ربحت]

انا اقترح شكلوا وفد وروحوا زورو جمال السلطان وانشاء الله يجاوبكم عن سبب عدم الصعود وليش ما صار 5 دنانير مثل ما واعدونه بعض الناس
واكيد راح يعطيكم اخبار زينه ومطمئنه
بس انتوا روحوا زوروه بسوق شرق مكتبه وانشاء الله تسمعون الكلام الطيب


بس انا الحين صار عندي اطمئنان ان سلطان راح يطوف 5 دنانير ولا تسألوني ليش
اخف اقولكم ليش وبعدين تاكلوني بالحجي اذا ما تحقق السعر المطلوب
فخل نشوف الايام شنو تقول ولا تنسون الوفد والزيارة لجمال تره خوش قهوة عندهم بالمكتب

شكلك ياشيطون نايم براسه..!!!!!

أنزين جربت القهوه الفرنسيه ألي عنده..؟؟؟؟

 

[الصـــــالح]

انا اقترح شكلوا وفد وروحوا زورو جمال السلطان وانشاء الله يجاوبكم عن سبب عدم الصعود وليش ما صار 5 دنانير مثل ما واعدونه بعض الناس
واكيد راح يعطيكم اخبار زينه ومطمئنه
بس انتوا روحوا زوروه بسوق شرق مكتبه وانشاء الله تسمعون الكلام الطيب


بس انا الحين صار عندي اطمئنان ان سلطان راح يطوف 5 دنانير ولا تسألوني ليش
اخف اقولكم ليش وبعدين تاكلوني بالحجي اذا ما تحقق السعر المطلوب
فخل نشوف الايام شنو تقول ولا تنسون الوفد والزيارة لجمال تره خوش قهوة عندهم بالمكتب

انزين اخوي ممكن تقولنا شلي سمعته ابمكتب جمال السلطان ؟انا ابروحي مندقر من السهم اروح مكتب الريال علشان اندقر ازياده ... قهوتهم مشروبه.... المشكله اني اليوم كنت على طريف اشوي وابيع سلطان لانه كل يوم بنازل...ممكن بس اطمنه لو على الخاص؟ ومشكور وماقصرت

 

[nasr 2]

تبي أستثمار سلطان مو مضارب وكل يوم تصيح نزل ولا صعد أنسه السهم

وروح نام والوعد جدام ولا تسال ليش أستثمار أستثمار

 

[عبدالله2]

تبي أستثمار سلطان مو مضارب وكل يوم تصيح نزل ولا صعد أنسه السهم

وروح نام والوعد جدام ولا تسال ليش أستثمار أستثمار

انت 100%

 

[كويتي 2005]

يبا خلكم شجعان وروحوا حق اعضاء مجلس ادارة سلطان وسألوهم ودشو بخشومهم
جذي راح تكونون على بينه وتكونون بمامن من الإشاعات وأبواق المحافظ

الصبر زين ، بس هم ضياع الفرصة وعدم إستغلالها شي مو زين
الصبر عن بينة زين ، والصبر عن وهم مو زين
عاد انتوا نبشوا بالمعلومات السرية الي في جيب أعضاء مجلس الإدارة علشان اتعرفون الصبر زين او لا

 

[العمـــــــــدة]

سلطان هذا سهمي المفضل بدون منازع ... ولكن للأسف خيب ظني فيه

وقطع حبل الود بيننا موقنا طبعا ؟

أنا كنت شاري على 1880 من شهر 5 ... و كمية لا بأس بها ولكن

خثني مخثه و جمدني ... الا أن بعته بخساره كبيره و الله

وحولت على كم سهم ثاني ... يعني عوضنا شي بسيط من الخساره

وقاعد أشتغل .... بس على شان أعوض راس مالي 8000 خساره

و الله كريم يا سليطين ... ما كان العشم

نصيحه أخويه ....

بيع سلطان وحول على أسهم لها أنطلاقه جديده ... و أركب الموجه مع السوق و لا تخلي القطار المندفع يطوفك ...

وبعدين أرجع الى الحبيب الأولي سلطان

 

[knpcMAA]

دعبور كفيت ووفيت بالتحليل نعم السهم كسر الدعم ومتجه الى 1320 والله اعلم .

السلام عليكم ..

صج السهم كسر بقوة الدعم 1.400 ..

بدون اي خبر سلبي علي السهم وبدون داعي .. المخرج عاوز كده ..


الله يستر من اللياي .

 

[nasr 2]

أخي الكريم روح أي بنك وأحط المبلغ 14000 ألف دينار كم راح يعطيك أخر السنه


وحط المبلغ نفسه على سلطان وشوف الربح أنشاءالله أخر السنه وشوف الفرق

 

[careful_invest]

شرايكم يا اخوان..وين رايح سلطان..هل تتوقعون المزيد من النزول؟؟ المعلوم ان سلطان سهم استثماري من الطراز الأول..وحلاته تخمط لك كمية الحين.. ولا ننطر بعد شوية؟؟..

 

[الصـــــالح]

والله يااخوي انا عن نفسي خمطت امس الكميه وجاني استعيلت شكله يبي ينزل اكثر من جذي سهم المخازن افضل منه ابوايد...عسا المحللين يفيدونه عن هالسهم

 

[كويتي 2005]

الله يعين حملة سهم مركز سلطان
الله يرزقهم الصبر والسلوان على النزول المروع لسهم سلطان اليوم وهو نهاية الأسبوع
الله يعوضهم عن تصديقهم لإشاعات العقود والإرتفاع الموهوم
الله يسامح أصحاب الوعود الوهمية

وبالختام الله يعوض علينا كلنا

بس هم يمكن بعطلة نهاية الأسبوع يصير شي يغير اتجاه السهم
ويمكن يكون يوم السبت انطلاقة للسهم نحو 5 دنانير
واختم مداخلتي بهذا الشعر الي امصبرني على السهم :

وكم لله من لطف خفي يدق خفاه عق فهم الذكي
وكم يسر اتا من بعد عسر ففرج كرب القلب الشجي
وكم امر تساء به صباحا فتاتيك المسرة بالعشي
اذا ما ضاقت بك الأحوال يوما فثق بالواحد الفرد العلي
تأسى بالنبي في كل خطب يهون إذا تأسي بالنبي
فلا تجزع إذا ما ناب خطب فكم لله من لطف خفي .

فما ندري يمكن اكو اسرار ما يعلم فيها إلى الله ، راح اتخلي هل السهم يصير حديث السوق بسبب صعوده ، وانا صراحة كنت خسران نص راس مالي ، وشريت سلطان وربحني 50% فوق راس مالي ، بس الكلام اهو ننتظر الصعود بو 5 دنانير ، فقط لا غير
تمسكوا بالأمل لأن السهم تشغيلي وما ينخاف منه

وإذا احد عنده معلومة يديده يعطينه ، وإذا اكو سر حول نزول السهم اليوم قولولنا ، بس حسب ما فهمت ان سبب النزول هو اكو خبر دسم عن قريب كما هو عادة إرهاصات الأخبار الحلوه لأسهم الجناعات

 

[saja]

خبر قوي

وصلني خبر عن عقد قوي لمركز سلطان راح يعلن عنه خلال الايام المقبله

و الله اعلم

 

[كويتي 2005]

يا اخ سجا دقق بكلامي وقولنا الصج

تره انا ساعات اشوف حملة سهم سلطان محبطين كلش فأحاول رفع معنوياتهم واكتب مداخلات ترفع المعنويات وساعات أألف قصص تفاؤلية عن سلطان بس من غير ما أذكر ان اكو خبر او عقد علشان لا تصير اشاعة او كذب .

فإنت يا سجا هل صج سامع خبر ولا هم ودك ترفع معنوياتك ومعنوياتنه .

يعني اذا صج فيه خبر حلو جذي ، ممكن تعطينه تفاصيله او تتأكد من المصدر بارك الله فيك .
انا من ناحيتي راح استفسر من بعض مخابرات البورصة ( هذي مخابرات يديدة شغلها اتشمشم الأخبار السرية الي متكتمين عليها المحافظ واعضاء مجلس الإدارات في الشركات ) وهم نتأكد في خبر حلو بالأفق عن سلطان ولا هم اشاعة