اكتتاب يجيب الاكتئاب !!!!!!!!!

الموضوع في 'السوق الكويتي للأوراق الماليه' بواسطة الأميير, بتاريخ ‏29 سبتمبر 2005.

  1. الأميير

    الأميير عضو جديد

    التسجيل:
    ‏13 أغسطس 2005
    المشاركات:
    79
    عدد الإعجابات:
    0
    .......لواستقبلت من أمري ماذهبت أكتتب ولكن قدر الله وماشاء فعل........
    اخواني في المنتدى هذه قصتي مع اكتتاب دانه غاز أسردها عليكم ( فالسعيد من وعظ بغيره ، والشقي من وعظ به )
    بداية المعاناة كانت عن طريق نموج الاكتتاب ، دخلت على موقع الشركة على الانترنت ، وكلما ذهبت على رابط نموذج الاكتتاب ماتفتح الصفحه -- مع العلم أنني كنت أذهب الى محل سرعة التصفح عنده عاليه -- واستمريت على هذا الوضع يومين ، وفي المرة الأخيره وجدت شخصا قال لي اذا تبي تفتح الصفحه ادخل الصبح الساعه 5 وادخل على النوذج الانجليزي ترى العربي ما يفتح وياك، قلت في نفسي أجي قبل صلاة الفجر وفعلا ذهبت الساعة3،5 وفتحت الصفحه وسحبت النموذج باللغة الانجليزيه ، الشاهد أن رحلتي كانت في نفس هذا اليوم الساعة 10 مساءا ، وصلت الى دبي الساعة الواحدة بعد منتصف الليل ، دورت في محلات تأجير السيارات في المطار على سياره ما لقيت ولا سياره الا محل واحد قال عندك بطاقة فيزا قلت نعم عطيته البطاقه قال هذا فيزا الكترون ماتنفع ( أثر فيزا الكترون غير الفيزا العالميه ،قاص علينا بيت التمويل) أخذت تاكسي قلت له أقرب فندق ، قال بابا مافيه ، قلت ماعندك سالفه ديرة كبيره مثل دبي ما فيها فندق فاضي ، ذهبت الى فنادق كثيره في دبي تصدقون فعلا ما لقيت فندق فاضي ، قلت اذهب الى الشارقه ، أيضا مالقيت ، قلت اذهب الى عجمان ، أيضا مالقيت (تصوروا لا يوجد ولافندق لا 5 نجوم ولاحتى نجمه واحده)، قلت طيب ودني حق أي مسجد ، ما وجدت أي مسجد مفتوح ، قلت تدري شلون ردني للمطار وكانت الساعه 3 ، وجدت مصلى صغير جدا ، حطيت راسي ما نمت من الازعاج ، صليت الفجر بعدها حطيت راسي مره ثانيه الساعه 5 وقمت الساعه7 ما أدري نمت ولا لا ، قلت الحين أذهب للاكتئاب _ عفوا الاكتتاب _ أول خطوه استأجرت سياره بعدها الى مركز فردان لأصرف الشيك ، وكان الطريق زحمه جدا ، مصرف فردان لم يصرف لي المبلغ كاش ، انما أعطاني شيك موجه الى بنك المشرق ، ذهبت الى بنك المشرق الرئيسي ، وكان فيه زحمه شديده ، مسكت الدور ، لما جاء دوري قالوا لي شيكك هذا تصرفه من فرعنا في خور دبي ، ولي وين خور دبي هذا _ تراني أول مره أذهب الى دبي _، افتريت ،، ما أدري شلون طحت على فرعهم هذا ، الحين وين ألقى مصفط للسياره ، وبتوفيق من الله لقيت مصفط ، قال لي صاحب محل مجاور ترى يخالفونك ، قلت ما يهم ، أهم شي اني طحت على بنك المشرق ، دخلت على البنك صرفت الشيك ، قلت أبي شيك مصدق قال مانسوي ، اذهب الى بنك الامارات بجانبنا ، ذهبت الى بنك الامارات ، قالوا لي اذا ماعندك احساب ما نعطيك ، روح حق مصرف الأنصاري يعطونك ، ذهبت الى مصرف الأنصاري بجانب بنك الامارات ، قال لي الأنصاري روح حق فرعنا الرئيسي تراه اقريب ، رحت للرئيسي مشي -أمحق قريب ، انهد حيلي وأنا أمشي - وصلت للأنصاري بعد معاناة ، لما وصلت لقيت زحمه وبعد قالوا خلاص سكرنا تعالوا العصر ، طفح الكيل عندي ، قلت أقرب طياره للكويت ،هذه مسخره وضحك على الذقون ما يبون أحد يكتتب معاهم _ زين ليش قلتوا مسموح للخليجيين يكتتبون ، ما أبي الاكتتاب هذا ، في الطريق للمطار كنت مرهق جدا ، دورت مجمع تجاري ضخم أذهب للمصلى فيه أنام شوي يمكن أريح من المطار ، دخلت للمصلى صليت الظهر والعصر جمعا وقصرا ، بعد ما صليت لقيت فيه ناس أتوا بعدي يصلون على عكس قبلتي _ أثرني من التعب صليت عكس القبله _ عدت صلاتي عن الشكه وبعدين حطيت راسي أبي أقيل ما نمت لأسباب منها اني حاط فلوسي 160 ألف في السياره ومحاتي لا تنسرق ، استرخيت شوي ، وبعدين رحت المطار ، قالوا فيه طياره الساعه8 طرت من الفرح ، قلت خلاص أبي أرجع السياره المستأجره وقبلها أبي أحول الفلوس اللي معاي ، عن طريق فردان ، رحت لفردان سويت شيك مصدق بالمبلغ ، وبعدين رحت لمحل السياره , قلت لصاحب المحل_عراقي الجنسيه_ ودوني للمطار تراني معبي السياره بانزين وما استعملتها الا 7 ساعات على الأقل ، من النذاله رفض وقال لي اخذ تاكسي ، أخذت تاكسي ، السائق يمني ، قلت له معاناتي مع الاكتئاب _عفوا الاكتتاب_ قال حرام عليك تخسرت وخليت ديرتك وآخر شيء ترجع وأنت ما اكتتبت ، استخير واجلس لبكره ان شاء الله تكتتب ، وصلت المطار جلست شوي لقيت شاب كويتي قال أنا اكتتبت ،قلت شلون ؟من عطاك شيك مصدق ؟قال بنك ينقاله بنك الاتحاد الوطني ، وبعدين سولفت مع واحد سعودي عن الاكتتاب _ حديث الساعه_وقلت له ما اكتتبت وأبي أرجع للكويت ما في اذني ماي ، قال حرام عليك متغرب ومتعني وآخر شي ماتكتتب , استخير واقعد الليله ، ان شاء الله تكتتب ، وافق كلامه كلام صاحب التاكسي ، قلت وين أنام ما فيه فنادق فاضيه ، قال اذهب الى محلات في المطار عندها فنادق ، رحت للمحلات هذه , وبعد ما افتريت فيها ياالله طحت على واحد عنده غرفه ، تصوروا أخذتها ب1335 درهم ما يعادل 110 دنانير لليله الواحده _ملاحظه فندق 4نجوم !!!!_ لما وصلت للفندق حطيت راسي من التعب على طول نمت ، قمت الصبح بدري رحت أول شيء لفردان ، أكنسل الشيك اللي سوته البارحه ، قلت للموظف الله يرحم والديك عطني المبلغ كاش لاتحولني للمشرق ولا للمغرب ، كسرت خاطره عطاني المبلغ كاش ، بعدين على كلام الشاب الكويتي اللي في المطار رحت حق بنك الاتحاد علشان يعطيني شيك مصدق وبالمره أكتتب عنده ، رحت للاتحاد قالوا كنسلنا الشيكات المصدقه ، قلت البارحه كنتم تعطون شيكات ، قالوا البارح غير واليوم غير ، جائتنا تعليمات من الاداره بالالغاء ، لقيت واحد في البنك معاه شيك من بنك دبي الدولي ، رحت للبنك قالوا مانعطيك شيك الا اذا كان لك حساب عندنا _مثل كلام بنك الامارات _ قلت افتحوا لي حساب ، قالوا لي لازم تجيب خطاب من بنكك في الكويت مع كشف حساب لآخر ثلاثة شهور_ شوفوا الشروط التعجيزيه _ ، قال لي الموظف روح حق بنك أبوظبي التجاري في منطقه ثانيه بتاكسي تراه بعيد ، لما طلعت من بنك دبي ، لقيت قدامي بنك أبوظبي الوطني ، قلت أبوظبي الوطني ولد عم أبو ظبي التجاري ،خلني أروح له ، فعلا ذهبت له ، قلت تعطوني شيك مصدق ، قالوا نعطيك بس الشيك ب300 درهم ، قلت لو تبون 3 الاف أعطيكم بس خلصوني ، عطوني الشيكات ، ذهبت لبنك الاتحاد بحكم القرب ، مسكت دور ،لما جاني الدور قال لي الموظف عطني نموذج الاكتتاب عطيته النموذج اللي ساحبه من الانترنت ، قال هذا ما ينفع ، نبي نموذج بخط اليد _ تخلف_ عبيت النموذج وعطيته ،ختم عليه ، وأنا ماني مصدق اني خلصت ، بغيت أبجي من الوناسه ، توته توته انتهت الحتوته............................
    اخواني تمسخرت آخر مسخره صرت أستعطف الهنود والأجانب بعد العز،
    في أسوا الظروف لما خرجنا من الكويت أثناء الغزو ما تمسخرنا هذه المسخره ، بل على العكس في السعوديه فتحت لنا الفنادق والبيوت وقبلها القلوب ، وما نمنا في الشوارع .....................
    اخواني في المنتدى ، والله قد وجدت الشياب والنساء يبون يكتتبون يترزقون الله ، من يتحمل معاناة هؤلاء................
    ليش ماخلوا الخليجيين يكتتبون في ديرتهم عن طريق بنوكهم _ ماهي الصعوبة في ذلك_، لكن القصد والله أعلم بالصواب أن المقصد من ذلك هو تنفيع التجار وأصحاب الفنادق والتكاسي وهذا الذي ما حصل، لو كل مكتتب أنفق 1500 دهم،،،،،،،،،،،،،،،،،،
    1500* كل مكتتب= مبلغ خيالي،،،،،،،،،،،،،،،،،،،،،،
    آآآآآآآآآآآسف على الاطاله ، لكن هذا من حر ما أجد!!!!!!!
     
  2. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    الله الله الله يكون بعووونك :(


    بس الحمدالله انك طلعت بنتيجة
     
  3. falah

    falah عضو جديد

    التسجيل:
    ‏12 أغسطس 2005
    المشاركات:
    199
    عدد الإعجابات:
    0
    من طلب العلا سهر الليالي
     
  4. الزايرالفيلكاوي

    الزايرالفيلكاوي عضو جديد

    التسجيل:
    ‏7 يوليو 2005
    المشاركات:
    517
    عدد الإعجابات:
    0
    ياخوك والله كسرت خاطري وعسى الله يعوضك خير
    عقب هالمعاناه ..... تصدق اني كنت مفكر اروح بس
    ياابن الحلال خلنا على اكتتاباتنا اللي بالكويت وايد
    احسن ......................................................
     
  5. عندك سلف

    عندك سلف عضو مميز

    التسجيل:
    ‏27 نوفمبر 2004
    المشاركات:
    3,243
    عدد الإعجابات:
    2,075
    مكان الإقامة:
    ضاحية عبدالله السالم
    اشهد انك مثابر ... كل هذا وما يأست ما شاء الله عليك.... مثابر حتى في سردك للقصة ... اشكرك على الابتسامة الي رسمتها على وجهي وانا اقرأ قصتك... :)
     
  6. مرسى

    مرسى عضو جديد

    التسجيل:
    ‏20 أغسطس 2005
    المشاركات:
    177
    عدد الإعجابات:
    0
    الله يحفظ آل الصباح ويطول عمر الامير
     
  7. showbiz

    showbiz عضو نشط

    التسجيل:
    ‏26 سبتمبر 2005
    المشاركات:
    401
    عدد الإعجابات:
    0
    مكان الإقامة:
    دولــة الكـــــــويت
    اخونا الحبيب

    اولا :

    ارجو ان تتقبل كلامي بصدر رحب ، وكلامي مو تهجم عليك وانقاص من قدرك لكن لانك كتبت كلام عن الامارات لا يصح ان تقولة وشفت ان بعض الاخوان يتجابون معاك على الغلط .

    ثانيا:
    اشكرك على كتابتك للتجربة اللي مريت فيها وهذه اول مرة اقرا تجربته عن اكتتاب دانة غاز

    ثالثا

    انت رحت علشان تربح وتضاعف فلوسك ليش تتكلم جذي عن الامارات بهذه الصورة المشينة ، علما بانهم سمحوا لك ولغيرك بالاستفادة ، واذا كانوا ما يبون الناس يكتتبون يخلونها بس حق الاماراتيين ومحد راح يقولهم ليش انت توقعت انك رايح تربح وتستفيد ويستقبلونك بالورود ويفرشون لك سجاد احمر ، كان لازم تتوقع اكتتاب مثل هذا راح يكون علية اقبال غير طبيعي وراح تتعب فيه ومثلك مثل الالاف السعوديين اللي ينامون بالحدائق هناك
    واعتقد اي دولة تسوي اكتتاب بهذه الطريقة راح تسوي جذي تخلي البلد واهل البلد يستفيدون منه ، وعن الاكتتاب بالكويت فاعتقد ان البنوك الكويتية ما راح تسوي هذا الاكتتاب بدون مقابل وهذا اللي وفرته الامارت على نفسها


    اخيرا
    قول الحمد لله انك اكتتبت ، ترى غيرك ما حصل ولا سهم ومثل ما راح رجع وجزا الامارت واهلها كل خير اللي استقبلت كل هذه الناس .
     
  8. الأميير

    الأميير عضو جديد

    التسجيل:
    ‏13 أغسطس 2005
    المشاركات:
    79
    عدد الإعجابات:
    0
    الأخ شوبيز .........
    أنا لما ذكرت ما ذكرت ، ذكرته من واقع تجربه عمليه ، وأنت لو كنت مكاني ماذا تقول ؟؟؟؟
    أخي عفوا أنا ما ألوم الشعب الامراتي ، فحاله كحالي ، وليس له من الأمر شيء ، أنا ألوم متخذي القرار ، وخاصة الاقتصاديين منهم ، لما رأوا الأمور بتلك الصعوبة ، عليهم أن يكونوا مرنين أكثر ، ويسهلون على الناس .....
    قرأت قصيدة جاءت بمختصر مفيد .........كأنه يصف حالي
    الله يغني الناس عن دانة الغاز
    والبعدعن بعض المغازي غنيمه
    والله لوانك عندشيمون موفاز
    تعيش باسرائيل عيشه كريمة
    وأنا أحمدالله رحت ماني بمعتاز
    أشوف دارن في عيوني عظيمه
    لكن لقيت الذل في بحرالاعجاز
    وماللخليجي في الأمارات قيمه
    ..............................................للشا عرالحربي....................
     
  9. فارس العنزي

    فارس العنزي عضو جديد

    التسجيل:
    ‏15 سبتمبر 2004
    المشاركات:
    1,240
    عدد الإعجابات:
    0
    مكان الإقامة:
    الكويت
    إليكم هذا الكاريكاتير من صحيفة الرياض السعودية
     

    الملفات المرفقة:

  10. السهم الماسى

    السهم الماسى عضو جديد

    التسجيل:
    ‏26 أغسطس 2005
    المشاركات:
    43
    عدد الإعجابات:
    0
    واللة انك تعجبنى سبع بس لو انا مكانك ما اروح بروحى ادورلى واحد من الربع شقردى يخاوينى بس انا اللى قاهرنى راعى المحل العراقى رادلة السيارة البنزين فل يمعود لو ماخذ فيهم عبرية ابرك :d
     
  11. thunder

    thunder عضو جديد

    التسجيل:
    ‏22 يونيو 2005
    المشاركات:
    280
    عدد الإعجابات:
    0
    اخي شوبيز

    اخي شوبيز..تحياتي ،تري الريال ماقال شيئ عن الامارات،واذاافترضنا انه قال :اشفيها ؟؟كااحنااهني يوميا ننتقد حكومتنا وبكل قسوة،حسنا فعل الرجل عندما تكلم عن الغلط،حتي ثاني مرة لايبهدلون الناس ،ولا انت من انصار السكوت عن الخطأ ؟؟؟
     
  12. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,133
    عدد الإعجابات:
    15
    مكان الإقامة:
    طبعا الكويت
    :)

    بصراحه انا اؤيد كلام الاخ في بعض النقاط واخالفه بنقاط اخرى

    بالنسبة للامارات ما قصروا افتحوا المجال لكن كان فيه مجال يكون الترتيب عن طريق فتح باب الاكتتاب كلن بديرته مو صعبه

    واؤيده بموضوع رفع الاسعار فهالشي حرام حرام حرام من المفترض على الحكومه الاماراتيه تقوم بعمل رقابة على رفع الاسعار اللي ما صارت بتاريخ الامارات كلها
    وعموما مادري ليش حاس انه فيه مفاجئة بهالاكتتاب ؟؟؟؟؟؟؟؟؟؟؟؟؟؟؟

    يا فوووق او ان شالله ما يصير تحححت
     
  13. Q8_FAHAD

    Q8_FAHAD عضو جديد

    التسجيل:
    ‏9 يوليو 2005
    المشاركات:
    211
    عدد الإعجابات:
    0
    السلام عليكم ورحمة الله وبركاته

    الي اخوي الامير اشهد انك تبهذلت صج
    وكلامك صج اميه بالميه الي راح تبهذل اكتتاب كل ساعه قرار شهالكتتاب لو مكتتب ابقاله بخيطان ابركلك يامعود هذيل وراهم قصد مايبون احد يكتتب معاهم السالفه فيها قمنده

    واخونا شوبيز اخونا الامير قال الي شافه ماغلط على الشعب ولا الحكومه الاماراتيه رد اقرا الي قاله خاف انت مضيع الامير قال شي اهون من الي سمعناه عن الاكتتاب بدبي

    وشكرا
     
  14. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    أشهد إنّك راعي طويله..!!
     
  15. showbiz

    showbiz عضو نشط

    التسجيل:
    ‏26 سبتمبر 2005
    المشاركات:
    401
    عدد الإعجابات:
    0
    مكان الإقامة:
    دولــة الكـــــــويت
    يا جماعة الخير انا كلامي واضح وقصدي واضح

    اللي يبي العسل ما يخاف من لدغ النحل

    يعني انت لازم تتوقع الزحمة والدوخه هذه ، لان هذا شئ طبيعي نظرا للاقبال الشديد على الاكتتاب تخيل شعوب ست دول خليجية لهم حق الاكتتاب والشركة راح تدرج في البورصة بعد ثلاث شهور ، يعني اللي معاه 10 الاف دينار اليوم بعد ثلاث شهور اقل شئ بيصيرون 30 الف دينار

    ( هذا اذا السهم صار سعره 3 دراهم بس )


    وانا اتكلم كلام واقعي ومنطقي ، تبي الناس اللي سوا الاكتتاب مايربحون من الفنادق وغيرها اللي يملكونها في ديرتهم .................. ما يصير
     
  16. المقرود

    المقرود عضو نشط

    التسجيل:
    ‏8 نوفمبر 2004
    المشاركات:
    825
    عدد الإعجابات:
    4
    تجربتي لا تختلف عن تجربتك كثيرا ، وقد وصلت من هناك بالسلامة ولله الحمد أمس بالليل ، إلا أن الفرق إني رجعت دون أن أكتتب ، والحمدلله إن الاكتتاب ماكان اهو السبب الرئيسي للرحلة وإنما زيارة معرض جيتكس للكمبيوتر وهذا ما تم ، والاكتتاب شي إضافي

    بالنسبة للاكتتاب الشروط تعجيزية وصعبة ، وأنا رحت بنك الاتحاد زحمة مو طبيعية قالوا لي ناخذ رسوم 1000 درهم عشان الشيك ، ولازم تنطر ساعتين ، قلت لهم خلاص مابي

    ونفس المشكلة للسكن ، مالقيت ولا فندق بدبي ولا الشارقة ، أجرت سيارة وأخذت أحوس فيها من إمارة لي إمارة لما صارت الساعة 2 بالليل ، رحت سفطت مقابل مسجد ، وحيث أن المساجد مقفلة ، اضررت إني أنام داخل السيارة وكان الجو رطوبة شديدة

    أتوقع عقب الزحام هذا إن الواحد ما يطلع له أكثر من 100 سهم .
     
  17. الأميير

    الأميير عضو جديد

    التسجيل:
    ‏13 أغسطس 2005
    المشاركات:
    79
    عدد الإعجابات:
    0
    البنوك الامارتية واكبر عملية نصب اكتتاب دانة غاز

    --------------------------------------------------------------------------------

    هذا درس لوزارة المالية السعودية

    لقد دخل الامارات في هذا الاكتتاب 100 مليار ريال من جميع الدول الخليجية
    لقد طالب الخبراء الاقتصاديين الدولة السعودية ببيع جزء من حصصها لكي يشفط السيولة المتواجدة ولاكن اصحاب المصالح سوف تذهب عليهم مصالحهم ولا يهمهم البلد في ستين داهية؟؟؟؟؟؟؟؟

    من عمليات النصب التي حصلت للسعودين والخليجيين

    1- اصدار الشيك رفع من 15 درهم الى 500 درهم
    2- فتح حساب 50000 الف
    3- بيع النموذج
    4- ترك السيولة لمدة حتي يستفيدون من الفوائد اقل شي 200 مليون
    5-رفع قيمة الوسيط والعمولة
    6- عدم قبول الشيكات السعودية

    صفعة كبيرة للقائمين على الاستثمار السعودي
    موظف بالثانوية والواسطة حطتة كبير الاقتصاديين ؟؟؟؟ عجبي عليك يابلد

    وبكرة بتشوف عجب من الامارات لان الي فيها خبرات نصب يعرفون يشغلون البلد


    منقول
     
  18. أحمـــــــد

    أحمـــــــد عضو نشط

    التسجيل:
    ‏12 أغسطس 2005
    المشاركات:
    1,310
    عدد الإعجابات:
    5
    الله يعينك

    بس الحمدلله أنك أكتتبت

    وعسى الله يرزقك خير يارب
     
  19. Next_Kw

    Next_Kw عضو نشط

    التسجيل:
    ‏17 يوليو 2004
    المشاركات:
    175
    عدد الإعجابات:
    0
    الأميير/
    قصتك مشابهه لقصة اثنين من اخواني راحو مع ربعهم بس بسياره راحو الإثنين وردوا امس الجمعه ، وصلوا الامارات الثلاثاء وصارت لهم نفس مأساتك مع البنوك ، والمشكله انهم بعد لفوا دبي وابو ظبي يبون سكن ولا حصلوا وناموا بالسياره يعني تمصخروا وما حصلوا سكن الا يوم الاربعاء المغرب وبالموت ،، وخلصوا من الاكتتاب يوم الخميس نهاية الدوام ..

    ولما اتصلت عليهم واسأل عن اخبارهم والله كان ردهم نفس ردك ،، قالوا المصخره هذه حصلت ويانا مرتين ،، المره هذه ومره ايام الغزو وقالوا ايام الغزو حصلنا سكن نسكن ونام . اما الاكتتاب هذا كانت نومتهم بالسياره.

    والله يعين انشاءالله الجميع .
     
  20. الجبل الصامد

    الجبل الصامد عضو جديد

    التسجيل:
    ‏29 يونيو 2005
    المشاركات:
    84
    عدد الإعجابات:
    0
    الله يجزاك خير .... خليتني اضحك هذا الصباح مع العلم ان اليوم هو السبت ولكنني ضحكت .
    اولا من القصة المضحكة المبكية في نفس الوقت الله يعينك (لاتتعودها)
    ثانيا كانت الامارات يضرب بها المثل بالنظام والقرارات ولكن من اول تجربة انفضحت وانكشفت وانها لاهناك لانظام ولاقرارات بل فوضة بفوضة وذلك ان المكتتبين خليجيين واصحاب البنوك والموظفين جميعا اجانب لذلك يستقلون والدليل التلاعب الذي حصل قبل مدة في بنك ابوظبي الاسلامي(اردني+فلسطيني)مليارات.
    بكل صراحة ظلمنا بنوكنا والاكتتابات التي عندنا .
    واقول وبكل صراحة هذة حادثة الاخ/الامبيير ليست الاولي بل هناك احداث كثيرة وكثيرة وكثيرة.