الخيارات

[مرسى]

في سايت غير سايت البورصه لمتابعة اسعار وصفقات الأوبشن
لأن سايت البورصه صارله يومين ماجدر أدش على صفحة الخيارات
اسعار وصفقات
اللي يعرف يدلنا مشكورا
(سايت البورصه اخرطي )

 

[Q8 Stock]

السلام عليكم

جرب
http://www.kuwaitse.com/Market/optiontblA.aspx
و
http://www.kuwaitse.com/Market/optionobookA.aspx

وجرب
http://www.kse.com.kw/Market/optiontblA.aspx
و
http://www.kse.com.kw/Market/optionobookA.aspx

وان شاء الله
يشتغل عندك

 

[مرسى]

مشكور

 

[مرسى]

الأخ دعبور اللينك اللي حاطهم اليوم مايشتغلون
بورصه اخرطي
ولا يستحون وجوه مغسوله .................................

 

[مرسى]

مافي سايت غير البورصه نقدر نتابع فيه اسعار وصفقات
الاوبشن .
ليش الاوسط مايعرض الاسعار والصفقات .
الاوبشن ادات مهمه للتداول لبعض المتداولين .
انا يأست من اللي ما يستحون بالبورصه ما منهم فود
الاوسط اون لاين ليش من يوم ما نزل الاوبشن ما يعرضه على السايت
انا واحد مشترك وياهم , وهذا حاله من حال التداول الكاش والاجل مايصير
يحرمون الناس من المعلومه ويضيعون الفرص علينا بيع او شراء .
والدلال مو فاضي يجولك كل اسعار الاوبشن لكل سلعه 7 اسعار عليك الحساب
ما ينلام اذا رفض .
اداره البورصه من فوق لي تحت اخرطي .

 

[sprite]

الأخ مرسى

يا ليت لو تعطينا فكرة و شرح عن نظام الخيارات الاوبشن .

و شكرا جزيلا ,,,

 

[نقوشي]

مافي سايت غير البورصه نقدر نتابع فيه اسعار وصفقات
الاوبشن .
ليش الاوسط مايعرض الاسعار والصفقات .
الاوبشن ادات مهمه للتداول لبعض المتداولين .
انا يأست من اللي ما يستحون بالبورصه ما منهم فود
الاوسط اون لاين ليش من يوم ما نزل الاوبشن ما يعرضه على السايت
انا واحد مشترك وياهم , وهذا حاله من حال التداول الكاش والاجل مايصير
يحرمون الناس من المعلومه ويضيعون الفرص علينا بيع او شراء .
والدلال مو فاضي يجولك كل اسعار الاوبشن لكل سلعه 7 اسعار عليك الحساب
ما ينلام اذا رفض .
اداره البورصه من فوق لي تحت اخرطي .

الاوبشن ... غير موجود في الاوسط برو لاشراء ولا مشاهدة أسعار

 

[مرسى]

الأخ مرسى

يا ليت لو تعطينا فكرة و شرح عن نظام الخيارات الاوبشن .

و شكرا جزيلا ,,,

اولا الاوبش اكثر ادوات التداول خطوره واكثرها عائد على المبلغ المستثمر
مثال شريت حق الشراء لسهم المال ع بسعر استحقاق460 كميه 10000 سهم تدفع بريميم ( فرق الاغلاق السوق بسعر 455 )
18 فلس لمده شهر (وكل ما تطول المده الفرق المدفوع يرتفع والعكس صحيح )
وانت غير ملزم بالكميه محل العقد انك تشتريها اذا نزل السعر عن 480
( 18 + 460 = 480 مع الدلاله )
نفترض السهم وصل خلال المده المتعاقده الى 480 وفيه بالعقد مده متبقيه
اكثر من عشره ايام و معدل التداول اليوم كان 480
فان السعر 18 فلس للسهم يرتفع الى 32 فلس للالف سهم
320 دينار يشتري منك صانع السوق بعد اغلاق السوق لل 10000
سهم محل التعاقد 180 - 320 انت ربحان 140 دينار من غير الدلاله
تقريبا 128 صافي نسبه عاليه جدا للربح
وممكن السهم ينزل وتخسر اللي دفعته ولكن غير ملزم بشراء السهم
هذا للمضارب .
المستثمر اللي تنقصه السيوله عند خبر عن سهم انه بيرتفع ولكن مافي فلوس هل الاسبوع تغطي شراء 10000 سهم 4600 د ك
يشتري حق الشراء ويكون ضمن ان السهم يكون عنده عند التحرك
ويتدبر امر المبلغ اللي يحتاجه من بيع استثمار آخر اخذ حاصله بالصعود
ويستدخل السهم اللي اخذه اوبشن بعد مايرتفع اعلى من السعر التكلفه
ادري بتجولون دوخه ما فهمنا شيجول
الاوبشن ليس للكل ولكن لا يمنع انك تشوف واحد احسن مني يشرحلك
يبيله جعده وورقه وقلم وحساب وقلب ما يتعب و5 % من فلوسك تشتغل
فيهم اوبشن وليس اكثر وله صرت تلعب قمار

 

[sprite]

تحملني شوي

صدقني ما في أحد راح يشرح لي أفضل منك

خلنا على المثال اللي طرحتة عن سهم المال ع :

لو إفترضنا أن سعر السهم 460 الوحدة ب 10000 سهم .
- كم سعر شراء الوحدة عن طريق الأوبشن ؟
- ما هي المدة المحددة للعقد .. شهر شهرين أكثر ؟
- سعر تفسخ السهم على نفس السهم كمثال ؟

مشكور مرة ثانية ,,,

 

[sprite]

مو جنة أسئلتي بواد و طريقة نظام الاوبشن بوادي ثاني .

س: إذا بغيت أشتري وحدة بالسهم على سعر 460 هل أدفع 1000 دينار مثلا
بدلا من 4600 ؟
أم أشتري الوحدة مقابل دفع البريميم فقط و الباقي بعدين ؟

و هل الشراء يتم حسب أسعار الإقفال أم من خلال أوقات التداول ؟

 

[مرسى]

مو جنة أسئلتي بواد و طريقة نظام الاوبشن بوادي ثاني .

س: إذا بغيت أشتري وحدة بالسهم على سعر 460 هل أدفع 1000 دينار مثلا
بدلا من 4600 ؟
أم أشتري الوحدة مقابل دفع البريميم فقط و الباقي بعدين ؟

و هل الشراء يتم حسب أسعار الإقفال أم من خلال أوقات التداول ؟

الوحده بالاوبشن 1000 سهم مضاعفه الى 100000 سهم للعقد
سعر الاغلاق 460 وسعر التعاقد 460 تدفع الريميوم فقط
لعشر وحات وتكون 10000 سهم يكون مثلا البريموم 30 فلس
تدفع عند الشراء 300 غير الدلاله والبون بسيطه
وقيمه البريميم فوق السعر تحدد حسب معدل السعر اثناء التداول الصباحي
ويزيد عليه الباقي على العقد كلما زادت المده زادت القيمه المضافه
مرات تلقا السهم نازل اليوم عن امس بس العقد لم ينزل لأن اغلب الصفقات كانت بسعر اكبر من الاغلاق والعكس صحيح
وانت غير ملزم بشراء الكميه محل التعاقد منت ملزوم تدفع 4600 بس تشتري الكميه اذا السهم عدى 495 فلس
لأن التكلفه 300 + 4600 = 4900
تابع يومي تسعيره المال ع او الصناعات وشوف التغيير اليومي لسعر العقد
مع تغير السعر في السوق الرسمي
الاسهم لمذكوره كمثال وليس نصيحه للشراء
الأوبشن خطر امامك ومن خلفك ومن الجنبين كن حذر
سامحني على القصور

 

[صقر61]

صباح الخير اخوى مرسى اذا ممكن سؤال لو تكرمت
هل اذا شريت كميه عن طريق الاوبشن ممكن تكون ملزوم بكامل قيمتها ؟ ومتى يكون ذلك ؟
واسف على الازعاج

 

[مرسى]

صباح الخير اخوى مرسى اذا ممكن سؤال لو تكرمت
هل اذا شريت كميه عن طريق الاوبشن ممكن تكون ملزوم بكامل قيمتها ؟ ومتى يكون ذلك ؟
واسف على الازعاج

انت الزمت صانع السوق انه يسلمك الاسهم محل التعاقد خلال فتره التعاقد
حتى اخر يوم وانت لست ملزما بالشراء ( شراء الاسهم بعد اغلاق السوق لا تستطيع بيع الكميه قبل ان تستدخل العقد ولكن تقدر تبيع العقد الى صانع السوق )
تدفع فقط سعر الاتفاق مثل سعر السهم 460 تدفع 460 دك لكل الف سهم فقط
البريميوم دفعته عند العقد .

 

[صقر61]

بارك الله فيك اخى العزيز وتقبل منك كل اعملك الصالحه ومشكور وايد على الرد السريع .... وسامحونا على الازعاج