بكل بساطة وبكل سهوله كنسلوا الاسهم

[عبدالله_408]

شركة هافي ( Huffy ) شركة لها تاريخ قديم ماهي امس واليوم ومنتجاتها تتركز في الدراجات الهوائية وفي أدوات ومضارب القولف .
والشركة موصي عليها موقع عرض وطلب قبل سنتين تقريبا ووضع لها هدف ( 6 ) دولار
تواصلت المشاكل المالية والإدارية على الشركة وبالأخير طلبت الحماية من الإفلاس ( شابتر 11 ) وإعادة الهيكله ،،،
قلنا تمام الجماعة بيضبطون أمور الشركه وبعده بترجع للسوق من أحلى ما يكون ،،
وياولد الصبر زين ،، ووش هو له الاستعجال ،، وكل يوم والثاني وسعر السهم مدحدر اكثر من اليوم اللي قبله
وبرضه الصبر زين

بالاخير الشركه تعلن في 14 / 10 يعني تقريبا قبل ست ايام انها انتهت من سالفة الحماية من الافلاس ( افتكت من شابتر 11 ) ورجعت بشكل طبيعي وامورها باذن الله تمام

لكن اللي ماهو تمام امورنا احنا يالمساهمين
بكل بساطه وبكل سهوله كنسلوا اسهمنا وقالوا مالكم شي واطلبوا ربكم
طيب العالم اللي شارين وين راحت فلوسهم ومن يعوضهم ؟؟
من جد شي غريب وعالم ما ترحم ،،
فهل هذا هو احد انظمة السوق الامريكي ؟؟
اذا نعم فبصراحه نظام يخوف وحقك يمكن يضيع في لمحة بصر ؟؟

ارفقت لكم قصاصة الخبر واللي يبي يقراه كاملا يلقاه على موقع الشركة :

http://www.huffy.com/pressreleases.shtml

 

[m&m]

الله يعوضك
وانا سالت سوال هنا استفسر عن هذا الامر هل لو شريت قبل الهيكله واعادة التنظيم تبقى الاسهم
http://www.indexsignal.com/vb/showthread.php?t=28555

 

[m&m]

ووو

3- الشيء اللي ما فهمته هو اذا شريت السهم وتحولت للخاص تروح اسهمي
[/url]

 

[عبدالله_408]

طيب الحين الشركة صارت مغقله ؟؟

طيب اخوي الحين اصبحت مغلقه ؟؟

وبعدين بطريقتهم هذي ممكن اي واحد يصير له مثل اللي صار لي ويطلعونه زي السلام عليكم مفلس ؟؟

والله خوش نظام

قريت موضوعك انت كتبته قبل 3 اشهر تقريبا ،، لكن للاسف ما اطلعت عليه والا كان طلعت من الشركه من ذاك الوقت

لعل في الامر خيره ان شاء الله

 

[Friday]

في كل دول العالم هذا نظام الاسهم ولا يوجد شيء خاص في امريكا.

الاسهم العاديه Common Stocks تعتبر اخطر ادوات الاستثمار لانها لا تمثل التزام على الشركة المساهمه في حال الافلاس
لان الشركة اذا افلست يجب عليها بالدرجه الأولى ان تسدد للدائنين والموظفين واصحاب الاسهم الممتازه واذا تبقى شيء يرجع للمساهمين واذا لم يتبقى شيء سلامتك وتعيش ينتهي كيان الشركة وينتهي كل شيء.

هذا ليس في امريكا فقط انما كل الشركات المساهمه.

والله يعوض عليك.

 

[mohammed]

هذه دايم تسير في الشركا ت المفلسه وعا ده يشتريها اشخا ص عا يديين
وبعدين يحولونها الى مسا همه اخرى واصدارات جديده والملاك السا بقين
تروح علييهم وهذه صا رت مع 2 من الشبا ب اشتروى شركه اسمها
xoxo.ob طبعا مفلسه وبعد فتره شراها رجل اعما ل وحولها الى
شركه نفس المجا ل ومو جوده في السوق برمز xocm وراحت على
الاخوان مبا لغ اكثر من 30 الف دولار بين عشيه وضحا ها
الزبده من الموضوع انتبهوا من شركا ت اللى اخرها .ob او .pk

والله يعوضك با لخير

 

[عبدالله_408]

الشركة ما فلست

يافرايدي الشركة ما فلست
الشركة كنسلت اسهمها السابقه وبدات في اصدار اسهم جديده للمقرضين وما زالت شغاله في نفس مجالها
=======

اخوي محمد اول ما شريتها ما كان الرمز اللي تقوله موجود
وشريتها على توصيه من موقع عرض وطلب

الله يعوضنا بخير منها ان شاء الله