لماذا لا تكون نظره تفائليه للمخازن

العوضى

عضو نشط
التسجيل
12 أكتوبر 2005
المشاركات
1,766
مع نزول سهم المجموعه الذهبيه , انقلب الكثيرين على هذا السهم الجيد , و غالبية المشاركين يسودهم الحاله التشائميه , وقد حكموا على ارباح الربع الثالث قبل ان تقرر , لكن اذا نظرنا للمسأله بنظرة تفائليه , وبأن المجموعه فاجأتنا بأرباح جيدة وأدى ذلك لإنقلاب الموازين وصعود أسهم المجموعه , وأن المسأله كانت عمليه مضاربه , او حركه من المجموعه للربح على حساب صغار المستثمرين , أليس من الممكن ان يصدق الهامى , على العموم كلها كم يوم وتطلع نتيجة الأرباح , وآنه شخصيا متفائل , وعندى ثقه بالمخازن شريكاتها , ورمضان كريم
 

البواردي

عضو نشط
التسجيل
28 فبراير 2005
المشاركات
1,686
الإقامة
المخ التجاري
والله طاحت ايدي من كثر ما كتبت عن التفاؤل بالنسبه لاسهم المخازن لكن المحاربين وايد
انا عندي نقطه ودي اقولها
اللي اهي ان في الكثير ومن ضمنهم انا واعوذ بالله من كلمت من الناس اللي احتفظوا بالاسهم هذي من قبل لا تتفصخ والى اليوم ما بعت شي منهم ولو اني بايع جان خسران صدقوني وخساره كبيره بعد لكن لله الحمد سيطرت على الوضع باخذي للارباح وزيادة راس المال بالمخازن هالامور غيرة اشياء كثيره عندي وكانت خسارتي بدون ىمبالغه لا تقل عن الـ35الف دينار بالمخازن وسلطان والوطنيه لكن ما خسرت في بيان ولا لبنانيه ولله الحمد

لكن الفقير اللي شرا المخازن عقب ما تفصخت شنو مصيره ؟؟؟
الحال اهني بالمنتدى ومن اغلب الاعضاء اللي ما قدرو يستفيدون من المخازن وربعها يحبون الشماته باخوانهم ودائماً يكتبون قلنالكم وقلنالكم وما يعطون حلول ولا يحاولون يساعدون اخوانهم اللي خسروا فلوسهم وباعو سياراتهم مثل ماا قرينا في الجرايد ما يساعدونهم بوضع حلول ولا يصبرونهم ولا يساعدون بكلمه حلوه بس مهمتهم تكسير المجاديف ولو يعلق السهم مثل ما علق قبل تشوفهم بالسوق من اول الناس مجابلين الدلال ويترجونه تكفى حط امري وتكفى وتلقاهم يشتركون بالاوسط بروو وفي منهم يغرون الدلال بفلوس عشان يشتريلهم ومن الله يوفقهم ويشترون السهم يردون يكتبون عدل ويمدحون السهم واذا باعوووو يرجعون يكسرون المجاديف ....

اخوي الزبده في ناس وايد يغلب عليهم الحسد ولا يحبون احد يربح اهني بالمنتدى ويكتبون كتابات تكسر العظام لكن شنقول لهم غير حسبي الله ونعم الوكيل في اي احد يحاول ان يطبل لسهم واهو ما يستحق او يكسر سهم واهو يستحق



المخازن اليوم ممتازه للتبريد اخذوها وبردو يا جماااااااااااااعه وسلطان بعد ممتاز للتبريد والوطنيه


وشوف يا العوضي الردود اذا ما نحذف الموضوع

تحياتي
 

العوضى

عضو نشط
التسجيل
12 أكتوبر 2005
المشاركات
1,766
الصبر مفتاح الفرج

شكرا أخوى البواردى , بس مثل مافيه ناس تهبط الواحد , فيه مشاركين ماشاله عليهم , يعجبونك بتحليلهم ويتركون لك الخيار , ولا تلوم البعض , ترى الله العالم بحالهم , مشكلتهم انهم عندهم بصر بس للأسف ما عندهم بصيره , الواحد لازم يشوف لجدام اذا كان فعلا مرتاح و واثق من السهم اللى ماخذة , والمخازن الشركات والهيئات وأغلب العالم حاطين فلوسهم فيها , كلهم غلط مو معقوله , صج السهم بالنازل , بس نزول مؤقت وقريب يطلع المسأله كلها مضاربه بين كباريه على حساب العالم , وهذا شى طبيعى , لا تنسى انت بسوق الأسهم لازم تتحمل , والربحان اللى عنده صبر , ولا تنسون زكاة الفطر بارك الله فيكم , ورمضان كريم
 

كويتي 2005

عضو نشط
التسجيل
2 مايو 2005
المشاركات
288
شوفوا هناك امر مهم لسبب نزول المخازن وهو
ان المخازن حسب ما وصلني ان ربحها قليل جدا بالنسبة لسعرها
يعني ربحها قريب 70 فلس وسعرها قرب 3 دنانير اكيد راح ينزل والكل ببيعه

يعني لو تقارن سهم المخازن مع غولغ انفست الي سعره بسيط وربحيته 50 فلس ، شلون تبي الناس ما تبيع المخازن وما تبيه ينزل اذا الأسهم الي سعره اشويه ربحيته أكثر من المخازن الي سعره غالي

انا الحين ناطر يوصلنا ربحية سلطان اشكثر
بسبب تره المخازن طلعت ارباحها اي كلام ، يعني العقود الملياريه بسعر التكلفه الظاهر ارباح مافيييييييييييييييييييش

هذا التحليل الي وصلني من احد المختصين بشؤون المخازن
يعني المخازن قالت للي شروا بالعالي
صادوووووووووووووووه ;)
 

السهم الخارق

عضو نشط
التسجيل
11 أغسطس 2004
المشاركات
425
كويتي 2005 قال:
شوفوا هناك امر مهم لسبب نزول المخازن وهو
ان المخازن حسب ما وصلني ان ربحها قليل جدا بالنسبة لسعرها
يعني ربحها قريب 70 فلس وسعرها قرب 3 دنانير اكيد راح ينزل والكل ببيعه

يعني لو تقارن سهم المخازن مع غولغ انفست الي سعره بسيط وربحيته 50 فلس ، شلون تبي الناس ما تبيع المخازن وما تبيه ينزل اذا الأسهم الي سعره اشويه ربحيته أكثر من المخازن الي سعره غالي

انا الحين ناطر يوصلنا ربحية سلطان اشكثر
بسبب تره المخازن طلعت ارباحها اي كلام ، يعني العقود الملياريه بسعر التكلفه الظاهر ارباح مافيييييييييييييييييييش

هذا التحليل الي وصلني من احد المختصين بشؤون المخازن
يعني المخازن قالت للي شروا بالعالي
صادوووووووووووووووه ;)

والله ماني فاهم عليك يا كويتي 2005 وش تقصد بال 70 فلس
هي المخازن ربحانة بالنص 117 فلس واذا قصدك ربح الربع الثالث 70 فلس
حلو نجمعهم = 187فلس زين على سعرها الحالي
 

العوضى

عضو نشط
التسجيل
12 أكتوبر 2005
المشاركات
1,766
كلامك عدل يا السهم الخارق , وارجع واقول تفائلوا بالخير تجدوه , وأيام معدوده و تطلع الأرباح , شورانه , إهى خربانه خربانه , ما لنا غير الصبر , ورمضان كريم , وحتى لو كانت الأرباح لك عليها , هذا مو معناته ان السهم موشى , بالعكس , المخازن ارباحها على المدى المتوسط و البعيد , و هنياله اللى ينطر وما يستعجل ويبيع .
 

ابوفهد@

عضو نشط
التسجيل
19 أكتوبر 2005
المشاركات
188
الإقامة
الكويت
الصبر مفتاح الفرج

ياجماعة راح الكثير ومابقا الا القليل 0 تفكرون تبيعون الحين 0 المجموعة الدهبية لاغبار عليها والاشاعة عن جميل السلطان بانة قاعد يصفى حساباتة هدا غيرصحيح0 جميل السلطان حاليا فى الاردن لعقدصفقة لمركز سلطان وهدا الخبر سمعتة من صديق مقرب منة - والاشاعة الثانية بان خلاف قوى او هوشة بين جميل و لخرافى وعشان شدية قاعد لخرافى ينزل المجموعة- فىاحد عاقل يصدق هالكلام -اشوفكم على خير :)
 

alajmiktv

عضو نشط
التسجيل
23 ديسمبر 2004
المشاركات
557
الإقامة
kuwait
انا واعوذ بالله من كلمة انا أعتقد سبب تدني مستوى أسعار اسهم مجموعة المخازن هو إنعدام الثقه ما بين صغار المستثمرين والمجموعة والسبب الثاني هو إنشغال المحافظ ببعض الأسهم المجديه بالوقت الحالي((الاهلية -جراند -المجموعة الدولية - الصناعات )) ,, وهبوط أسعار المجموعة ماله أي علاقة بأرباح الشركات التابعه للمجموعة .

السيناريو القادم ((بعد إعلان الارباح))
تسابق المحافظ على اسهم المجموعة وهذا بسبب الارباح الجيدة او الممتازة .. وتسابق صغار المستثمرين والمضاربين(( السردين على قولة ناصر القصبي )) للإستفادة من قدر المستطاع . وفالكم طيب :)

للعلم لا أملك بالمجموعه بس هذا تحليلي
 

الاسطوره

عضو نشط
التسجيل
16 أكتوبر 2005
المشاركات
1,148
الإقامة
الكويت
لا يا كويتى 2005

لا يا كويتى 2005 --- انت قاعد تتكلم عن سوق صنعاء ولا شنو بالضبط
لا تقارن سهم المخازن بسهم غلف انفست000000

ارجو عدم بث الاشاعات او الاستهزاء بكاتب الموضوع 000
 

asfoor71

عضو نشط
التسجيل
12 أغسطس 2005
المشاركات
221
الاسطوره قال:
لا يا كويتى 2005 --- انت قاعد تتكلم عن سوق صنعاء ولا شنو بالضبط
لا تقارن سهم المخازن بسهم غلف انفست000000

ارجو عدم بث الاشاعات او الاستهزاء بكاتب الموضوع 000
والله حيرتونا وماندرى شنسوى الله يعينا وياكم رجاء شباب لحد يكتب شى مو متاكد منه ترى طلعت نخله براسى ودمتم
 

Quarter

عضو نشط
التسجيل
21 أكتوبر 2005
المشاركات
62
alajmiktv قال:
انا واعوذ بالله من كلمة انا أعتقد سبب تدني مستوى أسعار اسهم مجموعة المخازن هو إنعدام الثقه ما بين صغار المستثمرين والمجموعة والسبب الثاني هو إنشغال المحافظ ببعض الأسهم المجديه بالوقت الحالي((الاهلية -جراند -المجموعة الدولية - الصناعات )) ,, وهبوط أسعار المجموعة ماله أي علاقة بأرباح الشركات التابعه للمجموعة .

السيناريو القادم ((بعد إعلان الارباح))
تسابق المحافظ على اسهم المجموعة وهذا بسبب الارباح الجيدة او الممتازة .. وتسابق صغار المستثمرين والمضاربين(( السردين على قولة ناصر القصبي )) للإستفادة من قدر المستطاع . وفالكم طيب :)

للعلم لا أملك بالمجموعه بس هذا تحليلي

الكلام الوحيد المقنع بالمنتدى عن وضع المخازن! وايد ناس عايشة وهم المؤامرات و الحروب الخفية (عرب ماكو فائدة) :p
 

fmhalhd

عضو نشط
التسجيل
2 يوليو 2005
المشاركات
213
السلام عليكم

يااخوان اللي نزل مجموعة المخازن صغار المستثمرين وكانهم متفقين وخاصة ارتفاع المجموعات الاخرى كانوا يبون يعوضون خسارتهم
والتداول الايام اللي طافت البيع للصغار واللم للكبار وعلى الهادي وهذا
اللي يبونه

والله يرزقنا من حلاله عن حرامه ويعيننا على ذكره وشكره وحسن عبادته​
 
أعلى